Morgunblaðið - 07.02.1985, Blaðsíða 28

28
MORGUNBLAÐIÐ, FIMMTUDAGUR 7. FEBRÚAR 1985
Astralía:
Mótmæla MX-
eldflauginni
Sydncy, Ástralíu, 6. febrúar. AP.
KJARNORKllVOPNAANDSTÆÐINGAR hrósuöu í dag
sigri eftir aö Bob Hawke, forsætisráðherra Ástralíu, ákvað að
hætta við fyrri ákvarðanir um að aðstoða Bandaríkjamenn við
tilraunir með MX-eldflaugarnar. Ýmsir leiðtogar stjórnar-
andstöðunnar og leiðarahöfundar dagblaða lýstu hins vegar
áhyggjum sínum með ákvöröun Hawkes og sögðu hana tefla
Anzus-bandalaginu í enn meiri tvísýnu.
Hawke, sem á við vaxandi and-
stöðu að etja í sínum eigin flokki,
Verkamannaflokknum, ákvað að
hætta við að leyfa Bandaríkja-
mönnum afnot af áströlskum flug-
völlum en fylgst er m.a. með til-
raunum með MX-eldflaugarnar úr
flugvélum. Er þeim skotið frá
Kaliforníu en þærlenda í sjónum
austur af Ástralíu. Hawke kom til
Washington í gær til viðræðna við
Reagan, forseta, og mun þetta mál
þá vafalaust verða ofarlega á
baugi.
Fyrir nokkrum dögum ákvað
David Lange, forsætisráðherra
Nýja-Sjálands, að banna banda-
rískum tundurspilli að koma í
höfn þar vegna þess, að Banda-
ríkjamenn vildu ekki segja frá því
hvort kjarnorkuvopn væru innan-
borðs og brugðust þá Banda-
ríkjamenn við með því að hætta
við sameiginlegar æfingar með
sjóher Nýsjálendinga. Virðist nú
sem Anzus-bandalagið, varnar-
bandalag Bandaríkjamanna, Ástr-
ala og Nýsjálendinga, sé ekki orðið
nema nafnið tómt.
Ástæðan fyrir því að Hawke
snerist hugur er sú, að sam-
starfsmenn hans í Verkamanna-
flokknum höfðu varað hann við og
sagt, að hann ætti á hættu að bíða
niðurlægjandi ósigur á væntan-
legu þingi flokksins í atkvæða-
greiðslu um stuðning við MX-til-
raunirnar.
Andrew Peacock, leiðtogi
stjórnarandstöðunnar og formað-
ur Frjálslynda flokksins, sagði um
sinnaskipti Hawkes, að hann hefði
vegið að öryggishagsmunum þjóð-
arinnar og selt sannfæringu sína
vegna pólitísks baktjaldamakks.
Væri það til vitnis um hve veikur
leiðtogi hann væri. Dagblaðið
„The Sydney Morning Herald"
sagði, að ákvörðun Hawkes væri
dapurleg því að sá, sem einu sinni
byrjaði á því að láta í minni pok-
ann fyrir móðursýki vinstra liðs-
ins, ætti um það eitt að velja að
halda því áfram.
Bretland:
Umsátri um herstöð-
ina í Molesworth lokið
BúÖir kjarnorkuvopnaandstæðinga jafnaðar við jörðu
Símamynd/AP
Hin nýja sendiráðsbygging Sovétmanna í Washington. Sendiráðið stendur á
hæð í höfuðborg Bandaríkjanna þaðan sem ákjósanlegt er að fylgjast með
fjarskiptum við borgina. Til samanburðar er bandaríska sendiráðið í Moskvu
í miðri borginni og umlukið öðrum byggingum.
Washington:
Molesworth, Knglandi, 6. febrúar. AP.
HUNDRUÐ lögreglumanna og her-
manna voru kvaddir út í nótt til að
halda 150 manna hóp kjarnorku-
vopnaandstæðinga í skefjum fyrir
utan bandaríska herstöð í Moles-
worth á Knglandi, en þangað er
fyrirhugað að flytja stýriflaugar, sem
geta borið kjarnorkuvopn.
Mótmælendur voru fluttir á
brott í hópferðabifreiðum og
tjaldbúðir þær, sem þeir höfðu
reist í útjarði herstöðvarinnar,
voru rýmdar og síðan jafnaðar við
jörðu.
Michael Heseltine, varnarmála-
ráðherra Bretlands, kom til her-
stöðvarinnar er aðgerðunum var
lokið og lauk hann lofsorði á
frammistöðu lögreglu og her-
manna. Kvað hann ákvörðun um
að rýma búðirnar hafa verið tekna
í nóvember í fyrra og við það hefði
verið miðað að til sem minnstra
átaka þyrfti að koma.
Nýtt sendiráð Sovétmanna
veldur yfirvöldum áhyggjum
Eftir að mótmælendur höfðu
verið fluttir á brott hófu vinnu-
sveitir breskra hermanna að reisa
tveggja metra háa gaddavírsgirð-
ingu umhverfis bandarísku her-
stöðina. Verður hún alls 12 km á
lengd og á að hindra að óviðkom-
andi menn geti farið inn í stöðina.
Séra Bruce Kent, leiðtogi CND,
samtaka sem vilja einhliða kjarn-
orkuafvopnun Breta, sagði í dag
að þau hefðu fullan rétt til að mót-
mæla uppsetningu stýriflauganna
og hefðu í hyggju að senda dagl-
ega í því skyni hóp kjarnorku-
andstæðinga til Molesworth, sem
er í um 80 km fjariægð frá Lond-
on.
Kambódía:
Khmerar dreifa
sókn Víetnama
Aranyaprathet, Thailandi. 6. febrúar. AP.
Víetnamskir hermenn sóttu enn í
dag aó stöðvum Rauðra khmera í
Kambódíu skammt frá landamærun-
um við Thailand. Nokkuö hefur þó
dregið úr sókninni því að skæruliðar
hafa ráðist aftan að meginfylkingu
Víetnama.
Bardagar víetnamska innrásar-
liðsins og Rauðra khmera hafa
verið ákafari en nokkru sinni og er
einkum barist í Khao Din-héraði,
nokkuð fyrir sunnan thailenska
bæinn Aranyaprathet. Hefur Ví-
etnömum tekist að ná á sitt vald
nokkrum útstöðvum khmeranna
en helstu vígi þeirra eru í fjöllun-
um, sem vaxin eru ógreiðfærum
frumskógi.
Skæruliðum hefur tekist að
dreifa sókn Víetnama með því að
ráðast aftan að herliði þeirra, sem
stefnir í átt til fjallanna. 3.000
manna herlið Víetnama, sem átti
að styrkja sóknina, er af þessum
sökum óvirkt og mun líklega ekki
koma að notum í meginaðförinni
gegn Rauðum khmerum.
IJM ÞESSAR mundir er verið að
leggja síðustu hönd á byggingu nýs
sendiráðs Sovétmanna í Washington
til mikillar hrellingar fyrir banda-
rísku leyniþjónustuna og annarra
vestrænna ríkja. Sagði frá þessu í
breska blaðinu The Daily Telegraph
nú fyrir nokkrum dögum. Nýja
sendiráðsbyggingin er geysistór og
stendur uppi á hæðardragi þaðan
sem vel sést til Hvíta hússins, Pent-
agon og sendiráðs Breta, Frakka og
V estur-Þjóðverja.
Svo miklar áhyggjur hafa
Bandaríkjamenn af nýju bygging-
unni og þeirri njósnastarfsemi,
sem þar fer að sjálfsögðu fram, að
ákveðið hefur verið, að allar mik-
ilvægar símalinur verði grafnar í
jörð og verður milljónum dollara
varið til að tryggja, að ekki verði
unnt að hlera síma stjórnarskrif-
stofanna.
Nýja sovéska sendiráðið er
ákaflega vel í sveit sett í Wash-
ington, stendur uppi á hæð eins og
fyrr segir, og ólíkt betur en banda-
ríska sendiráðið í Moskvu, sem
kúrir niðri í kvos. Er samningur-
inn við Rússana um sendiráðslóð-
ina sagður mestu kjarakaupin síð-
an indíánar seldu Manhattan-eyju
fyrir 24 dollara.
Samningurinn við Sovétmenn
var gerður fyrir 16 árum þegar
hlerunartæknin var ekki eins full-
komin og nú en jafnvel þá börðust
CIA, bandaríska leyniþjónustan,
og FBI, alríkislögreglan, hat-
rammlega gegn honum. Allt kom
þó fyrir ekki.
Sovéska sendiráðið er upp á níu
hæðir og þótt formleg starfsemi sé
ekki hafin þar, segja bandarískir
embættismenn, að njósnirnar séu
þegar byrjaðar. Bandarískir verk-
takar sáu um að steypa upp húsið
en þegar að því kom að innrétta
það komu Sovétmenn með sína
eigin menn að austan. Þeir fylgd-
ust raunar svo vel með þegar verið
var að reisa húsið, að segja má, að
það hafi verið maður á mann, sov-
éskur eftirlitsmaður á hvern
bandarískan verkamann, til að
tryggja, að ekki væri komið fyrir
hljóðnemum í veggjum.
Einu sinni kom það fyrir, að
steypa var sett í grunninn að sov-
éska eftirlitsmanninum fjarver-
andi og varð þá að brjóta hana
alla upp þegar hann kom á vett-
vang.
Bardot heitir 10.000
franka fundarlaunum
fyrir uppáhaldsköttinn
SL Tropez. Krakklandi, 6. febniar. AP.
Kvikmyndastjarnan Brigitte
Bardot, sem nú sinnir eingöngu
dýraverndarmálum, heitir hverjum
þeim 10.000 frönkum (um 42.400
ísl. kr.), sem finnur uppáhaldskött-
inn hennar.
Kötturinn heitir „Belote" og
strauk að heiman, frá húsi Bar-
dot í St. Tropez, á meðan hún
brá sér til Parísar í síðustu viku
til þess að ræða réttindamál
dýra við Huguette Bouchardeau
umhverfismálaráðherra.
Belote er 8 ára gamall, svartur
og hvítflekkóttur.