Morgunblaðið - 27.06.1984, Blaðsíða 29

Morgunblaðið - 27.06.1984, Blaðsíða 29
MORGUNBLAÐIÐ, MIÐVIKUDAGUR 27. JÚNl 1984 69 VELVAKANDI SVARAR í SÍMA 10100 KL. 11—12 FRÁ MÁNUDEGI 'tL „TIL FÖSTUDAGS Kvittað fyrir sendingu Guðni Björgúlfsson skrifar. Velvakandi. Ekki má minna vera en ég svari grein Ólafs M. Jóhannes- sonar í Morgunblaðinu 20. júní síðastliðinn. Það er alltítt um gagnrýnend- ur að þeir setji upp hundshaus eða einhvern þrákelknissvip ef einhver verður til að andmæla því sem þeir skrifa. Þetta verður ekki sagt um ólaf því að öll er grein hans allmálefnaleg. Hann segist hafa ákveðna grunn- menntun í sálarfræði og kunna því nokkur skil á hugtakafræði (terminology) hennar. Það kem- ur ekki fram í grein Ólafs að svo sé en skal þó að öðru leyti ekki dregið í efa. En það er fullljóst að hugtakafræðin gerir engum skaða ein og sér. Hún er ekki annað en viðmiðun sem nauð- synlegt er að hafa til að unnt sé að gera sér grein fyrir þeim „mótor" sem liggur að baki ákveðnu sjúklegu atferli og þá um leið hvernig beri að nálgast það. Hugtakafræðin er því ekk- ert límmiðakerfi — hún er nauð- synlegt aðhald. Ég er ekki viss um að það sé rétt hjá ólafi að sálfræðingar tuttugustu aldar séu hrifnir af límmiðum eða einhverri mörkun á þeim sauðum sem til þeirra leita. Þvert á móti held ég að rutt hafi sér til rúms það jafn- réttissjónarmið, ef ekki ber að segja sú hræsni og lágkúra, að sjúklingar fái almennt engin svör við þvi hvað ami að og eru þá komnir í slóð Don Kíkóta og berjast við vindmyllur einar. Það er rétt hjá þér, Olafur, að ég held mig við sígild rit um sálar- fræði. Eg lít á þau sem leiðar- Ijós. Eins og fram kom í grein minni geta slfk rit aldrei verið einhver opinberun, stóri sann- leikur, og ennþá síður heilagur sannleikur. Ekki uni ég því að vera settur á bekk með ósýnilegum hobbit- um eða að ég feti slóð þeira þó svo að ég hafi gagnrýnt grein þína um peirra mynd. Grein mín er skrifuð undir fullu nafni og að mínu mati að gefnu tilefni. Að lokum þetta: Ég les gagn- rýni þá er birtist á sfðum Morg- unblaðsins, hvort heldur er um kvikmyndir, leikverk, tónlist eða bókmenntir. í þessari gagnrýni hefur mér oft fundist brydda á einhverri vatnsgrautarvorkunn- semi, að ekki sé sagt þjónkun við óskilgreind hagsmunaöfl. Það er fráfælandi að lesa slíkt til lengd- ar. Ég vil þó taka fram að það er skoðun mín að persónubundin stíll ólafs og oft á tfðum sérstæð efnistök hefji hann yfir gagn- rýni af því tagi. Bréf frá Andöy í Norður-Noregi Sveinn Bergsson frá Andöy skrif- ar: Komdu nú blessaður og sæll. Mig langaði til að senda þér nokkrar línur héðan frá Norður- Noregi. Ég hefi verið svo heppinn, að fá send bloðin að heiman reglu- lega og hefi fylgst með þvf sem þar gerist. Ég get nú ekki annað sagt en að það sé sumt af þeirri tegund að mann hryllir við að lesa um það. En það var annað sem hafði mikil áhrif á mig og sem mig lang- ar til að minnast nánar á í þessu bréfi. Ég las í Lesbokinni nú fyrir skömmu að það standi til að endurskipuleggja gamla Skugga- hverfið. Þetta kom eins og reið- arslag yfir mig og gerði mig mjög leiðan í skapi. Ef til vill er það vegna þess að ég er fæddur og uppalinn í Skuggahverfinu og það hverfi er mér kærast af öllu f Reykjavík og höfuðborgin verður ekki hin sama ef elsta hverfi borg- arinnar verður breytt. Ég er nú ekki gamall maður en ég man eftir mörgum gömlum og góðum verslunum sem því miður eru farnar að týna tölunni. Sér í lagi man ég eftir einni í barnæsku minni sem við í fjölskyldunni skiftum mikið við. Kaupmaðurinn gamall með gleraugu sem hann hafði ýmist niður á nefbroddinum eða þá hann slengdi þeim upp á beran skallann þegar hann reikn- aði í huganum. Búðin var um leið samastaður fyrir fólk sem vildi koma og eyða tímanum með því að rabba við kaupmanninn og aðra. Á gólfinu voru mjölsekkir og kvartel undan vínberjum sem menn sátu á og ræddu um landsins gagn og nauðsynjar og ekki var frítt við að stjórnmál væru nefnd. Mörg atvik man ég í sambandi við það en ég nefni það ekki að þessu sinni. Þeg- ar maður var sem æstastur þá vildi það oft til að menn stálust bak við búðarborðið og brugðu hendi niður í skúffu og tóku hand- fylli af sveskjum eða rúsínum og mauluðu f hita umræðnanna. Ég man eftir lyktinni. Það var alveg sérstök lykt í þessum verslunum. Þær höfðu svo sætan ilm sem kom af þurrkuðum ávöxtum og svo þegar fór að líða að jólum, þá kom jólalyktin, epli, appelsínur, perur og vínber. Það var í þá daga, þegar það þótti nýjabrum að fá ávexti, ekki eins og í dag þegar það er orðið hversdagslegt. Já, þetta var á þeim áruin og því miður er engin slík verslun eftir í hverfinu. En ennþá eru þar smákaupmenn og vonandi verða þeir ekki hraktir úr hverfinu. Það eru svona minn- Það er mikill munur á verslunarháttum nú og þeim sem tíðkuðust áður fyrr. ingar sem koma upp f huga manns þegar maður kemur á gamlar slóð- ir. Það verður aldrei eins þegar öllu hefur verið breytt. Það hefur verið einmuna tíð hér í Norður-Noregi núna í vor og á tímabili var sólskin og hiti upp f nær 30 stig. Fólk réð sér ekki fyrir kæti og var farið að vonast eftir góðu sumarveðri. Hvarvetna sá maður fáklætt fólk f görðum og jafnvel í búðirnar kom fólk bara í sundfötum. Fólk notaði mikið fínu baðstrendurnar, sem eru hér á eyjunni, því það er orðið æði langt siðan það hefur fengið tækifæri til þess. Otrúlegt en satt, Andöy hef- ur fínustu baðstrendur f Norður- Evrópu. Það er bara synd hve sjaldan maður getur notað þær. Það gekk svo langt að það var far- ið að afpanta ferðir til Spánar. En gamla fólkið hristi bara sitt gráa höfuð og sagði að það væri ekki enn kominn hvítasunna. Gamla fólkið vissi lengra en nef þess náði. Rétt fyrir hvítasunnu kom hann með hret og þá fór hitinn niður úr öllu valdi og það tók til að snjóa í fjöll og í byggð gekk hann á með snjó- og slydduéljum. En til allrar hamingju varð þetta hret skammvinnt og hitinn á uppleið svo að ennþá er engin hætta á því að við fáum kuldasumar. Mér til mikillar ánægju hef ég fylgst með þvf í bloðum að heiman að það gangi ferja á milli Noregs og Islands og þar sem ég er mjög sjóhraustur og hef gaman af sjó- ferðum datt mér f hug að grennsl- ast fyrir um slfkar ferðir. Svo er nefnilega mál með vexti að kona mín er f hjólastól og það var nú vegna hennar líka að ég ætlaði að fara þessa leið. Ég skrifaði og bað um upplýsingar um skipið og hvernig það væri útbúið gagnvart fötluðu fólki og þeim sem þurfa að nota hjólastóla en þær voru bara neikvæðar: gangar þröngir, háir þröskuldar og þar fram eftir göt- unum. Hér í Noregi eru frændur vorir komnir skör ofar en íslend- ingar varðandi þægindi fyrir fatl- aða. Það hafa verið tekin í notkun nokkur ný strandferðaskip og eru þau þannig útbúin að nú geta fatl- aðir og sér í lagi þeir sem eru í hjólastólum, haft greiðan aðgang að þeim. Gangar eru breiðir, sett hefur verið lyfta sem gerir þá sem í hjólastólum eru jafn færa og fríska að komast um borð sem aðra. Við eigum geysimikið úrval af rúmum og nú bjóðum við þér alveg sérstök tilboðskjör. Meðan birgðir endast RÚM MEÐ DÝNU Undir 10.000, 2.000 út gr. 1.000 á mán. 10.000—15.000, 3.000 út. gr. 1.500 á mán. 15.000—20.000, 4.000 út gr. 2.000 á mán. Yfir 20.000, 5.000 út gr. 2.500 á mán. Hilda Úrvaliö af fururúmum er geysilega gott. Á mynd- inni séröu tegund Hilda. Verö meö dýnum kr. 19.910. Náttborö verö kr. 2.860. Kan Taktu eftir verðinu á þessu setti. Allt settiö kr. 14.780 m/dynum. Og fyrir börnin bjóðum viö hinar vinsælu barnasamstæöur i Ijósu furulíki semer allt í senn hirslur, klæða- skápar og rúm. Öll samstæðan meö dínu og þremur púöum á 14.960.- Aðeins 2.500 út og 1.500 á mánuði. BDS6A6NASÖLLIN BlLDSHÖFOA 20-110 REYKJAVlK 8 91-41199 og 81410

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.