Morgunblaðið - 30.06.1989, Blaðsíða 33

MORGUNBLAÐIÐ FÖSTUDAGUR 30. JÚNÍ 1989
33
Guðjón V. Arnason
Akranesi - Minning
Runólfur Sveinn
Sverrisson - Minning
Guðjón V. Árnason lést þann 25.
júní sl. Hann fæddist á Ákranesi,
á Vesturgötu 28, sem þá var nefnt
Ráðagerði, 10. maí 1912. Foreldrar
Guðjóns voru Árni Bergþórsson og
Sigríður Guðnadóttir. Eiginkona
Guðjóns er Hrafnhildur E. Ólafs-
dóttir og þau eignuðust tvær dæt-
ur, Margréti og Sigrúnu.
Það eru þó nokkur ár síðan Guð-
jón varð veikur fyrir hjarta en hann
lét engan bilbug á sér finna þar sem
hann var svo bjartsýnn og raunsær
að eðlisfari. Hann var búinn að
sætta sig við ákveðnar staðreyndir
varðandi lífið og tilveruna og hann
byggði sig upp í takt við þær. Mér
fannst Guðjón verða hressari með
árunum enda vildi hann ekki eyða
tíma sínum í eymd og volæði.
Gaui og Hrafnhildur í Ráðagerði
hafa verið hluti af okkar fjölskyldu
alla tíð og ætíð hvatt okkur til dáða
og leiðbeint. Þau hafa aðstoðað
okkur af einlægni í gegnum alls-
kyns erfiðleika og glaðst með okkur
á gleðistundum og sýnt trygglyndi,
sem ekki er hægt að lýsa með orð-
um. Það er dæmigert fyrir Guðjón
og Hrafnhildi að þau ætluðust aldr-
ei til neins af öðrum og þar með
hafa þau því miður ekki alltaf feng-
ið þær þakkir sem þau hafa átt
skildar. Það hefur verið ómetanleg
reynsla að fá að kynnast Guðjóni
og Hrafnhildi og skynja með aldrin-
um vinskapinn og virðinguna sem
þau sýndu hvort öðru í hinu lát-
lausa og hamingjusama hjóna-
bandi. Þau gerðu aldrei kröfur um
aukin lífsgæði en í staðinn styrktu
þau dætur sínar til mennta jafnhliða
því að veita strákum eins og mér
andlegan stuðning.
Guðjón tók ýmislegt að sér í sam-
bandi við það að reyna að koma
okkur krökkunum á Vesturgötu 32
til einhvers þroska eða allt frá því
að reyna að kenna okkur undir-
stöðuatriði í stærðfræði í barna- og
gagnfræðaskóla og stelast til að
kenna okkur á bíl annað hvort niðri
á Breið eða upp við Akrafjall.
Þau Gaui og Hrafnhildur höfðu
nefnilega metnað fýrir okkar hönd
þökk sér þeim fyrir það.
Guðjón var mjög jákvæður maður
og hann leysti sin mál jafnóðum
og þau komu upp án vífilengja.
Hann var mjög rökfastur og um-
ræður voru oft á tíðum mjög fjörug-
ar í kringum hann og sumir urðu
svolítið rjóðir í kinnum en það var
alltaf saklaus roði. Guðjón var mjög
fróður um allt á milli himins og
jarðar og fáir þorðu að draga orð
hans í efa ef rætt var um staðreynd-
ir varðandi land og þjóð.
Guðjón á langan starfsferil að
baki hjá Haraldi Böðvarssyni & co.
eða um það bil 50 ár. Það segir
sína sögu um hversu traustur
starfsmaður hann var. Hann byijaði
sem landmaður á bátum árið 1939
síðar vann hann ýmis afgreiðslu-
og verslunarstörf. Ég vil fyrir hönd
móður minnar og fjölskyldunnar á
Vesturgötu 32 og allra barna og
barnabarna þakka Guðjóni fyrir
vinskapinn og traustið sem hann
sýndi okkur á lifsleiðinni.
Hrafnhildur, ég veit að þið Guð-
jón hafið framfylgt þeirri lífsreglu
alla tíð, að sá sem veitir öðrum
hamingju í lífínu fer ekki á mis við
hana sjálfur.
Við þökkum fyrir stuðninginn í
gegnum árin.
Fyrir hönd fjölskyldu Rannveigar
á Vesturgötu 32, Akranesi,
Sturlaugur Sturlaugsson.
Fæddur25. desemberl966
Dáinn 10. júní 1989
Sá sem eftir lifir
deyr þeim sem deyr
en hinn dáni lifir
í hjarta og minni
manna er hans sakna.
Þeir eru himnamir
honum yfir.
(Hannes Pétursson)
Þann 11. júní fréttum við að
Runólfur Sveinn Sverrisson hefði
látist af slysförum. Þetta vakti
mikla sorg í hjörtum okkar allra.
Runi var okkur kær vinur og skóla-
félagi. Af honum stafaði mikil
lífsorka og gleði, sem skapaði góðan
anda í hópnum. Hann var ákafur í
að standa sig við námið og það
tókst líka með sóma eins og flest
sem hann tók sér fyrir hendur. Við
eigum eftir að sakna hans mjög.
Hann var stór þáttur í hópnum
okkar.
Þegar þú ert sorgmæddur, skoð-
aðu þá aftur hug þinn, og þú munt
sjá, að þú grætur vegna þess, sem
var gleði þín. (Úr Spámanninum.)
Fjölskyldu hans sendum við okk-
ar innilegustu samúðarkveðjur.
Skólasystkin í
Fjölbrautaskólanum í
Breiðholti
+
KRISTJÁN THORBERG GUÐMUNDSSON,
frá Péturshúsi, Ólafsvík,
sfðar Nönnustíg 13, Hafnarfirði,
verður jarðsunginn laugardaginn 1. júlíkl. 14.00frá Ólafsvíkurkirkju.
Systkini hins látna og aðrir aðstandendur.
Jónína H. Skafta-
dóttir - Minning
Fædd 14. nóvember 1907
Dáin 13. maí 1989
Þessi fáu orð um Jónínu Helgu
Skaftadóttur verða ekki upptalning
um virðuleg embætti eða háar stöð-
ur á veraldar vísu. Hér er gengin
kona, ein þeirra sem í kyrrlátri ró-
semi vann sín verk með það eitt í
huga að aðrir nytu ávaxta þeirra,
og lagði allt sitt í að inna sína þjón-
ustu vel af hendi, þó sú þjónusta
yrði á annan veg en þann sem
áætlað var meðan hún enn var ung
að árum.
Áföll þau sem hún mætti breyttu
öllu, þó var sem ekkert fengi hagg-
að hennar elskuríka hugarfari. Hún
var alltaf hin sama ljúfa, góða
Jónína hvar og hvenær sem var.
Jónína Helga fæddist hinn 14.
nóvember 1907 að Kotungsstöðum
í Fnjóskadal. Foreldrar hennar voru
hjónin Skafti Eiríksson, fæddur á
Halllandi á Svalbarðsströnd, og
Sigríður Sigurgeirsdóttir frá
Kambsmýrum á Flateyjardal. Böm
þeirra voru auk Jónínu, Gunnar,
Guðbjörg, Eiríkur og Kristján. Er
Guðbjörg ein þeirra systkina enn á
lífi. Þegar Jónína var aðeins fimm
ára gömul varð hún fýrir því áfalli
að detta út um glugga á þriðju hæð
og var talið með ólíkindum að bárn-
ið skyldi lifa það af og ómeitt að
séð varð þá. Trúlega hefur hún þó
borið þess menjar alla ævi síðan.
Eftir að Skafti fluttist til Akur-
eyrar vann hann mörg ár í Ullar-
verksmiðjunni Gefjunni. Móður sína
missti Jónina átta ára gömul. Átti
Skafti þá ekki annarra kosta völ
en að koma börnunum fyrir hjá
öðrum. Fór hún þá til móðursystur
sinnar, Guðrúnar Sigurgeirsdóttur,
og manns hennar, Árna Sigurðsson-
ar.
Ung að árum, aðeins 22ja ára,
kynntist Jónína sænskum vélstjóra,
Nikanor Nilsson. Voru þau heit-
bundin er hann lést sviplega í
bílslysi heima í Svíþjóð, þar sem
hann var í skyndiheimsókn. Þetta
varð hinni ungu fíngerðu stúlku
mikil raun. Hún ól skömmu síðar
barn þeirra, Ágúst Nilsson. Varð
hann henni síðar mikil huggun og
styrkur. Jónína var sívinnandi, trú-
mennska hennar og vandvirkni urðu
til þess að auðvelt reyndist fyrir
hana að fá vinnu, se_m þó var oft
erfitt á þeim árum. í fimmtán ár
samfleytt starfaði hún á Dvalar-
heimilinu Skjaldarvík. Alls staðar
kom þessi hógværa, hijóðláta kona
sér vel, rækti öll sín störf af ein-
stakri alúð. Hún bar frelsara sínum
fagurt vitni. Hún hafði gefið honum
hjarta sitt og vildi fylgja honum í
smáu sem stóru. Hún rækti heimila-
samband Hjálpræðishersins eins og
hún gat. Þar átti hún góða vini í
sameiginlegri trú á Drottin. Það
virtist annars eins og allir væru
vinir hennar. Slíkra er gott að minn-
ast.
Síðustu æviárin dvaldist Jónína
á Dvalarheimilinu Hlíð á Akureyri.
Þar mat hún svo sannarlega góða
umönnun. Hún er nú kvödd með
þökk og virðingu. Hún reyndist trú
allt til enda.
Jóhann Sigurðsson
+
Móðir okkar, tengdamóðir og amma,
HALLDÓRA Ó. GUÐMUNDSDÓTTIR,
Skipholti 28,
Reykjavík,
andaðist á Spáni 17. júní.
Útförin ferfram frá Fossvogskirkju í dag, föstudaginn 30. júní, kl. 15.00.
Sigurður G. Jónsson, Díana Garðarsdóttir,
Þórir Ágúst Jónsson,
Margrét Jónsdóttir, Friðjón Alfreðsson
og barnabörn.
+
Eiginkona mín, móðir okkar, tengdamóðir og amma,
KRISTÍN H. ÞÓRHALLSDÓTTIR,
Sæviðarsundi 33,
verður jarðsungin frá Áskirkju mánudaginn 3. júlí kl. 15.00.
Þeim sem vildu minnast hennar er bent á Krabbameinsfélag (slands.
Rögnvaldur Sigurðsson,
Sigríður Guðný Rögnvaldsdóttir, Úlfar Arnason,
Bjarni Þór Guðjónsson, Bryndís Elín Hauksdóttir,
og barnabörn.
+
Jarðarför bróður míns,
FINNBOGA HERMANNS SIGURÐAR SIGURÐSSONAR,
frá Sæbóli
i Aðalvik,
fer fram frá Dómkirkjunni mánudaginn 3. júlí kl. 13.30.
Vilhjálmur H. Vilhjálmsson.
+
Eiginkona mín, móðirokkar, tengdamóðir, amma og langamma,
HELGA LILJA GOTTSKÁLKSDÓTTIR,
Sólheimum,
Sæmundarhlíð,
verður jarðsungin frá Glaumbæjarkirkju laugardaginn 1. júlí kl.
14.00.
Þeim, sem vildu minnast hennar, er bent á Sjúkrahús Skagfirð-
inga eða Krabbameinsfélags islands.
Guðlaug Jóhannsdóttir,
Árni S. Jóhannsson,
Eymundur Jóhannsson,
Sigmar Jóhannsson,
Ingibjörg Jóhannsdóttir,
Gísli Jóhannsson,
Jóhann Jóhannesson,
Rögnvaldur Steinsson,
Bryndís Ármannsdóttir,
Margrét Kristjánsdóttir,
Helga Stefánsdóttir,
Sigurður Skarphéðinsson,
Guðrún Björnsdóttir,
barnabörn og barnabarnabörn.
+
Útför eiginkonu minnar, móður okkar, tengdamóður og ömmu,
GUÐLAUGAR BJÖRNSDÓTTUR,
Hlemmiskeiði,
Skeiðum,
fer fram frá Ólafsvallakirkju laugardaginn 1. júlí kl. 14.00.
Þeim, sem vilja minnast hennar, er bent á Krabbameinsfélagið.
Sigurður Bjarnason,
börn, tengdabörn og barnabörn.
+ Jarðneskar leifar ástvinar míns,
HÖGNA BJÖRNSSONAR
læknis,
voru lagðartil hinstu hvíldar f Fossvogskirkjugarði 28. júní sl. kl. 11.00.
Guð blessi minningu hans. Jutta Wölfl.