Morgunblaðið - 15.06.1990, Blaðsíða 12

Bf
12
--
0681 m'Jl .61 5?IíDACI'JT8OT GK3/aia7I!0£i
MÖRGUNBLAÐIÐ FÖSTUDAGUR 15. JÚNÍ 1990
RÆTT VIÐ DUXA
Kristján Leósson æfír nú af kappi fyrir Ólympíuleikana í eðlis-
fræði.
Berglind Orradóttir vinnur í bæjarvinnunni á Egilsstöðum.
Hafí maður áhuga er námið
skemmtilegt og gengur vel
HÉR á eftir fer annar hluti viðtala við dúxa úr firamhaldsskólun-
um í vor. Viðtölin eru við dúx Menntaskólans í Reykjavík, Verslun-
arskóla íslands og Menntaskólans á Egilsstöðum.
Ásta Ólafs-
dóttir er
stödd á Jama-
ika ásamt
skólafélögum
sínum úr
Versló.
Um listina, ástina
og þjáninguna
Ólíklegt er að margir eigi jafn
ólík áhugamál og Kristján Leós-
son dúx Menntaskólans í
Reykjavík. Hann teiknar, stundar
skylmingar, les og grúskar í eðlis-
fræði. Hið síðastnefnda á þó
sennilega hug hans allan um þess-
ar mundir því auk þess að vinna
hálfan daginn á Iðntæknistofnun
tekur hann þátt í undirbúnings-
námskeiði fyrir Ólympíuleikana í
eðlisfræði sem haldnir verða í
Hollandi_ 5.-13. júlí. Kristján tók
þátt í Ólympíuleikunum í fyrra
en þá voru 30 þjóðir skráðar til
keppninnar auk þess sem Litháar
sendu sérstakt lið á Ieikana. „Það
varð töluvert uppistand þegar
uppgötvaðist að Litháar vildu
keppa sem sjálfstæð þjóð,“ segir
Kristján. „En að lokum var kom-
ist að þeirri niðurstöðu að þeir
mættu keppa en yrðu hvergi
skráðir. Það má segja að þetta
hafi verið forsmekkurinn að því
sem nú er að gerast í Litháen,"
bætir hann við.
Þá er ekki hægt að stilla sig
um að spyija Kristján út í smá-
sagnakeppni Vöku-Helgafells í tiT-
efni af því að 70 ár eru liðinn frá
því að Halldór Laxness skrifaði
„Barn náttúrunnar". Þar bar hann
sigur úr býtum með smásögu sem
fengið hefur nafnið „Nótt“. „Til-
drögin að þessu voru þau að
skömmu eftir að frestur til að
skila smásögum í keppnina var
framlengdur áttum við að skrifa
ritgerð í skólanum,“ segir Kristj-
án. „Einhverjir voru óánægðir
með ritgerðarefnin og við spurð-
um kennarann hvort við mættum
ekkj frekar semja smásögu og
skila í keppnina. Það var auðvitað
sjálfsagt og þegar dómnefndin
skilaði áliti sínu kom í ljós að tveir
úr bekknum höfðu orðið meðal
þeirra tíu efstu.“ Kristján segist
vera nýbúinn að lesa „Barn nátt-
úrunnar“. „Það er svolítið
skemmtilegt að sagan mín fjallar
um svipað efni og saga Halldórs
en það er algjör tilviljun því ég
hafði ekki lesið hana þegar ég
skrifaði mína sögu.“
Kristján verður hugsi þegar
hann er spurður um hvað sögurn-
ar fjalli. „Þegar „Barn náttúrunn-
ar“ var gefin út sagði Halldór
Laxness að hún væri ástarsaga.
Mörgum árum seinna sagði hann
að það væri bölvað rugl, hún
væri alls ekki ástarsaga. Ætli
mín saga fjalli ekki um þetta
klassíska, listina, ástina og þján-
inguna,“ bætir hann við.
Kristján segir að nafnið á sög-
una hafi komið af tilviljun. „Þegar
frestur til að skila smásögum í
keppnina rann út var ég ekki
búinn að finna neinn titil á hana
svo ég skilaði henni nafnlausri.
Forsvarsmenn keppninnar mis-
skildu þetta eitthvað og skírðu
hana „Nótt“ en það er upphafsorð
sögunnar. Nafnið stendur þó ekki
í neinum tengslum við söguefnið."
Kristján segist ekki eyða mikl-
um tíma í heimalærdóminn. „Ég
læri að minnsta kosti ekki meira
en flestir en auðvitað ekki minna
en margir," segir hann og bætir
við að hann hafi valið eðlisfræði-
deild af því að hann hafi haft
áhuga á eðlisfræði og það hjálpi
auðvitað til. í haust ætlar hann
að nema verkfræði við kanadískan
háskóla. Fyrsta veturinn verður
hann í almennri verkfræði en eft-
ir það kemur hann til með af velja
eina af tíu brautum sem skólinn
býður upp á.
Stökk af 12 metra
palli
Á Jamaika er staddur hópur
sólbrúnna nýstúdenta úr Verslun-
arskóla íslands. Þei'rra á meðal
er skóladúxinn, Ásta Ólafsdóttir,
sem lét sig hafa það að koma inn
úr sólinni og rabba við blaðamann
sem byijaði á að forvitnast um
landið, Jamaika. „Það var ofsaleg
skrítið að koma hingað,“ segir
Ásta. „Jamaika er þriðjaheims-
land og flestir íbúarnir eru mjög
fátækir. Á götunum eru ódýrir
bflar og fæstir þeirra hafa hraða-
mæla. Þrátt fyrir fátæktina er
fólkið vingjarnlegt og vill allt fyr-
ir mann gera.
Við gerum lítið annað en að
liggja á ströndinni," segir Ásta
sem svar við því hvað Verslunar-
skólanemar hafi fyrir stafni í sól-
inni. „Og förum í partí á kvöldin.
Svo höfum við skoðað landslagið
og sumir hafa verið að kafa,“
segir Ásta og bætir við að hún
vilji að það komi skýrt fram að
hún hafi stokkið af 12 metra palli
ofan í sjóinn. „Ég veit ekki aíveg
hvernig ég þorði það en ég bara
hoppaði og það er ekki um ac)
villast því að þetta var fest á filmu
og verður alveg ódauðlegt afrek,“
bætir hún við og hlær.
Hún segist aldrei hafa eytt
miklum tíma í heimalærdóminn.
„Yfirleitt reyni ég að flýta mér
að læra til þess að ég geti farið
að gera eitthvað annað. Eg heim-
sæki vini mína og fer út að
skemmta mér. Svo hef ég líka
unnið í blómabúð með skólanum.
Það er ágætis tilbreyting, maður
hittir mikið af fólki og peningarn-
ir koma sér vel,“ segir Ásta og
bætir við að hún hafi líka unnið
við heimilishjálp.
Ásta ætlar að vera au pair-
stúlka á Rivíerunni tvo mánuði í
sumar. „Ég var í Frakklandi í
fyrrasumai' og núna ætla ég að
reyna að ná frönskunni alveg, þá
get ég farið í háskóla í Dan-
mörku, Frakklandi, Þýskalandi
eða Bretlandi ef ég kæri mig um.
Næsta vetur ætla ég aftur á móti
að taka mér frí frá skóla því ég
veit ekki alveg hvað mig Iangar
til að læra og vil vera viss þegar
ég byija aftur,“ segir Ásta ðlafs-
dótUr á Jamaika.
Ahuginn skiptir
mestu máli
Berglind Orradóttir, dúx frá
Menntaskólanum á Egilsstöðum,
lauk skólanum um áramót en varð
að bíða. til vors með að útskrif-
ast. „Ég fór til Reykjavíkur eftir
prófin og fékk mér vinnu. í vor
kom ég hingað til að útskrifast
og vinna sem flokkstjóri í bæjar-
vinnunni í sumar. Maður hefur
gott af því að vera úti og svo er
Iíka gaman að vinna við garð-
yrkju," segir Berglind. Hún hefur
þó ekki hugsað sér að fara í Garð-
yrkjuskólann. „Ég veit ekki hvað
ég kem til með að gera í haust.
Annaðhvort fer ég í Háskólann
eða tek mér frí frá skóla og fæ
mér vinnu við eitthvað sem ég
hef áhuga á,“ bætir hún við.
Hún segist ekki hafa lært mik-
ið fyrir utan skólatímann. „Skól-
inn er opinn og frá eitt til fimm
eftir hádegi aðstoða kennararnir
okkur við skólalærdóminn. Þá var
ég yfirleitt í skólanum og var
búin að læra þegar ég kom heim
á kvöldin. Fyrir próf lærði maður
auðvitað meira."
Berglind er þeirrar skoðunar
að áhugi skipti miklu máli þegar
um skólalærdóm er að ræða. „Ef
maður hefur áhuga er námið
skemmtilegt og gengur vel. Ef
maður hefur ekki áhuga er það
erfitt. Og svo skiptir miklu máli
að reyna að vera skipulagður og
láta verkefnin ekki hlaðast upp.“
Berglind hefur ýmis áhugamál
fyrir utan skólann. Hún stundar
fuglaskoðun, fer á skíði, syndir
og hleypur úti auk þess sem hún
segist lesa dálítið en til þess gef-
ist ekki mikill tími á veturna fyrir
skólabókunum. „Ég geri svona
sitt lítið af hveiju,“ segir Berglind
og bætir við að hún hafi líka gam-
an af að heimsækja vini sína.
Árin í menntaskólanum segir
Berglind hafa verið skemmtileg.
„Maður sér það sérstaklega eftirá
að þó að það sé gott að vera bú-
inn þá er líka leiðinlegt að byija
ekki aftur í skólanum og hitta þar
skólafélagana eins og áður.“
>
I
■ LIONSKLÚBBUR Reykjavík-
ur gaf nýlega St. Jósefsspítala,
Landakoti, 300 þúsund krónur til
kaupa á demantshníf og mælitæki,
sem notuð eru við sjónlagsaðgerðir
á hornhimnu augans, Lionsklúbbi
Reykjavíkur eru færðár hinar bestu
þakkir fyrir þessa gjöf, sem vitað
er að getur komið mörgum sjukling-
um að gagni, sem að öðrum kosti
hefðu ekki fengið bót meina sinna.
Myndin er af Lionsmönnum ásamt
starfsliði spítalans.
■ / HAFNARBORG stendur nú
yfir sýningin Einfarar í íslenskri
inyndlist. Á sýningunni eru rúm-
lega eitthundrað verk eftir fimmtán j
listamenn. Sýningin dregur nafn
af bók Aðalsteins Ingólfssonar
listfræðings, sem nýkomin er út hjá |
Almenna bókafélaginu en kom út á
ensku hjá Iceland Review-útgáf-
unni á síðasta ári. í þeirri bók er |
fjallað um verk flestra þeirra lista-
manna sem verk eiga á sýning-
unni. Sýningin var opnuð 2. júní
og mun standa til 24. júní. Gífurleg
aðsókn hefur verið að sýningunni.
Opnunartími í Hafnarborg er kl.
14-19 alla daga nema þriðjudaga.