Morgunblaðið - 16.06.1985, Blaðsíða 24

24
MORGUNBLAÐIÐ, SUNNUDAGUR 16. JtJNÍ 1985
Fanginn í Spandau
fær bæjarleyfi
Laurence Olivier sem Rudolf Hess aA heimili sínu í Spandau.
Kvikmyndir
Árni Þórarinsson
Regnboginn: Villigssirnar 2 —
The Wild Geese II ★'/!i
Bresk-bandarísk. Árgerð 1985.
Handrit: Reginald Rose. Leik-
stjóri: Peter Hunt. Aðalhlutverk:
Scott Glenn, Barbara Carrera,
Edward Fox, Laurence Olivier.
Örlögin gripu í taumana áður
en Richard Burton heitinn fékk
að leika í þessari mynd. Wild
Geese 2 er vitaskuld framhaldið
af Wild Geese I. Wild Geese I
var rútínuævintýramynd um
hættuför nokkurra málaliða
undir forystu Burtons, Roger
Moore og fleiri dánumanna til
Afríku. Wild Geese 2 átti að
leiða Burton á vit nýrra ævin-
týra þar sem er hættuför til
Berlínar að ræna Rudolf gamla
Hess úr klefa hans í Spandauf-
angelsinu! Burton sem ekki kall-
aði nú allt ömmu sína varðandi
hlutverk í hæpnum bíómyndum
má þakka örlögunum fyrir inn-
gripið. Hann sleppur með að
vera tileinkuð myndin. í hans
stað gegnir Edward Fox hlut-
verki bróður hans í Wild Geese
2.
Það tekur þessa mynd einn og
hálfan klukkutíma að undirbúa
og undirbyggja þessa aðgerð.
Verkefnið er hugdetta einhvers
léttgeggjaðs amerísks fjölmiðla-
kóngs: Ræna skal Rudolf Hess úr
greipum stórveldanna í Berlín og
láta hann síðan segja sögu sína i
sjónvarpinu. Frásögn ald-
arinnar? Miklu fremur della ald-
arinnar. í einn og hálfan klukku-
tíma fá áhorfendur sumsé að
fylgjast með málaliðunum Scott
Glenn og Edward Fox, ásamt
Barbara Carrera, fulltrúa fjöl-
miðlakóngsins, bauka við undir-
búning þessarar miklu björgun-
araögerðar með alls kyns illþýði
og útsendara stórveldanna á
hælunum. Sú flækja er orðin
óbærileg þegar loksins er látið
til skarar skríða síðasta hálftím-
ann. Þá fer ofurlítill fiðringur
um myndina, fiðringur sem aldr-
ei nær því að verða að spennu
þvi slagsíðan á dellunni er orðin
svo mikil.
En þessari þrenningu, hinum
fýlulega, toginleita Glenn,
þokkadísinni Carrera sem er á
kolvitlausri hillu sem tauga-
trekktur vælukjói og Fox með
sitt vatteraða hábreska tungu-
tak, verður ekki kápan úr því
klæðinu að gera fjölmiðlamat úr
Rudolf Hess. I hlutverki Hess er
á síðustu mínútum myndarinnar
druslast með gömlu kempuna
Laurence Olivier eins og væri
hann ósjálfbjarga statisti. En
þegar hann fær loksins að opna
munninn lyftir hann Wild Geese
2 upp um nokkra gæðaflokka, —
sem hún á ekki skilið.

Fáir bílar hafa fengið eins lofsamlega
dóma og margar viðurhenningar og
MA2DA 626, meðal annars:
f^Bíll ársins í V-Þýshalandi
^ 2 ár í röð
CO Bíll ársins í Bandaríhjunum
"^Bíll ársins í Japan
Bíll ársins í Ástralíu
i) Bíll ársins á Nýja-5jálandi
Ú) Bíll ársins í 5uður-Afríhu
MEST FYRIR PENINGANA
BILABORG HF.
Smiðshöfða 23 simi 812 99
Þessi margfaldi verðlaunabíll er nú til afgreiðslu
strax á sérlega hagstæðu verði.
Tryggið ykkur því bíl strax!
Auður Auðuns fyrrverandi Borgar-
stjóri og ráðherra.
Kvenréttindafélag
íslands:
Auður Auðuns
gerð að
heiðursfélaga
KVENRÉTTINDAFÉLAG íslands
stendur fyrir sérstökum hátíðafundi
19. júní næstkomandi í tilefni af því
að 70 ár eru liðin síðan íslenskar
konur fengu kosningarétt. Fundur-
inn verður haldinn kl. 12 þann dag í
veitingahúsinu Litlu-Brekku segir í
fréttatilkynningu frá KRFÍ.
Auður Auðuns fyrrverandi
borgarstjóri og ráðherra verður
gerð að heiðursfélaga Kvenrétt-
indafélagsins á fundinum, en það
var samþykkt einróma á lands-
fundi félagsins í mars síðastliðn-
um.
Kristín Ástgeirsdóttir sagn-
fræðingur mun flytja erindi á
fundinum um 19. júní 1915 og að-
draganda þess að konur fengu
kosningarétt.
Kvennahúsið:
Hallærisplan-
inu breytt
í „fólkvang“
KONURNAR í Kvennahúsinu í
Reykjavík efna til hátíðahalda á
hinu svokallaða Hallærisplani á mið-
vikudaginn í tilefni af því að sjötíu
ár eru nú liðin frá því að íslenskar
konur fengu kosningarétt.
I fréttatilkynningu frá Kvenna-
húsinu segir að það hafi fengið
leyfi borgaryfirvalda til að breyta
Hallærisplaninu úr bílastæöi í
nokkurskonar fólkvang miðviku-
daginn 19. júní næstkomandi. í
fréttatilkynningunni segir enn-
fremur að þlanið verði fagurlega
skreytt og boðið verði upp á veit-
ingar.