Morgunblaðið - 30.06.1989, Blaðsíða 3

MORGUNBLAÐIÐ FÖSTUDAGUR 30. JÚNÍ 1989
I vinnu á
sólríkum
sumardegi
ÞOTT sumarið hafí verið seint á ferð-
inni á suðvesturhorni landsins hafa
íbúar þessa landshluta notið nokkurra
sólríkra daga í júnímánuði. Sumar-
verkin eru nú unnin út um alla borg.
Hvar sem komið er má sjá fólk við
störf utan dyra, við hreinsun og snyrt-
ingu garða og viðgerðir á húsum svo
að eitthvað sé nefht.
Gert við Sundhöllina
Nú stendur yfir viðgerð á þaki Sund-
hallarinnar í Reykjavík. Að sögn
Tryggva Sigtryggssonar verkstjóra
þurfti að rífa gamla þakið af Sundhöll-
inni en nýja þakið mun verða byggt i
sömu mynd og það gamla þar sem hús-
ið er friðað.
Sundhöllin er opin á meðan á viðgerð
stendur en nokkur röskun hefur þó orð-
ið á þjónustu hennar. Sólbaðsaðstaða
kvenna verður lokuð á meðan viðgerð
stendur yfir en karlar geta hins vegar
sleikt sólina utan dyra. Lítið hefur verið
um að heitu pottunum hafi verið lokað
en það getur þó komið fyrir. Viðgerð
þaksins á að ljúka 1. ágúst.
Fáum dósum skilað
Við Snorrabraut stendur stór gámur
þar sem tekið er á móti tómum gos-
dósum. Skilagjald af dósum sem skilað
er í gáminn mun renna til Skátahreyfing-
arinnar og Hjáiparstofnunar kirkjunnar.
Þrjár ungar stúlkur, þær Áslaug Maríu-
dóttir, Ásta Sigmarsdóttir og Helga
Snæbjömsdóttir, sátu við gáminn. Þær
era í unglingavinnunni og höfðu þann
starfa þessa vikuna að taka á móti tóm-
um dósum. Stelpurnar era allar í skátafé-
laginu Dalbúum. Aðspurðar sögðu þær
að margt fólk kæmi til þess að spyrjast
fyrir um skilagjald á dósum og sumir
hættu við að skila dósum í gáminn þeg-
ar í ljós kæmi að ekki væri borgað skila-
gjald fyrir dósirnar.
Breytt og bætt
í Austurstræti er verið að leggja hita-
lagnir undir gangstéttina að sunnan-
verðu á milli Pósthússtrætis og Aðal-
strætis. Þegar komið var þar að unnu
verktakar að því að grafa fyrir hitalögn-
um. Lokið verður við verkið nú um helg-
ina. Það er fleira sem þarf endurnýjunar
við í borginni. Starfsmenn Rafmagns-
veitunnar voru við Kleppsveginn. Þar var
verið að bæta við rafmagnsstreng til
þess að auka flutningsgetu hans.
Úti á Seltjamarnesi vinna 14 til 16
ára gamlir Seltirningar við að tyrfa varn-
argarð sem liggur vestur af Bakkatjörn
meðfram veginum út undir golfvöliinn á
Suðurnesi. Flokkurinn sem telur á annan
tug unglinga er einn af 6 vinnuflokkum
sem starfa við hreinsun, ræktun og
snyrtingu á Seltjarnarnesi í sumar.
Morgunblaðið/Einar Falur
Þijár skátastelpur við dósagám við Snorrabraut.
Hátt uppi við að bæta við rafstreng til að auka flutningsgetuna.
Lífog fjör í
Vestmanna-
eyjum
Tommamótið, árlegt mót
6. flokks í knattspymu, var
sett í Vestmannaeyjum í
fyrrakvöld en keppni hófst
í gær. Það er
knattspyrnufélagið Týr
sem hefúr umsjón með
mótinu. Alls taka 48 lið frá
24 félögum þátt í því og
er gert ráð fyrir að
aðkomumenn verði í allt
yfir þúsund talsins í Eyjum
þessa helgi að meðtöldum
foreldrum og öðrum
aðstandendum. Á
meðfylgjandi myndum eru
Stjörnustrákar frá
Garðabæ og Keflvíkingar
að koma til Eyja í
fyrrakvöld.