Morgunblaðið - 27.05.1987, Qupperneq 54

54
MORGUNBLAÐIÐ, MIÐVIKUDAGUR 27. MAÍ 1987
5IGTÚN
Dagur
aldraðra í
Seltjarnar-
neskirkju
Uppstigningardagur hef-
ur um árabil verið helgaður
öldruðum í kirkjunni. Af því
tilefni mun Selljarnarnes-
söfnuður sérstaklega bjóða
eldri sóknarbörn velkomin
til guðsþjónustu, sem verður
kl. 2 eftir hádegi.
Þar mun Kristín Markúsdóttir
halda stólræðuna en sóknarprestur-
inn, sr. Solveig Lára Guðmunds-
dóttir, þjónar fyrir altai'i. Organisti
er Sighvatur Jónasson. Að guðs-
þjónustu lokinni verður eldra fólk-
inu boðið til kaffidrykkju í hliðarsal
kirkjunnar.
Sunnudaginn 31. maí verður
síðan sameiginleg guðsþjónusta
fyrir Nes- og Seltjarnarnessöfnuði
í Neskirkju, þar sem kór, organisti
og sóknarpestur Seltjarnarnes-
prestakalls munu annast guðsþjón-
ustuna.
Datner og Kushnir alla helgina í EVRÓPU
ísraelsku þátttakendurnir í Eurovision
1987 skemmta í EVRÓPU annað kvöld,
fímmtudagskvöld. Pað þekkja allir lagið
þeirra ”Shir Habatlanim” og til að allir
geti sungið með birtum við hér viðlagið:
Hupa Hula Hule Hule
Hupa Hule Hule
Hupa Hule Hule Hupa Paw
Hupa Hule Hule
Hupa Hule Hule Hule
Hupa Hule Hule Hupa Paw
Halla Margrét Arnadóttir kemur í
EVRÓPU annað kvöld og syngur lagið
”Hægt og hljótt”.
Bein útsending verður á Rás 2 sem hefst
á miðnætti gg kynnirinn er enginn
annar en Kolbrún Halldórsdóttir.
Allt þetta annað kvöld en í kvöld verður
fjúkandi fjör í EVRÓPU. Opið til
klukkan 03.00 og Daddi, ívar og Stebbi
verða í diskótekunum. Kveikt verður
á risaskjánum sem nú er orðinn 18m2,
sá stærsti á íslandi.
Það borgar sig að koma í EVRÓPU í
kvöld því að ljónheppnir gestir fá
boðsmiða á skemmtunina annað kvöld.
Borðapantanir í síma 35355
EVRÓPA - alltaf í takt við tímann
</)
•O
Heimsmeistaramót unglinga í skák:
Guðfríður Lilja
stóð sig með prýði
Skák
Guðmundur Sigurjónsson
A þessu móti voru piltarnir í
sviðsljósinu, en stúlkurnar gengu
hægt og hljótt um salinn og létu
fara lítið fyrir sér. Þær voru 28
talsins og börðust af engu minni
hörku en piltarnir. Þarna áttu all-
ar helstu skákþjóðirnar sína
fulltrúa. Guðfríður Lilja Grétars-
dóttir fékk hér tækifæri til að
reyna sig við jafnöldrur sínar og
stóð sig með ágætum. I fyrstu
umferð tefldi hún við Aladjovu frá
Búlgaríu, en hún er heimsmeistari
í þessum aldursflokki. Lilja fékk
strax gott tafl og jók yfirburði
sína jafnt og þétt og fékk unna
stöðu, en þá var hún komin í tíma-
hrak og það tók sinn toll. Slæmur
afleikur og tap fylgdi í kjölfarið.
í næstu umferðum skiptust á skin
og skúrir. Jafntefli við Limbach
frá Hollandi, vinningur gegn Mof-
fat, Skotlandi og tap fyrir
Hernandez, Venesúela. Nú kom
góður kafli er hún lagði að velli
Davies, Wales, Paasikangas,
Finnlandi og gerði jafntefli við
Claus frá Þýskalandi eftir að hafa
átt unnið ta.fl. Síðan kom jafn-
tefli við Ilievu frá Búlgaríu og
sigurgegn Halvorsen frá Noregi.
Nú var Lilja komin í fjórða
sætið og þá fékk hún þann heiður
að tefla á efsta borði við Gallj-
amovu frá Sovétríkjunum og
Bojkovic frá Júgóslavíu í síðustu
umferð. Þær báru höfuð og herð-
ar yfir aðra keppendur í flokknum
og varð Lilja að lúta í lægra haldi
fyrir þeim, þótt hún sýndi góða
baráttu.
Galljamova sigi'aði örugglega í
mótinu og hlaut 10 vinninga, en
Bojkovic fékk 9. Þriðja varð
Fruteau frá Frakklandi með 7.
Guðfríður Lilja hlaut 5 'h vinning
og hreppti fjórtánda sætið og má
vel við una. Hún sýndi það, að
hún hefur burði til að vinna þær
bestu. Tímahrakið hrjáði hana
nokkuð, en fyrst og fremst þarf
hún að öðlast meiri keppnis-
reynslu. Eitt er víst, að þarna
eigum við Islendingar góðan full-
trúa í ólympíusveit kvenna. Til
gamans má svo geta þess, að
Hannes heimsmeistari mátti bíta
í það súra epli að verða að gefast
upp fyrir henni rétt áður en flug-
vélin lenti í Keflavík.
Við skulum líta á hvernig hún
afgreiðir Halvorsen frá Noregi:
Hvítt: Guðfríður Lilja Grétars-
dóttir.
Svart: Halvorsen, (Noregi).
Sikileyjar vörn.
1. e4 - c5, 2. Rf3 - d6, 3. d4
— cxd4, 4. Rxd4 — Rf6, 5. Rc3
- a6, 6. f3 - e6, 7. Be3 - Rc6,
8. Dd2 - Be7, 9. 0-0-0 - Dc7,
10. g4. Þetta afbrigði reyndist
íslensku keppendunum vel í Inns-
bruck. 10. — b5, 11. h4 — Bb7,
12. g5 - Rd7, 13. Kbl - Hc8,
14. Bh3! - Rde5?, 15. Df2 -
Rc4?. Halvorsen á sér einskis ills
von.
16. Bxe6! Leggur stöðu svarts í
rúst. 16. — Rxe3, 17. Dxe3 —
fxe6. Eða 17. — Rxd4, 18. Bxc8.
18. Rxe6 — Da5, 19. Rxg7+ —
Kf7, 20. Rf5 - Rb4?, 21. a3 -
Rc6, 22. Rxd6+ - Bxd6, 23.
Hxd6 - Ke7, 24. Hhdl - Hc7,
25. Df4. Og nú var Halvorsen
búin að fá nóg og gafst upp. Þessa
Lilju vildu allir kveðið hafa.
Þessir drengir: Haukur Elmar Bjarnason, Anton Már Egilsson, Reyn-
ir Bjarni Egilsson, Guðjón Guðjónsson og Kristleifur Jónsson efndu
til hlutaveltu til ágóða fyrir Rauða kross íslands. Þar komu inn alls
rúmlega 660 krónur.
Þessir krakkar söfnuðu rúmlega 1340 kr. til Hjálparstofnunar kirkj-
unnar með að halda hlutaveltu til ágóða fyrir hjálparstarf hennar.
Krakkarnir heita: Margrét, Hildur, Emma Mari, Marteinn, Guðrún
og Anna Lísa.