Morgunblaðið - 18.08.1990, Side 31

MORGUNBLAÐIÐ LAUGARDAGUR 18. ÁGÚST 1990
31
fclk í
fréttum
Að vanda var Birgir Halldórsson umsjónarmaður grillveislu flugkomunnar í Múlakoti. Hann
hér fyrir enda borðsins umkringdur aðstoðarfólki við undirbúning Qallalambsins.
sést
FLUGHATIÐ
Velheppnuð hátíð flugáhuga-
manna um verslunarmannahelgí
Flugáhugamenn fjölmenntu
að Múlakoti í Fljótshlíð um
verslunarmannahelgi. Þar var
haldin ijölskylduhátíð Flugmála-
félags íslands og Flugklúbbs
Reylqavíkur og heppnaðist há-
tíðin með afbrigðum vel. Þetta
var í áttunda sinn sem flug-
áhugamenn hafa komið saman
um verslunarmannahelgi og þar
af hafa þeir verið sex sinnum í
Múlakoti. Skipulagning og fram-
kvæmd þessarar hátíðar, eða
flugkomu eins og það heitir á
máli flugmanna, var í höndum
Flugklúbbs Reykjavíkur og voru
þátttakendur úr flest öllum
greinum flugíþrótta.
Fjölbreytt dagskrá gerði það
að verkum að flestir fengu eitt-
hvað við sitt hæfí. Listflugsunn-
endur höfðu nóg að gera við að
glápa upp í loftið því þrír þekkt-
ir flugstjórar og listflugmenn
mættu með sína farkosti, Björn
Thoroddsen á Pitts Special
tvíþekju sinni TF-BTH, Magnús
Norðdahl á frönsku CAP.10B
listflugvélinni TF-UFO ogÁsgeir
Christiansen á gömlu góðu
tékknesku Zlin Trenermaster-
vélinni TF-ABC, sem var fysta
listflugvélin í eigu íslendinga.
Einnig sýndi Böðvar Guðmunds-
son listflug á fjarstýrðu flugmód-
eli við mikinn fögnuð viðstaddra.
Fallhlífastökkvarar voru iðnir við
að stunda sína uppáhaldstóm-
stundaiðju og höfðu útbúið aust-
an við flugvélastæðið mark, sem
þeir reyndu að hitta á í lend-
ingu. Lendingarkeppni vélflug-
manna var þá haldin og varð
sigurvegari Lárus Jónsson á
Beech Sundowner TF-ISL. Þá
fór fram keppni þar sem fulltrú-
ar yngri kynslóðarinnar fengu
að spreyta sig í skutlukasti, ann-
arsvegar í langflugi og hinsvegár
í markflugi. Sáust þar margir
efnilegir flugmenn og flugkonur
framtíðarinnar. Sigui’vegari í
keppni bamanna varð Arnþrúður
Anna Gísladóttir. Fullorðnir
fengu einnig tækifæri til að
sanna hæfni sína í skutlukasti
og sáust mörg skondin tilþrif
einkum og sér í lagi þar sem
atvinnuflugmenn áttu í hlut.
Svifdrekamenn tóku einnig þátt
í hátíðarhöldunum en stunduðu
sína íþrótt í grennd við Hvolsvöll
þar sem skilyrði til svifdreka-
flugs voru betri þar.
Meðal þeirra flugvéla sme
voru í Múlakoti var Douglas C-47
Dakota Landgræðslu ríkisins
„Páll Sveinsson“ og var vélin til
sýnis þá daga sem flugkoman
stóð yfir. Tilgangur með veru
áburðarflugvélarinnar þar var
að vekja athygli manna á því
átaki sem þarf að gera í upp-
græðslu landsins, en einmitt í
Fljótshlíðinni sést verulegur
árangur af starfi Landgræðsl-
unnar. Öllum á óvænt birtist svo
annar fulltrúi farþegaflugvéla
fyrri tíma, en það var Beech-
craft C-45H, eða Beech 18, flug-
vél TF-JMP sem áður var í þjón-
ustu Norðurflugs og Flugfélags
Norðurlands. Þessi flugvél, sem
er nú í eigu einkaaðila á Akur-
eyri, hefur nýlega verið gerð upp
og er sem ný að sjá. Fyrir flug-
áhugamenn varð það ógleyman-
leg sjón að sjá þessa tvo fulltrúa
fyrri tíma saman komna hlið við
hlið fyrsta sinn í mörg ár.
Að venju var haldin sameigin-
leg grillveisla á laugardagskvöld-
ið og hefur aðsókn að henni aldr-
ei verið meiri. Lætur nærri að
yfír sextíu flugvélar höfðu við-
komu um lengri eða skemmri
tima í Múlakoti um helgina.
Margt fleira var til gamans gert
á þessari fjölsóttustu Múlakots-
hátíð flugáhugamanna og heyrð-
ist á öllum, að flugkoman hefði
verið sú besta hingað til. Náðist
að sameina áhuga manna á flugi.
og að vera með fjölskyldunni í
fögru umhverfi á þessari mestu
ferðahelgi ársins.
- PPJ
- Morgunblaðið/PPJ
Öllum á óvænt kom Beechraft C-45H TF-JMP frá Akureyri á
flughátíðina í Múlakoti. Þessi flugvél hefur nýlega verið gerð upp
og er sem ný að sjá, en hún var á árum áður í þjónustu Norður-
flúgs og Flugfélags Norðurlands.
reSholahreppur!
Kanntu brauð að baka?
>Miðhúsum.
IBúðardal er starfrækt bakarí
sem þjónar bæði Dalasýslu og
Austuy-Barðastrandarsýslu.
Bakari er Ingimar Garðarsson
frá Hríshóli í Reykhólasveit. Marg-
ir keyptu fermingartertuna hjá
Ingimar bakara og skreytti hann
þær og gaf hann viðkomandi ferm-
ingarbarni skreytinguna í ferm-
ingargjöf.
Bakaríið þykir bera vott um
snyrtimennsku og góð brauð.
- Sveinn.
Ingimar Garðarsson bakari.
Morgunblaðið/Sveinn Guðmundsscm
Frábær uppskrift að fríinu
ár
Næsti
ferðaþjónustubær er
ávallt skammt undan.
GÆÐAÞJÓNUSTA Á GÓÐU VERÐI
Ferðaþjónusta bænda, Bændahöllinni v/Hagatorg
Símar 623640,623643 og 19200.