Morgunblaðið - 21.07.1995, Blaðsíða 13

MORGUNBLAÐIÐ
FÖSTUDAGUR 21. JÚLÍ 1995 13
VIÐSKIPTI
Kapphlaup um hlutabréf í Lygaverslun íslands
Dæmi eru um
123% ávöxtun
HLUTABRÉF í Lyfjaverslun ís-
lands hf. hækkuðu í gær þegar
verðbréfafyrirtækið Landsbréf hf.
gerði kauptilboð í þau á genginu
1,65 með auglýsingu í Morgunblað-
inu. Þeir, sem keyptu hlutabréf í
fyrirtækinu í janúar og nýttu sér
tilboð um að greiða aðeins fimmt-
ung kaupverðsins út, hagnast nú
um rúmlega 60 þúsund krónur, selji
þeir bréfin á þessum kjörum. í kjöl-
far tilboðsins komu fram hærri
kauptilboð í bréfin á Verðbréfaþingi
Islands og var hið hæsta á genginu
1,67. Síðustu skráðu viðskipti með
hlutabréf í Lyijaversluninni áttu sér
stað í lok maí og þá á genginu 1,60.
Gengi hlutabréfanna hefur því
hækkað um allt að 24% á hálfu ári.
Landsbréf munu staðgreiða þau
hlutabréf sem keypt voru án lán-
töku þegar Lyfjaverslunin var
einkavædd. Þau hlutabréf sem
keypt voru með lántöku verða hins
vegar greidd með þeim hætti að
Landsbréf borga lánin upp og
greiða seljandanum mismuninn.
Landsbréf áskilja sér þó rétt til að
takmarka kaup bréfanna ef fram-
boðið reynist vera umfram fyrir-
liggjandi pantanir. Söluþóknun er
1,25% af söluverði.
Albert Jónsson, viðskiptafræð-
ingur hjá Landsbréfum, segir að
auglýsingin hafi vakið sterk við-
brögð og fjölmargir hluthafar hafi
óskað eftir nánari upplýsingum eða
lýst yfir áhuga á sölu. „Við bendum
þeim á að þetta sé góður tími til
að selja. Gengi bréfanna hefur
hækkað úr 1,34 í 1,65 á verðbréfa-
markaði síðan í janúar sem hlýtur
að teljast góð hækkun,“
Lyfjafyrirtæki standa ekki
að baki kaupunum
Að sögn Alberts standa um 5-10
stórir fjárfestar að baki kaupunum
en hann neitar því að nokkur þeirra
sé úr lyfjaiðnaði. „Við erum að bjóða
í bréfin fyrir stóra fagfjárfesta sem
sjá framtíð í fýrirtækinu. Þeir yilja
eignast sæmilega stóra hluti og veita
Lyljaversluninni nauðsynlega kjöl-
festu. Nú eru hluthafar hennar rúm-
lega 1600 talsins og stærsti hluthaf-
inn, íslenski hlutabréfasjóðurinn, á
aðeins 0,75% hlut.“
Lyfjaverslun íslands hf. varð til á
síðasta ári með einkavæðingu Lyfja-
verslunar ríkisins. Allt hlutafé fyrir-
tækisins, 300 milljónir, var selt á
fijálsum markaði á genginu 1,34 í
tveimur umferðum, í nóvember í
fyrra og í janúar síðastliðnum. Gíf-
urleg eftirspum reyndist vera eftir
hlutabréfunum og seldust þau upp
sömu daga og þau komu á markað.
Kaupendur hlutabréfanna gátu
valið um að staðgreiða þau eða fá
allt að 80% kaupverðsins Iánuð með
vaxtalausu skuldabréfi til allt að
tveggja ára. Hlutabréfakaup þeirra
sem óskuðu eftir þessum kjörum
voru hins vegar takmörkuð við 250
þúsund krónur enda var eitt af
markmiðum ríkisins með sölunni að
gefa sem flestum kost á að eignast
hlut í fyrirtækinu.
Þeir sem keyptu hlut í Lyfjaversl-
uninni í janúarútboðinu og greiddu
80% kaupverðsins eða 200 þúsund
krónur með skuldabréfi þurfa að
greiða fyrstu afborgun af því 1.
ágúst næstkomandi. Albert bendir á
að gangi þessir aðilar að tilboði
Landsbréfa fyrir mánaðamót verði
ávöxtun bréfa þeirra allt að 123% á
hálfu ári. Þá er miðað við að þeir
hafí greitt út lægstu mögulegu upp-
hæð þegar gengið var frá kaup-
unum. Einnig er 4% arðgreiðsla, sem
greidd var út í júní, reiknuð með í
dæminu. „Einstaklingur sem lagði
50 þúsund krónur í hlutabréfakaup-
in í janúar fær því um 111.500 þús-
und fyrir bréfin ef hann gengur að
tilboðinu. Hagnaður í þessu tilviki
nemur því um 61.500 þúsund krón-
um eða 123%,“ segir Albert.
Eftir því sem leið á gærdaginn
fjölgaði kauptilboðum í hlutabréf
Lyfjaverslunarinnar á Verðbréfa-
þingi íslands. Flest tilboðanna voru
samhljóða tilboði Landsbréfa eða
ögn hærri. Hæsta kauptilboðið nam
300 þúsund krónum og var á geng-
inu 1,67.
Þeir (f.v.) Rafn B. Rafnsson, framkvæmdastjóri GKS, Gylfi Þór
Magnússon, framkvæmdastjóri hjá SH, og Tómas Sigurbjörns-
son, framleiðslu- og þróunarstjóri GKS, undirrituðu
í gær samning fyrirtækjanna.
GKS-húsgögn til
SH á Akureyri
SÖLUMIÐSTÖÐ hraðfrystihús-
anna hefur gengið til samninga
við GKS-húsgagnagerð um kaup
á íslenskum húsgögnum fyrir
skrifstofur sínar á á Akureyri.
Samningurinn hljóðar upp á kaup
á 30 vinnustöðvum fyrir alls um
7,5 milljónir króna. Fyrir valinu
urðu Vista skrifstofuhúsgögn sem
hönnuð eru af Gunnari Magnús-
syni, húsgagna- og innréttinga-
hönnuði.
SH hefur tekið á leigu efstu
hæðina í gamla Lindu-húsinu á
Akureyri af Metró og mun starf-
semin hefjast þar í lok ágúst með
31 starfsmanni.
Gylfi Þór Magnússson, fram-
kvæmdastjóri ly'á SH og forstöðu-
maður SH á Akureyri, segir að
GKS hafi orðið fyrir valinu að
undangenginni athugun á hús-
gagnamarkaðnum. „Það ánægju-
lega er að þarna tekst samvinna
á milli húsgagnaiðnaðarins og
fiskiðnaðarins í landinu þar sem
ítrustu kröfum um verð, gæði og
þjónustu er vel mætt. Húsgagna-
áklæði frá Foldu hf. á Akureyri
varð fyrir valinu á alla stóla og
skermveggi."
Rafn B. Rafnsson, fram-
kvæmdastjóri GKS, segir að fyrir-
tækinu hafi tekist að uppfylla
kröfur SH um hagkvæmt verð,
vöruúrval og þjónustu. Þessi við-
skipti sýni að íslenskir framleið-
endur séu fyllilega samkeppnis-
hæfir í verði miðað við innflutt
sambærileg húsgögn. Hann segir
að fyrirtækinu hafi tekist að ná
fram hagræðingu sem hafi skilað
sér til viðskiptavina í lækkuðu
verði. „Eftir sameiningar hús-
gagnafyrirtækja höfum við styrkt
samkeppnistöðu okkar verulega
með lækkun framleiðslukostnað-
ar og aukinni þjónustu."
Stærstu fyrirtæki
heimsins íJapan
General Motors í 5. sæti á endur-
skoðuðum lista Fortune
New York. Reuter.
MITSUBISHI trónar í efsta sæti á
endurskoðuðum lista bandaríska
tímaritsins Fortune um 500 stærstu
fyrirtæki heims. Japönsk fyrirtæki
skipa fjögur efstu sætin og General
Motors, sem jafnan hefur verið í
fyrsta sæti, hefur hrapað niður í
það fimmta.
Árlegur listi Fortune um helztu
fyrirtæki heims var endurskoðaður
í ár þannig að hann næði til þjón-
ustufyrirtækja ekki síður en iðnfyr-
irtækja og því hefur GM dregizt
aftur úr Mitsubishi og þar að auki
japönsku fyrirtækjunum Mitsui,
Itochu, og Sumitomo.
Röðun á listann byggist á tekjum
í dollurum. Öll íjögur efstu japönsku
fyrirtækin höfðu meira en 160 millj-
arða dollara í tekjur og tekjur
Mitsubishi námu 175.84 milljörðum
dollara í fyrra.
151 bandarískt, 149 japönsk
Af 500 fyrirtækjum á lista Fort-
une var 151 bandarískt og 149 jap-
önsk. Af 30 efstu fyrirtækjunum
voru 16 japönsk og 11 bandarísk.
Þýzkaland var þriðja í röðinni
með 44 fyrirtæki og þar af voru tvö
meðal 30 efstu - Daimler-Benz AG
(í 20. sæti) og Siemens AG (30.).
Ford Motor Co skipar sjöunda
sæti og Exxon Corp það áttunda.
í fyrra voru þau í 2. og 3. sæti á
lista Fortune um stærstu iðnfyrir-
tæki.
Ekkert þeirra japönsku fyrir-
tækja, sem eru meðal 10 efstu nú,
hefði komizt á listann í fyrra.
Af 46 fyrirtækjum á 500 fyrir-
tækja listanum, sem töpuðu í fyrra,
var helmingurinn japanskur, en
aðeins níu bandarísk.
Kyrrð eftir umrót
í Wall Street
Staða dollars enn talin veik
London, New York. Reuter.
UMRÓT á fjármálamörkuðum í
Bandaríkjunum vörpuðu skugga á
viðskipti. í evrópskum kauphöllum í
gær, en ekkert söluæði greip um
sig eins og í Wall Street á miðviku-
dag.
Dollarinn var stöðugur gagnvart
þýzku marki og japönsku jeni fram-
an af degi. Kunnugir sögðu þó að
staða dollarans væri enn veik, þar
sem bankastjóri bandaríska seðla-
bankans, Alan Greenspan, hefði
dregið úr vonum um aðra vaxta-
lækkun í ræðu, sem leiddi til um-
rótsins á miðvikudag.
í New York hækkuðu verðbréf á
ný; í gær og viðskipti voru róleg
eftir aðra mestu verðbréfalækkun
ársins á miðvikudag.
Éftir hádegi að staðartíma hafði
Dow Jones vísitalan hækkað um
7,04 stig í 4.635,91 eftir 57 stiga
lækkun á miðvikudag. Vísitalan
lækkaði um 50 stig á þriðjudag.
Nasdaq-vísitalan hefur aðeins
einu sinni áður lækkað eins mikið
og á miðvikudag, en í gær hækkaði
hún um 7,14 stig í 960,01.
Auglýsingaherferð Friggjar
skilar góðum árangri
Anna vart
eftirspum
Athtigasemd
vegna SR-
mjöls
VEGNA athugasemdar frá
SR-mjöli hf. í viðskiptablaði í
gær við súlurit Morgunblaðs-
ins yfir ávöxtun hlutabréfa á
þessu ári skal tekið fram að
blaðið studdist við upplýs;
ingar frá Landsbréfum hf. í
texta við súluritið var ræki-
lega tekið fram að miðað
væri við lokagengi ársins
1994. í tilviki SR-mjöls hf.
höfðu síðustu skráðu viðskipti
átt sér stað í lok árs 1993
þegar ríkissjóður seldi sín bréf
miðað við gengið 1,12 og því
þótti eðlilegt að miða við það
gengi. Hins vegar var jafn-
framt tekið fram að viðskipti
með hlutabréfin í SR-mjöli
hefðu átt sér stað 23. janúar
1995 miðað við gengið 1,5.
SÁPUVERKSMIÐJA Friggjar hf.
annar vart eftirspurn eftir Maraþon
Extra þvottaefninu í kjölfar auglýs-
ingaherferðar fyrirtækisins að sögn
Guðnýjar Rósu Þorvarðardóttur,
markaðsfulltrúa fyrirtækisins.
Guðný segir að árangur auglýs-
ingaherferðarinnar liggi ekki enn
ljós fyrir enda aðeins vika liðin af
henni, en viðbrögð neytenda gefi
þó ótvírætt tilefni til bjartsýni.
„Þetta hefur vakið n\jög mikla at-
hygli og þvottaefnið hefur rokið svo
hratt út að verksmiðja okkar hefur
vart haft undan.“
Að sögn Guðnýjar ríkir mjög
mikil ánægja með þennan árangur
hjá fyrirtækinu og þar hafí menn
fundið fyrir mjög skjótum og já-
kvæðum viðbrögðum frá neytend-
um. „Við höfum einnig verið með
kynningu í verslunum og finnum
þar hvernig við höfum vakið fólk
til umhugsunar með auglýsingunni
og að fólk er tilbúið að styðja ís-
lenskan iðnað þegar gæðavara er í
boði.“
Hún segir enn ekki tímabært að
nefna neinar tölur um söluaukning-
una vegna þess hve stuttur tími sé
liðinn, en segir engu að síður óhætt
að fullyrða að salan hafi stóraukist.
4 4
(H'URVAL-UTSYN
trvgjJiiig fyrir gæðnm
lágmúUl 4,
i Hafnarfirði. í Keflavik.
á Akureyri. á Selfossi
• og bjá umboðsmönnum um land allt.