Morgunblaðið - 02.08.1986, Blaðsíða 11

MORGUNBLAÐIÐ, LAUGARDAGUR 2. ÁGÚST 1986
11
i •
*
Hljóðeinangrun er eins og geng-
ur, veghljóð á grófum vegi og vélin
murrar þegar gefið er í og fyrir-
gefst henni það. Vindhljóð er lítið
og á sléttu yfirborði malbikaðs veg-
ar líður Carinan áfram og er við
sínar draumaaðstæður.
Klæðningin er smekkleg og vönd-
uð að frágangi. Á vondum vegi
marrar nokkuð í henni og leiðinlegt
skrölt er í hillunni undir afturrúð-
unni, nokkuð sem ekki ætti að
heyrast í fjögurra dyra bflnum.
Aftursætin eru með tvískiptu baki,
40/60%, og eru fellanleg til að
stækka farangursrýmið, sem er þó
mjög rúmgott fyrir og aðgengilegt
eins og best verður á kosið.
Niðurstöður
Fimmgangsfákur — fjölhæfur.
Aðal Carinunnar af annarri kynslóð
er fjölhæfni. Aksturseiginleikar eru
góðir, hún er lipur sem smábfll í
bæjarakstri og ljúfur ferðabíll, vélin
er snörp og um leið dugleg á lág-
snúningi. Bensíneyðslan er mjög
hófleg og einkar aðgengilegt er með
Reynsluakstur:
Toyota Carina II
Verð (með afhendingar-
kostnaði og ryðv.) kr.
512.500 (15.7. 1986). Um-
boð: Toyota-umboðið, P.
Samúelsson & Co. hf.
Toyota Carina II
Helsti búnaður
— Aflstýri
— Aflhemlar
— Tveir útispeglar, fjarstýrðir
— Eftirgefanlegir stuöarar úr
plastefni
— Hlífðarlistar á hliðum
— Afturrúðuþurrka með
sprautu
— Aðvörunarljós fyrir ólokaðar
dyr
— Þokuljós að aftan
— Barnalæsingar
— Afturhurð og tanklok opnan-
leg innanfrá
Fáanlegur auka-/valbúnaður
(frá verksm.)
— Fjögragíra sjálfskipting
— Rafdrifin sóllúga
— Snúningshraðamælir
— Rafdrifnar hliðarrúður
— Veltistýri
allt viðhald og umhirðu. Eitt líður
hún þó fyrir sem vart er .við að
gera, það er verðið. Fýrir sama
verð er nefnilega hægt að fá evr-
ópska bfla í sama stærðarflokki sem
eru mun betur útbúnir með munað
og tækni. Enginn dómur verður á
það lagður hér hvort eru betri kaup,
en ekki er við að búast að Toyotum-
ar verði betur í stakk búnar en nú
er um nánustu framtíð eins og gengi
yensins þróast nú, það hækkar dag
frá degi og er þar að finna skýring-
una á hve hátt verð er orðið á
japönskum bflum hér á landi.
Helstu kostir
Gott vélarafl, spameytni, lipurð
í akstri, góð sæti, frágangur góður
og útsýni með besta móti.
Helstu gallar
Lækkar um of hlaðinn, veghljóð
á grófum vegi, verðið.
Toyota Carina II
Eínkunnagjöf: 4 = frábært,
3 = gott, 2 = viðunandi, 1 lélegt, 0 = óhaeft Vélbúnaður
Vélarafl/snerpa 4
Skipting 3
Hlutf. milli gíra 4
Lággír Undirvagn 3
Fjöðrun 3
Hemlar 3
Stýri Öryggisatriði 4
Ljósabunaður 4
Belti 4
Útsýni 4
Speglar 3
Laesingar 3
Rúðuþurrkur/sprauta 4
Handbremsa Stjórntæki 4
Stýrishjól 2
Rofar 3
Fótstig Þægindi 3
Mæiaálestur 4
Sæti 4
Miöstöð/blástur 3
Hljóðeinangrun 3
Rými ökum. 3
Rými farþ. 3
Innstig/útstig Annað 3
Klæðning/innrétting 3
Farangursrými 4
Smámunagaeymslur 3
Meðaltal 3,37
Toyota Carina II
Tæknilegar upplýsingar
Helstu Mesta lengd mm 4360
mál Mesta breidd mm 1670
Mesta hæð mm 2515
Veghæð mm 160
Eigin þyngd kg 1000
Farmþungi kg 490
Tankurltr 55
Sætafjöldi 5
Hæfni Hámarkshraði km/klst 165
Hröðun 0—100 km/klst 10,8
sek. Beygjuradíus m 5.0
Vél Gerð 4 strokka, þverstæð
að framan, vatnskæld,
Slagrúmmálcm3 OHC 1587
Þjöppunarhlutfall 9,5:1
Mesta afl hö/snún.mín. 84/5600
Mesti togkr. Nm/snún. 135/3600
Eyðsla mín. 90 km/klst ltr/100 km 5,4
120 km/klst ltr/100 km 7,3
Blandaður akstur 8,9
Kassí 1/100 km Girkassi 5 gíra, alsamhæfður
og drif 5. yfirgir
Framdrif, hlutfall 4.059:1
Stýri Gerð Tannstöngm. breytil.
Fjöðrun Framan og aftan hlutfalli, hjálparafl MacPherson, sjálfstæð á
hverju hjóli, jafnvægis- stengur aftan og framan
Hemlar Framan/aftan Diskar/skálar, hjálparafl
Dekk Framan og aftan 165SR13
Franz Liszt
TónlSst
Jón Ásgeirsson
Tónlistarfélag kaþólskra stóð
fyrir tónleikum í félagsheimili
kaþólska safnaðarins í Reykjavík
til að minnast dánarafmælis
Fi-anz Liszt. Þess er getið í efnis-
skrá að hann hafi látist á heimili
dóttur sinnar, Cosimu Wagner,
þann 31. júlí 1886. Nútímafólki
gleymist það oft, að tónmál Franz
Liszt var á hans tíma algjör ný-
lunda, þar sem horfið var frá
klassísku lagferli og hreinni
hljómskipan, yfir í krómantískt
lagferli og fjölbreytilegar breyt-
ingar á hljómum og tengslum
þeirra. Skilaboð skáldskapar svo
og nýstárleg tilfinningatúlkun,
þar sem stemningar byggðar á
slíkum hugmyndum vom látnar
að verulegu leyti koma í staðinn
fyrir þau tónrænu átök er ein-
kenndu klassíkina. Þar var tilfinn-
ingaleg upplifun tónlistarinnar,
hrein tónlistarleg upplifun, ólíkt
rómantíkinni, sem gerði tónlistina
að tæki til að túlka hlnn ytri veru-
leika eða jafnvel segja sögu. Það
er þess vegna, sem langir kaflar
í tónlist eftir Liszt eru þannig
gerðir, eins og ekkert tónlistarlegt
sé að ske og sá sem er vanur
klassískum vinnubrögðum missir
því oft af stemmningunni. Nú
hafa menn, sem hlýtt hafa á nú-
tímatónlist, fundið að kyrrðin og
hægferðugt tónferli stafar ekki
af getuleysi Franz til skáldskapar
og þar sem hraðinn er mikill er
það ekki eingöngu skrautið eða
flúrið sem skiptir máli, heldur sú
ástríða sem fólgin er í tæknilega
erfiðum átökum meistarans. Þeg-
ar afneitun nútímans á rómantík-
inni tröllreið evrópsku menning-
arlífi léku flestir píanistar hann
vegna tækni hans, svo að margar
af nokkuð nýlegum upptökum á
honum eru nánast leiknar eins og
Snillingurinn Franz Liszt
Martin Berkovsky
fingraæfingar. Nú hefur kald-
hamraður fullkomleikinn vikið
fyrir tilfinningunni og þess vegna
er þrátt fyrir allt töluverð upplifun
i leik Martins Berkofsky. Hann
sleppir fram af sér beisiiuu og þá
vill hann á stundum fara nokkuð
geyst, bæði hvað hraða snertir og
styrk en ávallt með sterkri innlif-
un. Það verður ekki sagt að
Berkofsky sé einhver bókstafs-
maður eða fínpússningarmeistari,
því hann notar stórbrotna tækni
sína til að upplifa tónverkin og
skila tilfínningum sínum til áheyr-
enda. Það eina, sem í raun
skyggði á var píanóið, sem er
ágætt en allt of lítið fyrir slíkan
píanóleikara, að ekki sé talað um
tónverkin. Þau verk sem Bergkov-
sky lék að þessu sinni voru víða
úr tónverkaskrá Liszt. Fyrstu tvö
verkin eru úr flokki tónverka, sem
nefnast Harmonies poétiques et
religieuses, sem er til í tveimur
útgáfum. Fýrra lagið var Pensée
des morts, sem er til í útgáfu frá
1835 og þar tileinkað Lamartine.
Annað lagið er Miserere d’aprés
Palestrína og er úr seinni út-
gáfunni frá 1853. Þriðja verkið
var það fræga verk er heilagur
Franz frá Assisi predikaði yfir
fuglunum en tvö verk um heilagan
Franz voru gefin út 1866 og til-
einkuð Cosimu, er þá bar enn
nafn fyrri manns síns, Biilows.
Fjórða verkefnið var svo ellefta
„transcendante“-æfingin, en
þessar tólf æfíngar samdi hann
1851 og tileinkaði þær kennara
sínum, Carl Czemy. Síðasta verk-
ið var svo sú ógnarerfíða h-moll
sónata, er hann samdi á árunum
1851—53 og tileinkaði Robert
Schumann, sem þakkaði pent fyr-
ir sig og endursendi Liszt verkið.
Þetta erfiða verk lék Berkovsky
af glæsibrag og án oftrúar á bók-
stafnum, en af slíku tilfinninga-
afli, að trúlega eru ekki margir
sem leika Liszt á þennan máta í
dag.
Friðarhreyfing-
ar fleyta kertum
ÁTTA FRIÐARSAMTÖK munu að kvöldi þriðjudagsins 5. ágúst af-
henda sendiherrum kjarnorkuveldanna áskorun um að hætta tilraun-
um með kjarnorkuvopn, stöðva framleiðslu kjamorkuvopna, og
sameinast um alhliða afvopnun, og að því loknu fleyta kertum á
TÍöminni í minningu fyrstu kjamorkusprengjuárásarinnar í Hiro-
Böðvar Guðmundsson
Ný ljóðabók
eftir Böðvar
Guðmundsson
BÖÐVAR Guðmundsson hefur
sent frá sér sína fjórðu ljóðabók.
Nefnist hún Vatnaskil. Fimmtán
ár era liðin frá útkomu síðustu
ljóðabókar hans.
Böðvar Guðmundsson hefur áður
sent frá sér bækumar Austan Eli-
voga (1964), í mannabyggð (1966),
Burt reið AÍexander (1971) og smá-
sagnasafnið Sögur úr seinni
stríðum (1978). Auk þess hefur
Böðvar sungið eigin texta inn á
stóra hljómplötu.
Vatnaskil inniheldur 27 ljóð.
Kápumyndin er eftir Hilmar Þ.
Helgason. Bókin er prentuð í Prent-
smiðjunni Hólum hf., útgefandi er
Mál og Menning.
shima.
Samtökin sem að þessu standa
eru: Friðarhópur fóstra, Friðar-
hreyfing íslenskra kvenna, Friðar-
hópur listamanna, Menningar- og
friðarsamtök íslenskra kvenna,
Samtök eðlisfræðinga gegn kjarn-
orkuvá, Samtök lækna gegn kjam-
orkuvá, Samtök herstöðvarand-
stæðinga og Samtök um
kjamorkuvopnalaust ísland.
Safnast verður saman á Haga-
torgi, fyrir framan Háskólabíó, kl.
20.30 og gengið þaðan fylktu liði
um Espimel og Víðimel, með við-
komu í kínverska sendiráðinu, svo
um Hofsvallagötu, Túngötu og
Garðastræti með viðkomu í franska
og sovéska sendiráðinu, svo um
Suðurgötu og Skothúsveg upp á
Laufásveg til sendiráða Banda-
ríkjanna og Bretlands. Þaðan
verður gengið niður að Tjöm, þar
sem Guðmundur Georgsson læknir
og sr. Myako Þórðarson flytja stutt
ávörp. Að lokum verður svo kertum
fleytt út á Tjömina kl. 23.15 í minn-
ingu þeirra sem fómst í Hiroshima.

Húsnæði óskast
keypt
-500
Félagasamtök leita að húsnæði ca. 200-
fm til kaups fyrir starfsemi sína.
Nýtt eða eldra húsnæði kemur til greina.
Tilboð sendist augld. Mbl. merkt: „Félaga-
samtök" fyrir 10. ágúst næstkomandi.