Morgunblaðið - 07.09.1995, Síða 6

6 FIMMTUDAGUR 7. SEPTEMBER 1995
MORGUNBLAÐIÐ
FRETTIR
Lagadeild fékk lagasafnið að gjöf en vantar fjármagn til tölvukaupa
Úthlutun í réttu hlutfalli
við fjölda kennaranna
Fjármagn leyfir ekki hraðari end-
urnýjun tölvukosts en á 4-5 ára fresti
LAGADEILD fær 1,3 milljónir á
þessu ári til tækjakaupa, að sögn
Gunnlaugs H. Jónssonar, fjármála-
stjóra Háskóla íslands, en í Morg-
unblaðinu á föstudag var greint frá
miklum skorti prófessora lagadeild-
ar á tölvum og Lagasafni Islands.
Ástæður skorts séu takmarkað
fjármagn innan HÍ. -
Guðmundur Þór Guðmundsson,
framkvæmdastjóri Aðgengis hf.,
segir gæta talsverðs misskilnings
í fréttinni, þar sem Aðgengi hf.
hafi í vor ákveðið að gefa lagadeild
Háskóla íslands Lagasafn Islands
í tölv.utækri mynd.
Gunnlaugur segir að verið sé að
byggja upp tölvunet fyrir allt svæði
Háskólans, og hafi Lögberg og
Læknagarður verið talsvert á eftir
öðrum byggingum að þessu leyti.
Það megi rekja að einhverju leyti
til áhuga einstakra deilda á að ýta
á eftir tölvuvæðingu.
Mest til raunvísindadeildar
„Núna fyrst seinustu ár hefur
gætt verulegs áhuga í lagadeild á
þessari tengingu. Það er stefna
HÍ að byggja upp tölvunet um allar
byggingar skólans, sem er ekki
hægt að gera samtímis. Búið er
að tengja flestar byggingar. Tölvu-
netið er greitt af framkvæmdafé,
sem eru tekjur af happdrætti HÍ,
og fjármagn til kaupa á tækjum
veltur því sjálfkrafa á hversu miklu
happdrættið skilar hvetju sinni.
Lagadeildin ætti að komast í sam-
band innan árs, myndi ég halda,
jafnvel nú í vetur,“ segir Gunnlaug-
ur.
Hann segir að föst fjárveiting
til tölvuvæðingar lagadeildar nemi
um 300 þúsund krónum, en einnig
hafi sérstaklega verið veitt einni
milljón króna úr sk. sérhæfðum
tækjakaupasjóði í vor til að efla
tölvukostinn. Líklega sé unnt að
kaupa 2-3 nýjar tölvur fyrir 300
þúsund krónurnar, en einnig þurfi
að endurnýja tölvukost og fjár-
magnið leyfí ekki öllu hraðari end-
urnýjun en á fjögurra til fímm ára
fresti. '
Dreifíng fjájrnagns til tölvu-
kaupa sé í réttu hlutfalli við fjölda
kennara í hverri deild, en síðan
starfí sérhæfður tækjakaupasjóður
og sérstök nefnd sem úthluti úr
honum til margvíslegra verkefna.
Raunvísindadeild sé með flesta
kennara og þar af leiðandi hæstu
fjárveitingu til tölvu- og tækja-
kaupa. Til þessa málaflokks sé veitt
um 10-12 milljónum króna og þar
af fari 2 milljónir til raunvísinda-
deildar, auk þess sem um 30 millj-
ónir séu í sérhæfða tækjakaupa-
sjóðnum.
Um tugur lagasafna
„Við gáfum lagadeildinni laga-
safnið í tölvutækri mynd og vorum
seinast í fyrrakvöld að setja safnið
í tölvu heima hjá einum prófessor
deildarinnkr. Þetta er allt saman í
vinnslu og við setjum safnið í tölv-
ur prófessoranna jafnóðum og þeim
berast nýjar tölvur með Windows-
stýrikerfi sem þeir eru að reyna
að kaupa. Safnið er nú þegar kom-
ið í vél á skrifstofu lagadeildar, hjá
forseta lagadeildar var það sett upp
í seinustu viku, það er hjá áður-
nefndum prófessor og að auki hjá
Orator, félagi laganema. Alls eru
þetta um einn tugur safna sem við
gefum lagadeildinni," segir Guð-
mundur Þ. Guðmundsson. „Ég held
raunar að lagadeildin hafí byijað
að velta fyrir sér tölvukosti sínum
eftir að við buðum þeim lagasafnið,
enda eru tölvumál þeirra í ólestri,"
segir Guðmundur.
Hann segir Aðgengi hf. hafa
rekið þá stefnu 'að gefa ýmsum
menntastofnunum safnið, þar á
meðal Samvinnuháskólanum á Bif-
röst og Bændaskólanum á Hvann-
eyri auk viðskiptadeildar HI og
lagadeildar. Hitt sé svo annað mál
að þessum aðilum stendur til boða
síðar meir að kaupa uppfærðar
útgáfur á Iagasafninu. Aðgengi hf.
vilji eiga gott samstarf við t.d. laga-
deild og viti að henni sé sniðinn
þröngur stakkur hvað varðar fjár-
mál. „Utlagður kostnaður okkar
er ekki mikill en þessar gjafír jafn-
gilda vissulega töpuðum tekjum því
að þessir aðilar hefðu keypt safnið
annars, fyrr eða síðar," segir Guð-
mundur.
Kartöfluuppskera
undir meðallagi
Syðra-Langholti - Farið er að taka
upp kartöflur í uppsveitum Árnes-
sýslu og hefur nokkurt magn ver-
ið sent á markað til Reykjavíkur
en farið verður að taka upp af
fullum krafti á næstu dögum.
Uppskera er í tæpu meðallagi, að
sögn Magnúsar H. Sigurðssonar í
Birtingaholti, eða um áttföld.
Hann sagði jafnframt að ef næstu
tvær vikur yrðu hlýjar gæti orðið
meðaluppskera.
Ekki hefur orðið neinn skaði
af næturfrosti enn sem komið er,
enda ekki frosið við jörð ennþá,
þó hafa kartöflugrös hrimað. Allir
stærri framleiðendur eru með
vatnsúðunarkerfi til að verjast
næturfrosti og hefur það oft kom-
ið sér vel. Sendnir árbakkar eru
best fallnir til kartöfluræktar
enda oft verið góð uppskera, sam-
anber í fyrra.
Heyskap er sums staðar ekki •
lokið í Árnessýslu, þeir sem biðu
eftir sprettu urðu einnig að bíða
eftir þurrki þar til nú fram í sept-
ember. Einnig hefur mörgum
reynst erfitt að þurrka hána en
ef þurrkur helst, sem verið hefur
heldur daufur síðustu daga, klár-
ast þetta á næstunni enda ekki
seinna vænna þar sem komið er
að fjallferð og réttum.
Sigurður Sigmundsson, frétta-
ritari Morgunblaðsins, myndaði
Magnús H. Sigurðsson að upp-
skerustörfum sl. sunnudag ásamt
konu sinni og börnum. Á innfelldu
myndinni eru þær mæðgur Guð-
björg Björgvinsdóttir og Ragn-
heiður Magnúsdóttir.
Áhugi Kínverja á
að fjárfesta í ál-
veri hér á landi
Kínverjar
leita víða
fyrir sér í
leit að áli
KÍNVERJA vantar ál og hafa
þeir talsvert leitað fyrir sér
um möguleika á að útvega
sér aðgang að álframleiðslu,
með kaupsamningum, þátt-
töku í byggingu álvera í öðr-
um löndum eða uppbyggingu
álvera í Kína, að sögn Andr-
ésar Svanbjörnssonar, yfir-
verkfræðings hjá Markaðs-
skrifstofu iðnaðarráðuneytis-
ins og Landsvirkjunar.
Kanna möguleika á
byggingu nýs álvers
Eins og fram hefur komið
hafa Kínveijar lýst áhuga á
að kanna möguleika á að fjár-
festa í álveri á íslandi, og
samkvæmt heimildum Morg-
unblaðsins beinist áhugi
þeirra að því að reisa hér
nýtt álver, en ekki að taka
t.d. þátt í stækkun álversins
í Straumsvík. Sérstök sendi-
nefnd frá Kína mun koma
hingað til lands ym miðjan
október til að kynna sér allar
aðstæður og ræða við ráða-
menn.
Raforka til álfram-
leiðslu dýr í Kína
Að sögn Andrésar hafa fá
fyrirtæki sýnt áhuga á þátt-
töku í byggingu álvera í Kína,
m.a. vegna þess hversu dýr
raforkan þar væri. „Kínverjar
hafa líka sýnt áhuga á að
kaupa gömul áiver og flytja
þau til Kína en það er mjög
erfitt að staðsetja þau þar og
.skapa þeim aðstöðu. Þeir eru
lengi að taka ákvarðanir um
þetta og hafa þess vegna
misst af mörgum tækifær-
um,“ sagði hann.
Fram kom í máli hans að
menn hefðu einnig haft á
orði í gamni að hugsanleg
skýring á áhuga Kínveija
kynni liggja í því, að Island
er eina Evrópulandið sem
hægt er að nefna á kínversku
en Kínveijar kalla ísland
Bing dao sem þýðir ísaeyja.
Hreppsnefnd kaus Sigríði Hrönn Elíasdóttur, fyrrum sveitarstjóra, oddvita Súðavíkurhrepps
ísafirði. Morgunblaðið.
ODDVITASKIPTI urðu á fundi hreppsnefnd-
ar Súðavíkur sem haldinn var á mánudag.
Sigmundur Sigmundsson frá Látrum í Isa-
fjarðardjúpi, sem gegnt hefur embættinu að
undanförnu, óskaði lausnar vegna heilsuf-
arsástæðna og var orðið við beiðni hans og
gengið til atkvæða um kosningu nýs oddvita.
Niðurstaða þeirrar kosningar varð sú að Sig-
ríður Hrönn Elíasdóttir, fyrrum sveitarstjóri,
fékk tvö atkvæði, Friðgerður S. Baldvinsdótt-
ir hreppsnefndarmaður eitt og einn seðill var
auður. Þegar Ijóst var að Sigríður Hrönn
hafði verið kjörin oddviti hreppsnefndar, lét
Heiðar Guðbrandsson hreppsnefndarmaður
bóka að hann gæti ekki setið fund undir nýrri
stjórn, og gekk þar með af fundi.
Samkvæmt upplýsingum Morgunblaðsins
voru fímmtán mál á dagskrá fundarins og
voru fyrstu tvö um afsögn oddvitans og ráðn-
ingu nýs oddvita. Þegar niðurstaða lá fyrir
um nýjan oddvita var bókað í hreppsnefnd:
„Heiðar vék af fundi og sagðist ekki treysta
sér til að sitja fundi undir þessari yfirstjórn."
Eftir að Heiðar gekk af fundi var gengið til
annarra dagskrárliða, og tók aðeins um tæp-
Hreppsnefndarmað-
ur gekk af fundinum
ar þijár klukkustundir að ljúka fundinum sem
fyrirfram hafði verið talið að gæti tekið tvo
daga.
Ákvað að slá til eftir vandlega íhugun
„Ég held að við fundarmenn höfum skilið
bókun Heiðars á þann veg að hann ætli ekki
að sitja fundi hreppsnefndar í vetur. Ég hef
verið að hugsa mig um í tvo mánuði, hvort
ég ætti að bjóða mig fram til oddvita eða
ekki og ákvað að slá til eftir vandlega íhugun
og þrátt fyrir allar þær aðdróttanir sem ég
hef fengið í minn garð frá Heiðari. Ég get
ekki svarað fyrir sveitarstjórn hvort hún sé
ánægð með þessa ákvörðun Heiðars, en ég
get sagt að það eru blendnar tilfínningar
þegar hamingjuóskum rignir yfir mann eins
og eftir fundinn á mánudag," sagði Sigríður
Hrönn í samtali við blaðið.
Útgangan byggir á einföldum hlutum
„Utganga mín byggir á mjög einföldum
hlutum. Hér hafa menn gefið út yfírlýsingar
í fjöimiðlum og m.a. má Iesa í Morgunblaðinu
10. ágúst grein þar sem mjög harkalega er
vegið að mér. Þar er lagt í það að hafa við-
tal við Sigríði Hrönn út af grein Rögnu Aðal-
steinsdóttur frá Laugarbóli, og svar Sigríðar
Hrannar er bara árás á mig. Morgunblaðið
hafði ekki fyrir því og hefur ekki gert ennþá,
að heyra mitt sjónarmið í málinu. Sigríður
hefur gefið það út í fjölmiðlum að hún vilji
láta rannsaka hvað olli því að ekki var gripið
til ráðstafana hér fyrir slys, en hún segir á
hreppsnefndarfundi einfaldlega eins og þeir
eru. Ég og Siguijón Samúelsson hreppsnefnd-
armaður óskuðum eftir því á sama fundi að
það verði rætt að óska eftir rannsókn á slys-
inu. Meirihlutinn felldi það að ræða málin og
ef málið er þannig að meirihlutinn treysti sér
ekki til að láta rannsaka það sem hann segir
í fjölmiðlum að hann vilji láta rannsaka, þá
er eitthvað að,“ sagði Heiðar Guðbrandsson
í samtali við Morgunblaðið.
Heiðar sagði að bókun hans mætti ekki
skilja þannig að hann myndi ekki starfa áfram
í hreppsnefnd. „Ég ætla að hætta í hrepps-
nefnd verði ég að biðjast lausnar sem sveitar-
stjórnarmaður. Þessi bókun mín segir það að
það sé einhver umþóttunartími sem ég hef
til að ákveða hvernig ég haga málum mínum
á næstunni. Ég á ekki von á því að Sigríður
sitji þarna þannig að það verði mér til traf-
ala,“ sagði Heiðar.
Á sama fundi var ákveðið að framlengja
ráðningarsamningi sem verið hefur í gildi við
Jón Gauta Jónsson sveitarstjóra til 15. októ-
ber nk., en þá mun nýráðinn sveitarstjóri,
Ágúst Kr. Björnsson, taka við starfinu.