Morgunblaðið - 02.12.1990, Side 6

6 FRÉTTIR/INNLENT
MORGUNBLAÐIÐ SUNNUDAGUR 2. ÖESEMBER 1990
Pétur Pétursson kaup-
maður, t.v., með sýnis-
horn af íslenskum jóla-
mat og Guðmundur Jú-
líusson, starfsmaður í
verslun hans, með pakka
sem sendir verða utan.
Morgunblaðið/RAX
íslenskur matur fluttur út í sífellt meira mæli fyrir jólin:
Vinsældir haiigikjötsins
o g villta laxins mestar
MIKIÐ er um að íslendingar sendi vinum og vandamönnum erlend-
is matvæli fyrir jólin, og fyrirtæki gera einnig talsvert af því að
gleðja erlenda viðskiptamenn með þessum hætti — senda þeim
sýnishorn af íslenskum mat, að sögn Péturs Péturssonar, kaup-
manns í Kjötbúri Péturs á Laugavegi 2. Hann sér um að senda
mat utan fyrir fólk og segir óskir um slíkt færast mjög í aukana
ár frá ári.
Við gerum þetta allt árið en
jólavertíðin hefst um 15.
nóvember og stendur þar til um
miðjan desember," sagði Pétur í
samtali við blaðamann. Það sem
mest er sent utan er hið „rómaða
hangikjöt sem við íslendingar eig-
um“, en fyrirtæki Péturs sendir
um fimm tonn af hangikjöti utan
nú. „Þá sendum við mikinn harð-
fisk, reyktan villilax sem orðinn
er mjög eftirsóttur, niðursoðin svið
í dósum, bjúgu, vínarpylsur og
ýmislegt annað."
Mest er um að íslendingar láti
senda fyrir sig mat úr landi, en
einnig er nokkuð um að Pétri ber-
ast pantanir erlendis frá, og segir
hann það aukast með hvetju ár-
inu. „Aðal sóknin er í villta lax-
inn, útlendingar biðja sérstaklega
um hann. Eldislax fæst nánast
alls staðar en sá villti er víða
munaðarvara." Pétur sagði fyrir-
tæki á Ítalíu og í Frakklandi til
dæmis panta lax til að gefa starfs-
mönnum fyrir jólin.
Hann sagðist telja hangikjötið
aðal jólamat Islendinga erlendis,
og margir gætu hreinlega „ekki
lifað jólin af ef ekki er hangikjöt
á borðum. Fólki fínnst meiriháttar
að fá hangikjötsilminn í íbúðina
fyrir jólin og við höfum, í gegnum
árin, fengið mörg bréf frá fólki
sem fær kjöt frá okkur; ekki að
við séum að gefa því kjötið, heldur
er það að þakka fyrir þá þjónustu
sem við erum að veita öldruðum
foreldrum þess hér heima. Það eru
talsverðir snúningar fyrir einstakl-
inga að senda mat úr landi en við
sjáum um allt sem þarf að gera.“
Pétur segist senda mat út um
allan heim, en hömlur séu sums
staðar á innflutningi og til dæmis
þýði ekki að senda kjöt til Ástr-
alíu og Nýja Sjálands og ekki sé
heldur leyfilegt að senda hangikjöt
til Noregs. „Við fengum und-
anþágur fyrir þremur árum fyrir
visst magn til Noregs en nú hefur
innflutningur þangað verið stöðv-
aður aftur.“ Pétur sagðist eflaust
geta orðið vel stæður á því að
senda Islendingum í þessum lönd-
um hangikjötslykt í úðabrúsum —
svo stór þáttur í jólahaldinu virtist
hún vera hjá mörgum!
Þess má geta að ef pakkar eiga
örugglega að berast viðtakendum
í Evrópu fyrir jól þurfa þeir að
fara í póst ekki síðar en 5. des-
ember, sömu sögu er að segja um
pakka á áusturströnd Bandaríkj-
anna, en síðasti æskilegi skiladag-
ur vegna sendinga á vesturströnd-
ina er 2. desember.
Skipulagsbreytingar Sambandsins:
Iceland Seafood selt hluta-
félagi um sjávarafurðadeild
RÁÐGERT er að Sambandið selji dótturfyrirtæki sitt, Iceland Seafood,
nýju hlutafélagi um sjávarafurðadeild Sambandsins sem stofnað verður
14. desember. Verið er að stofna fimm hlutafélög sem yfirtaka rekstur
helstu deilda Sambandsins.
Iceland Seafood er físksölufyrir-
tæki Sambandsins í Banda ríkj-
unum og á Sambandið 60% hlut í
fyrirtækinu og frystihús Sambands-
ins 40%. Sigurður Markússon stjórn-
arformaður Sambandsins sagði að
gert hefði verið uppkast að samningi
um að Sambandið selji sinn hlut í
Iceland Seafood nýju hlutafélagi um
sjávarafurðadeildina.
„Þetta er í rauninni formbreyting,
það má segja að fyrirtækið flytjist
til innan fjölskyldunnar," sagði Sig-
urður og bætti við að hliðstætt myndi
gerast með önnur sambandsfyrir-
tæki, að þau flyttust til þess hlutafé-
lags sem hefði með hlutaðeigandi
starfsemi að gera.
Sigurður sagði að ekki hefði verið
skráð söluverð á Iceland Seafood,
og það yrði samningsatriði milli Sam-
bandsins og sjávarafurðafyrirtækis-
ins.
Fyrirhugað er að stofnun hlutafé-
laganna fímm verði lokið fyrir ára-
mót. Fyrirtæki um búvörudeild verð-
ur stofnað 11. desember og fyrirtæk-
ið um sjávarafurðadeild 14. desemb-
er en ekki eru komnar dagsetningar
á stofnun hinna félaganna.
• • ____________________
Ogmundur Jónasson formaður BSRB;
Eftirsjá í hjúkr-
unar fræðingum
ÖGMUNDUR Jónasson, formaður Bandalags starfsmanna ríkis og
bæja, segir að úrsögn hjúkrunarfræðinga í Hjúkrunarfélagi íslands
úr BSRB veiki samtökin. „Hjúkrunarfræðingar hafa verið virkir í starfi
innan BSRB og það er eftirsjá í þeim,“ segir hann.
Alls voru 1.471 hjúkrunarfræð-
ingur í BSRB en heildarfjöldi
félaga í samtökunum er liðlega 17
þúsund. Aðspurður kvaðst Ögmund-
ur engu vilja spá fyrir um hvort úr-
sögn hjúkrunarfræðinga muni hafa
það í för með sér að fleiri starfsstétt-
ir fylgdu í kjölfarið. „Ursögn hjúk-
runarfræðinga þarf ekki að vera vís-
bending um slíkt. Þeirra mál eru
sérstök að því leyti að hjúkruna-
rfræðingar eiga aðild að tveimur
stéttarfélögum og hyggja á stofnun
sameiginlegs félags," sagði hann.
Hann sagði að samtökin hefðu
verið að breytast á seinni árum. Sjálf-
stæði aðildarfélaganna hefði aukist
Málið hefur fengið leiðinlegan svip
og það væri rétt stefna, en jafnframt
væri leitað eftir hagkvæmni í sam-
eiginlegri þjónustu og BSRB hefði
verið að efla þjónustu við félögin á
borð við lögfræðiþjónustu, hagfræði-
þjónustu og upplýsingaþjónustu. Þar
að auki störfuðu heildarsamtökin að
ýmsum sameiginlegum hagsmuna-
málum launamanna og opinberra
starfsmanna sérstaklega.
Hann var spurður hvort úrsögn
hjúkrunarfræðinga kæmi við fjárhag
samtakanna. Sagði hann að úrsögnin
skipti sjálfsögðu máli.
Þá sagði hann að úrsögn hjúk-
runarfræðinga myndi ekki, út af fyr-
ir sig, kalla á breytingar innan sam-
takanna en mikil umræða væri, í
gangi innan BSRB um skipulagsmál
samtakanna og sú umræða héldi
áfram.

-segir Halldór Blöndal, alþingismaður, um deilur um þingsköp á Alþingi
Á fimmtudag kom til snarpra orðaskipta á Alþingi milli Halldórs Blönd-
al, þingmanns, og forseta og varaforseta sameinaðs þings. Atvikið
vakti athygli í fjölmiðlum en Halldór telur að ástæðuna megi rekja
til þess að forsetar hafi ekki ræðst við fyrir umræðuna, sem hefði
getað iokið á 15 mínútum.
Halldór segir upphaf málsins að
sjávarútvegsráðherra hafi
neitað sér um lista yfir aflakvóta
smábáta á næsta ári. „Ég bað um
fund í sjvarútvegsnefnd og þar ítrek-
uðu fulltrúar sjávarútvegsráðuneyt-
isins neitun ráðherra. Um morguninn
átti ég tal við Guðrúnu Helgadóttur,
forseta sameinaðs þings, og skýrði
henni frá að ég vildi taka þetta mál
upp á þingi utan dagskrár. Hún úr-
skurðaði að það yrði umræða um
þingsköp og var ákveðið að umræðan
hæfist kukkan 12. Henni var kunn-
ugt um að ég myndi hringja í sjávar-
útvegsráðherra og Matthías Bjarna-
son til að þeir yrðu viðstaddir umræð-
una,“ segir Halldór.
„Mér var loks gefið orðið þegar
klukkan var tuttugu mínútur gengin
í eitt.. Þá var Valgerður Sverrisdótt-
ir, varaforseti, í stólnum, en Guðrún
Helgadóttir hafði brugðið sér frá.
Ég bað um að hún yrði sótt. Það er
auðvitað ókurteisi af forseta að vera
fjarverandi þar sem ég hafði óskað
eftir umræðum um þingsköp, klukk-
an hálf ellefu um morguninn, og for-
seti mátti vita að ég ætlaði að eiga
orðastað við hann, eðli málsins sam-
kvæmt.
Af óskiljanlegum ástæðum tók
varaforseti þetta óstinnt upp. Senni-
lega vegna þess að hún hefur talið
að ég treysti sér ekki til að hafa
stjórn á fundinum. I sömu svifum
kom Guðrún Helgadóttir inn og sett-
ist í sæti sitt út í sal. Eftir stutta
stund tók varaforseti frammí fyrir
mér og bannaði mér að halda ræðu
minni áfram. Ég óskaði þá eftir að
Guðrún stæði við sín orð og leyfði
mér að halda ræðunni áfram en þá
brást hún undarlega við, barði í borð-
ið og óskaði eftir að fá að taka til
máls síðar. Þegar svo var komið ósk-
aði ég eftir því að hlé yrði gert á
fundinum svo forsetar gætu ræðst
við. Þegar forsetar höfðu gert það,
tók Guðrún við fundarstjórn og ég
hélt ræðu minni áfram á þeim for-
sendum sem við höfðum talað um.
Sjávarútvegsráðherra hafði þá
brugðið sér frá enda hafði hann sagt
mér að hann væri tímabundinn. Aðr-
ir þingmenn, a.m.k. Matthías Bjarna-
son, Stefán Guðmundsson, Skúli að-
alsteinsson, Árni Gunnarsson og
Kristinn Pétursson, tóku þátt í um-
ræðunni. Mér gafst tækifæri til að
biðja þingforseta um að skerast í
málið og afla sjávarútvegsnefnda
þeirra upplýsinga sem ráðherra hafði
synjað um. Þar sem ráðherra var
fjarverandi er nauðsynlegt að taka
málið upp á nýjan leik á mánudag,"
segir Halldór.
Hann sagði að þetta mál hefði
fengið leiðinlegan svip og taldi
ástæðuna þá að forsetar þingsins
hefðu ekki talað saman áður en
umræðan fór fram. „Ef þeir hefðu
gert það hefði umræðan tekið 15 -
20 mínútur á fimmtudaginn með
venjulegum þinglegum hætti,“ segir
hann.
■ NÝJA björgunarmiðstöð Flug
björgunarsveitarinnar við Flugvall-
arveg verður opin almenningi til
kynningar frá klukkan 13 til 17 í
dag sunnudag.
Flugbjörgunarsveitarmenn munu
sýna björgunaræfingar og einnig
fallhlífastökk, ef veður leyfir.
■ KOLAPORTIÐ verður opið í
dag milli kl. 10 og 16 og er þetta
í fyrsta skipti sem það er opið á
sunnudegi. I dag verða aðrir aðilar
með bása en á laugardögum. Borð-
ið verður upp á skemmtiatriði fyrir
börn.
Morgunblaðið/Hallgrímur
Býður bekknum sínum til Bandaríkjanna
Mikil eftirvænting ríkti í íþróttasal grunnskólans í Grundarfírði þegar ljóst var að nemandi í skólanum
hefði unnið aðalverðlaun í samkeppni íslensk ameríska félagsins og gæti því boðið öllum bekkjarfélög-
um sínum með sér til Bandaríkjanna. Nemendurnir biðu spenntir og þegar Ólafur Stephensen formað-
ur íslensk ameríska félagsins las upp nafn vinningshafans, Svanborgar Kjartansdóttur, Setbergi í Eyrar-
sveit, ærðust bekkjarfélagar hennar úr fögnuði. Á minni myndinni veitir Svanborg viðtöku ferðatrygg-
ingu fyrir hópinn úr hendi Svans Guðmundssonar frá Sjóvá-Almennum, en bak við hann sést í Olaf
Stephensen, formann Íslensk-Ameríska félagsins.