Morgunblaðið - 08.07.1993, Blaðsíða 40

40
MORGUNBLAÐIÐ IÞROTTIR FIMMTUDAGUR 8. JÚLÍ 1993
IÞROTTIR UNGLINGA / KNATTSPYRNA
Fjórtán ára piltar fengu leið-
sögn hjá landslidsþjálfurum
Morgunblaðið/Frosti
Knattspyrnuskóli KSÍ eins og hann var skipaður í ár. í aftari röð frá vinstri: Þórður Lárusson þjálfari, Sigurður
Sveinn Þórðarson, Ágúst Benediktsson [ÍR], Bjarni Guðjónsson [ÍA], Bjarni Lárus Hall [Gróttu), Guðmundur Steinars-
son [IBK], Amar Jóhannsson [Víkingi], Asmundur Gísiason [Völsungi], Daníel Bjamason [Fram], Finnur Bjamason
[Fram], Kristján Jóhannsson [IBK], Arni Páll Pétursson [KR], Vignir Már Eiðsson [UMF Þrótti], Haukur Hauksson
[Fram], Elvar Geir Magnússon og Magnús Einarsson þjálfari. Fremri röð frá vinstri: Konráð Gíslason [Fjölni], Haukur
Úlfarsson [Víkingi], Andrés Jónsson [Fram], Þorleifur Ámason [Dalvík], Freyr Karlsson [Fram], Kjartan Helgason
[FH], Jón Ingi Einarsson [Fylki], Búi Bendtsen [KR], Grímur Garðarsson [Val], Ágúst Guðmundsson [Val], Tryggvi
Bjömsson [Víkingi] og Guðmundur Einarsson [Fylki].
Knattspymuskóli KSÍ heimsóttur:
KNATTSPYRNUSKOLA KSI var
slitið í síðustu viku. Þá höfðu
24 piltar sem allir eru fæddir
árið 1979 dvalið á Laugarvatni
í fimm daga við knattspyrnuæf-
ingar.
^%jálfarar U-16 ára landsliðsins,
þeir Þórður Lárusson og
Magnús Einarsson stýrðu skólanum
en þeir fengu góða aðstoð hjá
landsliðsþjálfurunum Ásgeiri Elías-
syni, Gústafi Björnssyni og Guðna
Kjartanssyni. Kristinn Björnsson
þjálfari mfl. Vals, Ivan Sochor þjálf-
ari mfl. KR og Velimir unglinga-
þjálfari hjá' ÍBK stjórnuðu einnig
æfingum og af upptalningunni hér
að framan má ætla að hópurinn
hafi verið í góðum höndum. Þá
hlýddu piltarnir á fyrirlestra um
íþróttameiðsli, næringafræði og
dómgæslu frá sérfræðingum um
þessi efni.
„Ég er sannfærður um að piltarn-
ir hugsa öðruvísi um knattspyrnu
en áður en þeir komu hingað. Við
lögðum mikla áherslu á að þessi
ferð væri byggð upp á sama hátt
og landsliðsferð. Hér hefur allt snú-
ist um knattspyrnu, allt er í föstum
skorðum og tíminn nýttur til hins
ýtrasta,“ sagði Þórður.
Erfitt val
Alls voru 120 drengir tilnefndir
af félögunum og það kom í hlut
þeirra Þórðar og Magnúsar að fylgj-
ast með þeim á forvalsæfingu og í
leik í vetur. Endanlegt val byggðist
á frammistöðu drengjanna á þeim
vígstöðum. Þórður og Magnús
sögðu að valið hefði verið erfitt.
„Það er alltaf erfitt að velja og
undantekning að menn séu sam-
mála um hlutina. Fram og Víkingur
eru með sterkustu liðin í fjórða
flokki og því ekki óeðlilegt að flest-
ir piltarnir komi úr þessum félögum.
Við reyndum að velja drengina eft-
ir alhliða getu en ekki eftir því
hvaða stöðu þeir leika á vellinum.
Hins vegar er ekkert þak á því hve
margir eru valdir úr hvetju félagi.“
Pressuliðið náði jöfnu
Knattspyrnuskólinn var fyrst
settur á laggirnar 1986 og frá upp-
hafi hafa drengjalandsliðsþjálfaran-
ir valið í tvö lið. A-liðið er kallað
landslið og B-liðið pressulið en þau
mættust á grasvellinum á Laugar-
vatni á síðasta degi skólans. Liðin
skildu jöfn 3:3 í bráðfjörugum leik
en þess má geta að það er í fyrsta
sinn í átta ára sögu skólans sem
gressuliðið nær jöfnu. Þorleifur
Árnason skoraði tvö af mörkum
pressuliðsins og Grímur Garðarsson
eitt. Mörk landsliðsins sem var um
tíma 1:3 undir í leiknum skoruðu
Landsliðsmaðurinn Guðmundur Steinarsson og Búi Bendtsen úr pressulið-
inu stíga léttan dans í leik liðanna.
þeir Finnur Bjarnason, Guðmundur
Steinarsson og Bjarni Guðjónsson.
Andrés Jónsson landsliðsmaður býr sig undir að skjóta en Tryggvi Björns-
son úr pressuliðinu fylgist með.
Hvað fannst þeim
um skólavistina?
Skólinn var mjög skemmtilegur
og fræðandi. Mestur tíminn hefur
farið í æfingar en frítímann þess á
milli höfum við notað til að slappa
af og fara í sundlaugina," sagði
Bjami Guðjónsson miðvallarspilari
frá Akranesi. „Það er óneitanlega
gott að vera valinn í þennan hóp
og ég ætla að leggja mikið á mig
til að komast í drengjalandsliðið á
næsta ári,“ sagði Bjarni.
Ekki nógu margir í lið
Það eru ekki bara drengir úr
stóru félögunum sem valdir voru í
skólann og Vignir Már Eiðsson,
leikmaður með UMF Þrótti í Vogum
er besta dæmið um það. Félag hans
stillir upp innanhússliði en hefur
ekki mannskap til að fylla í lið á
íslandsmótinu utanhúss í hans ald-
ursflokki. Því þurfa drengirnir að
skipta í önnur félög yfir sumartím-
ann. „Þetta er búið að vera í einu
orði frábært. Ég hef kynnst öllum
strákunum og lært mikið í knatt-
spyrnu á þessum tíma. Þreytan er
farinn að segja til sín núna í lokin
en ég á aldrei eftir að gleyma þess-
um tíma,“ sagði Vignir.
Svekktur að vera ekki valinn
Freyr Karlsson sem leikur með
Fram fann aðeins tvennt að dvöl-
inni á Laugarvatni, Rigninguna og
að vera ekki valinn í landsliðið.
„Við höfum lært mikið og ég er
mest spenntur fyrir upphitunar- og
skotæfingum sem Velimir kom
með. Ég er búinn að spila lengi á
móti þessum strákum sem eru
hérna en hef aldrei kynnst þeim
fyrr en nú og þeir hafa komið mér
á óvart,“ sagði Freyr.
Með mörk í genunum
„Ég er farinn að spila betur enda
ekki annað hægt þegar maður er
undir stjórn svona góðra þjálfara,"
sagði Guðmundur Steinarsson
framlínumaður úr IBK. Hann hefur
verið á skotskónum í sumar og skor-
að tuttugu mörk fyrir Keflavíkurlið-
ið á íslandsmótinu og svipar að því
leytinu til föðurs síns, Steinars Jó-
hannssonar sem var mikill marka-
skorari með Keflavíkurliðinu á
árum áður. Reyndar var svo um
marga pilta í skólanum að feður
þeirra eða bræður hefðu náð langt
í knattspyrnunni.
Fljótir strákar
„Ég hef fylgst mjög vel með knatt-
spyrnuskólanum sl. þrjú ár og er
viss um að þetta er jafnasti hópur-
inn sem ég hef séð til. Það hafa
yfirleitt verið stærri strákar í skól-
anum, en núna er mikið um „tekn-
iská“ og fljóta .leikmenn. Þetta er
frískur og hópur og jafnframt svo-
lítill skaphópur," sagði Lárus Grét-
arsson, þjálfari 4. flokks Fram sem
fylgdist með hópnum síðasta dag-
inn. „Ég get ekki neitað því að ég
hefði viljað sjá tvo leikmenn frá
Vignlr Már Eiðsson.
mér til viðbótar í þessum hópi en
það má endalaust deila um valið.
Ég tel að það mætti gefa drengjun-
um fleiri tækifæri á forvalsæfing-
unum áður en hópurinn er valinn.
Þrátt fyrir að þessir strákar hafi
verið valdir núna er ekki þar með
sagt að það verði eingöngu piltar
úr þessum hópi sem valdir verða í
U-16 ára liðið. Það eru margir efni-
legir piltar fyrir utan sem bíða eft-
ir sínu tækifæri."
Freyr Karlsson, Guðmundur Steinarsson og Bjarni Guðjónsson.