Morgunblaðið - 28.07.1995, Page 2
2 FÖSTUDAGUR 28. JÚLÍ 1995
MORGUNBLAÐIÐ
-■
FRÉTTIR
Sýnið sauð-
kindinni sóma
ALLIR hafa sína skoðun á
sauðkindinni. Menn segja hana
hafa eytt gróðri en aðrir halda
því fram að hófleg beit sé grónu
landi nauðsynleg. Svo deila
menn um fjölda sauðfjár í land-
inu, verðmyndun lambakjöts og
flest annað sem skepnunni við-
kemur. Hins vegar eru flestir
sólgnir í lambakjöt og eflaust
eru margir til að fullyrða að
íslenskt lambakjöt sé það besta
í heimi, hvort sem samanburður
sé fyrir hendi eða ekki. Hvað
sem því líður getur maður
vænst þess að sjá stöku kind
með lömbin sín út um allt land,
jafnvel á örfoka melum hálend-
isins. A okkar strjálbýla landi
fara hagsmunir ökuþóra og
sauðkindarinnar ekki alltaf
saman. I sumum tilfellum eru
beitarlönd afgirt og hafa menn
þá litlar áhyggjur af ferðum
fénaðar en í öðrum tilfellum
verða menn að sýna sauðkind-
inni og afkvæmum hennar þá
tillitssemi sem hún á skilið. List-
hneigður bóndi á Barðaströnd-
inni málaði þetta skilti til að
minna ökuþóra á að þeir eru
ekki einir í heiminum.
Morgunblaðið/Albert Jónasson
Ný reglugerð um lyf tekur gildi um mánaðamótin
Einstök lyf lækk-
uð um allt að 24%
Bændur nýta
slæjur í
Borgarfirði
NOKKRIR bændur í Hrútafírði
hafa fengið leyfi yfirdýralækn-
is til að nýta slæjur á tveimur
túnspildum í Borgarfirði. Sig-
urður Sigurðarson, dýralæknir
á Keldum, segir að leyfíð hafi
verið gefið því landið hafí verið
vel girt, friðað fyrir fjárbeit og
ekki hafi verið notaður hús-
dýraáburður. Leyfi þarf til að
flytja hey á milli vamarhólfa
vegna hættu á að smitsjúk-
dómar berist á milli landsvæða.
Sigurður sagði að snjó-
þyngsli og kuldi hefðu þær
afleiðingar að margir bændur
gætu átt í erfíðleikum með að
afla heyja fyrir veturinn.
„Menn hafa verið að bíða í
lengstu lög í voninni um hlý-
indi og vætu og kannski er
ekki öll nótt úti enn með það.
En auðvitað er betra að hafa
fyrirhyggju og afla sér heyja
áður en komið er fram á vet-
ur. Á sumrin er miklu auðveld-
ara með alla flutninga og meiri
möguleiki að fínna hættulausa
staði vegna smitsjúkdóma,"
sagði hann í því sambandi.
NÝ REGLUGERÐ um greiðsluþátt-
töku Tryggingastofnunar í lyfja-
kostnaði, sem tekur gildi 1. ágúst,
hefur þegar haft þær afleiðingar
að verð á einstökum lyfjum hefur
lækkað um allt að 24% undanfarnar
vikur, að því er fram kemur í frétt
frá Tryggingastofnun.
Reglugerðin felur í sér að tekið
verður upp viðmiðunarverð lyfja
sem eiga sér samsvarandi sam-
heitalyf. Þátttaka sjúkratrygginga
í lyfjakostnaði verður óbreytt fyrir
þau samheitalyf sem eru á eða
undir viðmiðunarverðinu. Ef dýrara
ljrf er valið greiðir sjúklingur mis-
muninn.
Viðmiðunarverðið miðast við
smásöluverð ódýrasta samsvarandi
lyfs að viðbættum 5%. Reynsla ann-
arra þjóða, sem tekið hafa upp þetta
kerfi, sýnir að verð dýrari samheita-
lyfja lækkar fljótlega niður í viðmið-
unarverð, að því er fram kemur í
tilkynningunni.
Talsverður verðmunur hefur ver-
ið á einstökum samheitalyfjum hér-
lendis en hann hefur farið ört
minnkandi undanfarið. Sem dæmi
má nefna að algengt geðlyf hefur
lækkað úr 19.728 kr. í apríl í 15.409
kr. og hefur því lækkað í verði um
tæp 24%. Sú verðlækkun, sem þeg-
ar hefur orðið á samheitalyfjum,
þýðir yfir 50 milljóna króna lækkun
á lyfjareikningi landsmanna miðað
við notkun þessara lyfja í fyrra.
Skylt að kynna ódýrari
samheitalyf
Fram kemur að lyfjafræðingum
sé skylt að kynna sjúklingum þann
möguleika að velja ódýrara sam-
heitalyf ef það er fyrir hendi og
verðmunurinn er meiri en 5%. Vilji
læknir ekki;að lyfjafræðingur breyti
ávísuðu lyfí í ódýrara samheitalyf
verður hann að rita R með hring
utan um fyrir aftan heiti lyfsins á
lyfseðlinum.
Sjúklingar eiga kost á
að velja ódýrari Iyf
Sjúklingur með R-merktan lyf-
seðil, sem gefinn var út fyrir 1.
júlí 1995, getur beðið lækni um
nýjan lyfseðil og fengið þannig
tækifæri til að velja ódýrara lyf.
Lyfjafræðingur getur einnig hringt
í lækni og fengið leyfí til að breyta
R-merktum lyfseðli þannig að sjúkl-
ingur eigi kost á að velja ódýrara
lyf.
Stuðningsmenn Margrétar Frímannsdóttur skila framboði hennar til formennsku
„Flokksmönnum fjölg-
ar sé þeim treyst
fyrir verkefnum“
SJÖ stuðningsmenn Margrétar Frí-
mannsdóttur þingmanns afhentu í
gærmorgun Sigríði Jóhannesdóttur,
formanni framkvæmdastjórnar Al-
þýðubandalagsins, framboð Mar-
grétar til formennsku í flokknum,
einni stundu áður en framboðsfrest-
ur rann út.
Tveir skiluðu framboðum í for-
mannskjörið, Margrét og Stein-
grímur J. Sigfússon. Atkvæða-
greiðsla fer fram bréflega dagana
29. september til 13. október. Eng-
inn skilaði aftur á móti framboði
til varaformanns og hefur fram-
boðsfrestur verið lengdur um tvær
vikur til hádegis þann 10. ágúst.
Táknrænt fyrir ný
vinnubrögð
Listi með nöfnum 99 meðmæl--
enda úr flestum kjördæmum var
lagður fram með framboðstilkynn-
ingunni. Birna Bjarnadóttir, bæjar-
fulltrúi í Kópavogi og forsvarsmað-
ur stuðningsmanna Margrétar,
sagði í samtali við Morgunblaðið
að um 60 manns á listanum væru
úr Reykjavík og af Reykjanesi. 60%
meðmælenda væru karíar en hún
kvaðst ekki vilja greina frá því hvort
þingmenn flokksins væru meðai
meðmælenda.
Stuðningsmenn Margrétar lýstu
yfir því á blaðamannafundi eftir
afhendingu framboðsins að þeir
væru ósáttir með það að flokks-
starf væri unnið í of þröngum hópi.
Birna taldi það vera táknrænt að
stuðningsmenn Margrétar hafí skil-
að framboði hennar til formennsku.
„Þetta er einkum táknrænt fyrir
þau nýju vinnubrögð sem við viljum
taka upp í flokknum,“ sagði Birna.
Reynt að laða ungt fólk að
„Við sýnum það í verki að al-
mennu flokksfólki sé treyst fyrir
ábyrgðarmiklu verkefni eins og því
að undirbúa framboð. Á Suðurlandi
hafa Margrét og aðrir flokksmenn
reynt að laða að ungt fólk í flokk-
inn, fá því verkefni og treysta þeim
fyrir þeim. Við trúum því að við
getum eflt flokksstarf og fjölgað
flokksmönnum um allt land einmitt
með þessum hætti. Flokksmönnum
fjölgar sé þeim treyst fyrir verkefn-
um fyrir flokkinn,“ sagði hún.
Birna telur mjög mikilvægt að
styðja við bakið á flokksmönnum í
bæjar- og sveitarfélögum um allt
land. Hún segir að Margrét stefni
að þessu og af þeim sökum styðji
margir sem unnið hafi að sveitar-
stjórnarmálum Margréti.
Morgunblaðið/Kristinn
BIRNA Bjarnadóttir, bæjarfulltrúi i Kópavogi, afhenti Sigríði
Jóhannesdóttur, formanni framkvæmdastjórnar Alþýðubanda-
lagsins, tilkynningu um framboð Margrétar Frímannsdóttur til
formennsku í flokknum í gær.
Stuðningsmenn Margrétar full-
yrtu að ásakanir sem settar hefðu
verið fram í fjölmiðlum síðustu
daga, þess efnis að skrifstofa Al-
þýðubandalagsins væri notuð í þágu
Margrétar í kosningabaráttu henn-
ar, væru algjörlega tilefnislausar.
Birna viðurkenndi að vaxandi
titrings gætti í herbúðum for-
mannsframbjóðendanna tveggja.
Hún kvaðst þó vona að kosninga-
baráttan yrði aldrei hörð og óvæg-
in. „Við viljum gjarnan hafa þessa
baráttu innan flokksins en minna í
fjölmiðlum. Alþýðubandalagið hef-
ur gengið í gegnum of mörg átök
í gegnum árin,“ sagði Birna.
Bílvelta
BÍLL valt skammt austur af
Höfn í Hornafirði síðdegis í
gær. í bílnum var þýskt par
og hlaut það engan skaða af.
Að sögn lögreglunnar á
Höfn voru tildrög veltunnar
þau að þýski ökumaðurinn
ók á lamb og við það missti
hann stjórn á bílnum sem fór
eina veltu ofan í skurð.
Lambið var stuttu síðar aflíf-
að á staðnum.
Ríkisspítalarnir
Fækka þarf
starfsfólki
DAVÍÐ Á. GUNNARSSON, for-
stjóri Ríkisspítalanna, segir að
spara þurfí 100 til 200 milljónir í
rekstrinum á síðari hluta þessa árs.
Hluta af þeirri fjárhæð verður
mætt með fækkun starfsfólks.
Samráð haft
við starfsmenn
Davíð segir að starfsfólki verði
fækkað á deildum þar sem starf-
semin hefur farið fram úr fjárlög-
um. „Við þurfum að fækka um
svona 80 starfsmenn,“ sagði Davíð.
„Þetta verður ekki gert á einu bretti
og reynt verður að hafa samráð við I
starfsmenn. Ekki verður ráðið í j
störf þeírra sem eru að hætta af
öðrum ástæðum og hugsanlega
verður starfsfólk flutt á milli staða.
Hugsanlega hafa einhveijir áhuga
á að taka kauplaust leyfi og von-
andi verða tilvikin fá þar sem koma
þarf til uppsagna."
Starfsemin á Ríkisspítölunum
jókst að meðaltali um 10% á fyrri- 1
hluta ársins og því þarf að draga
saman í rekstrinum um 100 til 200 *
milljónir fram að áramótum. j
Ekki nema
1-2% vandans
„Starfsfólksfækkunin er aðeins
hluti af því sem við erum að gera.
Hugsanlega þarf að draga úr starf-
semi og lyfjakostnaði, sem hefur
verið mjög hár. Við erum ekki að
tala um nema 1-2% vandamála í j
okkar rekstri, en tölurnar sem um
ræðir eru svo stórar, hvert prósent [
af sjö milljörðum eru sjötíu milljón- I
ir.
Það er erfitt að meta stöðuna
þangað til við sjáum hvernig sumar-
ið hefur komið út. Sem betur fer
hafa kjaradeilur ekki truflað starf-
semi spítalanna í ár og það felst
mótsögn í því að þegar afköstin eru
mikil og spítalinn gengur vel þá
lendum við í þeim sérkennilega i
vanda að eyða meiru en ríkissjóður .
hefur efni á að greiða," segir Davíð.
--------------------
Hafnarfjarðarbær
Fulltrúar
skipaðir í
tækniráð í
Á BÆJARRÁÐSFUNDI í Hafnar-
firði í gær voru skipaðir þrír full-
trúar í nýstofnað framkvæmda-
og tækniráð.
í ráðið voru skipaðir Jóhann G.
Bergþórsson verkfræðingur, Sig-
þór Jóhannesson verkfræðingur og
Magnús Jón Árnason kennari. I
samþykkt um framkvæmda- og )
tækniráð segir að í því skuli sitja
þrír menn með tæknimenntun, en
Magnús uppfyllir ekki það skil- '
yrði. Magnús lét bóka að hann
tæki sæti í nefndinni á grundvelli
41. greinar sveitarstjórnarlaga, en
þar er kveðið á um að sveitarstjórn-
armenn eigi rétt á setu í nefndum
á vegum sveitarstjórnarinnar.
Framkvæmda- og tækniráð á
að fjalla um og samræma fram- ,
kvæmdir á vegum bæjarfélagsins.
Ráðið á einnig að vinna að gerð )
þriggja ára áætlunar og fjárhags- |
áætlunar bæjarsjóðs og á að vera
til ráðuneytis og aðstoðar bæjar-
verkfræðingi. Það á að vinna að
málum sem bæjarráð felur því, en
getur líka tekið upp mál að eigin
frumkvæði.
Á bæj arraðsfundinum voru
einnig skipaðir þrír fulltrúar í hag-
ræðingar- og sparnaðarráð; Ellert J
Borgar Þorvaldsson og Tryggvi
Harðarson fyrir hönd meirihluta
bæjarstjórnar og Valgerður Sig- I
urðardóttir fyrir minnihlutann.