Morgunblaðið - 25.03.1994, Síða 41

Föstudagskvöld
Opið föstudags-
OG LAUGARDAGSKVÖLD
Sérréttamatseðill,
skemmtun og dansleikur.
Opið til kl. 03.oo
Laugardagskvöld
Midvikudagskvöld
Sérréttamatseði 11,
skcmmtun og dansleikur.
Opið til kl. 03.oo
MORGUNBLAÐIÐ FÖSTUDAGUR 25. MARZ 1994 41
María Ellingsen og William Peterson í hlutverkum sínum í Curucao.
KVIKMYNDIR
Var kærkomin
tilbreyting
Eg leik Díönu Waterman, ríkan
eiganda myndlistargallerís
sem er í sumarleyfi á eyjunni
Curucao. Díana er svo óheppin
að verða ástfangin af persónu sem
William Peterson leikur, hann er
öryggisvörður bandaríska sendi-
ráðsins á staðnum og annar
tveggja aðila þarna sem vandræð-
in elta uppi. Þetta er spennumynd
og ég kem við sögu fram undir
miðja mynd. Hlutverk mitt endar
er ég bið Peterson um að giftast
mér. Hann neitar og síðan kem
ég ekki meira við sögu. Þetta
gerist á blaðsíðu 40 af 100 síð-
um,“ segir María Ellingsen leik-
kona um sjónvarpsmyndina
„Curucao“ sem framleidd var af
sjónvarpsstöðinni Show Time í
fyrra. Myndinni var leikstýrt af
Ungverjanum Carl Schulz sem
leikstýrði m.a. nokkrum af þátt-
unum um Indiana Jones ungan,
en þeir voru sýndir í sjónvarpinu
hér á landi á sínum tíma.
„Curucao" er nú fáanleg á íslensk-
um myndbandaleigum.
„Mér bauðst þetta fljótlega eft-
ir að ég hætti í Santa Barbara
og þetta var kærkomin tilbreyting
fyrir utan að það var meiri háttar
að koma í Karíbahafið. Ég hef
gaman af ferðalögum og var
þarna niður frá í tvær vikur,“
segir María.
María sagði enn fremur um
myndina að söguþráðurinn gerðist
verulega flókinn eftir að persóna
hennar væri úr sögunni. og tækni-
fólkið og leikaramir hefðu slegið
þvi fram bæði í gríni og alvöru að
ekki veitti af síðari hluta mynd-
arinnar. „Það skemmtilega við
þetta var að þama var samankom-
inn frábær hópur um ekkert ofsa-
lega gott handrit. Flestir gáfu sig
í þetta vegna þess orðspors sem fer
af leikstjóranum og svo er bókin
sem myndin er gerð eftir sögð
nokkuð góð. Þama var frægastur
manna George C. Scott, sem er
frábær leikari og gefur ekkert eftir
þótt árin hafi færst yfir hann. Ég
lék öll mín atriði á móti Peterson,
en gerði mér far um að fýlgjast
með Scott þegar hann var að störf-
um. Það var mikil og góð reynsla."
OFSTOPI
Nicholson kærður
fyrir líkamsárás
Leikarinn Jack Nicholson hefur
verið ákærður fyrir líkamsárás
og á yfir höfði sér allt að tveggja
ára fangelsi og háa fjársekt ef hann
verður sekur fundinn. Jack réðist
nýverið á bifreið aðdáanda síns,
Roberts Blank, og sundraði fram-
rúðunni með golfkylfu. Skarst mað-
urinn nokkuð í andliti og höfðaði
þegar mál á hendur leikaranum.
Forsagan var sú, að Blank var
að ónáða Nicholson með glæfralegu
aksturslagi. Ók hann meðfram hon-
um og sveigði í veg fyrir Nicholson
með þeim afleiðingum að leikarinn
þurfti að nauðhemla. Fauk þá í
Nicholson og á næstu ljósum spratt
hann út úr bíl sínum, jós fúkyrðum
yfir Blank, sótti síðan golfkylfu í
bílskottið hjá sér og mölvaði með
henni framrúðuna
á bíl Blanks með
framangreindum
afleiðingum.
Vinir og vanda-
menn Nicholsons
hafa áhyggjur af
þessu hátterni
hans og segja
Jack Nichoison. hann hafa verið
styggan í skapi
síðan að hann sleit samvistum við
sambýliskonu sína og bamsmóður
Rebeccu Broussard fyrir nokkru.
Áður en hann tók saman við
Rebeccu var hann annálaður skap-
brestamaður, jafnvel hrotti á köfl-
um, en Broussard hélt þeim eigin-
leikum hans mjög í skefjum. Er nú
að sjá hver framvindan verður...
Þorrablót íslendingafélagsins í
New York var haldið á
Holiday Inn í White Plains fyrir
skömmu og var vel á þriðja hund-
rað manns samankomið til þessarar
hátíðar sem á sér rætur aftur í
heiðni. Edda Magnusson, formaður
félagsins, setti samkunduna með
ræðustúf. Meðal annars kynnti hún
heiðursgesti kvöldsins sem voru
Tómas A. Tómasson sendiherra og
frú hans, Kornelíus Sigmundsson
aðalræðismaður og frú og Margrét
Jónsdóttir Ward vararæðismaður.
Þama voru einnig boðnir velkomnir
Neil Bardal frá Kanada, fyrrum
forseti Þjóðræknifélagsins í Vestur-
heimi, og Jón Ásgeirsson, formaður
Þjóðræknifélagsins á Islandi.
Þorramaturinn var hinn hefð-
bundnasti, útbúinn af Þórarni Guð-
laugssyni og framreiddur af Erni
Garðarssyni. Voru matnum gerð
góð skil og sumir skoluðu honum
niður með íslensku brennivíni sem
sendiherrahjónin lögðu veislunni til.
Síðan voru kyijuð ættjarðarlög og
dans stiginn við undirleik hljóm-
sveitarinnar „Hálft í hvoru“ sem
komin var alla leið heiman frá Klak-
anum.
íslendingafélagið í New York er
Veislugestir og gott betur: heiðursgestir, f.v. Kornelíus Sigmundsson aðalræðismaður, sendiherrrahjón-
in Tómas A. Tómasson og frú, Jón Ásgeirsson formaður Þjóðræknifélagsins á íslandi, Edda Magnusson
formaður íslendingafélagsins í New York og Neil Bardal fyrrum forseti Þjóðræknifélagsins í Norður
Ameríku.
MATUR
Blótað í Vesturheimi
Örn Garðarsson matreiðslumeistari brosir breitt.
55 ára um þessar mundir, eða fimm
árum eldra en lýðveldið sem er
fímmtugt á þessu ári. Margir fé-
lagsmenn munu hafa í hyggju að
heimsækja fornar heimabyggðir í
tilefni af lýðveldisafmælinu.