Morgunblaðið - 04.08.1989, Blaðsíða 19
18
MORGUNBLAÐIÐ FÖSTUDAGUR 4. ÁGÚST 1989
MORGUNBLAÐIÐ FÖSTUDAGUR 4. ÁGÚST 1989
19
Útgefandi
Framkvæmdastjóri
Ritstjórar
Aðstoðarritstjóri
Fulltrúarritstjóra
Fréttastjórar
Auglýsingastjóri
Árvakur, Reykjavík
Flaraldur Sveinsson.
Matthías Johannessen,
Styrmir Gunnarsson.
Björn Bjarnason. •
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033.
Áskriftargjald 1000 kr. á 'mánuði innanlands. í lausasölu 90 kr. eintakið.
Erfiðleikar Sam-
bandsins
Asíðasta ári töpuðu kaup-
félögin og Samband
íslenskra samvinnufélaga nálægt
2.000 milljónum króna. Margt
bendir til, að afkoman á þessu
ári verði lítið betri. Skipulags-
og mannabreytingar virðast ekki
hafa skilað miklu.
Frá því var greint hér í Morg-
unblaðinu í gær, að tap Sam-
bandsins fyrstu sex mánuði árs-
ins hefði verið 190 milljónir
króna. Mörg kaupfélög eiga enn
við mikla erfiðleika að stríða,
eins og Kaupfélag ísfirðinga,
sem varð að velja milli gjaldþrots
og þess að láta SÍS yfirtaka eign-
ir kaupfélagsins. Kaupfélag ís-
firðinga valdi síðari kostinn. Og
þannig mætti lengi telja.
Það er athyglisvert að staða
sjávarútvegsfyrirtækja, sem eru
í eigu Sambandsins og/eða kaup-
félaganna, er yfírleitt verri en
fyrirtækja í sömu atvinnugrein í
eigu einstaklinga og hlutafélaga
þeirra. Eitt dæmi um þetta er
Hraðfrystihús Patreksfjarðar hf.,
sem er gjaldþrota, en 75% hluta-
fjár er í eigu Sambandsins. Nú
er ríkisstjórnin að undirbúa sér-
stakar björgunaraðgerðir vegna
Hraðfrystihússjns.
Guðjón B. Ólafsson, forstjóri
Sambandsins, segir í samtali við
Morgunblaðið í gær, að rekstur
fyrirtækisins fyrstu sex mánuði
ársins hafi batnað um 250 millj-
ónir króna, miðað við sama tíma
í fyrra. Jafnvel þótt færa megi
rök að því, að hagur SÍS hafi
eitthvað batnað, geta sambands-
menn ekki verið ánægðir með
afkomuna. Ef svo heldur fram
sem horfir verður þess ekki'lángt
að bíða, að eigið fé fyrirtækisins
sé allt uppétið og möguleikarnir
til þess að rétta við verða ekki
miklir. Nýtt hlutafé kemur ekki
til greinaj vegna rekstrarforms
samvinnufyrirtækja.
Sambandsfyrirtækin og kaup-
félögin hafa verið og eru mikil-
vægurþáttur í atvinnulífi margra
á landsbyggðinni. íbúar þar
hljóta að spyija um ástæður þess
að ekki hefur tekist betur til í
rekstri þessara fyrirtækja og
annarra sem þeim eru tengd. Og
þeir kunna að velta öðrum mögu-
leikum fyrir sér í atvinnumálum.
Þrátt fyrir miklar breytingar
á SÍS og samdrátt í rekstri þess
hefur það skilað litlu, ef litið er
á 190 milljóna króna tap á fyrri
helmingi þessa árs. Sú spurning
hlýtur að vakna, hvort SÍS og
kaupfélögin hafi á að skipa þeim
mannafla er býr yfir nauðsyn-
legri þekkingu og hæfni til þess
að takast á við vandamál þessar:
ar miklu fyrirtækjasamsteypu. í
þessu sambandi er fjárhagsstaða
Islandslax hf. mikið umhugsun-
arefni. Þetta er nýtt fyrirtæki,
sem samvinnuhreyfingin setti á
stofn fyrir nokkrum árum. Nú
er það í greiðslustöðvun og þess
vegna hljóta að vakna spurning-
ar um það, hvort Sambandið
hafi ekki yfír að ráða mönnum
með nægilega viðskiptaþekkingu
til þess að setja slíkt fyrirtæki á
stofn þannig, að grundvöllur þess
sé sæmilega traustur.
Það er mikilvægt fyrir sam-
vinnuhreyfinguna, að rekstur
SÍS skili hagnaði og að ekki sé
gengið á eigið fé á hverju ári.
Hlutafélög, sem þurfa að skila
eigendum sínum arði, geta tekizt
á við taprekstur, ef eigendur
þeirra eru tilbúnir til þess að
leggja fram aukið hlutafé. Sam-
bandið hefur ekki þennan mögu-
leika. Hins vegar hefur fyrrver-
andi forstjóri Sambandsins, Er-
lendur Einarsson, sett fram viss-
ar hugmyndir í því sambandi.
SIS og kaupfélögin döfnuðu
vel undir kerfi hafta og fyrir-
greiðslu. Það er ekki erfitt að
reka fyrirtæki sem nýtur sér-
stöðu og fyrirgreiðslu umfram
keppinautana, eins og var á árum
áður. Neikvæðir raunvextir á
áttunda áratugnum gerðu for-
ráðamönnum fyrirtækja kleift að
horfa framhjá vandamálum í
rekstrinum. Nú eru allt aðrir
tímar, tímar sem stjórnendur SÍS
virðast ekki ráða við, þótt vissu-
lega sé það rétt, að ríkisstjórnin
býr ekki að atvinnulífinu eins og
nauðsynlegt er.
Guðjón B. Ólafssön, forstjóri
SÍS, virðist þannig ekki telja
hægt að reka fyrirtæki á Is-
landi, ef raunvextir eru jákvæð-
ir, þ.e. að sparifjáreigendur fái
umbun fyrir ráðdeild sína. I við-
tali, sem viðskiptablað Morgun-
blaðsins átti við hann fyrr á þessu
ári sagði hann meðal annars:
„Hvort er raunhæfara til lengri
tíma að hafa neikvæða raun-
vexti, eða að þurrka upp eigið fé
í atvinnurekstri? Þetta er sam-
hangandi." Þetta er rangt, því
til lengri tíma gengur hvorugt
upp. Sparnaður og jákvætt eigið
fé eru undirstaða þess, að fyrir-
tæki fái fé til fjárfestinga. Já-
kvæðir raunvextir eru forsenda
þess að sparnaður myndist. Hitt
kann að vera, að rekstur Sam-
bandsins gangi ekki upp, nema
að fyrirtækið eigi kost á fjár-
magni, sem er niðurgreitt. af
sparifjáreigendum í formi nei-
kvæðra raunvaxta. En þá er
rekstrarvandi samvinnuhreyf-
ingarinnar djúpstæðari en nokk-
urn hefði órað fyrir.
4-
Vinstri stjóm Hermanns
Jónassonar 1956-1958
eftir Birgi ísleif
Gunnarsson
í grein hér í Mbl. fyrir stuttu
gerði ég í grófum dráttum grein
fyrir þeim einkennum sem verið
hafa sameiginleg þeim fjórum
vinstri stjómum, sem hér hafa setið
frá árinu 1950. Fróðlegt er að rifja
upp feril þeirra hverrar um sig og
mun ég freista þess með nokkrum
greinum hér í blaðinu. Hér verður
fjallað um fyrstu vinstri stjórnina á
þessum tímabili, stjórn Hermanns
JónSsonar, sem sat 1956-58.
Aðdragandi
stj órnarmyndunar
Aðdragandi þessarar stjórnar-
myndunar var sá að Framsóknar-
flokkurinn rauf stjórnarsamstarf
við Sjálfstæðisflokkinn, en þessir
tveir flokkar höfðu myndað ríkis-
stjórn eftir kosningar 1953. Fram-
sókn var þá tekin að stíga dansinn
til vinstri og stóð m.a. að þvi í
mars 1956 að Alþingi gerði ályktun
sem fól í sér að varnarliðið yrði
látið fara úr landi.
Kosningar fylgdu í kjölfar stjórn-
arslitanna og fyrir þær kosningar
mynduðu Alþýðuflokkur og Fram-
sóknarflokkur svonefnt Hræðslu-
bandalag. Var það fólgið í skipu-
legri kosningasamvinnu milli þess-
ara flokka. Samvinnan gekk út á
það að notfæra sér veikleika þáver-
andi kjördæmaskipunar og styðja
frambjóðendur hvers annars á víxl
í einstökum kjördæmum og freista
þess á þann veg að ná meirihluta
á Alþingi. Þetta tókst ekki. Flokk-
arnir tveir fengu 25 sæti af 52 á
Alþingi og gekk þá Alþýðubanda-
lagið til samstarfs við þá um mynd-
un vinstri stjórnar undir forsæti
Hermanns Jónassonar.
Fögur fyrirheit
í upphafi ferils síns gaf ríkis-
stjórnin fögur fyrirheit. Þau verða
ekki rakin hér, en mjög fljótlega
kom í ljós að sundurlyndi var mikið
innan stjórnarinnar og fyrirheitin
féllu um sjálf sig hvert af öðru. Öll
úrræði í efnahagsmálum einkennd-
ust af bráðabirgðaaðgerðum sem
entust stutt. Handaflinu var beitt
hvað eftir annað án árangurs.
Verðbólgan var mikil og þá, eins
og oft endranær, átti sjávarútveg-
urinn í erfiðleikum vegna kostnað-
arhækkana innanlands. -Þá var
stofnað nýtt uppbótakerfi, sem ná
skyldi til allra sjávarafurða. Mis-
háar uppbætur voru greiddar á út-
fluttar afurðir eftir útflutnings-
greinum. Tekna var aflað með sér-
stöku álagi á aðflutningsgjöld.
Þetta álag var mjög mismunandi
eftir vörutegundum og var haft
lægst á þær vörur sem höfðu mest
áhrif á vísitölu framfærslukostnað-
ar. Allt var það auðvitað gért til
að spila á vísitöluna þannig að hún
mældi ekki raunverulegar hækkan-
ir.
Margfalt gengi
Kerfi þetta vatt auðvitað upp á
sig og raunar var mjög erfitt að
átta sig á raunverulegu gengi
íslensku krónunnar, því það var svo
mismunandi eftir tilgangi gjaldeyr-
isviðskiptanna. Gengistegundirnar
skiptu orðið tugum. Þetta fáránlega
kerfi hlaut auðvitað að ganga sér
til húðar. Vorið 1958 var gerð til-
raun til að snúa við af þesari braut,
sett voru ný lög um útflutnignssjóð,
uppbótakerfinu var breytt og reynt
að gera það einfaldara. Verðbólga
fór nú vaxandi. Laun voru tengd
við kaupgjaldsvísitölu. Ljóst var að
þann 1. desember 1958 myndu laun
hækka um 17 stig og verðbólgu-
hraðinn síðan margfaldast. Þörf var
því á nýjum efnahagsúrræðum.
Stjórn hinna vinnandi stétta
Þessi ríkissjóm hafði reynt að
skreyta sig með nafnbótinni „stjóm
hinna vinnandi stétta". Undir þeim
formerkjum greip forsætisráðherr-
ann nú til þess ráðs að rita Al-
þýðusambandsþingi, sem haldið var
í nóvemberlok, bréf og óska eftir
samþykki þingsins við því að gildis-
töku vísitölunnar yrði frestað. Gekk
forsætisráðherra sjálfur á þingið,
en málaleitun hans var hafnað.
Forsætisráðherra sagði þá af sér
og lýsti því yfir að ný verðbólgualda
væri skollin yfir, þjóðin væri að
fara fram af hengiflugi og að í ríkis-
stjórninni væri ekki samstaða um
„Þessi ríkisstjórn hafði
reynt að skreyta sig
með naftibótinni „stjórn
hinna vinnandi stétta“.
Undir þeim formerkj-
um greip forsætisráð-
herrann nú til þess ráðs
að rita Alþýðusam- \
bandsþingi, sem haldið
var í nóvemberlok, bréf
og óska eftir samþykki
þingsins við því að gild-
istöku vísitölunnar yrði
írestað. Gekk forsætis-
ráðherra sjálfur á þing-
ið, en málaleitun hans
var haftiað.“
nein úrræði í þessum málum. Skipt-
ar skoðanir hafa verið um þessa
aðferð Hermanns við stjórnarslitin.
Mörgum hefur þó fundist að það
lýsti manndómi að viðurkenna á
þennan hátt gjaldþrot og úrræða-
leysi sundurþykkrar stjórnar.
Viðreisn tekur við
Þegar þessi vinstri stjórn var
mynduð var því lýst, yfir að nú
ætti að setja Sjálfstæðisflokkinn til
hliðar í íslenskum stjórnmálum. Þau
Birgir ísleifur Gunnarsson.
orð reyndust ekki byggð á öðru en
ótraustri óskhyggju. Þessi vinstri
stjóm Hermanns Jónassonar hóf
störf 24. júlí 1956, forsætisráðherra
sagði af sér fyrir sig og ráðuneyti
sitt 4. desember 1958 og gegndi
störfum til 23. þess mánaðar. Æv-
intýrið stóð í tæp 2& ár. Þá tók við
minnihluta stjórn Alþýðuflokksins.
Það var undanfari viðreisnar, þ.e.
samstarfs Alþýðuflokksins og Sjálf-
stæðisflokksins sem hófst að Iokn-
um tvennum kosningum 1959.
Kjördæmaskipun var breytt og
síðari kosningar fóru fram í sam-
ræmi við nýtt kjördæmafyrirkomu-
lag. Þar með hófst 12 ára stjórnar-
samvinna Sjálfstæðisflokks og Al-
þýðuflokks, en það er önnur saga.
Höfundur er einn af
alþingismönnum Sjálfstæðisttokks
fyrir Reykjavíkurkjördæmi.
Nýtt deiliskipulag 1 miðbæ Kópavogs:
0
Horfið frá yfirbyggingu
Hafiiarftarðarvegar
BÆJARSTJÓRN Kópavogs hef-
ur samþykkt tillögu að nýju
deiliskipulagi í miðbæ Kópa-
vogs. Þar er horfið frá fyrri til-
lögu um að byggja yfir Hafhar-
fjarðarveginn en kostnaður við
slíka yfirbyggingu er talinn vera
um 300 til 400 milljónir króna.
Nýja tillagan gerir ráð fyrir
minna byggingarmagni á svæð-
inu og að þar verði byggð tvö
fimm til átta hæða íbúðahús með
verslun og þjónustu á neðstu
hæð.
í greinargerð með tillögu að
breyttu deiliskipulagi í austurhluta
miðbæjarins kemur fram að gild-
Vesturgata 55 flutt
upp í Arbæjarsafti
BORGARRÁÐ hefur samþykkt að
þiggja að gjöf frá Krabbameins-
félagi Reykjavíkur húsið sem
stendur við Vesturgötu 55. Það
er svokallað stokkverkshús, byggt
árið 1863 og er með elstu húsum
í Reykjavík. Hefur verið ákveðið
að flytja það í Árbæjarsafh.
Að sögn Ragnheiðar H. Þórarins-
dóttur borgarminjavarðar er húsið
reist árið 1863 af Sigurði og Jakobi
Steingrímssonum í leyfisleysi á Sels-
lóð. Húsið fékk þó að standa og
nokkru síðar eignaðist Ólafur Þórð-
arson jámsmiður húsið og endur-
bætti nokkuð árið 1879. Hann seldi
það árið 1882 Ólafi Eiríkssyni söðla-
smið og árið 1892 keypti Samúel
Ólafsson söðlasmiður húsið. Hann
hækkaði þakið og innréttaði fjögur
herbergi á loftinu í stað tveggja, sem
þar voru áður, og kom því í þá mynd
sem það er í núna með bárujárni á
þakinu. Síðan hafa nokkrir eigendur
verið að húsinu og það aðallega ver-
ið notað sem íbúðarhús en þar var
einnig smiðja þann tíma sem Ólafur
Þórðarson járnsmiður átti það.
Morgunblaðið/Einar Faiur
Húsið við Vesturgötu 55, sem
Krabbameinsfélag Reykjavíkur
hefur gefið Reykjavíkurborg.
andi deiliskipulag var samþykkt
árið 1971 og hófust byggingar-
framkvæmdir árið eftir. Um tutt-
ugu árum síðar er uppbygging
samkvæmt skipulagi hálfnuð og í
ljós hefur komið að mikil- hreyfing
hefur verið á fyrirtækjum í mið-
bænum meðan á uppbyggingunni
hefur staðið. Eru helstu orsakir
taldar vera að; megin straumur
bílaumferðarinnar liggur í gegn
um miðbæinn, en aðkoma að mið-
bæjarsvæðinu er flókin og jafnvel
illmöguleg. Innra gatnakerfi mið-
bæjarins er flókið og fyrirkomulag
bílastæða er slæmt. Gönguleiðir
innan miðbæjarins eru erfiðar og
óaðlaðandi auk þess sem yfirbragð
byggðarinnar er fráhrindandi.
Þá hafa önnur atvinnusvæði
byggst upp meðal annars við Ný-
býlaveg auk þess sem fyrir dyrum
stendur uppbygging að nýjum
verslunar- og þjónustukjörnum í
landi Smárahvamms og í Fífu-
hvammslandi.
Þá segir: „Fullyrt er að miðbær
Kópavogs hafi helst úr lestinni
hvað snertir uppbyggingu mið-
hverfa á höfuðborgarsvæðinu og
þær væntingar sem menn gerðu
sé um uppbyggingu hans fyrir 20
árum eru því að hluta orðnar
óraunhæfar. Endurskoðun deili-
skipulagsins er því aðkallandi. í
þeirri endurskoðun hefur verði leit-
ast við að styrkja „miðbæjarí-
mynd“ miðbæjarins."
Markmið nýja deiliskipulagsins
er meðal annars að draga verulega
úr áformum um frekari uppbygg-
ingu í miðbænum og er fyrri hug-
myndum um landnotkun breytt
þannig að íbúðarhúsnæði er aukið
veruíega á kostanð atvinnuhús-
1 » ■■■
Deiliskipulag í midbæ Til
Kópavogs, samþykkt 1971
100 m
V1
Nýtt deiíiskipulag
í miðbæ Kópavogs
0 50_______100 m
næðis. Leitað er leiða til að Ijúka
þeim framkvæmdum sem í gangi
eru á svæðinu og bæta yfirbragð
byggðarinnar. Austan við gjána
verður aukið við græn svæði og
umferðatengsl verða bætt, bæði
hvað varðar almenna umferð og
almenningsvagna.
Á vesturbakkanum hefur risið
listasafn og þar er einnig æskilegt'
áð gert sé ráð fyrir tónlistarhúsi,
safnahúsi og stjórnsýsluhúsi.
„Nauðsynlegt er að þessar bygg-
itigar fái að njóta sín sem best
með því að séð veðri fyrir góðu
útirými umhverfis þær.“ Bent er á
nauðsyn þess að bæta aðstöðu
SVK í miðbænum og eru hug-
myndir um að skiptistöðih verði
færð úr gjánni yfir á vesturbak-
kann þar sem nú er bensínstöð
Shell. Auk vagna SVK gætu vagn-
ar á leið norður - suður haft þar
viðkomu.
Nýja deiliskipulagið verður til
sýnis á skrifstofu bæjarskipulags-
ins í Kópavogi fram til 11. ágúst
næstkomandi. Ber að skila athuga-
semdum vegna skipulagsins á bæj-
arskirfstofuna fyrir þann tíma.
Metsumar í ferðaþjónustu:
32 þúsund ferðamenn
komu til landsins í júlí
Ferðamannastraumur um landið er nú í hámarki. Viðmælendur
blaðsins sem vinna að ferðamálum segja sumarið hafa verið mjög
gott, erlendir ferðamenn eru fleiri en nokkru sinni og íslendingar
ferðist ívið meira um eigið land en undanfarin ár. Sérstaklega er
gott hljóð í fólki á Norður- og Austurlandi, en vegna veðurs fór
ferðasumarið víða hægt af stað á Vestur- og Suðurlandi. Sam-
kvæmt upplýsingum Útlendingaeftirlitsins komu yfir 32.193 útlend-
ingar til landsins í júlímánuði sem er 2.273 eða 7/2% fleiri en í sama
mánuði síðasta ár, þegar 29.920 útlendingar komu til landsins.
í júní komu 20.130 útlendingar
til landsins eða 8,5% fleiri en ári
áður. Fyrstu sjö mánuði ársins
komu 85.025 erlendir ferðamenn
til landsins en á sama tíma í fyrra
komu 80.379. Aukningin á milli
ára er því 4.646 ferðamenn eða
hátt í 6%.
„Hér hafa líklega aldrei verið
fleiri erlendir ferðamenn en í liðn-
um mánuði,“ segir Vigfús Geirdal
ferðamálafulltrúi á Vestfjörðum.
Hann segir að fjöldi innlendra
ferðamanna í júlí hafi hins vegar
verið svipaður og undanfarin ár.
Mjög dragi úr bókunum í ferðir
og á hótel strax upp úr verslunar-
mannahelgi. Ferðamannastraumur
í júní hafi verið eins og í meðal-
ári, „fólk virðist hafa haldið veðrið
hér á fjörðunum verra en það var
í byijun sumarsins". Vigfús segir
eftirtektarvert hve mikið hafi verið
um ferðamenn á Vestfjarðakjálk-
anum í júlí, þetta svæði hafi ekki
hlotið mikla kynningu undanfarin
ár en það standi til bóta. Skýring
á ferðamannastraumi nú gæti ver-
ið að hálendisvegir hafi verið lok-
aðir lengi.
Margir hafa ferðast um Norður-
land í sumar eins og undanfarin
ár, heldur fleiri ef eitthvað er, að
sögn Ragnheiðar Kristjánsdóttur á
Upplýsingamiðstöð ferðamála á
Akureyri. „Ferðamönnum fjölgaði
mikið í júlí eins og ævinlega en
nú síðustu daga er líkt og botninn
hafi dottið úr sumrinu, þar spilar
veðrið inní. Helstu breytingar hér
norðanlands eru þær að meira hef-
ur verið um Islendinga en síðustu
sumur, sömuleiðis hafa Þjóðveijar,
Frakkar og ítalir verið fleiri en
minna sést af Bretum en fyrri sum-
ur.“
Þeir sem rætt var við austan-
lands segja að þar muni menn
ekki aðra eins ferðamannafjöld og
í júlimánuði. „Við höfum verið með
ólíkindum heppin með veður,“ seg-
ir Árni Stefánsson hótelstjóri á
Höfn í Hornafirði, „fleira fólk en
nokkru sinni hefur gist hótel og
tjaldstæði á þessu svæði. Og vin-
sældir bændagistingar fer vaxandi
enda er aðstaða mjög góð víða á
bæjum“. Á hótelinu á Breiðdalsvík
hefur mun meira verið að gera en
fyrr, sumarið byijaði vel og bókan-
ir eru miklar fram í miðjan ágúst.
Umferð ferðamanna um Suður-
nes hefur verið meiri í sumar en
fyrir ári, einkum hafa hópferðir
aukist að sögn Steindórs Sigurðs-
sonar. Hann kveðst merkja fleiri
útlendingahópa sem aka hringinn
um landið og meira sé um vinabæj-
arheimsóknir og hópa Tþróttafólks.
Jóhannes Sigmundsson formað-
ur Ferðamálasamtaka Suðurlands
segir að þar hafi mjög mikið verið
af ferðamönnum í síðasta mánuði,
en júní hafi farið rólega af stað
og þá hafi eitthvað færri íslending-
ar verið á ferðinni en síðustu sum-
ur. ívið fleiri útlendingar en fyrr
hafi bætt það upp. „Utlendingar
eru í meirihluta á hótelunum en
íslendingar fjölmennastir á tjald-
svæðum,“ segir Jóhannes. „Þeir
sem vinna að ferðamálum í þessum
landshluta segja útlitið gott fram
yfir miðjan mánuðinn."
Rysjótt veðrátta hefur sett mark
á ferðasumarið á Vesturlandi að
sögn Jakobs Benediktssonar á
Hótel Akranesi. „Hér hafa útlend-
ingar verið fleiri og íslendingar
færri en í fyrrasumar. Sumarið er
ekki eins gott og í hitteðfyrra, en -
þá var met ár hvað fjölda ferða-
manna varðar. Erlendir ferða-
mannahópar eru áberandi og gista
mikið á hótelum, íslendingar fara
margir í sumarbústaði hér um slóð- f
ir og mest er aðsóknin að tjald-
svæðum á Snæfellsnesi og ná-
grenni.“
Veðurgrámi hefur þó ekki telj-
andi áhrif á ferðir útlendinga, að
áliti viðmælenda, sem segja Islend-
inga mun duglegri við að elta sól-
ina. „Þeir eru enda heldur lítið
fyrir að panta hótelherbergi með
einhveijum fyrirvara, það gera
útlendingarnir hins vegar og eru í
meirihluta þeirra sem gista hótel-
in,“ sagði einn þeirra sem rætt var
við.
Aðsókn á Edduhótelin hefur
verið ívið betri í sumar en í fyrra
að sögn Kjartans Lárussonar for-
stjóra Ferðaskrifstofu íslands.
Hann segir að íslendingar hafi
verið að sækja í sigveðrið á síðustu
vikum, útlendir gestir hafi verið
fyrr á ferðinni. „Útlendingar eru
nokkurn veginn jafnmargir íslend-
ingum á Edduhótelunum,“ segir
Kjartan. „Erlendum hótelgestum
fyölgaði um 10% í júní frá sama
tíma á fyrra ári og aukningin í
síðasta mánuði nálgast það jafn-
vel. En mest er að gerá einmitt
núna nálægt verslunarmannahelg- -
inni. Mér sýnist allt benda til að
þetta verði mesta ferðamannasum-
ar sem við höfum búið við.“
Morgunblaðið/Bjarni Sirlksson.
Ólafur Davíðsson segir fi-á „íslenskum dögum“, en í baksýn sést í
| Þröst Ólafsson og Gísla Blöndal.
„Veljum íslensktu:
Yfir 50 vöruframleið-
endur kynna fi’amleiðslu
FÉLAG íslenskra iðnrekenda, KRON, Kaupstaður og Mikligarður
gangast fyrir „íslenskum dögum“ 10. til 25. ágúst næst komandi
undir kjörorðinu „Veljum íslenskt“. Er um að ræða átak í kynn-
ingu og sölu á íslenskum matvörum og fatnaði, en yfir 50 íslensk-
ir vöruframleiðendur munu kynna framleiðslu sína.
Olafur Davíðsson, fram-
kvæmdastjóri Félags íslenskra iðn-
rekenda, sagði á blaðamannafundi
að nú væri þannig ástand í þjóð-
félaginu að brýnt væri að gera
allt sem hægt væri til að viðhalda
atvinnu í landinu. Einn liðurinn í
því væri að landsmenn keyptu sem
mest af innlendri framleiðslu.
Vörukynningarnar verða á
fimmtudögum og föstudögum í
Miklagarði við Sund, Miklagarði í
vesturbæ, Kaupstað í Mjódd,
Kaupstað Eddufelli, Stórmarkaðn-
um Kaupgarði og Miðvangi í Hafn-
arfirði. Verða allt að 30 einstakar
vörukynningar á dag og verður
mest um að vera í Miklagarði við
Sund þar sem sett verður upp
nokkurs konar markaðstorg. Allar
íslenskar vörur sem kýnntar verða
munu fást á sérstöku tilboðsverði
meðan á kýnningunum stendur. í
Miklagarði við Sund verða einnig
kynningar á laugardögum.
Sitthvað verður fólki til skemmt-
unar meðan á vörusöluátakinu
stendur. Þannig verður haldinn
getraunaleikur alla virka daga frá
,14. ágúst og dregið úr réttum
lausnum dag hvern. Hinir heppnu
fá vöruúttekt að verðmæti 10.000
krónum, en allt verða það að vera
íslenskar vörur.