Morgunblaðið - 10.07.1993, Blaðsíða 21

MORGUNBLAÐIÐ LAUGARDAGUR 10. JÚLÍ 1993
21
Morðið á rússnesku keisarafjölskyldunni árið 1918
Komust ríkisarfum og
ein dætraima lífs af?
London. Reuter.
STAÐFEST hefur verið með nær óyggjandi hætti að bein sem rann-
sökuð hafa verið undanfarna mánuði í Bretlandi eru úr síðustu
krýndu þjóðhöfðingjum Rússa, Nikulási II og Alexöndru, og börnum
þeirra. Vladímír Lenín, stofnandi Sovétríkjanna, er nú talinn hafa
gefið skipunina um að fjölskyldan skyldi tekin af lífi 17. júlí 1918,
rösklega hálfu ári eftir að bolsévikkar höfðu rænt völdum í Rúss-
landi. Keisarafjölskyldan reyndi að fá pólitiskt hæli í Bretlandi en
Georg Bretakonungur er sagður hafa verið því andvígur, talið hættu
á að dvöl fjölskyldunnar gæti hvatt breskan verkalýð til að hefja
byltingu. En þótt búið sé að finna beinin er ekki öll sagan sögð.
Ekki er vfst að niðurstaðan bindi
enda á 75 ára vangaveltur um ör-
lög keisarafjölskyldunnar. Sögu-
sagnir hafa lengi verið á kreiki um
að eitt eða fieiri af bömunum hafi
komist lífs af. Engin bein fundust
úr Alexej ríkisarfa og heldur ekki
úr einni af dætrunum, óvíst hverri.
Sumir útskýra þetta með því að
vísa til gamals orðróms þess efnis
að bein Alexejs og Anastasíu, einn-
ar dótturinnar, hafi verið brennd
en ekki bein hinna í íjölskyldunni.
Ríkisarfinn var dreyrasjúklingur;
munkurinn alræmdi, Raspútín, gat
með óskýrðum hætti stöðvað blæð-
ingar drengsins og varð því átrún-
aðargoð móðurinnar.
Saga Önnu Anderson
Anna Anderson á gamals aldri.
Anna Anderson, kona er lést
1984 í Bandaríkjunum, kom fram
á sjónarsviðið í Berlín árið 1920
og staðhæfði að hún væri keisara-
dóttirin Anastasía. Hún gat ekki
lýst því á sannfærandi hátt hvernig
hún hefði sloppið lifandi frá Rúss-
landi en bjó yfir ýmiss konar vitn-
eskju um einkamál fjölskyldunnar.
Anderson tapaði að vísu máli sem
hún höfðaði í Þýskalandi til að fá
úrskurðað að hún væri raunveru-
lega dóttir keisarans en margir,
Fórnarlömb bolsévikka
ALEXANDRA keisaraynja ásamt dætrum sínum.
þar á meðal sumir ættingjar fjöl-
skyldunnar voru lengi í vafa. Fleira
' var í húfi en sannleikurinn; keisara-
ættin átti miklar eignir erlendis.
Kvikmynd var síðar gerð um ævi
Anderson.
Enn er á lífi fólk sem fullyrðir
að það sé afkomendur keisarahjón-
anna. Einn þeirra er karlmaður á
Spáni er segist vera sonur Maríu
keisaradóttur og nefnir sig Alexej
II. Breski sagnfræðingurinn Mich-
ael Occleshaw segir að gamlar
leyniskýrslur breskra stjórnvalda
bendi til þess að einni dótturinni,
er hét Tatjana, hafi verið bjargað
og flutt frá Katrínarborg til
Vladívostok á Kyrrahafsströndinni.
Síðan hafi hún lifað undir fölsku
nafni einhvers staðar í Evrópu.
Janet Thompson, stjórnandi
bresku stofnunarinnar sem rann-
sakaði beinin, segir að rætt hefði
verið um að bera sarnan blóðsýni
úr þessu fólki saman við sýni úr
beinunum en engin ákvörðun verið
tekin. Þá hlýtur að koma til greina
að grafa upp bein Onnu Anderson
sem aldrei tók aftur fullyrðingarnar
um uppruna sinn.
Þáttur Jeltsíns
Borís Jeltsín, núverandi Rúss-
landsforseti var fyrr á árum hæst-
ráðandi í deild kommúnistaflokksins
i Sverdlovsk, sem var heiti Katrínar-
borgar á sovétskeiðinu. Hann lét
þá jafna við jörðu húsið þar sem
ijölskyldan var í haldi en segist nú
iðrast beisklega þeirra ákvörðunar.
Attali end-
urgreiddi
vínföngin
London. Reuter.
JACQUES Attali, fráfar-
andi bankastjóri Evrópu-
bankans, hefur endurgreitt
rúmlega tvær milljónir
króna, sem hann notaði
sjálfur í vín og veisluföng
á veitingahúsum. Skýrði
breska dagblaðið The Daily
Telegraph frá því í gær.
Talsmaður
bankans sagði
blaðinu, að Att-
ali, sem gegnir
bankastjóra-
starfinu þar til
efirmaður hans
er fundinn,
hefði endur-
greitt kredit-
kortareikninga
fyrir mat og vín
ofan í sjálfan
sig þótt
hugsanlega
mætti líta á
einhvern hluta
kostnaðarins
sem óhjá-
kvæmilegan.
Blaðið náði ekki í Attali sjálfan
en hann sagði af sér í síðasta
mánuði vegna ásakana um gífur-
legt bruðl.
Evrópubankinn var stofnaður
fyrir tveimur árum til að hjálpa
Austur-Evrópuríkjunum og gegn
því að fallast á, að aðsetur hans
yrði London fékk Francois Mitterr-
and, forseti Frakklands, að ráða
bankastjóravalinu. Tilnefndi hann
þá Attali, fyrrverandi ráðgjafa
sinn. Frakkar hafa nú lagt til, að
franski seðlabankastjórinn, Jacqu-
es de Larosiere, taki við embætt-
inu.
Hryðjuverkasamtökin Rauða herdeildin í Þýskalandi
Þýsk lögregla óttast
öldu hryðjuverka RAF
*Bonn. Reuter.
ÞÝSKU hryðjuverkasamtökin Rauða herdeildin (RAF) sök-
uðu í gær stjórnvöld um morð á einum félaga þeirra og
hétu jafnframt að berjast áfram gegn kapitalískum stjórn-
arháttum í Þýskalandi. í yfirlýsingu samtakanna segir, að
lögreglan hafi „tekið af lífi“ einn félaga þeirra, Wolfgang
Grams, 27. júní sl. en baráttunni gegn kapitalismanum
muni verða haldið áfram.
Var ekki nefnt sérstaklega, að
dauða Grams yrði hefnt og sagt,
að haldið yrði fast við stefnuna, sem
mörkuð var í apríl 1992, en hún fól
í sér að hætt var árásum á einstakl-
inga. Lögreglan er þó við öllu búin
vegna hugsanlegra banatilræða.
Ónefnt vitni
Reuter
Stormasamur þingfundur
TIL handalögmála kom á þinginu í Tævan í gær vegna þeirrar ákvörðun-
ar þingforsetans að meina áhorfendum að fylgjast með þingfundi. Stjórnar-
andstöðuþingmaðurinn Lu Hsiu-yi (annar til hægri) mótmælti þessu harð-
lega og á myndinni draga stjórnarþingmenn hann burtu.
Rannsókn á dauða Grams, sem
var skotinn þegar lögreglan ætlaði
að handtaka hann í bænum Bad
Kleinen, hefur snúist um framburð
ónefnds vitnis, sem heldur því fram,
að lögreglan hafi fyrst skotið á
Grams og fellt og síðan skotið til
bana af stuttu færi. Innanríkisráð-
herra Þýskalands sagði af sér vegna
þessa máls og ríkissaksóknarinn var
látinn fara og einnig er farið að
hitna nokkuð undir Sabine Leuthe-
usser-Schnarrenberger dómsmála-
ráðherra.
Rannsókn hefur leitt í ljós, að
Grams var skotinn til bana af stuttu
færi með byssu, sem ekki er lög-
reglubyssa, en ekki vitað hvort um
var að ræða hans eigin byssu en
með henni hafði hann áður skotið
einn lögreglumannanna. Tímaritið
Der Spiegel birti frásögn af dauða
Grams og kvaðst hafa eftir ónefnd-
um lögreglumanni og er nú lagt
hart að ritstjórunum að gefa upp
nafn hans svo unnt sé að fá botn
í málið.
„Fergie“ segist
hafa fullorðnast
London. Reuter.
SARA Ferguson, fyrrverandi eiginkona Andrésar Bretaprins, sagði
í sjónvarpsviðtali í gær, að undangengin hneykslismál hefðu kennt
sér að hafa taumhald á því ólgandi og sveiflukennda lundarfari
sem kom henni í vandræði. „Fergie“ sagði líka að hún myndi áfram
verða góður vinur Andrésar, þrátt fyrir að þau séu formlega skilin.
Hertogaynjan, sem bresku æsi-
fréttablöðin festu ásthatur á í
fyrra eftir að þau komu höndum
yfir myndir af henni topplausri á
sundlaugarbarmi með öðrum
manni, sagði í viðtalinu, að
hneykslið og sú gífurlega athygli
sem fylgdi í kjölfarið, hefði kennt
sér lexíu. „Það kom mér til að
hugsa um og gæta að því hvað
mér hættir til að sjást ekki fyrir
og lenda í alls konar vandræðum.
Ég þarf að hafa meiri aga á mér
til þess að flækjast ekki í afleið-
ingum sem ég ræð ekki við,“ sagði
Sara.
Svo lengi lærir sem lifir
„Það er margt athugavert við
mig. Öll gerum við mistök, en svo
lengi lærir sem lifir og maður hlýt-
ur að halda áfram að vera til.“
Sara segir að hún ætli aldrei að
giftast manninum sem var með
henni á sundlaugarmyndunum,
texanska fjármálaráðgjafanum
John Bryan, og að hún haldi sam-
bandi við Andrés prins, ekki síst
vegna dætranna tveggja, Beatrice
og Eugenie. „Við Andrés tölum
saman á hveijum degi og það
skiptir miklu að rækta þá vináttu.
Ég bý í tiltölulega litlu húsi, sem
er gott - sérstaklega fyrir börnin
mín sem fá þá að sjá meira af
mér.“
Sara Ferguson
Sjálfstraustið horfið
Sara er 33 ára og segir að
hneykslismálin og hjónaskilnaður-
inn hafi svipt hana sjálfstraustinu,
en mannúðarstarf sem hún hyggst
gera að sínu helstá opinbera
starfi, hafi hjálpað sér að koma
aftur skikki á tilveruna. „Ég er
ekki enn búin að finna sjálfs-
traustið aftur; ég læt hveijum
degi nægja sína þjáningu og von-
andi verða þeir bráðum skemmti-
legir aftur.“