Morgunblaðið - 13.08.1986, Síða 39

MORGUNBLAÐIÐ, MIÐVIKUDAGUR 13. ÁGÚST 1986
39
Minning:
Orn Valdimarsson
framkvæmdasijóri
Þriðjudaginn 5. ágúst sl. lést í
Borgarspítalanum í Reykjavík Örn
Valdimarsson framkvæmdastjóri,
einungis 49 ára að aldri.
Öm fæddist í Reykjavík 4. des-
ember 1936, sonur hjónanna
Víbekku Jónsdóttur og Valdimars
Ólafssonar. Austurbæingur var
Örn, bjó á Leifsgötunni í æsku, fór
í Austurbæjarskólann, síðan í
Gagnfræðaskóla Austurbæjar og
þar næst í Verslunarskólann. Að
loknu prófi frá Verslunarskólanum
fór hann til framhaldsnáms í Eng-
landi.
Er hann hafði lokið námi, hóf
Örn störf hjá Flugfélagi íslands í
London og vann þar um skeið, þar
til hann flutti aftur til íslands. Er
heim kom hóf hann störf hjá Versl-
unarbankanum. Síðan fór hann út
í sjálfstæðan atvinnurekstur um
tíma en réðst til Vinnufatagerðar
íslands árið 1970. Síðustu 5 árin
var hann framkvæmdastjóri fyrir
Skeifuna 15 sf. og Vesturgarð hf.
Jafnframt því vann hann einnig
stundum á eigin vegum sem fulltrúi
erlendra verktakafyrirtækja er tóku
þátt í virkjanaframkvæmdum hér.
Hafði hann stundum betri sambönd
en opinberir aðilar, t.d. vita fáir að
það var að hans frumkvæði að Rio
Tinto Zinc kom hingað til viðræðna
um hugsanlega þátttöku í kísil-
málmverksmiðju.
Örn tók mikinn þátt í félagsmál-
um og var áhugasamur um stjóm-
mál. Hann var einn af ötulum en
hljóðlátum liðsmönnum Sjálfstæðis-
flokksins, var lítið fyrir að auglýsa
sjálfan sig en var ávallt að vinna
að einu eða öðm málefni. Hann var
formaður hverfisfélags Sjálfstæðis-
flokksins í Smáíbúða-, Bústaða- og
Fossvogshverfi.
Öm var tvígiftur. Fyrri kona
hans var Guðrún Árnadóttir, nú
búsett á Siglufirði. Þau skildu fyrir
allmörgum ámm. Árið 1983 kvænt-
ist Örn Katrínu Árnadóttur, fiðlu-
leikara, og var hjónaband þeirra
sérstaklega hamingjusamt. Mat
Örn Katrínu mikils svo og tónlist-
argáfur hennar, enda unni hann
ktassískri tónlist. Þau hjónin vom
oft bæði upptekin en nutu hverrar
stundar saman er tími gafst til.
Ferðuðust þau oft saman, bæði inn-
anlands og utan. Vom þau nýkomin
úr ánægjulegu ferðalagi um landið
þegar örlögin óvænt meinuðu þeim
frekari samvistir.
Börn Amar em fjögur, Víbekka,
Árni, Örn yngri og Valdís. Að auki
var Órn fósturfaðir Árna Jóns Egg-
ertssonar, sonar Katrínar frá fyrra
hjónabandi. Þijú þeirra eru upp-
komin en Árni Jón og Valdís enn
á unglingsaldri.
Leiðir okkar Arnar lágu fyrst
saman fyrir mörgum ámm í skáta-
hreyfingunni. Mér varð minnisstæð-
ur yngsti skátinn í flokknum, sem
var ávallt glaðlyndur, jákvæður og
boðinn og búinn til allra verka,
góður skáti í hvívetna. Árin liðu og
ég gleymdi nafni þessa pilts, en
hann var mér ávallt í minni vegna
þessara kosta.
Mörgum ámm seinna, eftir að
Örn var farinn að vinna hjá Vinnu-
fatagerðinni hitti ég hann aftur og
er ég kynntist honum að nýju rann
upp fyrir mér að þarna var kominn
skátinn góði, því hinir jákvæðu per-
sónueiginleikar hans höfðu síst
minnkað með ámnum, miklu frem-
ur vaxið.
í starfi sínu var Örn hugmynda-
ríkur, heilshugar, starfsamur með
afbrigðum og góður vinnufélagi.
Við kveðjum hann með trega.
Fjölskylda mín, systkini og sam-
starfsfólk þakka Erni samfýlgdina.
Minningin um góðan dreng mun
lifa í hugum okkar. Katrínu, böm-
unum og móður Arnar vottum við
innilega samúð.
Ágúst Valfells
Það varð snöggt um vin okkar,
Örn Valdimarsson. Óvænt og án
fyrirvara er kallið komið. Erfitt er
að sætta sig við að hann skuli horf-
inn okkur, svo lengi hafði hann
verið náinn heimilisvinur sem ríkan
þátt tók í lífi okkar, jafnt í gleði
og sorg. Leiðir skiljast nú að sinni
en við minnumst góðra kynna með
trega.
Oft var rösklega knúið dyra hjá
okkur í Gmndarlandinu og fór þá
ekki á milli mála hver var á ferð,
enda bergmálaði á heimilinu: „Össi
er mættur". Heimsóknir Arnar vom
ævinlega kærkomnar enda aldrei
nein lognmolla þar sem hann var.
Hann hafði ákveðnar skoðanir á
mönnum og málefnum, jafnt í stór-
málum sem öðmm. Löngum var
glatt á hjalla í eldhúsinu og skrafað
og skeggrætt fram eftir kvöldi um
stjórnmál, menningarmál, tónlist
eða bara lífið og tilvemna. Annað
áhugamál hafði Örn, en það var
matargerð og góður matur, og átti
hann það jafnvel til að taka að sér
matseldina stöku sinnum og gefa
húsmóðurinni vel þegið frí frá pott-
um og pönnum.
Síðar áttum við svo ótal ánægju-
stundir með Erni og Katrínu, bæði
fyrir og eftir brúðkaup þeirra fyrir
svo ótrúlega skömmu. Og aðeins
em fáeinir dagar síðan við sátum
á heimili þeirra, eins og svo oft
áður, og ræddum áform okkar og
áætlanir fyrir nánustu framtíð.
En nú er komið að skilnaðar-
stund. Við kveðjum Örn með
söknuði og þakklæti fyrir áralanga
vináttu sem aldrei bar skugga á.
Eftir standa minningar um góðan
dreng og ljúfar samvemstundir, og
skarð sem aldrei verður fyllt.
Fjölskyldan Grundarlandi 22
Hann er einkennilegur þessi
lífsins taktur. Ungt fólk sem á svo
mörgu ólokið í starfí og Ieik er
kallað á braut. Gamalt fólk sem
telur sig hafa lokið æfistarfinu og
er tilbúið að hlýða kallinu, bíður
fjölda ára, oft sjúkt og farlama.
Það er ekki á mínu færi að finna
svarið við lífsgátunni: Hvers vegna?
Hvaðan komum við? Hvert fömm
við? Áleitnar spurningar sóttu þó
að þegar fregnin barst um óvænt
fráfall Arnar Valdimarssonar.
Við Öm unnum náið saman frá
því hann var kosinn í stjóm hverfa-
félags Sjálfstæðisflokksins, Smá-
íbúða-, Bústaða- og Fossvogshverf-
um árið 1981. Hann var síðan
kosinn formaður félagsins árið
1983. Örn hefur gegnt ýmsum öðr-
um trúnaðarstörfum fyrir Sjálf-
stæðisflokkinn í Reykjavík og má
þar meðal annars nefna setu í kjör-
nefndum vegna skipan framboðs-
lista fyrir alþingis- og borgarstjórn-
arkosningar.
Nú er nýlega lokið kosningabar-
áttu vegna borgarstjórnarkosninga.
Það er hreint ótrúlega mikið starf
sem lagt er af mörkum af fjölmörg-
um sjálfboðaliðum í hinum ýmsu
hverfum borgarinnar þegar kosn-
ingar nálgast. Það hvílir mikið á
stjómum hverfafélaganna og þá
ekki síst formönnum félaganna sem
halda um þræðina, hver á sínum
stað. Kosningamar í vor vom fyrstu
kosningar Amar sem formanns.
Hann komst mjög vel frá þeirri
orrahríð.
Fyrir mér var Öm hinn trausti
félagsmálamaður. Mér er minnis-
stætt að eitt sinn sagði hann við
mig að loknum stjórnarfundi í full-
trúaráðinu: „Ég er ekki að taka til
máls nema ég geti komið fram með
nýjan flöt á því máli sem er til
umræðu hveiju sinni.“ Þessi afstaða
varð til þess að orð hans náðu ætíð
eyrum fundarmanna. Hann hafði
ekki þá hvöt í sér til að taka til
máls undir hveijum lið, einungis til
að láta heyra í sér. Hann kunni þá
list að vinna í hóp.
Við Öm áttum nú fyrir stuttu
langt samtal. Allt samtalið varðaði
framtíðina. Hann var tekinn til við
að skoða næstu verkefni, fullur
áhuga. Er nokkur furða þótt maður
spyiji hvers vegna?
Fyrir hönd stjómar Fulltrúaráðs
sjálfstæðisfélaganna í Reykjavík vil
ég þakka Erni Valdimarssyni fyrir
þau miklu störf er hann innti af
hendi fyrir Sjálfstæðisflokkinn. Að-
standendum votta ég samúð mína.
Sveinn H. Skúlason,
formaður Fulltrúaráðs
sjálf stæðisf élaganna
í Reykjavík.
Birting afmælis-
og minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að
greinar verða að berast með góð-
um fyrirvara. Þannig verður
grein, sem birtast á í miðviku-
cjagsblaði að berast síðdegis á
mánudegi og hliðstætt er með
greinar aðra daga.
í minningargi-einum skal hinn
látni ékki ávarpaður. Ekki em
tekin til birtingar fmmort Ijóð um
hinn látna. Leyfilegt er að birta
ljóð eftir þekkt skáld, 1—3 erindi
og skal þá höfundar getið. Sama
gildir ef sálmur er birtur. Megin-
regla er sú, að minningargreinar
birtist undir fullu nafni höfundar.
Við birtingu afmælisgreina
gildir sú regla, að aðeins em birt-
ar greinar um fólk sem er 70 ára
eða eldra. Hins vegar em birtar
afmælisfréttir með mynd í dagbók
um fólk sem er 50 ára eða eldra.
Mikil áhersla er á það lögð að
handrit séu vel frá gengin, vélrit-
uð og með góðu línubili.
t
Innilegar þakkir fyrir auðsýnda samúð og vinarhug við andlát og
jarðarför móður pkkar, tengdamóður og ömmu,
ÞÓRHILDAR SIGURÐARDÓTTUR
frá Stóru-Fellsöxl.
Sigurður Magnússon,
Ingi Garðar Magnússon,
Símon Magnússon,
Sigríður Magnúsdóttir,
og
Ólöf Sigursteinsdóttir,
Gréta Sigfúsdóttir,
Kristín Kristjánsdóttir,
Jón Axel Egilsson
barnabörn.
t
Þökkum auðsýnda samúð og vináttu við andlát og útför eigin-
manns míns, fööur okkar, tengdaföður og afa,
CHRISTIANS CHRISTENSEN
kaupmanns,
Álftamýri 54.
Anna Christensen,
Sveinn Christensen, Unnur Birgisdóttir,
Björn Christensen, Sigfriður Friðþjófsdóttir
og barnabörn.
t
Þökkum innilega öllum sem sýndu okkur hluttekningu við andlát
og útför móður okkar, tengdamóður, ömmu og langömmu,
ÓLAFAR M. GUÐMUNDSDÓTTUR,
Neskaupstað.
Soffía Björgúlfsdóttir, Jóhannes Stefánsson,
Anna Björgúlfsdóttir, Jón Ágúst Guðbjartsson,
Guðmundur Björgúlfsson,
Helga Björgúlfsdóttir, Halldór Haraldsson,
barnabörn og barnabarnabörn.
t
Þökkum auðsýnda samúð og hlýju við andlát og útför eiginkonu
minnar og móður okkar,
SIGRÍÐAR HELGADÓTTUR,
Gautlandi 15.
Leifur Jóhannesson,
Ragna Leifsdóttir, Helga Leifsdóttir.
Lokað
Lokað vegna jarðarfarar ARNAR VALDIMARSSONAR
framkvæmdastjóra dag miðvikudaginn 13. ágúst frá
kl. 13.00. Vinnufatagerð íslands hf. Maxhf. Belgjagerðin.
Lokað
Lokað miðvikudaginn 13. ágúst vegna jarðarfarar
SVAVARS JÚLÍUSSONAR.
Frostverk,
Reykjavíkurvegi 25,
Hafnarfirði.
Lokað
Skrifstofur okkar verða lokaðar í dag vegna jarðarfarar
Arnar Valdimarssonar framkvæmdastjóra.
Skeifan 15 sf.
Vesturgarður hf.