Morgunblaðið - 08.07.1986, Blaðsíða 41

MORGUNBLAÐIÐ, ÞRIÐJUDAGUR 8. JÚLÍ 1986
41
Minning:
Páll Gestsson
stýrimaður
Páll Gestsson stýrimaður andað-
ist í Landakotsspítala sunnudaginn
29. júní sl. Hann fæddist í
Reykjavík 27. sept. 1931. Foreldrar
hans voru Gestur Pálsson lögfræð-
ingur og leikari, frá Hrísey, og
kona hans Dóra Þórinsdóttir, Þor-
lákssonar listmálara.
Á góðu og glaðværu heimili ólst
hann upp ásamt systrum sínum
þremur, Sigríði, Svanhildi og Evu.
Að loknu gagnfræðaprófi hélt hann
á sjóinn. Það var sjómannsblóð í
æðum hans og átti hann að langafa
Jörund hákarlaformann í Hrísey.
Páll var háseti á togurum og um
skeið á skipum Eimskipafélags ís-
lands. Hann settist í Stýrimanna-
skólann og lauk prófi þaðan árið
1958. Í þjónustu Olís gekk hann
árið 1959 og var árum saman á
olíuskipinu Kyndli, lengst af sem
stýrimaður. Hann var lánsmaður í
því starfí og naut góðs álits. Að
því kom að hann hvarf frá sjó-
mennskunni sakir magakvilla er
hijáði hann. Vann hann áfram hjá
Olís og þá á skrifstofu félagsins,
þar til heilsa hans bilaði á liðnum
vetri.
Páll kvæntist eftirlifandi konu
sinni, Gunnþóru Jónsdóttur frá
Dalvík, árið 1960. Var hjónaband
þeirra hamingjusamt og eignuðust
þau tvö mannvænleg böm, Hauk
og Kristínu. Haukur hefur lokið
námi frá Kennaraháskóla Islands
og verið undanfarin þijú ár kennari
í Búðardal. Kona hans er Una
Bjamadóttir kennari, eiga þau einn
son, Bjama Pál. Kristín er stúdent,
sambýlismaður hennar er Erlingur
Þorsteinsson, sem les viðskipta-
fræði við Háskóla Islands. Þau eiga
eina dóttur, Gunnþóm. Áður en
Páll kvæntist eignaðist hann son,
Víði. Hans kona er Björk Sigurðar-
dóttir og eiga þau tvo drengi.
Sá sem skrifar þessi orð hefur
þekkt Pál frá barnæsku. Og eitt
sumar, þá nýfermdur unglingur, var
hann kaupamaður hjá mér í Saur-
bæ. Á ég æ síðan ljúfar minningar
um samvemna. Hann var í stuttu
máli sagt góður drengur. í öllum
hlutum reyndi ég hann að stakri
trúmennsku. Trausts var hann
verður við hvaða starf sem hann
vann, iðjusamur unglingur og kapp-
samur og einkar handlaginn. Hann
var þægilegur í umgengni, broshýr
og fallegur piltur, fámáll og varfær-
inn í dómum um menn og málefni.
Prúðmennska var honum í blóð
borin, en gamansamur gat hann
verið í sínum hópi. Munu þeir allir
sakna hans er þekktu hann best.
Og víst er það sorgarefni, ekki að-
eins ástvinum hans heldur og
öðmm, að sjá á bak honum á besta
skeiði.
Engum duldist sem sá Pál síðustu
mánuðina að hann gekk ekki heill
til skógar. En það var síst háttur
hans að bera tilfinningar sínar á
torg eða kvarta. Hann var karl-
menni og tók því sem óumflýjanlegt
var með fullkominni ró, æðmlaus
til hinstu stundar.
Það er bjart yfir minningu Páls
Gestssonar. Aðra vildi hann styrkja,
engan hryggja.
Innilegar samúðarkveðjur fæmm
við hjónin ástvinum hans, sem hafa
mikils misst.
Siguijón Guðjónsson
Marta Jóns-
dóttir—Minning
Fædd 11. mars 1903
Dáin5.júlí 1986
Vinkona í>kkar hjóna, frú Marta
Jónsdóttir, lést í svefni aðfaranótt
5. júlí á 84. aldursári. Hún hafði
lokið því að ferðast hringinn í kring-
um landið með bömum sínum tveim
og dótturdóttur frá Bandaríkjunum
í fegursta veðri sem um getur á
þessu landi.
Síðasti dagurinn sem hún lifði,
4. júlí, var einn sá besti hér suðvest-
anlands. Eftir að hafa átt þetta
fagra sumarkvöld í faðmi fjölskyldu
sinnar bauð hún góða nótt hress
að vanda og vaknaði ekki aftur til
þessa heims. Slíks dauðdaga óska
allir sér eftir góða ævi.
Það er gott að kynnast slíkri
manneskju sem Marta var. Hún var
ávallt hress og jákvæð og lifði með
hjartasjúkdómi sínum með æðm-
leysi eins og ekkert væri eðlilegra.
Kærar minningar á ég sem rita
þessar línur í návist Mörtu og eigin-
manns hennar, móðurbróður míns,
Jóns E. Guðmundssonar bakara-
meistara, frá elskulegu heimili
þeirra að Hverfísgötu 93 og frá
ferðalögum með þeim um landið
ásamt syni þeirra, Einari, á ungl-
ingsámm okkar.
Sumarið 1982 áttum við hjónin
ógleymanlega daga ásamt Mörtu
hjá Lillu, dóttur hennar, og tengda-
syni í Piccayune í Missisippi. Þar
fannst mér sem ég kynntist enn
betur öllum bestu kostum Mörtu
sem ég hef áður lýst.
Nú að leiðarlokum þegar
lífshringferð Mörtu er lokið þakka
Karitas Ósk Bjarna-
dóttir — Kveðjuorð
Fædd 30. apríl 1967
Dáin4.júní 1986
Hart er til þess að hugsa að
Kaja sé horfín frá okkur fyrir fullt
og allt í blóma lífsins. Þegar mér
barst þessi harmafregn færðist yfír
mig sú tilfínning að þetta mætti
ekki vera satt. Við áttum eftir að
gera svo margt saman. Kaja kom
til okkar í Skaftafelli þegar við
vomm sjö ára og var fram til 15
ára aldurs. í>essi ár gengum við
saman gegnum súrt og sætt og lit-
um aldrei öðmvísi hvor á aðra en
sem systur. Eftir að Kaja fór frá
Skaftafelli héldum við sambandi og
hittumst reglulega. Hún var mjög
trygg og kom ætíð við héma í
Skaftafelli er hún átti leið framhjá.
Hún var traustur og góður vinur
og mikill dýravinur. Eg hafði hlakk-
að til samvemnnar með henni í
sumar. En nú standa aðeins minn-
ingamar eftir; leikir okkar í bernsku
og skemmtilegar stundir nú síðustu
árin. Þessar minningar mun ég
ávallt geyma í huga mér og söknuð-
ur minn er meiri en orð fá lýst.
Blessuð sé minning hennar.
Guðlaug Jakobsdóttir,
Skaftafelli.
ég fýrir hönd móður minnar sem
átti hana fyrir sína bestu vinkonu
frá tíu ára aldri og fyrir hönd okk-
ar hjóna. Marta var glæsileg
eiginkona míns kæra frænda. Böm-
in hennar, Sigurlaug og Einar,
ásamt mökum sínum, bára einstaka
umhyggju fyrir henni. Hún átti
skilið slíkt ævikvöld.
Guðm. Jóhannesson
Blommtofa
Friðfinns
Suðurtandsbraut 10
108 Reykjavík. Sími 31099
Opíð öl! kvöld
tll kl. 22,- elnnig um helgar.
Skreytingar við öll tilefni.
Gjafavörur.

Elskulegur frændi okkar er lát-
inn.
Páll, eða Palli frændi eins og við
oft kölluðum hann, lést í Landa-
kotsspítala þann 29. júní aðeins 54
ára að aldri. Páll hafði átt við erfíð
veikindi að stríða um nokkurt skeið
og hafði lífsþróttur hans dofnað
síðustu vikur. Samt er eins og dauð-
inn komi okkur alltaf á óvart og
eigum við bágt með að sætta okkur
við þessi umskipti.
Að leiðarlokum sækja á okkur
minningar um Palla, sem era okkur
kærar. Við minnumst hans ávallt
sem hins góða og sanna frænda sem
hafði prúðmennskuna og hógværð-
ina að leiðarljósi. Þessar minningar
munum við geyma og varðveita.
Margar ánægjustundir höfum við
átt með Palla, bæði á heimili hans
og í sumarbústað hans á Laugar-
vatni. Þessara stunda minnumst við
með þakklæti.
Elsku Gunnþóra, Haukur og
Kristín, við biðjum Guð að styrkja
ykkur í sorg ykkar og söknuði.
Guð blessi minningu frænda okk-
ar.
Dóra Guðrún
Eva Sigríður
Látinn er mágur minn og ágætur
vinur, Páll Gestsson, aðeins 54 ára
að aldri. Hann hafði ekki gengið
heill til skógar undanfama mánuði
og lést hann 29. júní sl. eftir stutta
sjúkralegu.
Palli, eins og hann var kallaður
af vinum sínum og venslafólki,
fæddist í Reykjavík 27. september
1931 og var sonur þeirra merkis-
hjóna Dóra Þórarinsdóttir, Þorláks-
sonar listmálara, og Gests
Pálssonar leikara hér í borg. Ég
mun ekki frekar rekja æviferil
Palla, það munu aðrir gera, en mig
langar að minnast hans með örfáum
orðum, sem mér er bæði ljúft og
skylt.
Ég kynntist honum á þeim árum
þegar alvara lífsins er um það bil
að heíjast eða um tvítugsaldurinn.
Hann var þá þegar orðinn togara-
sjómaður og hlotið eldskím þeirrar
lífsreynslu, sem sjómennskan er.
Ég var þá nýkominn úr framhalds-
skóla og á góðri leið með að tengjast
honum þeim fjölskylduböndum, sem
varað hafa síðan. Frá þessum áram
í erfíði lífsbaráttunnar á ég honum
margt gott upp að unna, sem ég
verð honum alltaf þakklátur fyrir.
Pálli var greindur maður eins og
hann átti kyn til. Hann var hægur
og prúður, hlédrægur en traustur.
Hann bar fas hins íhugula manns,
sem vekur traust samferðamann-
anna. Hann var einn af þessum
hóglátu og hávaðalausu mönnum, >
sem krefjast einskis fyrir sjálfa sig
en gera því meiri kröfur til sjálfra
sín. Palli var giftur Gunnþóru Jóns-
dóttur frá Dalvík, hinni ágætustu
myndarkonu, sem bjó honum og
börnum þeirra farsælt og fagurt
heimili. Þar átti hann þann griða-
stað sem hann óskaði sér, til hinstu
stundar. I sumarbústaðnum
Birkihlíð að Laugarvatni, sem móð-
urafí hans, Þórarinn B. Þorláksson
listmálari, byggði á áram áður, trúi
ég að Palli hafí átt sínar óskastund-
ir þegar hann dvaldi þar með
fjölskyldu sinni að sumarlagi. Áhugi
hans og umhyggja fyrir staðnum,
að fegra hann og híúa að gróðri
staðarins, átti hug hans allan. Á
góðum stundum þegar systkini
Palla og fjölskyldur þeirra dvöldu
saman í Birkihlíð var Palli gjaman
hrókur alls fagnaðar og fór þá oft
á kostum með skemmtilegri frá-
sagnarlist sinni, sem honum var
einum gefin. Þær stundir eru okkur
hjónum ógleymanlegar og þeim sem
á hlýddu.
Að lokum bið ég góðan Guð að
styrkja og styðja Gunnþóra eigin-
konu hans og böm þeirra, Kristínu
og Hauk.
Þórarínn Elmar Jensson
ATHYGLI skal vakin á þvi, að
afmælis- og minningargreinar
verða að berast blaðinu með
góðum fyrirvara. Þannig verð-
ur grein, sem birtast á í mið-
vikudagsblaði, að berast í síð-
asta lagi fyrir hádegi á mánu-
dag og hliðstætt með greinar
aðra daga. í minningargrein-
um skal hinn látni ekki ávarp-
aður. Þess skal einnig getið,
af marggefnu tilefni, að frum-
ort ljóð um hinn látna eru
ekki birt á minningarorðasíð-
um Morgunblaðsins. Handrít
þurfa að vera vélrituð og með
góðu línubili. Meginregla er
að minningargreinar birtist
undir fullu höfundamafni.
Legsteinar
ýmsar gerðir
Marmorex
Steinefnaverksmiðjan
Helluhrauni 14, sími 54034,
222 Hafnarfjörður
Tökum að okkur að rétta og
lagfæra legsteina í kirkjugörðum.
!i S.HELGASON HF
ÍSIEISIM
■ SKEMK'UVEöl48SlMI766?7