Morgunblaðið - 02.06.1985, Qupperneq 27

MOROUNBLAÐIÐ, SUNNUDAGUR 2. JÚNt 1985
8327
Áhersla hefur verið lögð á það
að undanförnu að fljúga til nýrra
staða og má þar nefna bæði De-
troit og Orlando í Bandaríkjunum.
Vélarnar á milli Orlando og Lúx-
emborgar hafa ekki viðdvöl á Is-
landi. Þá hefur viðkomustöðum
einnig verið fjölgað í Evrópu.
Fyrsta vélin fer fljótlega í júní til
Salzborgar í Austurríki og Flug-
leiðir auglýsa ferðir frá Banda-
ríkjunum til Bergen í Noregi. Á
liðnum vetri fluttu Flugleiðir um
4.000 farþega frá Bandaríkjunum
til skíðasvæða í Ölpunum. Og
þannig mætti áfram telja. Sam-
keppnin krefst þess, að alltaf sé
verið að bjóða eitthvað nýtt. Þetta
er alþjóðleg samkeppni eins og
hún getur orðið hörðust á við-
kvæmum markaði, því að eins og
allir vita kemur það öllum ein-
staklega illa ef langþráð frí klúðr-
ast vegna mistaka þeirra sem
skipt er við. Flest bendir til þess,
að það séu ekki aðeins hagstæð
fargjöld, heldur einnig hið góða
orð sem fer af Flugleiðum og for-
vera þeirra Loftleiðum, sem veld-
ur því að jafn margir og raun ber
vitni skipta við félagið á einhverj-
um mesta samkeppnismarkaði
flugsins.
Þegar litið er til vaxandi áhuga
á íslandsferðum í Bandaríkjunum
kann brátt að koma að því, að er-
lend flugfélög fari að fljúga
hingað reglulega aftur. Pan Am
gerði það frá 1950 til 1974. Ekki er
heldur ólíklegt að alþjóðlegar
hótelsamsteypur fái áhuga á að
fjárfesta hér á landi, því að eins
og svo oft áður eru menn sammála
um að skortur á hótelrými á höf-
uðborgarsvæðinu sé flöskuháls í
ferðaþjónustunni. Gerist þetta, fá
Flugleiðir samkeppni á heima-
velli. Björninn er síður en svo unn-
inn þótt lífróðurinn sem hófst
1978—79 hafi heppnast.
„Ronja ræn-
ingjadóttir“
endurútgefin
KVIKMYNDIN um Ronju ræn
ingjadóttur eftir sögu Astrid Lind-
gren var frumsýnd á Kvikmynda-
hátíð fyrir skömmu. Sama dag var
bókin endurútgefin hjá Máli og
menningu, en hún kom út fyrst árið
1981, bæði í Svíþjóð og á íslandi.
Ronja ræningjadóttir er
ævintýri og gerist í Matthías-
arskógi einhvern tíma í fyrnd-
inni. I upphafi sögu fæðist
Matthíasi ræningjaforingja og
Lovísu konu hans dóttir sem vex
upp við ást og gott atlæti for-
eldra sinna uns hún er orðin svo
stór að hún fær að kanna skóginn
á eigin spýtur. Skógurinn iðar af
grádvergum, skógarnornum,
rassálfum og rökkurþursum svo
að þar þarf að fara varlega, en
þar er líka hægt að skemmta sér
prýðilega. Svo kynnist Ronja
ræningjasyninum Birki Borka-
syni og þá verður vandi að vita
hverjum maður á að sýna trúnað,
segir í frétt frá forlaginu.
Þorleifur Hauksson þýddi sög-
una um Ronju og Ilon Wikland
skreytti hana ótal myndum. Bók-
in er 237 bls., umbrot og filmu-
vinnu annaðist Repró en Prent-
stofa G. Benediktssonar prent-
aði.
1
<t
Það getur komið sér vel að eiga
í þessari litlu tösku er óþreytandi ferðafélagi
- FULLKOMIN IBM FERÐATOLVA -
Þennan framtíðar ferðafélaga eigum við að
sjálfsögðu fyrirliggjandi og til afgreiðslu strax.
Létt og meðfærileg — aðeins 13,6 kg.
IBM-PPC
* 256 K minni * Grafik * Taska
* Tvær diskettustöðvar * 23 cm gulur skjár * Notar öll sömu forrit og
* 83 lykla borð * 5 tengiraufar stærri IBM einkatölvur
Þessi stórkostlega nýjung kostar aðeins kr. 82.840.-
OKKAR ÞEKKING í ÞÍNA ÞÁGU
GÍSLI J. JOHNSEN
TÖLVUBÚNAÐUR SF - SKRIFSTOFUBÚNAÐUR SF
SMIÐJUVEGI 8 - P.O. BOX 397 - 202 KÓPAVOGI - SÍMI 73111
SUNNUHLlÐ, AKUREYRI, SÍMI 96-25004
n 1