Morgunblaðið - 03.01.1991, Síða 17

MORGUNBLAÐIÐ FIMMTUDAGUR 3. JANUAR 1991
17
Heilbrigðisráðuneytið:
Bæta þarf
starfskjör
á lands-
byggðinni
Bílar keyptar fyrir
fimm heilsugæslustöðvar
ERPIÐLEGA Iiefur gengið að fá
lækna til starfa á nokkrar svo
kallaðar H1 heilsugæslustöðvar
á landinu sérstaklega á Vest-
fjörðum og Norðurlandi eystra.
Er það niðurstaða könnunar sem
heilbrigðis- og tryggingarmála-
ráðuneytið hefur látið gera að
bæta þurfi starfskjör lækna og
annars heilbrigðisstarfsliðs á
þessum stöðvum til að þær séu
samkeppnisfærar við aðra staði
á landinu. Segir í frétt frá ráðu-
neytinu að það og fulltrúar
Læknafélags Islands,- sem um
málið hafa fjallað, séu sammála
1 um að frambúðarlausn þessara
mála sé að launasamningar
lækna á þessum stöðvum yerði
færðir til samræmis við samn-
inga sjúkrahúslækna.
í fréttinni segir að útilokað sé,
eins og hátti í þjóðfélaginu nú, að
taka upp kjarasamninga til breyt-
inga í þessa átt og hafi því verið
farin sú leið að fá ákveðna fjárupp-
hæð á þessu og næsta ári til að
bæta ástand mála á nokkrum H1
stöðvum.
Á þessu hausti hafa verið keypt-
ar fimm bifreiðar til nota fyrir
lækna á H1 stöðvum, torfærubif-
reiðar til nota á Flateyri, Þingeyri,
Hólmavík og Þórshöfn og fjórhjóla-
drifin fólksbifreið til nota á Djúpa-
vogi.
Stjórnir heilsugæslustöðvanna á
Flateyri, Þingeyri, Kópaskeri, Þórs-
I höfn, Djúpavogi og Vopnafirði
munu fá fjárupphæðir sem veita
þeim möguleika á að bæta starfs-
kjör heilbrigðisstarfsfólks sem
ræðst að stöðvunum, eftir nánari
ákvörðun stjórnar viðkomandi
heilsugæslustöðvar í samráði við
starfslið stöðvarinnar og ráðuneyt-
ið.
Til ráðstöfunar á árinu 1991,
vegna slíkra staðbundinna aðgerða,
er gert ráð fyrir alls fimmtán millj-
ónum króna.
Ráðuneytið mun skipta þessum
fjármunum milli stöðvanna í sam-
ræmi við aukin útgjöld þeirra vegna
þessara verkefna. Segir í fréttinni
að það sé samdóma álit ráðuneytis-
ins og Læknafélags íslands að í
framtíðinni verði að ganga frá þess-
um málum í kjarasamningum við
• lækna og aðrar heilbrigðisstéttir
sem á þessum stöðvum vinna.
> . -----------~~--------
Jarlinn fær
vínveit-
ingaleyfi
BORGARRÁÐ Iteykjavíkur hef-
ur staðfest umsögn félagsmála-
ráðs Reykjavíkur, sem felur í sér
að ekki er mælt gegn því að veit-
ingahúsið Jarlinn, sem rekur
veitingasölu við Bústaðaveg og
Tryggvagötu, fái vínveitinga-
leyfi.
| Reykjavíkurborg er umsagnarað-
ili varðandi umsóknir um vínveit-
ingaleyfi í borginni og veitir dóms-
| málaráðuneytið ekki slík leyfi legg-
ist borgaryfirvöld gegn því. Þegar
borgarráð fjallaði um málið greiddi
Sigurjón Pétursson, Alþýðubanda-
lagi, gegn því að Jarlinn fengi leyf-
ið og áheyrnarfulltrúar hinna
minnihlutaflokkanna lýstu einnig
yfir andstöðu sinni.
Ljúffeng
íslensk landkynning
á borð vina og viðskiptavina erlendis
Vart er hægt að hugsa sér meira spennandi gjöf en fulla körfti af
forvitnilegu góðgæti frá framandi landi. Slík gjöf segir meira en mörg
orð um matarmenningu einnar þjóðar.
V!
Hægt er að velja um ostakörfu með
mismunandi tegundum af íslenskum ostum,
sœlgœtiskörfu með gómsætu íslensku sælgæti
s.s. Opali, súkkulaði, brjóstsykri og lakkrís.
Og íslenska matarkörfu
sérlega ljúffengum smáskömmtum af ýmsu tagi.
ICEMART
íslenskur markaður
- á leið út í heim.
Leifsstöð Keflavíkurflugve rli - Sími: 92-5 04 53
AUK k627d21 -50