Morgunblaðið - 04.01.1985, Qupperneq 5

MORGUNBLAÐIÐ, FÖSTUDAGUR 4. JANÚAR 1985
5
Veðurfarið 1984:
Símar: 20345, 38126, 74444
Frá kl. 13-19

Kynningarþáttur fyrir
byrjendur í tölvunotkun
Út er kominn á mvndbandi hálf-
tíma langur kynningarþáttur fyrir
byrjendur í tölvunotkun. Nefnist þátt-
urinn Tölvukynni IBM PC og eru höf-
undar hans þeir Hákon Oddsson,
kvikmyndagerðarmaður og dr. Oddur
Benediktsson, sUerðfræðingur. Útgef-
andi er fyrirtækið Tölvuþekking.
Markmið þáttarins er sýni-
kennsla í meðferð algengs vél- og
hugbúnaðar. Efnið er kynnt í stutt-
um köflum og eru helstu efnisþætt-
ir þessir:
Kynning á vélbúnaði; Tölva, jað-
artæki og meðferð disketta; Rit-
vinnsla II; MULTIPLAN töflu-
reiknirinn; BASIC forritunarmálið;
PC-DOS stýrikerfið og d-BASE II
skráarvinnslukerfið.
í frétt frá útgefanda segir, að
reynslan sýni að oft sé erfitt fyrir
tölvunotendur að hefja notkun
einkatalva og dugi prentaðar leið-
beiningar þá stundum skammt.
Þættinum sé ætlað að kynna
ofangreinda efnisþætti á einfaldan
og myndrænan hátt, en að sjálf-
sögðu sé einungis um afar stutta
kynningu að ræða á hverjum efnis-
þætti fyrir sig.
Þess er samt vænst, að þátturinn
veiti vissa sýn yfir algengan undir-
stöðuhugbúnað og vélbúnað tölva á
borð við IBM PC.
MEÐALHITI ársins 1984 var heldur
hærri á Akureyri en í Reykjavík.
Meðalhitinn var 4,2 stig á Akureyri
en 4,0 stig í Reykjavík. A Akureyri er
þetta 0,3 stigum yfir meðalhitanum
1931—1960 og 1,0 stigi hlýrra en á
árunum 1961—1980. í Reykjavík var
árið hins vegar 1,0 stigi kaldara en
árin 1931 — 1960 og 1,5 stigi kaldara
en árin 1961 —1980.
Ársúrkoman var um 1000 milli-
metrar í Reykjavík, sem er helm-
ingi meiri úrkoma en mældist á ár-
inu á Akureyri. Er það yfir meðal-
tali á báðum stöðunum. Sólskins-
stundir urðu sem næst 980 í
Reykjavík en 1040 á Akureyri. í
Reykjavík vantar þá um 270 klukk-
ustundir upp á meðaltalið fyrir
1931—1960 og 325 sé borið saman
við árin 1961—1980. Á Akureyri ur-
ðu sólskinsstundirnar um það bil
80 fleiri en á árunum 1931 — 1960 en
25 færri en þær reyndust að meðal-
tali árin 1961—1980.
Þetta kemur fram í yfirliti Veð-
urstofu íslands á veðurfari ársins
1984. Einstökum mánuðum er
þannig lýst í yfirlitinu: f janúar var
rysjótt tíð og kalt um allt land, hiti
2,7 stigum undir meðaltali áranna
1931—1960. Vestan til á landinu
var óvenju snjóþungt. Með febrú-
armánuði tók að skipta mjög f tvö
horn um veðrið á landinu. Vestan
til var áfram hretviðrasamt og
óvenju snjóþungt allan veturinn,
en frá Norðurlandi til Suðaustur-
lands var góð tíð og óvenju snjólétt.
Mánuðina febrúar til apríl var
meðalhiti á öllu landinu um 1 stig
yfir meðallagi, norðan lands og
austan um 2 stig yfir því, en víðast
suðvestan og vestan lands var hit-
inn lítið eitt undir meðallagi. Vind-
ar milli suðurs og vesturs voru tíð-
ari en venja er til og hélst svo fram
undir haust.
Maí var fremur kaldur en alls
staðar var þó kominn góður gróður
í mánaðarlok og var hann talinn
um mánuði fyrr á ferðinni en árið
áður. f Reykjavík var úrkoman
40% umfram meðallag en á Akur-
eyri og á Höfn var hún minni en í
meðalári.
f Reykjavík var úrkoman meiri
en i meðalári alla mánuði frá
febrúar til ágúst og mest að tiltölu
í júlí og ágúst. Á Akureyri var úr-
koman breytilegri. Hún var meiri
en í meðalári í febrúar, apríl og
júní en minni i mars, maí, júlí og
ágúst.
f júní og júlí var hitinn um með-
allag í Reykjavík, en í ágúst 0,9
stigum undir því. Á Akureyri var
hlýtt alla þessa mánuði, einkum þó
í júlí og ágúst, en þá var hitinn
tæplega 2 stigum yfir meðallagi.
V
Höfundur þáttarins Tölvukynni IBM PC, þeir Oddur Benediktsson, stærð-
fræðingur og Hákon Már Oddsson, kvikmyndagerðarmaður.
Ósiðlegir
tilburðir
LÖGREGLAN í Reykjavík leitaði í
gær án árangurs manns, seni hafði í
frammi ósiðlega tilburði við 11 ára
stúlku í Sæviðarsundi.
Það var laust eftir hádegi að
maðurinn renndi á bifreið sinni upp
að stúlkunni, sem var á gangi í Sæ-
viðarsundi. Sté hann út úr bifreið-
inni og leysti niðrum sig fyrir fram-
an stúlkuna. Að því búnu sté hann
upp í bifreiðina á ný og ók hratt í
burtu.
Stúlkan gat aðeins gefið ófull-
komna lýsingu á manninum og bif-
reiðinni. Taldi hún manninn um
þrítugt. Ef einhver telur sig geta
veitt upplýsingar um þetta mál er
hann beðinn að hafa samband við
lögregluna.

Mjög hlýtt var um allt land fyrstu
viku júní og einnig fyrstu 9 dagana
í júlí.
> í september var vindur norðlæg-
ari en áður og rösklega 1 stigi kald-
ara en í meðalári í Reykjavík og á
Akureyri en á Höfn var mun mild-
ara.
Haustmánuðina október og nóv-
ember var lengst af stillt veður og
svalt. í Reykjavík og á Akureyri
var 1,5—2,0 stigum kaldara en í
meðalári, en á Höfn var hitinn um
meðallag. Úrkoma var minni en í
meðalári nema á Akureyri í nóv-
ember.
Desember hefur verið umhleyp-
ingasamur og úrkoman verður
meiri en í meðalári bæði í Reykja-
vík og á Akureyri. Hitinn verður
rétt yfir frostmarki á báðum stöð-
unum, en það er 'k stigi kaldara en
í meðalári í Reykjavík og 'k stigi
hlýrra en í meðalári á Akureyri.
BMW-bifreiðin á árekstursstað.
Morgunbla4iS/Þ6r ólafgson.
Geysiharður árekst-
ur í Hafnarfirði
GEYSIHARÐUR árekstur varð á
Reykjanesbraut fyrir ofan Hafnar-
fjörð um fimmleytið sl. sunnudag.
Þar rákust saman BMW-bifreið
á norðurleið og Volkswagen-bif-
reið á suðurleið. í fyrrnefndu bif-
reiðinni voru hjón og slösuðust
bæði, eiginmaðurinn fótbrotnaði
og konan meiddist innvortis og
liggur nú í sjúkrahúsi. í síðar-
nefndu bifreiðinni voru tveir
varnarliðsmenn og handleggs-
brotnaði annar þeirra. Báðar bif-
reiðirnar eru mjög mikið skemmd-
ar ef ekki ónýtar.
Pilturinn, sem lést í bílslysi á
Grindavíkurvegi aðfaranótt sl. laug-
ardags, og myndin hér að ofan er af,
hét Oðinn Kristjánsson. Hann var
16 ára og bjó hjá foreldrum sfnum í
Hofgerði 5 í Vogum.
<*<►
DPnSSHDLI
STURIDSSOnRR
Lést í bílslysi
Hlýtt og þurrt á Akureyri en
kalt og sólarlítið f Reykjavík