Morgunblaðið - 02.07.1985, Blaðsíða 22

22
MORGUNBLAÐIÐ, ÞRIDJUDAGUR 2. JÚLl 1985
„Allt getur
mögulega
gerst“
Stúdentaleikhúsið frumsýnir
Draumleik Strindbergs
Unnendur sænska skáldjöfursins Augusts Strindberg ættu
ekki að þurfa að sitja auðum höndum í sumar, svo er aðstand-
endum Stúdentaleikhússins og Norræna hússins fyrir að
þakka.
í Stúdentaleikhúsinu hefur í
allan vetur verið unnið að því að
setja á svið leikritið Draumleik,
sem Strindberg skrifaði árið
1901, og hefjast sýningar þann 11.
júlí nk.
Þetta er I fyrsta sinn sem
Draumleikur er settur á svið hér
á landi, en þýðinguna gerði Sig-
urður Grímsson. Leikstjóri sýn-
ingarinnar er Kári Halldór. öll
tónlist sem flutt verður í sýning-
unni er frumsamin af Árna
Harðarsyni tónskáldi og stjórn-
anda Háskólakórsins og gegnir
söngur og hljóðfærasláttur, sem
að mestu verður í höndum leikar-
anna sjálfra, veigamiklu hlut-
verki þar. Lýsingu hannar Ágúst
Pétursson.
Vönduð leikskrá verður gefin
út af þessu tilefni og eru höfund-
ar efnis m.a. Thor Vilhjálmsson
rithöfundur og séra Gunnar
Kristjánsson. I leikskrá þessari
kennir margra grasa og má til
dæmis nefna skrá yfir öll verk
Strindbergs sem þýdd hafa verið
á íslensku, sem Dr. Árni Sigur-
jónsson tók saman. Hann annað-
ist einnig ritstjórn leikskrár
ásamt Antoni Helga Jónssyni rit-
höfundi, Hafliða Arngrímssyni
leikhúsfræðingi og Ingileif Thor-
lacíus.
Á fundi sem efnt var til með
blaðamönnum í Félagsstofnun
stúdenta í vikunni sagði dr. Árni
Sigurjónsson m.a. að leikritið
Draumleikur hefði verið langt á
undan sínum tíma þegar það var
frumsýnt árið 1907. „Strindberg
talaði um sérstaka tækni í tengsl-
um við Draumleik," sagði Árni. „í
verkinu er mikil dulúð, röklegur
þráður þess er í anda draumsins
og minnir að vissu marki á
draumakenningar Freuds."
Kári Halldór leikstjóri sagði að
í Draumleik tvinnaðist saman
draumur, skáldskapur og veru-
leiki. „Orðatiltækið — allt getur
mögulega gerst — á mjög vel við
þetta leikrit," sagði Kári Halldór
og bætti við að það væri áhuga-
vert hvernig ungt fólk á íslandi í
dag sæi þennan draumaheim
Strindbergs.
Fyrirlestrar
og ljósmyndasýning
í Norræna húsinu
Stúdentaleikhúsið fékk einnig
Knut Ödegaard forstjóra Nor-
ræna hússins í lið með sér og
gefst því kostur á að kynnast
fleiri hliðum skáldsins en þeirri
sem að leiklistinni snýr á næst-
unni.
Angust Strindberg (1849—1912).
(Morgunblaftii/Þorkel 1)
Vinir Stríndbergs í Stúdentaleikhúsinn og Norræna húsinu I (Inu formi fyrir utan Félagsstofnunina á dögunum.
Fyrir milligöngu ödegaards og
Esbjörns Rosenblad hjá sænska
sendiráðinu mun Dr. Olof Lag-
ercrantz rithöfundur, sem er
meðal fróðustu manna um líf og
starf Strindbergs og hefur meðal
annars ritað ævisögu hans, heim-
sækja ísland í byrjun júlí. Dr.
Lagercrantz heldur fyrirlestur
um Strindberg í boði Norræna
hússins sunnudaginn 7. júlí kl.
20.30. Hann heldur síðan annan
fyrirlestur þ. 8. júlí kl. 17.15, í
boði heimspekideildar Háskóla
íslands.
Einnig verður á vegum Nor-
ræna hússins sýning á ljósmynd-
um eftir Strindberg sem stendur
frá 25. júlí til 8. ágúst.
„Strindberg var uppi á mjög
undarlegum tímum, sem einnig
voru tímar Munchs og Hamsuns,
svo eitthvað sé nefnt," sagði Knut
Ödegaard, forstjóri Norræna
Hússins. „Ég held að við séum að
nálgast þessa tíma aftur og að
Srindberg sé nálægur okkur í
dag. Það er ekki hægt að setja
August Strindberg upp í neina
formúlu, hann var svo geysilega
fjölhæfur. Sem ljósmyndari var
hann t.d. fyrirrennari margs sem
gerðist í listum áratugum seinna
og það er margt líkt með ljós-
myndum hans og leikritum."
Þriðja starfsár
Stúdentaleikhússins
Tæplega 40 manns starfa að
uppfærslu Stúdentaleikhússins á
Draumleik. Alls taka sextán leik-
arar, allt ungt áhugafólk, þátt í
þessari sýningu. Tíu manna hóp-
ur, sem samanstendur að mestu
af nemendum í Myndlista- og
handíðaskóla íslands, annast
gerð leikmyndar og búninga.
Frumsýning á Draumleik er
eins og áður sagði áætluð þann
11. júli, en síðan verða sýningar
öll þriðjudags-, fimmtudags-, og
sunnudagskvöld út júlí. Sýningar
verða í Félagsstofnun stúdenta
og munu hefjast nokkuð seinna
en venjulega, eða kl. 22.30.
Stúdentaleikhúsið er nú á
þriðja starfsári sínu. Fyrsta
verkefni þess var leikritið Bent,
árið 1982, en síðan hefur leikhús-
ið sett á svið milli 30 og 40 leikrit,
dagskrár, o.s.frv. Núverandi
framkvæmdastjóri er Halldóra
Friðjónsdóttir og sagði hún að
næsta verkefni eftir Draumleik
Strindbergs yrði verk fyrir ungl-
inga, sem Stúdentaleikhúsið
myndi væntanlega ferðast með
um landið sökum skorts á föstu
húsnæði. h.h.s.
Fræðslumynd um eldvarnir
FRÆÐSLUMYND um eldvarnir er
komin á markaðinn og er henni
dreift á myndbandi.
í myndinni er meðal annars
sýnd notkun handslökkvitækja,
eldvarnarteppa og reykskynjara.
Ennfremur er útskýrt hvaða leiðir
líklegast er að séu færar út úr
brennandi húsi. Eldvarnakerfi eru
kynnt í myndinni og notkun
þeirra.
í fréttatilkynningu frá dreif-
ingaraðilum myndarinnar kemur
fram að algengt sé að börn viti
ekki hvernig menn lita út í reyk-
varnarbúningi. Það hafi því borið
við að börn sem verið var að
bjarga úr brennandi húsum hafi
fyllst skelfingu þegar þau sáu
reykkafara birtast og reynt að
hlaupa í felur. Þetta getur auðvit-
að haft hörmulegar afleiðingar i
för með sér og því eru í myndinni
sýndir menn í reykköfunarbúning-
um svo börn sem myndina sjá
ættu að geta brugðist rétt við, ef
slikar aðstæður ber að höndum.
Sýndir eru mismunandi flokkar
elda og hvernig slökkvitæki eigi
best við hverju sinni. Loks er fjall-
að um skyndihjáip.
Höskuldur Blöndal og Sigurður
Ásmundsson gerðu myndina og er
hún einkaframtak þeirra.
ÞINGHOLTSSTRÆTI 1