Morgunblaðið - 16.08.1992, Blaðsíða 15
MORGUNBLAÐIÐ SUNNUDAGUR 16. ÁGÚST 1992
15
þegar veiðileyfín lækka í verði. Þá
er laxinn búinn að sjá allar þessar
algengustu flugur. Ég byija gjarnan
á því að líta í veiðibókina til að sjá
á hvað menn hafa verið að veiða til
að nota ekki það sama. Mér finnst
betra að reyna eitthvað nýtt og það
hefur oft gefið góða raun. Ég trúi
því að laxar hafi misjafnan smekk.
Hugsum okkur hyl með 100 löxum
sem aldrei hefur verið kastað á. Þú
byijar á að kasta Blue Charm og
ákveðinn hluti laxanna tekur hana.
Svo kastar þú Frances og aðrir taka.
Þegar það er búið verður að reyna
eitthvað nýtt. Ég á mikið af laxa-
flugum en tegundunum sem ég nota
hefur fækkað með árunum. Reyndar
set ég aldrei á Blue Charm eða
Frances, það er einhver sérviska í
mér.“
Þegar viðvaningar veiða
Fjölbreytnin skiptir máli við lax-
veiðar bæði hvað varðar gerð og
stærð agnsins. Þá hefur handbragð-
ið sitt að segja og ekki víst að þjálf-
un og fæmi hins þrautreynda gefí
alltaf bestan árangur. „Þegar við,
sem þykjumst vera séní, fáum ekk-
ert koma viðvaningarnir og veiða,“
segir Kolbeinn. „Það er ekki óal-
gengt, þegar karlamir hafa ekki
fengið neitt, að þeir leyfí konunni
og krökkunum að taka í stöngina
og þau fái fisk! Fyrir mörgum ámm
var ég að veiða í Elliðaánum. Þá
kom veiðimaður og ætlaði að létta
á sér á bak við bílinn minn. Hann
lét dóttur sína, á að giska 14 ára,
halda í stöngina á meðan. Maðurinn
var ekki fýrr kominn í hvarf við
bílinn en stelpan setti í lax. Ég
spurði hvort hann ætlaði ekki að
hjálpa henni með fískinn. Hann
steingleymdi erindinu og þau lönd-
uðu laxinum. Seinna um morguninn
vom þau að veiða í Hólsstreng og
þar gerðist svipað. Hann þurfti eitt-
hvað að laga hjá sér og stúlkan
setti í lax á meðan. Við hittumst í
veiðihúsinu um miðjan dag og dótt-
irin spurði hvað ég hefði fengið
marga. „Ég fékk þrjá“, svaraði ég.
„Sama og ég“, sagði stelpan, „en
pabbi fékk ekki neinn!“ Annars held
ég að menn séu misjafnlega físknir
og svo em menn misiðnir við kol-
ann.“
- Hvernig stendur á því að það
er alltaf „sá stóri“ sem menn missa?
„Það er ósköp eðlilegt, þeir eru
miklu sterkari, erfíðari og klókari.
Laxarnir eru misjafnir eins og
mannfólkið, Sumir gefast ekki upp,
þeir halda áfram alveg endalaust.
Aðrir láta strax undan og guggna.
Þú getur fengið tvo jafnstóra og það
tekur þig 10 mínútur að landa öðr-
um en ert klukkutíma með hinn.
Veiðifélagi minn var einu sinni í
rúma tvo tíma með 23 punda lax.
Ég sagði alltaf að menn væm svona
lengi af því að þeir þyrðu ekki að
taka á fiskunum. En þessi maður
er þrælvanur og hann var að allan
tímann með stöngina í keng. Fisk-
urinn vildi bara ekki gefast upp og
var búinn að þreyta veiðimanninn
svo að hann var nær uppgefínn. Það
er merkilegt að maður man físka
misvel. Stefán Jónsson fréttamaður
vakti athygli mína á þessu. Ég var
að koma úr góðum túr í Laxá í
Leirársveit og hann spurði: „Hvað
manstu eftir mörgum?" Þá var það
einn sem skar sig úr. Það er oft
þannig að einhver einn hefur meiri
karakter en hinir.“
Þroskabraut veiðimannsins
Kolbeinn heldur mest upp á
Grímsá af íslenskum laxveiðiám og
telur hana af Guði gerða fyrir flugu-
veiði. Aflasældin skiptir ekki meg-
inmáli fyrir fluguveiðimanninn,
kasttæknin er mikil íþrótt og í henni
verða menn aldrei fullnuma.
„Þegar ég byrjaði fyrir 50 árum
veiddi ég á hvað sem var. Þannig
byija flestir. Flot og fluga, sökka
og. maðkur, spúnn. Þegar menn
þroskast fara þeir út í fluguveiði.
Ég sneri mér alfarið að henni fyrir
40 árum og hef ekki beitt öðru síð-
an. Það er mjög skemmtilegt að
kasta og maður getur alltaf bætt
sig. Málið er að láta vindinn hafa
sem minnst áhrif á fluguna. Næsta
skref á þroskabrautinni er að létta
tækin; nota léttari línu og samsvar-
andi stöng. Ég er með fisléttar græj-
ur, númer 3 í silung og 6 - 8 í lax-
inn. Þetta er beint framhald af
taugakerfinu."
- Nú mæla margir veiðigetuna
eftir stærð stanga og sverleika línu.
Er ekki vandasamt að veiða á svo
veikburða tæki?
„Það er ekki eins erfitt og menn
halda. Ég mæli með því að menn
byiji með 9 feta stöng og línu 8.
Þetta má nota jafnt í lax og silung.
Menn eiga að kaupa sér vandaða
stöng strax í upphafí. Það er mikill
misskilningur að kaupa of billeg
tæki, þá er ekki hálft gaman af
þessu. Þetta er líkt og með bíla. Það
er ekki hvetjandi til aksturs að setj-
ast upp í einhveija ódýra druslu
miðað við að aka vel stilltum glæsi-
vagni!“
I veiðiskap skiptir miklu að eiga
góða veiðifélaga og oft sækjast
menn ekki síður eftir félagsskapn-
um en veiðinni. Kolbeinn er einn af
stofnendum Veiðifélagsins Ár-
manna og á þar góða félaga á svip-
aðri línu - flugulínu. Líta fluguveiði-
menn ekki niður á þá sem beita„G-
arden Brown“ (ánamöðkum) eða
nota flot og flugu? „Það er bölvuð
þvæla að líta niður á þá. Svona
veiddi maður sjálfur! Þetta eru bara
menn sem eiga eftir að þroskast.
Sumir veiða á það sem þeir halda
að gefí flesta fiska hveiju sinni og
nota maðk og flugu jöfnum höndum.
Ég hef aftur mjög gaman af því að
ná í einn við erfíð skilyrði."
Ekki lífsbjargarviðleitni
- Veiðin mótast þá fremur af
íþróttinni en lífsbjargarviðleitni?
„Þetta er ekki lífsbjörg hjá nein-
um núna. Meðan hátt verð var á
laxinum og. veiðileyfín ódýr var
keppikefli hjá sumum að veiða upp
í kostnað. Það er útilokað í dag.“
Kolbeinn telur verðið á veiðileyfum
komið fram úr öllu hófi og telur
umfjöllun um veiðar bera mikinn
keim af sölumennsku. „Ég brosi að
dagblöðunum, þessar greinar um
veiði eru alveg hreint hlægilegar.
Um daginn segir hér úm eina á að
þriggja daga holl hafi verið hvað
eftir annað að taka 100 laxa, en
úr sömu á eru ekki komnir nema
800 laxar á land. Hvað fengu þá
hinir? Þessar upplýsingar, sem eru
meiri og minni ýkjur, eru komnar
úr veiðihúsunum. Sölumennskan er
orðin svo stór þáttur í þessu.“
- Er ekki stangveiðin bæði frek
á tíma og peninga?
„Ég var kennari í mörg ár og það
er þrennt gott við kennarastarfið:
Júní, júlí og ágúst. En það er ekki
nema fyrir sterkríka menn að vera
kennarar! Laxveiðileyfín eru dýr, en
lækka þegar líður á sumarið. Venju-
lega deili ég stöng með öðrum. Sil-
ungsveiðin er miklu viðráðanlegri í
verði.“
Nú berast fréttir af vaxandi
ásókn íslenskra veiðimanna í útlend-
ar veiðiár, meðal annars á Kóla-
skaga. Er eitthvað betra að veiða
þar en hér?
„Það er billegra að fara þangað
ef maður veiðir eitthvað að ráði.
Þeir sem hafa verið að veiða þar
láta mjög vel af því. Ég héf fylgst
með skrifum í erlendum tímaritum.
Stu Aft heitir blaðamaður sem hefur
veitt hér og skrifað mjög sannar og
áreiðanlegar greinar um ísland.
Maður hefur því tilhneigingu til að
trúa því sem hann segir um veiðina
á Kólaskaga og hann gefur henni
mjög góða dóma. Munurinn er sá
að hér eru leiðsögumönnum gefnir
peningar í þjórfé en í Rússlandi
salernispappír, einnota rakvélar og
þess háttar.“
Litir skipta máli
- Þarf ekki mikinn útbúnað í
kringum veiðina, veiðiföt og þess
háttar?
„Ég er venjulega í vöðlum, því
það er gott að geta tyllt sér þótt
blautt sé á. Annars er ég enginn
vaðfugl. Að sumu leyti er gott að
vaða ekki of mikið. Með bökkunum
er mikið dýralíf og æti, maður
skemmir það með því að ganga of
mikið um. Það er mikilvægt í sil-
ungsveiði að fara sér hægt og reyna
að styggja ekki fískinn. Munurinn
á urriða og laxi er sá að urriðinn
flýr ef hann styggist en laxinn held-
ur sig á sama stað. Ég trúi að físk-
urinn sjái okkur fyrr en við sjáum
hann. Litir skipta máli, fiskifræðing-
ur skrifaði að hvítt vaeri afleitur lit-
ur fyrir veiðimann. Ég er í hefð-
bundnum veiðifötum og mér þykir
gott að vera með húfu með löngu
deri. Svo veiði ég aldrei án þess að
hafa Polaroid gleraugu, bæði vegna
þess að með þeim sér maður fískinn
betur og svo er nauðsynlegt að hlífa
augunum. Það getur komið fyrir
hvern sem er að fá fluguna í sig,
jafnvel þótt maður sé vanur.“
Kolbeinn er tekinn að ókyrrast í
sæti sínu enda fjölgar viðskiptavin-
um í búðinni. Hann segir að dans-
kortið sé þéttbókað í ágúst. Fyrst í
Flóku, þá Vatnsdalsá, síðan nokkra
daga í Hlíðarvatni og loks í Grímsá.
Dansfélaginn er tilbúinn í hólknum,
grannur og spengilegur, og flugum-
ar sem hnýttar voru í vetur bíða
þess óþreyjufullar að taka flugið.
BMW 730i
árgerð '87, til sölu. Beinskiptur, ABS, rafmagn í rúðum,
útvarp/segulband og fleira. Ekinn aðeins 64 þ.km.
Verð 2.750 þ, - Skipti á ódýrari eða jeppa á svipuðu
verði, t.d Toyota Landcruiser eða Range Rover.
Upplýsingar í síma 91-656062
BREYTTUR OPNUNARTÍMI UM HELGAR
SUNNUDAGSTILBOÐ
BREYTTUR
OPNUINARTÍMI
UM HEUGAR
í HAGKAUP
í dag verða 9" Pan-pítsur á frábæru
sunnudagstllboði. 6 mlsmunandi
tegundir á verði frá aðeins 99 kr.
Opið í Hagkaup Grafarvogi,
Hólagarói, Seltjamarnesi og
Skeifunni í dag, sunnudag frá kL 13-17.
Acr^KU
i
3ff.
*- ,.y
HAGKAUP
— aUt í einni ferö
BREYTTUR OPNUNARTÍMI UM HELGAR