Morgunblaðið - 06.01.1991, Blaðsíða 7

MORGUNBLAÐIÐ SUNNUDAGUR 6. JANUAR 1991
C 7
Og Tapio hefur ekki látið sitja við
)rðin tóm, á tveimur árum hefur
lann gefið út tvær skáldsögur, Saar-
ston Samurait, Samuræjar skeija-
jarðsins og Oðinnin korppi, Hrafn
Jðins. En hvernig stóð á því að
íann fór að skrifa skáldskap?
„Ég hafði skrifað lélegar greinar
)g smásögur, aðallega í skólablöð
)g oftastnær bara til gamans. Svo
latt mér í hug að gaman væri að
ikrifa eitthvað lengfa', skáldsögu.
5g var síðan að fást við gerólíka
iluti þegar ég fékk hugmyndina að
’yrri skáldsögunni. Hún fjallar um
unga menn sem hafa áhyggjur af
móður náttúru. Þeir lifa ofur venju-
egu lífi, en um helgar gerast þeir
skemmdarvargar og vinna skemmd-
arverk hjá fyrirtækjum sem menga
umhverfið. Smámsaman breytist
síðan þankagangur þeirra í þá átt
að þeim finnst þeir vera í baráttu
gegn samfélaginu í heild.“
— Þetta virðist ekki beint guð-
fræðilegur söguþráður?
„Ja, leiðtogi hópsins, aðalpersón-
an, er prestur," segir Tapio og hlær.
„Svo bar ég saman spádóm Opin-
berunarbókarinnar og það sem
vísindamenn segja að geti gerst með
minnkandi ósonlagi. í Opinber-
unarbókinni er sagt að sólin verði
ofsaheit og minnir það óneitanlega
á gróðurhúsaáhrifin. Mér þótti
spennandi að nota þetta í skáldsög-
una, þó að ég sé ekki alveg viss um
tengslin sjálfur."
— Ertu mikill umhverfissinni?
„Já, ég hef hugsað mikið um
umhverfismál. Fólk verður auðvitað
að vinna og allt það, en náttúran
endist ekki endalaust. Ef fiskurinn
hverfur við ísland er ísland búið að
vera, sama væri upp á teningnum
ef skógurinn eyddist í Finnlandi."
— Hvernig líst þér á umhverfis-
málin á Islandi?
„Mér finnst virðingarvert hvernig
íslendingar reyna nú að rækta skóg.
En satt að segja held ég að ísland
sé aðeins svona hreint af því íslend-
ingar eru svo fáir. Það er margt sem
íslendingar eiga eftir að gera, til
dæmis í sambandi við endurvinnslu
og ruslahauga, eins og_ þið hafið
reyndar bent á sjálfir. Ég vil ekki
vera neinn spámaður sem kemur
utan að og segir ykkur fyrir verk-
um.“
Vestfirðir áhugaverðir á korti
Veturinn eftir að Tapio lauk guð-
fræðinámi, veturinn sem hann var
að skrifa um samuræjana, skildi
hann við eiginkonu sína og fékk
hugmyndina að íslandsferðinni. „Ég
ákvað að fiippa aðeins út, vera ævin-
týramaður einu sinni. Ég lærði smá-
vegis í íslensku hjá sendikennara í
Helsinki, Erlingi Sigurðssyni, og
kom til íslands í febrúar 1989.“
— Af hveiju ísland? Er einhver
ævintýraljómi yfir Islandi?
„Meiningin var að fara eitthvert
og vinna verkamannavinnu. Ég hafði
he_yrt að það væri auðvelt að fávinnu
á Islandi. Frá Finnlandi séð er ísland
auðvitað langt í burtu, þar er allt
bert, engir skógar, stormasamt og
svo framvegis. Ég ímyndaði mér að
það væri svolítið spennandi. Það er
ekkert spennandi að fara til Svíþjóð-
ar, það er næstum eins og heima.
ísland virkaði lang mest spennandi
af Norðurlöndunum."
— En af hverju leitar hámenntað-
ur maður eftir verkamannavinnu á
íslandi?
„Ég vildi hvíla mig á ábyrgðar-
störfum. Það er líka auðveldara að
fá verkamannavinnu meðan maður
kann ekki málið.“
— Þú hefur ekki komið til að
boða trú?
„Nei, það var aldrei inni í mynd-
inni. Ég vissi að íslendingar eru
kristnir og vildi ekki fara að segja
þeim fyrir verkum í trúmálum. Mað-
ur væri reyndar álitinn léttruglaður
heima í Finnlandi ef maður talaði
jafn mikið óg íslendingar um 'anda-
trú og sálnaflakk."
— Hvað fékkstu svo að gera þeg-
ar þú komst til íslands?
„Ég fékk strax vinnu við ráðhúsið
í Reykjavík. Það var nokkuð vel tek-
ið á móti mér þar verð ég að segja.
Ég labbaði upp að byggingunni og
spurði á íslensku: Vantar ykkur
verkamenn? Þá setningu hafði ég
lært í Finnlandi. Þarna vann ég svo
í sex vikur. Þá fór ég í símaskrána
og leit á landakort til að ákveða
hvert ég ætti að fara næst. Mér
fannst Vestfirðir virka nokkuð
áhugaverðir á landakorti. Svo ég
hringdi í ýmsa staði á Vestfjörðum
og fékk fyrsta jáið frá Flateyri, hjá
Hjálmi hf. Þarna bjó ég svo í verbúð
og vann í fiski í tvo og hálfan mán-
uð. Ég hafði aðeins unnið í fiski í
einn dag áður — við að slægja eldis-
silung á Álandseyjum, en samt gekk
þetta alveg sæmilega. Ég var aðal-
lega við að roðfletta og síðan var
ég settur í móttökuna. Nei, þetta
var ekkert sérstaklega erfið vinna,
þó að það tæki mig reyndar nokkra
daga að venjast starfinu í móttö-
kunni; það er erfiðasta starfið í
frystihúsinu. Mér fannst starfið
frekar leiðinlegt en erfitt. Sumir ís-
lendingar vilja ekki vinna í frysti-
húsi af því það er ekki nógu fínt,
en mér finnst það ekki aðalmálið
heldur hitt að þetta er færibanda-
vinna. Það hjálpar hins vegar mikið
að vinna með góðu fólki. En það var
stundum mikið drukkið í verbúðinni.
Ég var aðallega áhorfandi, var þá
að hugsa um að skrifa um þetta.
Ég notaði persónur ogumhverfi sem
fyrirmyndir í Hrafni Óðins, en auð-
vitað var heilmikið skáldað inn í.
Söguhetjan sem er Finni á flakki er
fyrst í Reykjavík og síðan á Eyrar-
eyri við Sporðsfjörð."
Og nú hlær hann dátt.
Fisklykt af bókinni
— Hefurðu fengið fregnir af við-
brögðum gagnrýnenda?
„Flestir ritdómarnir í dagblöðun-
um hafa verið jákvæðir. Gagnrýn-
endurnir eru ánægðir með hve
íslenskt andrúmsloftið er í bókinni.
Einhver sagði að það væri nánast
fisklykt af henni. En ég hef ekki
heyrt hvernig gengur að selja bók-
ina.“
— Eru einhveijar hugmyndir uppi
um að þýða bókina á íslensku?
„Þeir hjá Máli og menningu hafa
lýst áhuga á því, en það er ekki
búið að ákveða neitt ennþá.“
— Gætir þú hugsað þér að þýða
íslenskar bækur á finnsku?
„Já, ég hef áhuga á því. Kannski
fæ ég að þýða einhveija áf bókum
Einars Kárasonar fyrir forlagið mitt,
en það er búið að gefa Þar sem
Djöflaeyjan rís út. Þetta er lítið for-
lag á uppleið, að minnsta kosti gefa
þeir alltaf út fleiri og fleiri bækur.“
Þess má geta að forlagið bauð
Tapio út til Tampere á íslandskynn-
inguna sem þar var á dögunum.
Kennir smíðar og kristinfræði
Eftir hálfs árs dvöl á íslandi í
fyrra sneri Tapio aftur til föður-
landsins, var námsráðgjafi í gagn-
fræðaskóla í Helsinki og lauk við
Hrafn Óðins. En hvernig atvikaðist
það að hann kom til starfa við
Grunnskóla ísafjarðar sem smíða-
og kristinfræðikennari nú í haust?
„Mig langaði til að koma aftur til
íslands og íslensk vinkona mín sem
er að læra í Finnlandi sagði mér að
það vantaði alltaf kennara. Svo ég
skrifaði bréf til nokkurra skólastjóra
og fyrsta jáið kom frá ísafirði. Ég
er mjög ánægður með það því hér
finnst mér mjög gaman. Það er eitt-
hvað sérstakt við staðinn; fjöllin og
sjórinn svo nálægt. Og hér er
skemmtilegt fólk og staðurinn nógu
stór til að hér sé félags- og menning-
arlíf."
— Og hvemig gengur kennslan?
„Hún gengur ágætlega. Ég læri
heilmikið af krökkunum, bæði
íslensku og uppeldisfræði."
— Viltu að endingu segja eitthvað
um muninn á íslendingum og Finn-
um?
„Finnland er aðeins þróaðra sam-
félag, félagslega séð. Þar er til dæm-
is varið miklu meiri þeningum í
skólakerfið. Þar er mötuneyti í hveij-
um skóla eða krakkarnir fá ókeypis
mat í skólanum. En Finnar eru samt
ekki ánægðari með lífið en íslending-
ar. Islendingar skipuleggja ekki eins
mikið og Finnar og mér finnst saft
að segja dálítið skemmtilegt þegar
hlútir eru gerðir þegar er kominn
tími til þess. Ég kann vel við Islend-
inga.“
GLEÐILEGT
NÝTTÁR!
KENNSLA HEFST
7. JANÚAR
Innritun stenduryfir - NÚ VERDA AIUR MED!
★ Líkamsrækt og megrun fyrir konur ó öllum aldri
★ Kúrinn 28 + 7
★ Morgun-, dag- og kvöldtímar
★ Rólegirtímar
★ Lokaðir flokkar (framhald)
★ Púltímar fyrir ungar og hressar
★ „Lausir tímar“ fyrir vaktavinnufólk
Sérflokkarfyrir 17-23 ára íkúrinn 28 + 7
M
srrf
Ath. að vegna mikillar eftirspurnar bjóðum
við nú dagtíma með BARNAPÖSSUN
]
r
Suðurveri,
s. 83730
Hraunbergi,
s. 79988
Þretlánda
flugekflar
Opið frá kl. 10-18 í dag
í Skátabúðinni við Snorrabraut.
20-30% afsláttur af öllum vörum.
ÆLw
Samkort
Styðjið okkur - stuðlið að eigin öryggi
Hjálparsveit skáta
, Reykjavík