Morgunblaðið - 10.08.1984, Blaðsíða 5

MORGUNBLAÐIÐ, FÖSTUDAGUR 10. ÁGÚST 1984
5
Berjaspretta er
bezt á Austfjörðum
í HallormssUðaskógí er eitt fjölbreyttasta berjaland landsins.
ÞGGAR líða tekur á ágústmánuð
fara landsmenn að hugsa til berja og
hvar þau sé helst að finna. Skv. upp-
lýsingum Morgunblaðsins er spretta
víðast hvar sæmileg, þótt sums stað-
ar skorti sólskinið til að reka enda-
hnútinn á afrakstur sumarsins.
Ef farið er norður með Vestur-
landi og þaðan hringinn í kringum
landið hefst ferðin í Borgarfirðin-
um. Þar tjáði frettaritarinn í
Miðhúsum blaðinu að nokkuð væri
um ber en þau þyrftu enn að njóta
sólar í viku til að fullþroskast, en
upp á síðkastið hefur verið mikil
óþurrkatíð. Ekki væri jafn mikið
um krækiber eins og oft áður og
vildi hann kenna um vorhreti sem
kann að hafa eyðilagt blómgun-
Metal Bulletin:
artíma lyngsins. En ef allt gengur
að óskum ætti að vera hægt að
tína fyrir alvöru í lok mánaðarins.
I nágrenni Stykkishólms er nú lé-
legt berjaár, enn verra en í fyrra
að sögn fréttaritara Mbl. Mikið
hefur rignt og er það líklegasta
ástæðan fyrir sprettunni og jafn-
vel þó að eitthvað rætist úr veðr-
inu héðan af verður lítið um ber
með haustinu þar um slóðir.
Á Vestfjarðakjálkanum er mis-
jöfn berjaspretta. í kringum ísa-
fjörð er töluvert um aðalbláber og
krækiber og útlit fyrir góða berja-
tíð. Síðastliðið haust snjóaði
snemma og lyngið lá undir fönn
langt fram eftir vori, þannig að
þótt ekki hafi viðrað í upphafi
sumars tókst blómgun vel. Inni í
ísafjarðardjúpi er ekki eins góð
spretta en ef vel viðrar og ekki
frystir gæti ræst úr henni.
Norðurlandið býr misvel af
berjum og því betur sem austar
dregur. í Svarfaðardalnum lítur
vel út með berjasprettu ef sólin
sýnir sig í tæpa viku enn og er svo
víðar í Eyjafirðinum. Krækiber og
bláber eru í miklum meirihluta
þar en aðalbláber eru sjaldgæfari.
Ekki er farið að tína að ráði en
fólk frá Akureyri og lengra að hef-
ur sést verið að tína sér til gamans
á helstu berjasvæðunum s.s. við
Kúnstaðarháls. Við Húsavík er
mikið um ber og eru börnin farin
að tína þótt heimamenn telji það
enn ekki ómaksins vert, að sögn
fréttaritara á staðnum. Mikið er
um bláber en þó virðist sem
krækiberin verði enn fleiri ef ekki
koma frostnætur í bráð. Ætti því
að vera hægt að byrja berjatínslu
fyrir alvöru eftir rúmar tvær vik-
ur.
í Hallormsstaðaskógi er fjöl-
breytnin hvað mest í berjunum en
fyrir utan þau hefðbundnu leynast
þar villt jarðarber og hrútaber
sem þó eru ekki mikið tínd að því
er Guttormur Þormar í Geitagerði
á Fljótsdalshéraði best vissi.
Krækiberin eru orðin fullþroskuð
en bláberin virðast aðeins seinni
til þó ekki sé þeirra langt að bíða .
Á Seyðisfirði fengust þær fréttir
að inn með fjörðunum væru gíf-
urlegar berjabreiður og allir sem
áhuga hefðu ættu að geta fengið
nægju sína. Eins og allir vita hef-
ur tíðin verið með eindæmum góð
á þessum slóðum og mikill þurrk-
ur, svo að á túnblettum heima við
hús er jörðin hálfsviðin. Ekki virð-
ist vætuskorturinn þó hafa dregið
úr berjasprettunni að því að
fréttaritari sagði og fóru margir
að finna til tínurnar fyrir hálfum
mánuði, og enn er nóg af berjum,
jafnt krækiberjum og bláberjum.
Á Suðurlandi hefur vætutíðin
komið niður á fleiru en heyskap. Á
flestum stöðum þar sem Mbl. leit-
aði sér upplýsinga bar fólki saman
um að berjaspretta væri með
minna móti og lélegri en í fyrra.
Að sögn fréttaritarans á Hvols-
velli er helst að finna þroskuð ber
innarlega í Þórsmörkinni en ekki
er fært fólksbílum á þær slóðir.
Einnig er nokkur spretta inni við
Landréttir. Ekki var vitað með
vissu hvernig berjatíðin yrði í
Þjórsárdal en Jón ólafsson í Geld-
ingaholti sagði að ef berin hefðu
tekið jafnvel við sér í vor og annar
gróður á úthögum þá yrði líkleg-
ast sæmilegt berjaár þar. Aðal-
lega er að finna krækiber en blá-
ber eru þó til.
í þjóðgarðinum á Þingvöllum
varð sr. Heimir Steinsson fyrir
svörum. Hann sagði að mikið
hefði rignt á Þingvöllum eins og
annars staðar á Suðurlandi i
sumar og lítið væri um ber í ár,
enn minna en í fyrra. Þjóðgarður-
inn er því ekki heppilegur áning-
arstaður fyrir þá sem hafa hugsað
sér að tína ber, og virðist helst
sem höfuðborgarbúar sem og aðrir
ættu að skella sér austur í blíðuna
í berjaleit.
Alusuisse hefur
aðeins gálgafrest
í BRESKA tímaritinu Metal Bulletin
var nýlega sagt frá þrefaldri hækkun
raforkuverðs til álverksmiðju í
Afríkuríkinu Ghana, sem rekin er af
fyrirtækinu Valco.
í fréttinni kom fram að eftir
átján mánaða samningaviðræður
hafi náðst samkomulag í mörgum
atriðum. Raforkuverð var hækkað
úr fimm mills í 17 mills, sam-
komulag náðist um hærri inn-
flutningsgjöld, hærri tekjuskatt,
skömmtun raforku á þurrkatím-
um og hömlur voru settar á
tollfrjálsan innflutning.
Blaðið segir þetta samkomulag
einkennandi fyrir þá breyttu tíma
sem nú ríkja í áliðnaðinum. Nú
væri verið að endurnýja hagstæða
samninga sem á sinum tíma hefðu
verið gerðir til að laða að stórfyr-
irtæki til að fjárfesta og bæta at-
vinnuástand. Blaðið telur að sá
tími sem samið var á í Ghana hafi
aðeins verið gálgafrestur, meðal
annars á sama hátt og viðræður
íslendinga við Alusuisse og Pech-
iney í Grikklandi.
Sú sem allir hafa beðið eftir
Stendur
sem hæst
í sex
verslunum
samtímis
Topp sumarvörur
um há sumarið
Mjög gott úrval sumarfatnaöar
• Buxur—Kaki—Denim—Popplín • Blússur — skyrtur — peysur
• Sportjakkar herra og dömu • Jogging-fatnaöur á allan aldur
• Bolir i gífurlegu úrvali • Jakkar úr léttum sumarefnum
V

Laugavegl 66^^
Sími frá skiptiboröi '45800.
Bonaparte P
. Auslurstræh 22 \. /
'ABÆH garbo
Laugavegi 30.