Morgunblaðið - 14.10.1994, Side 56

Mem£d
-setur brag á sérhvern dag!
MORG VNBLADIÐ, KRINGLAN 1 103 IIEYKJA VÍK
SÍMl 691100, SÍMBRÉF 691181, PÓSTHÓLF 3040 / AKUREYRI: UAFNARSTRÆTI 85
FÖSTUDAGUR 14. OKTÓBER 1994
VERÐ í LAUSASÖLU 125 KR. MEÐ VSK
Minni þorskafii 1 septembermánuði en verið hefur áratugum saman
10.000 tonn á land
ÞORSKAFLINN í nýliðnum sept-
embermánuði var minni en verið
hefur áratugum saman. Aðeins bár-
ust tæp 10.000 tonn af þorski á
land nú, en tæp 20.000 tonn í fyrra.
Botnfiskaflinn nú varð 28.600 tonn,
en 43.300 í fyrra. Heildaraflinn
varð aðeins 54.440 tonn, sem er
um hundrað þúsund tonnum minna
en í sama mánuði í fyrra. Aðeins
veiddust 7.500 tonn af loðnu nú,
en 102.900 í september í fyrra. Inn
í þessar bráðabirgðatölur frá Fiski-
stofu vantar afla úr Barentshafi.
Afli íslenzkra skipa úr Barents-
hafi í september liggur ekki endan-
lega fyrir enn, því útgerðir hafa
frest til 20. þessa mánaðar til að
skila upplýsingum um hann til
Fiskistofu. Afli okkar úr Barents-
hafi í ágúst var 7.900 tonn, en í
september var hann nokkru meiri.
Samdrátturinn er mestur milli
tímabila hjá togurunum, sem nú
fengu aðeins 2.966 tonn af þorski,
en 10.648 tonn í fyrra. Heildarafli
togaranna varð 13.782 tonn, en var
í september í fyrra 24.860. Skýring-
in liggur að nokkru leyti í því að
margir togarar voru í Barentshaf-
inu þennan mánuð og er sá afli
ekki meðtalinn í þessum tölum frá
Fiskistofu. Sé litið á einstaka lands-
hluta, kemur í ljós að vestfirzkir
togarar tóku aðeins 476 tonn af
þorski í september í ár, en hvorki
meira né minna en 3.081 í fyrra. í
fyrra tóku togarar frá Norðurlandi
eystra 2.770 tonn af þorski en 675
nú.
Þorskafli báta í september varð
alls 3.236 tonn, sem er nærri 1.500
tonnum minna en í fýrra og afli
smábáta dróst einnig saman.
9

m
Morgunblaðið/Rúnar Þór
Þúsund
farsíma-
kort seld
PÓSTUR og sími hefur selt
liðlega 1.000 kort í GSM-far-
síma á þeim tæpu tveimur
mánuðum sem liðnir eru frá
því kerfið var tekið í notkun.
Að sögn Haraldar Sigurðs-
sonar, aðstoðarframkvæmda-
stjóra fjarskiptasviðs
stofnunarinnar, er þetta
nokkuð í samræmi við áætl-
anir. Gert er ráð fyrir því að
um áramót verði búið að selja
2.000 kort.
Haraldur segir að unnið sé
að undirbúningi að stækkun
kerfisins, bæði með útvíkkun
og þéttingu innan núverandi
útbreiðslukerfis. Fyrst verður
svæðið látið ná austur fyrir
Hellisheiði og að sögn Har-
aldar er hugsanlegt_ að það
takist á þessu ári. Á fyrsta
ársfjórðungi næsta árs er
stefnt að stækkun til norðurs,
það er upp í Borgarfjörð.
Póstur og sími hefur náð
samningum um að íslensku
símakortin gildi einnig á hin-
um Norðurlöndunum og
öfugt og næst verður gengið
til samninga við Breta og
Þjóðveija um það sama.
Tjón í vatnavöxtum fyrir norðan
MILLJÓNATJÓN varð á Siglufirði í vatnavöxtum
í fyrrinótt í kjölfar óvenju mikillar úrkomu, en á
fimmtán klukkustundum mældist úrkoman á
Sauðanesi 80 millimetrar, sem er með því mesta
sem mælst hefur. Þá urðu einnig skriðuföll í Svarf-
aðardal, bær einangraðist um tíma vegna þess að
veg tók í sundur og björgunarsveitir urðu að að-
stoða við að bjarga búfé sem flæddi.
■ Milljónatjón/2/12
Nýttum-
sýslugjald
ábruna-
tryggðar
fasteignir
NÝTT opinbert gjald, svokallað
umsýslugjald til Fasteignamats
ríkisins, bætist á reikning húseig-
enda þegar greitt er fyrir lögboðna
brunatryggingu fasteigna. Gjald
þetta samsvarar 250 krónum af
10 milljóna kr. húsi og skilar Fast-
eignamatinu 35 milljónum á næsta
ári. Það á að standa undir kostn-
aði stofnunarinnar við að halda
utan um nýja brunabótamatsskrá
eftir að þessar tryggingar verða
gefnar fijálsar um áramót.
Frestur fasteignaeigenda til að
segja upp brunatryggingum fast-
eigna hjá félögunum tveim sem
hingað til hafa séð um þennan
tryggingaflokk, Húsatryggingum
Reykjavík í höfuðborginni og Vá-
tiyggingafélagi íslands utan borg-
armarkanna, rennur út í lok næsta
mánaðar. Fulltrúar félaganna
tveggja segja að ekki hafi borist
mikið af uppsögnum enn sem kom-
ið er, hjá VÍS hafa innan við 10%
eigna farið til annarra trygginga-
félaga. Sjóvá-Almennar hafa þó
fengið óskir um að tryggja þús-
undir eigna.
Óbreytt iðgjöld
Nýju tryggingafélögin á þessum
markaði virðast ætla að bjóða
nákvæmlega sömu iðgjöld og þau
sem fyrir eru, eða sem svarar
1.400 kr. fyrir 10 milljóna kr. íbúð
í Reykjavík og í stærstu kaupstöð-
unum. Við þetta bætast hins vegar
ýmis gjöld, þ.e. iðgjald Viðlaga-
tryggingar, brunavarnaiðgjald og
nýja umsýslugjaldið, þannig að
reikningur húseigandans fer upp
í 4.600 krónur.
■ Nýtt umsýslugjald skilar/4
Leynileg atkvæðagreiðsla á kjaramálafundi í Sjúkraliðafélagi íslands í gær
Efnt verði til atkvæða-
greiðslu um vinnustöðvun
SAMÞYKKT var í leynilegri atkvæðagreiðslu
á kjaramálafundi í Sjúkraliðafélagi íslands
(SLFÍ) í gær með 346 atkvæðum gegn 30 að
fela stjórn, kjaranefnd og kjörstjórn að boða
til allsheijaratkvæðagreiðslu um vinnustöðvun
sjúkraliða við allar heilbrigðisstofnanir þar sem
félagar í sjúkraliðafélaginu starfa. Kjarasamn-
ingar sjúkraliða hafa nú verið lausir í liðlega
19 mánuði og er engin lausn í sjónmáli, að
sögn Kristínar Á. Guðmundsdóttur, formanns
SLFÍ.
Viðræður sjúkraliða við viðsemjendur um
gerð nýs kjarasamnings hafa staðið yfir með
hléum frá því snemma vors árið 1993 án þess
að þokast hafi í samkomulagsátt og var deil-
unni vísað til ríkissáttasemjara fyrir rumri viku.
Kristín sagði að staðan hefði lítið breyst eftir
að deilan kom inn á borð sáttasemjara en aðil-
ar hefðu þó getað ræðst við. Aðspurð um kröf-
Kjarasamningar hafa
verið lausir í 19 mánuði
ur sagði Kristín að sjúkraliðar vildu fá leiðrétt-
ingu á þeim launamun sem orðið hefði á undan-
förnum árum.
Lausn ekki í sjónmáli
Þorsteinn Geirsson, formaður samninga-
nefndar ríkisins, sagði að lausn í þessari deilu
væri ekki í sjónmáli og gæti stefnt í átök því
samþykkt sjúkraliða í gær væri fyrsta skrefið
í þá átt. Sagði hann að sjúkraliðar hefðu uppi
of háar launakröfur til að hægt væri að ganga
að þeim en ekki væri þó hægt að tiltaka hversu
há krafa væri gerð í prósentum talið.
í ályktun Sjúkraliðafélagsins, sem samþykkt
var í gær, segir m.a.: „Fyrir liggur að launa-
munur í þjóðfélaginu hefur vaxið undanfarin
ár. Ýmsar stéttir og einstaklingar hafa fengið
umtalsverðar kjarabætur á meðan aðrir hafa
setið eftir. Þetta hefur einnig skeð í heilbrigðis-
kerfinu.“ Er skorað á viðsemjendur félagsins
að hefja samningaviðræður af fullri alvöru.
„Sjúkraliðafélag Islands neitar að trúa því,
fýrr en á reynir, að ríki, Tteykjavíkurborg og
St. Jósefsspítali ætli sér að axla þá ábyrgð,
sem felst í því að knýja fram átök í heilbrigðis-
kerfinu,“ segir m.a. í ályktun sjúkraliða.
Fundir verða haldnir í starfshópum hjá ríkis-
sáttasemjara í dag en ekki hefur verið ákveðið
hvort boðað verður til eiginlegra samninga-
funda. Að sögn Kristínar mun það ráðast í dag
eða yfir helgina hvort farið verður í atkvæða-
greiðslu meðal sjúkraliða um vinnustöðvun.
Verði slík tillaga samþykkt er unnt að boða
til verkfalls með 15 daga fyrirvara.