Morgunblaðið - 11.12.1987, Qupperneq 4

4 C
MORGUNBLAÐIÐ, FÖSTUDAGUR 11. DESEMBER 1987
Fyrsta bók Franz-
iscu Gunnarsdóttur
ÚT ER komin hjá Vöku-Helga-
felli fyrsta bók Franziscu
Gunnarsdóttur, Vandratað í ver-
öldinni, en í bókinni segir Franz-
isca frá dvöl sinni í Skriðuklaustri
í Fljótsdal í Múlasýslu hjá afa
sinum, rithöfundinum Gunnari
Gunnarssyni og ömmu sinni,
Franziscu.
Í kynningu útgefanda segir m.a.:
„Bókin er fyrst og fremst saga af
uppvexti ungrar stúlku og höfundur-
inn varpar ljósi á ýmsa þætti sem
tengjast hugmyndaheimi bamsins
og þroskaferli á viðkvæmu mótunar-
skeiði. í bókinni eru einnig skemmti-
legir kaflar um skáldið Gunnar
Gunnarsson og fá lesendur að kynn-
ast honum í nýju ljósi. Böm taka
eftir ýmsu í fari manna sem fullorðn-
um er hulið og Franziscu tekst
einkar vel að endurheimta hið bams-
lega sjónarhorn og gildismat ungu
telpunnar í frásögnum af afa sínum
og öðm fjölskyldufólki. Lifandi stíll
og skopskyn gera frásögnina
hrífandi og eftirminnilega.
Auk annars er hér á ferðinni
skemmtileg heimild um daglegt líf
manna og störf á íslensku stórbýli.
Samskipti sveitunganna við skáldið
lýsa vel tengslum íslenskrar alþýðu
við rithöfunda sína og af því sem
öðm verða skemmtilegar sögur.“
Vandratað í veröldinni er 140 bls.
og prentuð í Prentstofu G. Bened-
iktssonar, Kópavogi, og bundin í
Bókfelli hf. í Kópavogi.
Franzisca Gunnarsdóttir
Doktor í sálarfræði
NÝLEGA varði Sölvina Konráðs
sálfræðingur doktorsritgerð við
sálfræðideild Minnesotaháskóla i
Bandaríkjunum.
Ritgerðin heitir: „Crosscultural
Crossvalidation of the Lawyer and
Engineer Occupational Scales for
Linguistically Equivalent Forms of
the Strong-Campbell Interest In-
ventory, Using Icelandic, Mexican
and US Law and Engineering Stud-
ent Data and US Professional
Lawyer and Engineer Data.“
Rannsóknin beindist að því að
kanna hvort stöðluð sálfræðileg próf,
sem notuð em við náms- og starfs-
ráðgjöf og við ráðningar, sýni sömu
niðurstöður á mismunandi menning-
arsvæðum. Niðurstöður sýndu að svo
er.
Sölvína er fædd 25. desember
1948 á Höfn í Homafirði, dóttir
Dr. Sölvína Konráðs
Við hjá SS mælum sérstaklega með rauðvínslegnu eða
jurtakrydduðu lambalæri í hátíðarmatinn. Rauðvínslegnu
og jurfakrydduðu lambalærin frá SS eru eingöngu unnin
úr hýju, fyrstaflokks hráefni og eru tilbúin í ófninn.
Sannarlega gómsætur hátíðarmatur.
Ástu Karlsdóttur og Konráðs Péturs-
sonar. Hún lauk stúdentsprófi frá
MH 1979, BA-prófi í sálfræði frá
Háskóla íslands 1983 og MA-gráðu
í ráðgefandi sálfræði frá Minnesota-
háskóla árið 1985. Sölvína hefur
hlotið ýmsa erlenda og innlenda
styrki til rannsókna. Hún vinnur nú
að rannsókn á starfsánægju
íslenskra kvenna í hefðbundnum og
óhefðbundnum störfum og rannsókn
á brotthvarfi nema í laga- og verk-
fræðideild Háskóla íslands. í báðum
þessum rannsóknum er fyrrnefnt
sálfræðilegt próf notað. Hún starfar
sem ráðgjafi við Menntaskólann við
Hamrahlíð og sem stundakennari við
Kennaraháskólann og Háskóla Is-
lands.
Sölvína er gift Garðari Garðars-
syni hrl. og eiga þau tvær dætur.
Kveikt á
jólatrénu
á Austurvelli
KVEIKT verður á jólatrénu á
Austurvelll sunnudaginn 13. des-
ember kl. 16.00.
Jólatréð er gjöf Oslóborgarbúa
til Reykvíkinga en Oslóborg hefur
nú í rúm 30 ár sýnt borgarbúum
vinarbragð með þessum hætti.
Athöfnin hefst kl. 16.00 að lokn-
um leik Lúðrasveitar Reykjavíkur.
Sendiherra Noregs á íslandi,
Niels L. Dahl afhendir tréð en Davíð
Oddsson borgarstjóri veitir trénu
viðtöku fyrir hönd borgarbúa. At-
höfninni lýkur með því að Dómkór-
inn syngur jólasálma.
Eftir að athöfninni er lokið mæta
jólasveinar í fullum skrúða á þaki
Nýja kökuhússins.
Alliance
Frangaise
flytur
FYRIR skömmu flutti Alliance
Francaise starfsemi sína á Vest-
urgötu 2 á 3. hæð.
Alliance Francaise starfrækir
þar bókasafn, en auk þess hefuf
félagið staðið að menningarstarf-
semi, s.s. kvikmyndasýningum á
hverju fímmtudagskvöldi í B-sal
Regnbogans og á vegum Alliance
Francaise hafa franskir listamenn
komið hingað til lands, tónlistar-
menn, rithöfundar, leikhópar o.fl.
Alliance Francaise stendur einnig
fyrir frönskunámskeiðum og hefj-
ast ný námskeið í janúar.
Á bókasafninu er úrval franskra
bóka auk þess sem ný frönsk dag-
blöð og tímarit liggja frammi.
Einnig er hægt að sjá fréttir frá
franska sjónvarpinu á -myndbönd-
um sem berast mánaðarlega.
Bókasafnið er opið alla virka
daga frá kl. 14 til kl. 19.