Morgunblaðið - 01.02.1992, Blaðsíða 14

14
MORGUNBLAÐIÐ LAUGARDAGUR 1. FEBRUAR 1992
Blautir á bak við eyrun
Forystumenn sjómannafélaga tryggðu
atvinnurekendum áfram sjómannaafslátt
eftir Jóhann Pál
Símonarson
Alþingismennirnir sem sam-
þykkja að skerða sjómannaafslátt-
inn voru að samþykkja kjaraskerð-
ingu á sjómenn. Það er svo sem
ekkert nýtt, að alþingismenn eða
ríkisstjórnir samþykkja að skerða
kjör ákveðinnar starfsstéttar. Ríkis-
stjórnin sem nú situr við völd, virð-
ist til dæmis hafa það á stefnuskrá
sinni að leysa svokallaðan efna-
hagsvanda með því að skerða kjör
launafólks, eins frumlegt og það
er. Það sem er sérstakt við sam-
þykkt Alþingis í sambandi við
skerðingu á sjómannaafslættinum
er að tveir alþingismenn sem jafn-
frámt eru í forystu fyrir samtökum
sjómanna skyldu hafa samþykkt
skerðingu á sjómenn umfram aðra
þegna. Vegna þess að þessi breyt-
ing á skattalögum þýðir kjaraskerð-
ingu fyrir sjómenn. Þetta eru þeir
Guðjón A. Kristjánsson formaður
Farmanna- og fiskimannasam-
bandsins og Guðmundur Hallvarðs-
son formaður Sjómannafélags
Reykjavíkur og varaformaður Sjó-
mannasambands íslands.
Sjómenn hafa að undanförnu
verið að hvetja nefnda forystumenn
til að segja af sér vegna stuðnings
við skerðingu á sjómannaafslætti,
ég vil benda á að þeim er skylt að
fara eftir samvisku sinni sem al-
þingismenn en sú samviska er ekki
sjómönnum í vil og í framhaldi er
vandséð hvað þeir hafa að gera í
forystu fyrir sjómenn sökum rangr-
ar samvisku. Það þurfa eftirtaldir
alþingismenn líka að gera: Þor-
steinn Pálsson, Árni Johnsen, Karl
Steinar Guðnason, Halldór Blöndal,
Vilhjálmur Egilsson, Pálmi Jónsson
og Sighvatur Björgvinsson. Þeir
þykjast fyrir kosningar allir sækja
völd sín og áhrif til launþega, en
samvisku sinnar vegna virðast þeir
hafa neyðst til að skerða kjör sjó-
manna alveg eins og Guðmundur
Hallvarðsson og Guðjón A. Krist-
jánsson. Sjómenn eiga því ekki að
hvetja þá til þess að segja af sér
trúnaðarstörfum fyrir sjómanna-
samtökin heldur að hvetja þá til að
segja af sér þingmennsku, eða fella
þá í kosningum innan sjómanna-
samtakanna. Það er kannski sú
áminning sem þessir fulltrúar sjó-
manna á Alþingi þurfa á að halda
því stutt dvöl og tímabundin við
Austurvöll hefur ruglað þá svo illi-
lega í ríminu. Þetta er samvisku-
spurning fyrir alþingismennina
Guðmund Hallvarðsson og Guðjón
A. Kristjánsson og samviskan hefur
greinilega boðið þeim að berja á
sjómönnum. Og verja flokkinn sinn.
Eða hvað, voru þeir að veija eitt-
hvað annað?
A átakafundum í Sjómannafélagi
Reykjavíkur um hátíðarnar þar sem
Guðmundur Hallvarðsson formaður
Sjómannafélags Reykjavíkur, barð-
ist fyrir lífi sínu innan félagsins kom
fram hjá honum að jafnmargir far-
menn njóti sjómannaafsláttar og
„sjómenn" á smábátum undir 12
tonnum. Guðmundur Hallvarðsson
og Guðjón A. Kristjánsson og þeir
alþingismenn sem voru nefndir hér
að framan hafa kannski ekki áttað
sig á hver munurinn er á farmanni
„Þeir hafa kannski ekki
áttað sig á því að þegar
þessir menn gera
skattaskýrslu, og skrá
úthaldsdaga meðal ann-
ars, þá er um tvo menn
að ræða sem eru í
grundvallaatriðum
ólíkir. Annar er launa-
maður, hinn er atvinnu-
rekandi.“
og sjómanni sem gerir út sjálfur
eins og flestir þeir sjómenn gera
sem eru á smábátum. Þeir hafa
kannski ekki áttað sig á því að
þegar þessir menn gera skatta-
skýrslu, og skrá úthaldsdaga meðal
annars, þá er um tvo menn að ræða
sem eru í grundvallaatriðum ólíkir.
Annar er launamaður, hinn er at-
vinnurekandi. Samkvæmt því sem
Guðmundur Hallvarðsson upplýsti
á fundinum fá atvinnurekendur í
sjómannastétt jafn stóran hlut af
sjómannafsíætti og farmenn. í
þessu ljósi er furðulegt að forystu-
menn í verkalýðsfélögum skuli hafa
lagt til skerðingu á alla sjómenn.
Guðmundur Hallvarðsson segir í
Morgunblaðinu 3. janúar sl. að hann
hafi viljað hafa áhrif á Alþingi til
að koma í veg fyrir frekari skerð-
ingu sjómannaafsláttar. Guðjón A.
Kristjánsson, og Karl Steinar Guðn-
ason hafa einnig notað sömu rök-
semdir. En af hveiju lögðu þeir
ekki til að sjómannaafsláttur yrði
tekinn af þeim sjómönnum sem telja
fram sem atvinnurekendur og láti
Látið drauminn rætast
BJALKASUMARHUS
y Getum boðið mikið úrval af finnskum
bjálkahúsum á ótrúlega hagstæðu verði
/ Komið og fáið lánaðan bækling
til skoðunar og kynnið ykkur verð
y Gerum tilboð í ykkar eigin uppdrætti
y Útvegum einnig sumarhúsalóðir
8i
BJALKAHUS
BÍLDSHÖFÐA 12
112 REYKJAVÍK
SÍMI: 91-676516
Opíð laugad. og sunnud. kl 13 - 17
Jóhann Páll Símonarson
hann halda sér hjá sjómönnum sem
eru launamenn? Ætli samviska al-
þingismanna hafi ekki komið þar
við sögu? Eða eru alþingismennirn-
ir í forystu sjómannafélaganna
kannski þeirrar skoðunar að at-
vinnurekendur í sjómannastétt og
launamaðurinn séu þar á sama báti?
Kannski var það reynsluleysi sem
réð því að forystumennirnir sam-
þykktu kjaraskerðinguna á dögun-
um. Kannski er það rétt sem Guð-
mundur Hallvarðsson sagði á Sjó-
mannafélagsfundinum að hann
væri blautur á bak við eyrun og
hann hefði skotið sig í báða fæt-
urna á Alþingi, enda þótt hann
hafi haldið sig við 245 dagana. En
það þýðir ekkert að koma á fund í
félaginu sem iðrandi syndari eftir
að hafa samþykkt kjaraskerðingu
upp á 2-5%. Hverslags rugl er þetta
í manni sem er formaður félags
sjómanna sem fór í verkfall fyrir
nokkrum vikum til að ná fram
kjarabótum sem formaðurinn sam-
þykkir síðan á Alþingi að séu rifnir
af okkur með einu pennastriki? Ég
barðist í kosningabaráttunni í vor
harðlega fyrir minn mann, Guð-
mund Hallvarðsson, og félögum
mínum, því ég hafði mikla trú á
honum, en nú finnst mér hann hafa
brugðist mér og félögum mínum
og skert þann hlut sem ég hefði
annars fengið upp úr Jaunaumslag-
inu. Ég hugsa að sjómenn á Vest-
fjörðum geti sagt það sama um
Guðjón A. Kristjánsson. Og sjó-
menn á Reykjanesi geta tekið undir
gagnvart Karli Steinari Guðnasyni.
Kannski er það reynsluleysi sem
hefur fellt forystumenn okkar á
prófinu sem þeir voru kjörnir í á
Alþingi. Að lokum finnst mér hrein-
gerningarmaðurinn Árni Johnsen
sem hvítþvoði um 2-5% af kjörum
sjómanna úr launaumslagi þeirra
ætti að gera hreint heima hjá sér
og afsala sér húsaleigustyrk vegna
búsetu í dreifbýli, en allir vita að
hann hefur búið í Reykjavík í fjölda
ára. Iiver er samviskan hjá sjó-
mannaþingmanninum Árna
Johnsen? Eða sigldi Árni Johnsen
eftir skökkum áttavita? Þetta verð-
ur kannski lærdómur fyrir sjómenn
hveija á að kjósa í næstu kosning-
um. Það hlýtur að vera algjör hneisa
að láta stráklinga í fjármála- og
forsætisráðuneyti valta yfir sig þótt
setan í stóli fjármálaráðherra háfi
verið farin að sviðna.
Höfundur er í trúnaðarmannaráði
Sjómannafélags Reykjavíkur.
Varnarmálaskrifstofa:
Engar kvartanir vegna
hegðunar varnarliðsmanna
RLR rannsakar atvikið í Duus-húsi
ENGAR kvartanir eða athuga-
semdir vegna hegðunar varnar-
liðsmanna af Keflavíkurflugvelli
hafa borizt varnarmálaskrifstofu
utanríkisráðuneytisins síðan nýj-
ar og rýmri reglur um ferða-
frelsi hermanna tóku gildi um
áramót, að sögn Arnórs Sigur-
jónssonar starfsmanns varnar-
málaskrifstofunnar. Arnór segir
reynsluna af nýju reglunum
góða.
I síðustu viku sendi varnarmála-
skrifstofan ríkissaksóknara kæru
vegna kvörtunar yfirmanns varn-
arliðsins um að tveimur þeldökkum
varnarliðsmönnum hefði verið vísað
út af Duus-húsi í Reykjavík vegna
litarháttar síns. Gyða Sigfúsdóttir,
eigandi Duus-húss, segir í athuga-
semd, sem birtist í Morgunblaðinu
síðastliðinn laugardag, að helgina
fyrir þetta atvik hafi hún átt í úti-
stöðum við varnariiðsmenn á veit-
ingastaðnum og því hafi verið
ákveðið að hleypa hermönnum ekki
inn á staðinn umrædda helgi. Arnór
Siguijónsson segir að engar kvart-
anir hafi borizt varnarmálaskrif-
stofu vegna hegðunar vamarliðs-
manna á veitingastöðum eða annars
staðar. Það var skilyrði fyrir rýmk-
uðum útivistarreglum fyrir undir-
menn á Keflavíkurflugvelli að þeir
hegðuðu sér vel utan vallar og færu
eftir íslenzkum lögum í hvívetna.
Gyða Sigfúsdóttir gagmýnir í
athugasemd sinni starfshætti varn-
armálaskrifstofu og segir að ekki
hafí verið leitað eftir sinni hlið á
málinu áður en kæra var send ríkis-
saksóknara. Um þetta segir Arnór
að kvörtun hafi einfaldlega borizt
frá yfirmanni varnarliðsins og varn-
armálaskrifstofan hafi ekki getað
brugðizt öðru vísi við en að láta
haná ganga til réttra aðila.
Hallvarður Einvarðsson ríkissak-
sóknari hefur vísað atvikinu í Duus-
húsi til Rannsóknarlögreglu ríkis-
ins, sem athuga mun málsatvik
áður en ákveðið verður hvort
ástæða er til að gefa út ákæru á
hendur eigendum veitingahússins.
-----» » »-----
Bókmennta-
vaka á Hressó
BÓKMENNTAFÉLAGIÐ Hring-
skuggar efnir til bókmenntavöku
á Hressó, þriðjudaginn 4. febrúar
nk. kl. 20.30. Að þessu sinni verð-
ur vakan tileinkuð skáldinu
Garcia Lorca.
Jón Hallur Stefánsson flytur er-
indi um skáldið, en auk þess munu
eftirtaldir þýðendur lesa úr þýðing-
um sínum á ljóðum Lorca: Baldur
Óskarsson, Berglind Gunnarsdóttir,
Guðbergur Bergsson, Helgi Hálf-
danarson, Jón Hallur Stefánsson
og Karl Guðmundsson. Að auki
verður lesið úr þýðingum Geirs
Kristjánssonar og Magnúsar
Ágeirssonar.
Allir velkomnir meðan húsrúm
leyfir.
Á BARNA- OG FULLORÐINSFATNAÐI
HOLLENSKA VERSLUNARFÉLAGIÐ
FAXAFENI 9-2. HÆÐ T.V. OPIÐ FRÁ KL. 10-18 OG LAUGARDAGA FRÁ KL.10-16