Morgunblaðið - 01.09.1995, Blaðsíða 40
40 FÖSTUDAGUR 1. SEPTEMBER 1995
MORGUNBLAÐIÐ
Dýraglens
Grettir
Ferdinand
Smáfólk
Svo þú heldur að Jesús hafi Nei, ég efa það. En af hverju? Ef hann hefði átt hund
aldrei átt hund? hefðu allir postularnir vilj-
að eiga hund...
BREF
HL BLAÐSINS
Kringlan 1 103 Reykjavík • Sími 5691100 • Símbréf 569 1329
Sinnaskipti borg-
arstjóra eða hvað?
Frá Baldri Hannessyni
24. ÁGÚST sl. svarar borgarstjóri
í Mbl. bréfí undirritaðs (Baldurs
Hannessonar), sem birtist í Mbl. 18.
ágúst. í grein sinni segir borgar-
stjóri fullum fetum að Vikur hf. „eigi
að rýma hús-
næðið“, sem þeir
hafa haft á leigu
á þriðja ár, án
þess að greiða
leigu. En í lok
greinarinnar seg-
ir svo borgar-
stjóri: „Við höf-
um hins vegar
ekki lagt í harðar
aðgerðir enn sem
komið er og það er spurning HVORT
og hvenær menn ákveða að grípa til
aðgerða gagnvart leigjendum, sem
fara ekki úr húsnæði. Forsvarsmenn
fyrirtækisins vita hins vegar að þeir
eiga að fara út, en það er skemmti-
legra að leysa það með öðrum hætti,
en hörku.“ Það er bara svona, þeim
hjá Vikur hf. er gert það ljóst núna
loksins, eftir rúm tvö ár, án þess að
borga leigu, að þeir eiga að fara út.
Jafnframt er þeim gert ljóst, að ekki
verði hróflað við þeim, ef þeir vilja
ekki fara...
Verður húsaleiguskuld Vikurs hf.
innheimt, eða þurfa þeir bara að
borga ef þeir vilja borga, er það ekki
líka skemmtilegra, en harka?
Ingibjörg Sólrún Gísladóttir borg-
arstjóri! Vikur hf. fær peninga og
húsnæði árum saman hjá Reykjavík-
urborg undir því háleita markmiði
að verið sé að vinna þróunarvinnu,
en það var fljótlega ljóst (líka borgar-
stjóra) að Fínpússning sf. mundi tapa
miklu fé vegna niðurgreiddrar sam-
keppni á markaðnum af þessum
ástæðum. Kannske réttlætir borgar-
stjóri þessa eignaupptöku hjá Fín-
pússningu sf., með þeirri röksemdar-
færslu að þarna sé verið að vinna
háleitt þróunarstarf. Tii þess að leiða
þig út úr þeirri villu, þá langar mig
að segja þér að Fínpússning sf. byij-
aði fyrst fyrirtækja á íslandi að
þurrka vikur og leita markaða er-
lendis fyrir þá vöru, en BM Vallá tók
upp þráðinn og kostaði miklu til, án
árangurs. Mig langar líka að segja
þér að Fínpússning sf. er alltaf með
einhveija þróunarvinnu í gangi og
núna ber hæst endurvinnslu á gleri
(2.000 tonn á ári), sem framkvæmd-
ir hafa nánast stöðvast við, vegna
fjárskorts, sem tilkominn er vegna
atlögu þinnar að Fínpússningu sf.
Tilraunavinnsla átti að fara í gang
síðastliðið vor, en verður ekki fyrr
en einhvemtíma í haust, það er að
segja, ef okkur tekst að skera niður
kostnaðinn. Kostnaðurinn verður ekki
skorinn niður, nema með þvi að not-
ast við ódýrari og lélegri vélbúnað en
upphaflega var ætlað og stofna þann-
ig öllu verkefninu í hættu.
Þetta er þér að „þakka“ og í fram-
haldi af því, ætla ég að endurtaka
spurninguna, sem þú lést hjá líða að
svara í bréfi þínu 24. ágúst: Ertu
tilbúin að bæta Fínpússningu sf. það
tjón, sem atferli þitt hefur valdið,
t.d. með þvi að greiða húsaleigu fyr-
ir Fínpússningu sf. umrætt tímabil,
eins og keppinauturirin hefur fengið?
Mig langar líka að spyija þig annarr-
ar spumingar: Hver er hin raunveru-
lega ástæða fyrir því að Vikur hf.
fær alla þessa fyrirgreiðslu, en Fín-
pússning sf. ekki neina og er jafn-
framt látið borga þróunarkostnað
Vikurs hf., að hluta á móti Reykja-
víkurborg, án þess að fá nokkru um
það ráðið? Finnst þér, Ingibjörg, ekki
kominn tími til að svara þessum
spurningum í fullri einlægni og viður-
kenna að þarna hafí ekki verið stað-
ið rétt að málum?
Að lokum ætla ég að gleðja þig
með því að ég mun halda áfram að
skrifa um þetta mál þar til ég hef
fengið leiðréttingu á mínu máli, hve-
nær sem það nú verður.
BALDUR HANNESSON,
framkvæmdastjóri Fínpússningar hf.
Hraðsambönd um
himingeiminn
Frá Þorsteini Guðjónssyni:
í MORGUNBLAÐINU 25. ágúst er
frétt af atburði, sem eiginlega hefur
ekki gerst enn, en er búist við að
verði í september. I fyrirsögn er
talað um „ormagöng í tíma og rúmi“
og sagt, að grein sem skýri málið
muni birtast í næsta ársfjórðungs-
riti konunglega breska stjömufræði-
félagsins, en það mun vera eitt
hinna virtustu í heimi á því sviði.
Þegar texti fréttarinnar er lesinn
kemur í ljós, að verið er að tala um
„ferðalög yfir ljóshraða milli
stjarna".
Ég er ekki viss um að lesendur
Morgunblaðsins, nema þá lítill hluti
þeirra, geri sér grein fyrir hvað
þessi frétt þýðir. Hún þýðir, að ný-
alssinnar hafa rétt fyrir sér. Hvern-
ig sem menn velta þessu fyrir sér
á ýmsar hliðar, þá þýðir hún þetta.
Þessir menn hafa með skipulegum
hætti rökstutt sitt mál um langt
skeið. Ég veit reyndar, að þessu
hafa menn síst átt von á — en væri
nú ekki ráð að staldra aðeins við og
hugleiða, hvort verið geti, að einmitt
þetta sé það sem í fréttinni felst?
Það er reyndar eitt af því, sem
menn eiga erfíðast með að með-
taka, að undirstöðuuppgötvanir hafí
verið gerðar á Islandi og settar fram
á íslensku máli. En þetta verður því
skiljanlegra sem mönnum er betur
ljóst hvemig málið er farvegur
hugsunarinnar og svo hitt, hvernig
einmitt þetta tungumál hefur margt
myndað og geymt í tímans straumi,
sem önnur mál hafa glatað.
Hugleiðið enn fréttina frá Kon-
unglega stjömufræðifélaginu — og'
aðrar skyídar úr ýmsum áttum.
Látið nú einu sinni verða af því að
hugsa málið og spyija ykkur sjálf
(á laun) hvort þið eigið í rauninni
nokkur skynsamleg mótrök við því
sem hér var sagt!
ÞORSTEINN GUÐJÓNSSON,
talsmaður Félags nýalsinna.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samjiykkja þetta, ef ekki fylgir fyrirvari hér að lútandi. -