Morgunblaðið - 12.09.1991, Qupperneq 46

46
MORGUNBLAÐIÐ FIMMTUDAGUR 12. SEPTEMBER 1991
Morgunblaðið/Sverrir
Haukur Morthens tekur lagið.
k i
liim
Þessir tíu kappar voru allir á Þyrilsnesi árin 1941 og 1942. Chap-
man, sem var undirforingi, er fyrir miðju í aftari röð.
Hópur breskra hermanna á Þyrilsnesi veturinn 1941. Fimm þeirra
sem á myndinni er voru meðal þátttakenda á síðustu árshátíð hópsins.
NAUSTIÐ
Haukur Morthens aftur
við hljóðnemann
Hér er hópurinn samankominn.
vinBS
Hittust á Þyrilsnesi 1947
og hafa hist árlega síðan
Haukur Morthens, sá góðkunni
söngvari, tekur lagið á Naust-
jnu á laugardagskvöldið við undir-
leik hljómsveitar sinnar, en það eru
ein sex ár síðan að hann söng þar
síðast við góðan orðstý. Var mál
manna, að hin góða stemming sem
þá var jafnan á Naustinu væri
hæfíleg blanda af frammistöðu veit-
ingamannanna og Hauks. Morgun-
blaðið tók Hauk tali í vikunni og
spurði hann hvernig tilfínningin
væri að koma nú fram í gamla
góða Naustinu á ný.
„Það er mjög góð tilfinning, það
var alltaf mjög sérstakt að syngja
í Naustinu og það er gaman að
vera á leiðinni þangað inn aftur.
Þetta byijar á laugardagskvöldið,
en það er ætlunin að við félagarnir
verðum á föstudags- og laugar-
dagskvöldum fram eftir vetri og
jafn vel fram á næsta vor. Með
mér eru þeir Eyþór Þorláksson gít-
arleikari, Guðmundur Steingríms-
son trommuleikari og Guðni Guð-
mundsson hljómborðsleikari."
Það er dálítið dansgólf í Naustinu,
en Haukur sagði það ljóst að það
gætu ekki margir svifíð þar um í
einu. „Við verðum fyrst og fremst
með gömul og góð klassísk dægur-
lög og eitthvað af óskalögum þótt
við getum ekki verið með topptíu
á hreinu.
Hugmyndin er að lofa fólki sem
er ungt í anda, hvorum megin við
fertugt sem það er, að hlýða á góða
dansmusík á sama tíma og það
gerir sér dagamun og snæðir góðan
mat og fínu veitingahúsi. Við ætlum
að ná upp ákveðinni stemmingu
sem gefur kvöldinu aukið gildi,“
sagði Haukur.
Fyrir skömmu kom saman hópur
uppgjafa breskra hermanna í
Reading í Englandi og hefur sá
hópur haldið nokkurskonar árshátíð
ár hvert allar götur síðan árið 1947.
Þetta eru meðlimir 249 Battery
deildar í Royal Artillery, en árin
1941 og 1942 var herflokkur sá
staðsettur á Þyrilsnegi, eða þar til
í september síðarnefnda árið, er
bandarísk herdeild leysti Bretanna
af. Einn bresku hermannanna,
W.E.Chapman hefur ritað Morgun-
blaðinu bréf þar sem hann reifar
afdrif herdeildar sinnar og greinir
frá árshátíðunum, en þrátt fyrir að
árin séu orðin mörg síðan að her-
flokkurinn var og hét og menn tíni
tölunni í áranna rás, hittust engu
að síður 30 kempur er hópurinn
blés til samsætis íýrr T sumar.
249 BRA deildin var stofnuð upp
úr stærri deild sem var mjög virk
í fyrri heimsstyijöldinni. í upphafi
seinna stríðsins var deildin í nokk-
urs konar hlutastarfí í hermennsku
ef þannig mætti að orði komast,
þetta var varalið þar sem félagar
störfuðu allir eitthvað annað í þjóð-
félaginu. Chapman, tíðindamaður
Morgunblaðsins, var til dæmis sölu-
maður á fasteignaskrifstofu og
deildarforinginn, maður að nafni
Weir, var lögfræðingur í Lundún-
um. I byijun stríðs var deildin köll-
uð til og þjálfuð í loftvörnum og
fyrsta ár stríðsins var hún á fleygi-
ferð að skjóta á þýskar orrustuflug-
vélar sem komu til árása á breskar
borgir og bæi. 1941 og 42 var deild-
in með varðstöðu í Hvalfirði, en var
svo kölluð heim er Bandaríkjaher
yfírtók hersetuna. Fóru deildarmeð-
limir þá í tveggja ára þjálfun og
tóku síðan þátt í innrásinni í Nor-
mandy og börðust síðan í Hollandi,
Belgíu og Þýskalandi áður en yfir
lauk.
Það þarf minna til heldur en
þátttöku í stríði til þess að efla
samkennd með hópi og því leið ekki
á löngu þar til blásið var til sameig-
inlegs kvöldverðar, þegar árið 1947.
Síðan hefur veislan verið árleg og
menn keppst við að sýna sig og
rifja upp liðnar stundir.
Andrúmsloftið í Naustinu er ómótstæðilegt
þegar Haukur Morthens og hljómsveit hans
laða fram létta tóna við dansgólfið fram
efdr nóttu
Haukur Morthens
og hljómsveit í Naustinu
Naustið býður ljúffengar krásir af helgarmatseðlinum
eða sérréttaseðlinum í umhverfí sem á engan sinn
líka - og svo ef til vill lítinn dans við ljúfan söng Hauks
Morthens.
Vesturgötu 6-8 • Reykjavík • Sími 17759