Morgunblaðið - 20.06.1990, Blaðsíða 17

MORGUNBLAÐIÐ MIÐVIKUDAGUR 20. JÚNÍ 1990
17
iNSt’RANr

Reuter
Hjúkrunarfólk hlynnir að fórnarlambi byssumanns, er banaði átta
mans í Jacksonville í Florida á mánudag og annað er borið á brott.
Byssumaður skaut sig að loknum verknaðinum.
ár^?'N£RAL MOTORS "
. ;fCCEPTANCE CöRPöRaTíON
Bandaríkin:
Byssumaður skaut
átta manns til bana
Jacksonville 1 Flonda. Reuter.
JAMES Pough, 43 ára gamall maður, sem áður hafði hlotið dóm
fyrir manndráp, gekk berserksgang á söluskrifstofú General Motors-
bílaverksmiðjanna í borginni Jacksonville í Florida á mánudag og
varð átta manns að bana. Síðan skaut maðurinn sig. Lögregluyfir-
völd telja líkur á að Pough hafi að auki myrt konu og karl sl. sunnu-
dag.
Pough kom inn í skrifstofu sölu-
fyrirtækisins um klukkan tíu um
morguninn að staðartíma, vopnaður
30 kalíbra riffli og 38 kalíbra
skammbyssu, og hóf þegar skothríð
á starfsfólk sem reyndi að leita
skjóls bak við afgreiðsluborð. Sex
féllu á staðnum og tveir önduðust
á sjúkrahúsi auk þess sem a.m.k.
fimm manns særðust, þar af tveir
alvarlega. Pough beindi að lokum
byssu að höfði sér og hleypti af.
Fleiri skotvopn fundust í bíl Po-
ughs og hafði hann leyfi fyrir þeim.
Árið 1971 hlaut hann fimm ára
skilorðsbundið fangelsi fyrir að
drepa mann á veitingahúsi. Engar
skýringar hafa fundist á því að
hann skyldi fá byssuleyfi þrátt fyr-
ir þennan feril.
Sölufyrirtækið tók Pontiac-bíl
Poughs af honum í janúar vegna
vanskila en talsmaður lögreglu
sagði ekki ljóst hvort málið hefði
tengst fjöldamorðunum. Karlmaður
og kona fundust látin í í íbúð
skammt frá heimili Poughs snemma
á sunnudag og er talið að eitt vopna
Poughs hafi verið notað við glæp-
inn. Sagði lögreglustjóri héraðsins
að um dæmigert morð á vændis-
konu og „vemdara" hennar hefði
verið að ræða.
dpa
Múrinn er hruninn og Brandenborgarhliðið, þetta gamla tákn Berlín-
ar, verður brátt sameign borgarbúa og allrar þýsku þjóðarinnar. I
40 ár var þessu mannvirki enginn sómi sýndur en nú hefur verið
hafist handa við að fegra það og fægja og verður vonandi tilbúið
þegar úr því fæst skorið hvort Berlín verður aftur höfuðborg Þjóð-
verja.
Berlín eða Bonn
Mikil barátta stendur nú milli
Bonn, höfuðborgar Vestur-Þýska-
lands, og Berlínar, einu heimsborgar
Þjóðverja, um hvor verði höfuðborg
sameinaðs Þýskalands. Mörgum
finnst Berlín vera að losna úr viðjum
og að borgin sé brátt reiðubúin til
að taka við hlutverki höfuðborgar á
ný. Öðrum finnst slíkt óheppilegt í
ljósi sögunnar og segja að Bonn
tengist lýðræði og stöðugleika í aug-
um heimsbyggðarinnar og ekki veiti
af að undirstrika slík gildi. I Bonn
er hafið mikið átak til að tryggja
að þing, ráðuneyti og erlend sendi-
ráð verði áfram á Rínarbökkum.
Austur- og Vestur-Berlín eru
smám saman að sameinast og finnst
mörgum að borgin verði þarmeð
sjálfkrafa miðpunktur rikisins. Það
sem helst þykir mæla á móti því að
Berlín verði höfuðborg er kostnaður
við að byggja upp aðstöðu fyrir
stjórnsýslu, fjarlægð frá Vestur-
Þýskalandi og nærvera sovéskra
hermanna í Austur-Þýskalandi. Svo
heiftarleg er deilan að sögn Reut-
ers-fréttastofunnar að málamiðlun
þykir nauðsynleg. Yfirvöld í Frank-
furt hafa reynt að koma borg sinni
á framfæri en heldur þykir hún ólík-
legur kostur. Líklegra er talið að
Berlín verði gerð að höfuðborg og
þangað flytjist forseti lýðveldisins.
Bonn verði hins vegar áfram aðsetur
raunverulegra valdastofnana eins og
þings og ríkisstjórnar.
A&næliskveðja:
Jóakím Pálsson
Jóakim Pálsson, stórvinur minn,
er orðinn 75 ára en sannarlega upp-
fyllir hann ekki þær hugmyndir sem
ég geri mér um fólk á þeim aldri.
Hann er kvikur í hreyfingum og
kjarnyrtur vel og það gustar um
hann og enginn lognmolla þar sem
hann er.
Jóakim er fæddur 20. júní 1915.
Faðir hans var Páll Pálsson f. 10.
júlí 1883, dugandi ogmikill aflamað-
ur um langt árabil. Hann lést 26.
mars 1975, 92 ára að aldri. Móðir
Jóakims var Guðrún Guðleifsdóttir
f. 4 júlí 1895 og lést 3. mars 1923
þegar Jóakim var átta ára að aldri.
Á jóladag 1936 kvæntist Jóakim
Gabríelu Jóhannesdóttur frá Hlíð í
Álftafirði sem var fædd 16. júlí
1916. Það var mikið gæfuspor i lífi
Jóakims og hjónaband þeirra var
ákaflega farsælt. Heimili þeirra var
alla tíð í Hnífsdal og stóð ávallt
opið gestum og gangandi.
Jóakim og Gabríela eignuðust 6
börn en þau eru: 1. Gunnar Páll f.
27. janúar 1936, kvæntur Helgu
Kistowsky og eru þau búsett í Kiel
í Þýskalandi. Þau eiga tvö börn,
Kristínu og Jóakim, en áður átti
Gunnar, Pál og Einar Má sem er
kvæntur Elísu Eydísi Gunnarsdóttur
og eiga þau eitt barn, Eddu Marín.
2. Helga f. 13. desember 1940
sem var gift Friðriki Sophaníassyni
og á með honum 3 börn, Áslaugu
Maríu sem er í samúð með Eiríki
Bernódussyni, Gabríelu Kristínu en
hennar maður er Daníel Ágúst Harð-
arson og þeirra dóttir er Daníela,
og Helgu Guðrúnu. Áður átti Helga
Jóakim Hlyn sem er kvæntur Hildi
Jóhannsdóttur og eru þeirra börn
Oddur Þorkell og Helga.
3. Kristján f. 7. mars 1943,
kvæntur Sigríði Harðardóttur og
eiga þau eitt barn, Kristján Einars.
Áður átti Kristján Gabríelu og Jón
sem er kvæntur Kristínu Björgvins-
dóttur. Þeirra barn er Gunnþórunn.
4. Jóhanna Málfríður f. 7. mars
1943, gift Ólafi Eiríkssyni. Börn
Jóhönnu eru Ásgeir Kristján, Karl
Kristján og Agnes sem er gift Snorra
Bogasyni en þau eiga tvö börn, Ás-
geir Þór og Jóakim.
5. Aðalbjörn f. 12. október 1949,
kvæntur Sigríði Júlíu Kristinsdóttur
og eiga þau fjögur börn, Kristin
Leví, Önnu Sigríði, Gabríelu og
Tinnu.
6. Hrafnhildur f. 9. júní 1955,
gift Jóni Ellert Jónssyni og er þeirra
barn Katrín Ella.
Jóakim missti konu sína 2. októ-
ber 1975.
Jóakim hóf ungur að árum sjó-
mannsferil sinn og varð fljótlega
formaður. í febrúar 1965 kom ný
Guðrún Guðleifsdóttir ÍS til hafnar
í Hnífsdal og var Jóakim skipstjóri
á henni í tvö ár áður en hann hætti
störfum sem skipstjóri og sjómaður
og kom í land eftir langt og giftu-
ríkt úthald. Áður hafði hann um
áratugi verið formaður og lengst af
á Páli Pálssyni ÍS og Guðrúnu Guð-
leifsdóttur IS.
Eftir að Jóakim kom í land gerð-
ist hann framkvæmdastjóri hjá Mið-
felli hf. sem gerir út aflaskipið Pál
Pálsson ÍS. Árið 1970 tók Jóakim
að sér framkvæmdastjórn fyrir Mjöl-
vinnsluna hf. og er enn í dag í for-
svari fyrir bæði þessj öflugu og
myndarlegu fyrirtæki. Árið 1941 var
Hraðfrystihús Hnífsdals hf. stofnað
og var Jóakim einn af stofnendum
þess. í dag er Jóakim stjórnarform-
aður fyrirtækisins en hann tók að
sér stjórnarformennsku 1951 og er
þar af leiðandi búinn að vera stjórn-
arformaður í tæplega fjóra áratugi.
Af þessari upptainingu má sjá að
afmælisbarnið hefur ekki setið með
hendur í skauti um ævina. Athafna-
semi ásamt óbilandi bjartsýni á
framtíð sjávarútvegs hefur einkennt
öll störf Jóakims bæði á sjó og landi.
Kynni okkar Jóakims hófust aust-
ur í Japan árið 1972 þar sem við
urðum herbergisfélagar ög vorum
báðir í þeim erindagerðum að kaupa
skuttogara. Síðan þá hefur vinátta
okkar dafnað ár frá ári þrátt fyrir
aldursmun og fjarlægð. Varla líður
vika án þess að við tölum ekki sam-
an oftar en einu sinni og jafnframt
hittumst við oft á fundum í
Reykjavík.
Sl. haust kom Jóakim ásamt sam-
býliskonu sinni, Sigríði Sigurgeirs-
dóttur, í heimsókn til Vestmanna-
eyja og var það ógleymanlegt fyrir
okkur hjónin að taka á móti þeim
inn á heimili okkar. Lífskrafturinn
er mikill í þessum unga vini mínum
og á þessum tímamótum sendum við
hjónin honum innilegar afmælis-
kveðjur með bestu óskum um giftu-
ríka framtíð um ókomin ár.
Magnús Kristinsson