Morgunblaðið - 07.02.1985, Blaðsíða 32

32
MORGUNBLAÐIÐ, FIMMTUDAGUR 7. FEBRÚAR 1985
MORGUNBLAÐIÐ, FIMMTUDAGUR 7. FEBRÚAR 1985
33

Útgefandi
Framkvæmdastjóri
Ritstjórar
Aöstoöarritstjóri
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guömundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Aö-
alstræti 6, sími 22480. Afgreiösla: Kringlan 1, sími 83033. Áskrift-
argjald 330 kr. á mánuöi innanlands. I lausasölu 25 kr. eintakið.
Útgerðin og
olían
Sjávarútvegurinn er undir-
stöðugrein í íslenzkum
þjóðarbúskap. Enginn önnur
atvinnugrein á stærri hlut í til-
urð þjóðartekna, sem lífskjör-
um ráða, eða í útflutnings- og
gjaldeyristekjum er marka
fjárhagslega stöðu okkar út á
við. Hinsvegar má deila um,
hvort takmarkað aflamagn er
sótt með of mörgum úthöldum,
þ.e. of miklum kostnaði.
Verðbólgan skekkti allt at-
vinnu- og efnahagslíf hér, eink-
um á árabilinu 1971—1983.
Hún kom verst við sjávarút-
veginn og aðra útflutnings-
framleiðslu, sem háð er verð-
þróun á erlendum mörkuðum.
Pramleiðsla, sem fyrst og
fremst byggði á innlendum
markaði, og velti stanzlausum
tilkostnaðarhækkunum verð-
bólguáranna út í verðlag heima
fyrir, hafði sitt nokkurn veginn
á þurru, a.m.k. ef hún naut
náðar verðlagsyfirvalda. Öðru
máli gegndi um útflutnings-
framleiðslu. Hún var háð verð-
þróun erlendis. Hún stóð í
verð- og sölusamkeppni við
framleiðslu þjóða, sem bjuggu
við stöðugleika í efnahagslífi
og svo til engar tilkostnaðar-
hækkanir.
Til þess að forðast rekstrar-
stöðvun í sjávarútvegi, undir-
stöðuatvinnuvegi okkar, var
gripið til nær stanzlauss geng-
issigs og meiri háttar gengis-
lækkana inn á milli. Þannig
var söluandvirði í erlendri
mynt breytt í fleiri, smærri og
verðminni krónur til að mæta
hækkandi innlendum fram-
leiðslukostnaði. Ella hefðu hjól
atvinnulífsins stöðvast.
Þessi „hrossalækning" hafði
einnig neikvæðar hliðar. Hún
jók á hraða verðbólgunnar. Öll
innflutt aðföng, bæði útvegs og
almennings, hækkuðu því meir
í verði sem gengislækkunin
varð örari. Sama máli gegndi
um erlendar skuldir útvegs og
þjóðar, sem vóru ærnar, og
leigu eftir hið erlenda láns-
fjármagn. Verðbólgan ýtti og
undir ótímabæra almenna
eyðslu og útilokaði nauðsyn-
lega spari- og eiginfjármyndun
fólks og fyrirtækja.
Hér við bættizt verðspreng-
ing olíunnar, sem óx úr
grönnum í gildan kostnaðar-
þátt hjá útveginum. Valdimar
Indriðason, alþingismaður,
sagði í þingræðu á dögunum, að
útgerðin notaði helming allrar
gas- og svartolíu, sem flutt er
til landsins, og olíukostnaður
næmi nú orðið 30—35% af
rekstrarútgjöldum stærri báta
og togara.
Auk þess nota loðnubræðsl-
ur, sagði Valdimar, 35—40 þús-
und tonn af svartolíu til að
vinna leyfðan loðnukvóta í ár.
Hann sagði meginhluta skýr-
ingar á því hvers vegna
vinnslustöðvar í nágrannalönd-
um geta greitt hærra verð fyrir
hráefni vera ódýrara eldsneyti.
Viðskiptaráðherra lagði ný-
lega fram á Alþingi frumvarp,
sem gerir ráð fyrir niðurfell-
ingu verðjöfnunargjalds á olíu-
vörur. í stað þess verður settur
á laggir flutningsjöfnunarsjóð-
ur, sem standa á undir flutn-
ingskostnaði frá uppskipun-
arhöfn til sölustaðar.
Frumvarpinu var vel tekið í
efri deild, þar sem það var lagt
fram. Talsmenn þingflokka,
sem þátt tóku í fyrstu umræðu
sl. mánudag, töldu það spor i
rétta átt, en hinsvegar hvergi
nærri nægilega stórt spor í
frjálsræðis- og samkeppnisátt
á þessum viðskiptavettvangi.
Prumvarpið gengur nú til með-
ferðar í þingnefnd.
Það, sem einkenndi umræð-
una í þingdeildinni, var að
talsmenn allra flokka, sem þátt
tóku í henni, bæði stjórnar-
flokka og stjórnarandstöðu,
gagnrýndu harðlega ríkjandi
kerfi í olíuinnflutningi og
ónóga samkeppni olíufélaga.
Þingmenn töluðu jafnvel um
olíueinokun, ýmist ríkiseinok-
un vegna þess að ríkið leggur
höfuðreglur um fyrirkomulag
innflutnings, sem að megin-
hluta er frá Sovétríkjunum og
miðaður við svokallað Rotter-
damverð, eða þríeina einokun
olíufélaganna.
Eyjólfur Konráð Jónsson, al-
þingismaður, taldi vafasamt,
að hægt væri að tala um frjáls
olíuviðskipti hér á landi; við
keyptum einfaldlega inn dýrari
olíu en flestar aðrar þjóðir.
Eiður Guðnason sagði tíma-
bært að endurskoða þetta „vit-
lausa kerfi". Samkeppni olíufé-
laganna næði aðeins til smá-
vöru og myndbanda. Haraldur
Ólafsson taldi rétt að taka öll
olíumál til gagngerðrar endur-
skoðunar og krafðizt þess að
viðskiptaráðherra legði fyrir
viðkomandi þingnefnd sam-
anburð á innflutningsverði olíu
hér og í nágrannalöndum.
Þess er skemmst að minnast
að Hjörleifur Guttormsson
taldi í þingræðu að hörð smá-
sölusamkeppni tryggði heimil-
um á höfuðborgarsvæðinu mun
betri kjör en fólki í strjálbýli,
þar sem máske eitt kaupfélag
væri um hituna. — Kaupendur
hafa alltaf hag af sölusam-
keppni. Það er kominn tími til
að fyrirtæki í sjávarútvegi
njóti meiri samkeppni um inn-
flutning og sölu aðfanga sinna.
„Velkomin um borð
í kútter Sigurfara“
Rætt við Gunnlaug Haraldsson safnvörö á Akranesi
Akranesi, 1. febrúar.
ENDIJRBYGGING á Kútter Sigurfara við Byggðasafnið í Görðum á Akranesi
er nú á lokastigi, að því er Gunnlaugur Haraldsson safnvörður sagði í samtali
við blm. Mbl. Allt kapp er lagt á að Ijúka viðgerðinni fyrir 1. júní nk.
MorgunblaÖið/Gunnlaugur Haraldsson
Kútter Sigurfari er smám saman að taka á sig endanlega mynd.
Gagngerar endurbætur hafa
staðið yfir á kútternum um nokk-
urra ára skeið, þar sem m.a. hefur
þurft að endurnýja að fullu þilfar-
ið, sem mjög var skemmt af fúa. í
desember sl. lauk uppsetningu á
möstrum og föstum reiða, þannig
að kútterinn er nú sem óðast að fá
á sig þann svip, sem hann bar á
árunum um og eftir aldamótin á
meðan hann varð gerður út hér við
land frá Hafnarfirði, Seltjarnar-
nesi og síðast Reykjavík. Ennþá er
þó ólokið uppsetningu á ýmsum
hlutum reiðans og fleiru, sem
prýða mun skipið að fáum mánuð-
um liðnum. Verður sá frágangur
látinn bíða betri veðurskilyrða með
vorinu, en í þess stað er núna unnið
af fullum krafti undir dekki við
viðgerð á lest og vistarverum
skipverja.
„Við eigum vitaskuld í stöðugu
fjárhagsbasli," sagði Gunnlaugur
aðspurður um fjármögnum verks-
ins. „En þeir eru líka margir sem
rétta okkur hjálparhönd. Þó má
segja að sérstaklega hafi verið
þröngt í búi hjá okkur nú í haust og
vetur, þannig að um tíma voru
menn að missa móðinn. Stóðum við
frammi fyrir tveimur kostum; báð-
um slæmum, annaðhvort var að
stöðva framkvæmdir og leggja þá
um leið til hliðar það eftirsótta
markmið okkar að ljúka verkinu á
þessu ári, eða hitt, að halda áfram
af fullum þrótti og fylgja settri
áætlun með þá von í brjósti að úr
rættist með fjárhaginn, þegar
komin væri reisning á skútuna og
þeir sem utan við verkið standa
sæju að möguleikar væru á því að
ná lokamarkinu. Það er nú nefni-
lega einu sinni svo með þetta verk
eins og svo mörg önnur, sem taka
langan tíma í framkvæmd, m.a.
vegna peningaleysis, að fólk vill
þreytast og tapar jafnvel niður
voninni um að verkið komist yfir-
leitt nokkurn tímann á leiðarenda.
Við sem stöndum næstir Sigurfar-
anum höfum svo sannarlega orðið
varir við þessi viðhorf um tíma,
enda rétt að hafa í huga, að liðin
eru 10 ár frá því að kútternum var
komið fyrir hér við safnið. Það eru
ekki allir sem átta sig á því, hversu
vandasöm og tímafrek svona við-
gerð á fornum minjum er.
Þannig erum við ekki í nokkrum
vafa um að það var rétt ráðið í
haust að láta hvergi deigan síga,
þótt það hafi kostaö okkur heldur
meiri efnahagslegar þrengingar nú
um stundarsakir. Eftir að okkur
tókst að koma upp reiðanum og
kútterinn fór að taka á sig sinn
tignarlega svip, hefur maður orðið
var við algjöra viðhorfsbreytingu
hjá mörgum manninum, sem for-
mælti gjarnan þessu verki til
skamms tíma. Og það er raunar í
samræmi við þá viðhorfsbreytingu,
þann meðbyr, sem við teljum okkur
skynja að kútterinn hafi nú fengið
á lokasiglingunni, að Alþingi þre-
faldaði framlag sitt til Sigurfara-
sjóðs frá fyrra ári. Og það er engin
tilviljun heldur, að nú fyrir fáum
dögum afhenti Kiwanisklúbburinn
Þyrill hér á Akranesi 100 þúsund
kr. gjöf Sigurfara til styrktar í til-
efni 15 ára afmælis félagsins. Það
er þó aldeilis ekki í fyrsta sinn, sem
það ágæta félag kemur við þessa
sögu, því það hafði forgöngu um
það á sínum tíma ásamt sr. Jóni M.
Guðjónssyni að endurheimta kútt-
erinn frá Færeyjum og koma hon-
um fyrir hér við safnið. Hinsvegar
þykist ég nokkuð viss um þeir fé-
lagar hafi sem fleiri verið farnir að
örvænta um lyktir málsins og hafi
nú öðlast á ný von um að við náum
landi með þetta."
— En hverjir aðrir leggja Sigur-
fara til peninga?
„Það eru nokkrir opnberir sjóðir
sem dyggilega hafa stutt þetta um
árabil, þ.e.a.s. Bæjarsjóður Akra-
ness, Þjóðhátíðarsjóður, Byggða-
sjóður og Menningarsjóður Akra-
ness. Lauslega áætlað gæti ég trú-
að að þessir sjóðir hafi ásamt ríkis-
sjóði lagt til um 70% þeirra tekna
sem Sigurfara hafa áskotnast. Þá
hafa fjölmargir einstaklingar, fé-
lagasamtök og fyrirtæki styrkt
okkur og er það orðið býsna langur
listi, sem engin tök eru á að birta
hér og geymum við okkur það til
vígsluhátíðarinnar í sumar. Ég vil
ekki gera upp á milli þessara aðila,
án þeirra hefði hægar miðað en
raun ber vitni. Þó get ég ekki stillt
mig um að nefna hér nafn Thors Ó.
Thors forstjóra, en hann hefur allt
frá upphafi sýnt þessu verki ómet-
anlega áhuga og stuðning. Og svo
er vitaskuld um fleiri, sem seint
verður fullþakkað.“
— Að lokum?
„Þakklæti til allra þeirra sem á
einhvern hátt hafa stuðlað að því
að tekist hefur að bjarga frá glötun
síðasta kútternum úr hinum mikla
skipastóli skútualdarinnar hér á
landi, og varðveita hann framtíð-
inni til handa. Frá og með 1. júni
nk. getum við vonandi sagt: Vel-
komin um borð í Kútter Sigurfara.
J.G.
Æmdm. ■ W Wmu/-
Morjfunblaðiö/Jón Gunnlaugsson
Jóhannes Engilbertsson, formaður stórnar Sigurfarasjóðs, tekur við gjöf Kiwanisklúbbsins Þyrils úr hendi forseta
klúbbsins, Sigursteins Hákonarsonar.
DAGANA 5. til 21. október sl. var
haldin húsgagnasýning í Kaupmanna-
höfn á vegum Snedkernes EfterÁrs-
udstilling, en það eru samtök
danskra húsgagnaarkitekta. Þetta er
fjórða árið í röð, sem þessir aðilar
sýna nýjustu húsgagnahugmyndir sín-
ar og jafnfram í fyrsta skipti sem öðr-
um en aðilum samtakanna er boðin
þátttaka í sýningunni.
Einn þeirra þriggja, sem boðin
var þátttaka, var Herdís Júlía Ein-
arsdóttir, húsgagnaarkitekt, sem
búsett er í Danmörku.
Blm. Mbl. hafði samband við
Herdísi og spurði hana hvaða þýð-
ingu það hefði fyrir hana sem hús-
gagnaarkitekt að taka þátt í sýn-
ingunni.
„Ég tel það hiklaust vera mikinn
heiður að hafa verið boðin þátttaka
í þessari sýningu, því þetta er ár-
viss viðburður, sem vekur mikla at-
hygli. í uphafi voru þessar sýn-
ingar hugsaðar sem svar yngri hús-
gagnaarkitekta við annarri hús-
gagnasýningu, sem haldin hefur
verið á vorin í fleiri áratugi og
yngri húsgagnaarkitektum fannst
þeir ekki eiga greiðan aðgang að.
Einu skilyrðin, sem okkur voru
sett sem boðin var þátttaka, voru
að það, sem við sýndum, mætti ekki
vera skólaverkefni," sagði Herdís.
„Húsgagnaarkitektar eiga mjög
erfitt með að koma verkum sínum
á framfæri, hafa í raun ekki önnur
tækifæri en þessar vor- og haust-
sýningar og svo nemendasýningar.
A þetta við um þá sem ekki eru
þegar komnir með stólana sína í
framleiðslu.
Nú er ég að láta framleiða 10
prufustóla og hef síðan hugsað mér
að athuga markaðsmöguleika fyrir
stólinn og hef þá vöggustofur og
barnaheimili í huga, því stólinn
hentar mjög vel við lág borð,“ sagði
Herdís. „Þeir hafa verið svo elsku-
legir hjá Sparisjóði Reykjavíkur og
nágrennis að styrkja mig, svo að ég
geti látið framleiða þessa prufu-
stóla.
Ég bind miklar vonir við þenn-
ann stól, en þetta er svo mikil nýj-
ung að það krefst alltaf miklu
lengri tíma þar til hún öðlast við-
urkenningu. 1 þessu tilfelli þarf að
venja fólk á að sitja öðruvísi en það
er vant að gera. Því höfðar stólinn
fyrst og fremst til ákveðins hóps
fólks og þá fyrst og fremst þeirra,
sem þurfa að vinna eða sitja við lág
borð. Takist mér að selja stólinn er
ekkert því til fyrirstöðu að hann
verði framleiddur á Islandi."
Herdís vann 1. verðlaun í iðn-
hönnunarsamkeppni, sem Spari-
sjóður Reykjavíkur og nágrennis
efndi til 1982, en það sama ár lauk
hún námi í húsgagnaarkitektúr í
Danmörku.
Herdís Júlía Einarsdóttir, húsgagna-
arkitekt.

Nýi stóllinn sem Herdís Júlía Einarsdóttir hefur hannað séður frá
mismunandi sjónarhornum.
íslenskum húsgagnaarkitekt boðið
að sýna á sýningu í Kaupmannahöfn
AF ERLENDUM VETTVANGI
eftir GEORGE JAHN
Fallvölt stjórn frammi
fyrir óvæntum vandamálum
Austurríki:
STJORN Austurríkis undir forystu jafnaðarmanna, sem eitt sinn var fyrir-
mynd bæði hvað snerti traust og sveigjanleika, hefur að undanförnu staðið
frammi fyrir alvarlegri innanlandsdeilum en nokkru sinni, síðan Bruno
Kreisky, fyrrverandi kanslari, sagði af sér. Eftirmaður hans, Fred Sinow-
atz, horfist auk þess í augu við vandamál á alþjóðavettvangi, ofbeldi heima
fyrir og vaxandi efasemdir um hsfileika sína sem stjórnmálaleiðtoga.
að, sem áhyggjum veldur
varðandi þessa ríkisstjórn,
er að hjá henni tekur hvert
glappaskotið við af öðru, sagði
blaðið Kurier, eitt útbreiddasta
blað Austurríkis, fyrir skömmu.
Síðustu mistökin áttu sér stað,
er Friedhelm Frischenschlager
varnarmálaráðherra bauð Walt-
er Reder, stríðsglæpamann frá
tímum nazista, velkominn, er
hann var látinn laus úr fangelsi
á Ítalíu. Gerðist þetta rétt eftir
að stjórnin hafði orðið að láta í
minni pokann fyrir umhverfis-
verndarsinnum vegna raforku-
vers við Dóná.
Friedhelm Frischenschlager varn-
armálaráðherra.
Meiri háttar mistök
„Þetta eru meiri háttar mistök,
það er rétt, en þetta er bara það,
sem kemur fyrir ríkisstjórnir yf-
irleitt," sagði Kreisky í fréttavið-
tali um þessa atburði.
„Reder-málið" leiddi í ljós
grundvallarágreining milli jafn-
aðarmanna og Frelsisflokks Fris-
chenschlagers, en þessir tveir
flokkar standa saman að ríkis-
stjórn Austurríkis, eftir að þeir
fyrrnefndu töpuðu meirihíuta
sínum á þingi í apríl 1983.
Jafnaðarmenn fordæmdu
Frischenschlager fyrir að hafa
tekið á móti Reder, sem var eitt
sinn major í SS-sveitum Adolfs
Hitler og dæmdur sekur um að
hafa fyrirskipað dráp á 1.830
óbreyttum mönnum á Ítalíu.
Frelsisflokkurinn lýsti aftur á
móti yfir stuðningi sínum við
ráðherrann.
Atburður þessi gerðist á meðan
þing heimssamtaka gyðinga stóð
yfir í Vínarborg og fann Sinowatz
sig knúinn til þess að bera fram
afsökun við leiðtoga þeirra.
í Strasburg í Frakklandi kröfð-
ust 35 fulltrúar á þingi Evrópu-
ráðsins þess, að Sinowatz viki
Frischenschlager úr embætti.
Margir stjórnmálamenn úr röð-
um jafnaðarmanna halda þvi
fram, að hægri sinnar hlynntir
nazistum ráði ferðinni í Frelsis-
flokknum, en forystumenn
flokksins hafa neitað því afdrátt-
arlaust.
Er hneykslið með Reder komst
í hámæli 29. janúar sl., hét Frels-
isflokkurinn því að fara úr stjórn,
ef varnarmálaráðherrann yrði
rekinn. Tveir ráðherrar jafnað-
armanna hótuðu aftur á móti að
segja af sér, ef Frischenschlager
yrði áfram í stjórninni. Þeir féllu
hins vegar frá þeirri afstöðu síð-
ar.
Frischenschlager baðst opin-
berlega afsökunar og Sinowatz
lét hann halda embætti varnar-
málaráðherra. Flest dagblaðanna
fordæmdu þessa ákvörðun og
leiðarahöfundar þeirra gáfu í
skyn, að nú væri allt á huldu um
framtíð stjórnarinnar. En hún
stóð samt af sér vantrauststillögu
á þingi 1. febrúar sl., sem Þjóðar-
flokkurinn bar fram.
Blaðið „Die Presse", sem er
virtasta dagblað hægri manna,
gagnrýndi samsteypustjórnina
fyrir „þyngsta högg, sem hún
hefði greitt sjálfri sér til þessa og
Bruno Kreisky, fyrrv. kanslari.
það aðeins fáeinum vikum eftir
áfallið við Hainburg".
Stór hluti jafnaðarmanna-
flokksins er „vonsviknari en
nokkru sinni fyrr“ með Frelsis-
flokkinn, sem hefði snúið „til
baka til fortíðarinnar" burt frá
frjálslyndi og haldið til hægri.
Orkuverið við Hainburg
Aðeins fáeinum vikum fyrir
Reder-malið höfðu áform stjórn-
arinnar um að eyða skógarsvæði
einu til þess að koma þar upp
orkuveri leitt til ofsafengnustu
átaka milli lögreglumanna og
umhverfisverndarsinna, sem átt
hafa sér stað á síðustu árum. Svo
fór, að stjórnin ákvað að leggja
orkuáformin, sem kennd eru við
staðinn Hainburg, á hilluna að
sinni.
í september sl. vék Sinowatz
kanslari Herbert Salcher fjár-
málaráðherra úr embætti, eftir
að dagblöðin höfðu vikum saman
haldið uppi gagnrýni á hann fyrir
hæfileikaskort. Þá skipti Sinow-
atz jafnframt um þrjá aðra ráö-
herra í stjórninni. Langflestir
stjórnmálaskýrendur litu á þessa
ráðstöfun, sem tilraun af hálfu
kanslarans til að snúast gegn
þeirri skoðun, sem er vaxandi
skoðun meðal almennings, að
hann sé óákveðinn og þunglama-
legur leiðtogi. Ekki er vitað til
þess, að þessar ráðstafanir hafi
orðið til þess að auka á varanleg-
an stuðning almennings við
kanslarann.
Stjórnin hefur jafnvel mátt
sæta aðkasti vegna deilna um
opnunartíma verzlana, sem er
minni háttar mál í flestum lönd-
um. Þetta mál varð hins vegar að
miklu deilumáli milli ríkisstjórn-
arinnar og fylkisstjórnarinnar í
Salzburg-héraði. Stjórn Sinowatz
fór þess á leit við stjórnlaga-
dómstól landsins, að hann vitti
fylkisstjórann fyrir að leyfa
verzlunareigendum að hafa opið á
frídegi fyrir jól er þær hefðu að
öðru jöfnu verið lokaðar. Hinn 14.
desember sl. neitaði dómstóllinn
að taka málið til meðferðar á
þeim forsendum, að rök stjórnar-
innar væru óljós og ónóg.
Stjórnin reikul
Blaðið „Kleine Zeitung" í Graz,
næststærstu borg Austurríkis,
komst svo að orði, að búast mætti
við að samsteypustjórn flokk-
anna tveggja héldi áfram
„skjögrandi þar til hún lenti í
næstu vandræðum".
Margir stjórnmálasérfræð-
ingar þykjast sjá sum af vanda-
málum stjórnarinnar í Sinowatz,
sem var áður menntamálaráð-
herra. Hann er maður vingjarn-
legur, sem lætur lítið yfir sér, en
hann hefur átt erfitt með að
standast sömu kröfur og gerðar
* voru til Kreiskys, fyrirennara
hans.
Stjórnmálasérfræðingar þótt-
ust geta greint síðla á síðasta ári
meðvitaða tilraun af hálfu Sin-
owatz til að gefa almenningi af-
dráttarlausari mynd af sjálfum
sér. Virðing Kreiskys var hins
vegar sjaldan í hættu þau 13 ár,
sem hann var kanslari, en það var
tímabil, sem var síður en svo
laust við óróa, þar á meðal árásir
hermdarverkamanna og valda-
baráttu innan stjórnarinnar.
Kreisky sagði af sér í kjölfar
þingkosninganna í apríl 1983 er
flokkur hans missti meirihluta
sinn. Jafnaðarmenn hafa nú 90
sæti á þingi, en Þjóðarflokkurinn,
sem er í stjórnarandstöðu, hefur
81. Frelsisflokkurinn er í odda-
aðstöðu með 12 þingsæti. Er mót-
taka Reders var til umræðu, hélt
Kreisky því einnig fram, að
Frelsisflokkurinn bæri mikinn
hluta ábyrgðarinnar vegna þess,
sem gerzt hefði við Hainburg. Þá
sagði Kreisky ennfremur, að
stjórnarflokkarnir hefðu verið
sviknir, er Þjóðarflokkurinn lét
af stuðningi sinum við virkjunar-
áformin í því skyni einu, að auka
álit sitt meðal umhverfisvernd-
arsinna. Deilurnar við umhverf-
isverndarmenn I Austurríki
vegna virkjunarinnar í Hainburg
væru ekkert annað en tímanna
tákn. „Náttúrufriðun verður æ
mikilvægari í stjórnmálum alls
staðar í heiminum," sagði
Kreisky. „Það er málefni, sem
stjórnin í þessu landi jafnt sem í
öðrum löndum, verður að taka til-
lit til.“
(Cieorge Jahn er fréUaritari vid
fréttastofuna Associated Preas.)