Morgunblaðið - 21.02.1996, Page 8

8 MIÐVIKUDAGUR 21. FEBRÚAR 1996
MORGUNBLAÐIÐ
l-
FRÉTTIR
Verkefnaáætlun menntamálaráðuneytis birt í gær
Menntun standist saman-
burð við það besta erlendis
Morgunblaðið/Ásdís
BJÖRN Bjarnason menntamálaráðherra kynnir samstarfsmönn-
um sínum verkefnaáætlun ráðuneytisins á kjörtímabilinu.
VARÐVEISLA og efling íslenskrar
menningar, sögu og tungu er ann-
að meginmarkmiða í verkefnaáætl-
un menntamálaráðuneytis á yfir-
standandi kjörtímabili, sem Björn
Bjarnason menntamálaráðherra
lagði fram í gær, að höfðu sam-
ráði við ríkisstjómina. Hitt megin-
markmiðið er að íslenska skóla-
kerfið veiti menntun og þjónustu
sem standist samanburð við það
besta sem þekkist á alþjóðlegum
vettvangi.
í verkefnaáætluninni kemur
fram að til þess að ná fyrra mark-
miðinu sé nauðsynlegt að íslenska
ríkið leggi sitt af mörkum. „Skal
það gert með rekstri menningar-
stofnana, sem ekki er á færi ein-
staklinga að reka, og með stuðn-
ingi við einstaklinga sem vinna að
listsköpun, túlkun og kynningu á
list,“ segir þar. Til að ná síðara
markmiðnu verða námskröfur,
námstími og kennsluhættir ís-
lenskra skóla að taka mið af því,
sem best gerist meðal nágranna-
þjóða.
Björn Bjarnason menntamála-
ráðherra segir að nauðsynlegt sé
fyrir svo viðamikið ráðuneyti sem
menntamálaráðuneytið að draga
saman á einn stað öll þau verkefni
sem unnið sé að í ráðuneytinu.
„Hér er ekki endilega verið að
kollvarpa neinu heldur er þetta
gert meðal annars til þess að þeir
sem eiga samskipti við ráðuneytið
og starfa á vegum þess átti sig á
meginlínum þess.“
Endurskoðun námskrár
Stærsta verkefnið á sviði
menntamála á kjörtímabilinu er
endurskoðun námskrár fyrir
grunn- og framhaldsskóla. Meðal
annarra atriða sem lögð verður
áhersla á í verkefnaáætluninni og
ber keim af nýjabrumi er að auka
beri frelsi nemenda til að velja á
milli skóla og að leggja beri aukna
áherslu á upplýsingatækni i
menntakerfinu og menningarlíf-
inu. Þá kemur fram að mótaðir
verði staðlar bæði fyrir sjálfsmat
grunnskóla og mat utanaðkomandi
aðila á skólastarfi, auk þess þurfí
að móta víðsýna stefnu um sí-
menntun, endurmenntun og full-
orðinsfræðlsu.
Við námsgagnagerð verður lögð
áhersla á að nýta kosti margm-
iðlunar til að efla kennslu og auka
fjölbreytni í skólastarfí. Einnig er
tekið fram, að við framleiðslu
námsgagna skuli taka mið af opin-
berri stefnu um útboð og hlutverk
Námsgagnastofnunar endurskoð-
að í því ljósi.
Varðandi framhaldsskóla og
æðri menntastofnanir segir að
mótaðar verði almennar reglur um
verkaskiptingu milli framhalds-
skóla, unnið sé að rammalöggjöf
um háskólastigið, samið verði um
stofnun listaháskóla og unnið sé
að stofnun uppeldisháskóla.
Ákvörðun um tónlistarhús
Að því er varðar menningarmál
segir í verkefnaáætluninni að á
kjörtímabilinu verði tekin ákvörð-
un um hvort reisa skuli tónlistar-
hús. Að auka þurfi fjárhagslegt
sjálfstæði menningarstofnana og
svigrúm þeirra til að afla sér sér-
tekna. Einnig kemur fram að vinna
við endurskoðun laga um lista-
mannalaun sé hafin og endurskoð-
un leiklistarlaga standi yfir.
Tekið er fram að á sviði fjölmiðl-
unar verði samkeppni að vera með
þeim hætti að einkafyrirtæki
standi jafnfætis þeim opinberu.
Skilgreina beri hlutverk ríkisins á
þessu sviði í ljósi breyttra að-
stæðna og með menningarlegar
skyldur þess að leiðarljósi. „Inn-
heimta afnotagjalda Ríkisútvarps-
ins hefur sætt gagnrýni og ber að
huga að endurskoðun hennar við
setningu nýrra úrvarpslaga,“ segir
í verkefnaáætluninni.
Fjáröflunardagur Rauða kross íslands
Ágóði fer til
bókakaupa
sjúkrahúsa
Sigurveig H.
Sigurðardóttir
SKUDAGUR hefur
til langs tíma verið
fjáröflunardagur
hjá Rauða krossi íslands
en deildirnar eru orðnar
fimmtíu talsins og félagar
átján þúsund.
Bókabúð Máls og menn-
ingar leggur Kvennadeild
Rauða krossins í Reykja-
vík lið að þessu sinni með
svokallaðri bókahringrás.
„Fólk getur komið og gef-
ið bækur, sem það er hætt
að lesa, í verslanir Máls
og menningar í Síðumúla
eða við Laugaveg. Síðan
verða bækurnar seldar á
500 krónur kílóið fram á
næsta mánudag. Allur
ágóði sem verður af þess-
ari sölu mun renna til
Kvennadeildar Reykjavík-
urdeildar Rauða kross ís-
lands og verður honum
varið til að bæta aðbúnað á
bókasöfnum sjúkrahúsanna og
kaupa á nýjum bókum fyrir þau.
„Kvennadeild Reykjavíkur-
deildar Rauða krossins er þrjátíu
ára á þessu ári og forráðamenn
bókaverslunar Máls og menning-
ar ákváðu að þessu sinni að
gefa henni ágóðann af þessari
uppákomu hjá verslununum",
segir Sigurveig H. Sigurðardótt-
ir, sem er formaður kvennadeild-
ar Reykjavíkurdeildar Rauða
krossins. „í dag, miðvikudag, og
á laugardag verða fulltrúar frá
kvennadeild Reykjavíkurdeildar
Rauða krossins með kynningu á
starfsemi sinni í báðum verslun-
um Máls og menningar."
Þrjú hundruð virkir
sjálfboðaliðar
► Sigurveig H. Sigurðar-
dóttir er fædd 1. september
árið 1954. Hún lauk námi í
félagsráðgjöf frá Gautaborg-
arháskóla árið 1979 og starf-
ar nú sem félagsráðgjafi hjá
öldrunarlækningadeild
Landspítalans. Sigurveig er
formaður Kvennadeildar
Reykjavíkurdeildar Rauða
kross íslands og er varafor-
maður Reykj avíku rdeildar
Rauða krossins. Þá sinnir hún
stjórnarformennsku í
Foldabæ sem er stoðbýli fyrir
aldraða með heilabilun. Eig-
inmaður Sigurveigar er
Sveinn Hjörtur Hjartarson
hagfræðingur og eiga þau
þrjú börn.
Sigurveig segir að Kvenna-
deild Reykjavíkurdeildarinnar
hafi um 700 sjálfboðaliða á sínum
snærum og þar af sinna nálægt
þijú hundruð þeirra virku sjálf-
boðastarfi og vinna vikulega við
bókasöfn eða sölubúðir á sjúkra-
húsunum svo og við heimsóknir
til aldraðra. Auk þess hittast
margar konur vikulega til að
föndra fyrir jólabasar og sumar
baka líka fyrir hann. Basartekj-
um er varið til bókakaupa og
lögð er áhersla á að fá inn á
bökasöfnin nýjar bækur, sérstak-
lega fyrir jólin. „Að meðaltali
lánum við út rúmlega tuttugu
þúsund bækur og hljóðbækur á
hveiju ári. Við rekum bókasöfn
á stóru sjúkrahúsun- ---------
um, sjúkrahóteli
Rauða krossins og
Grensásdeildinni."
Sigurveig segir að
ágóða af sölubúðum
kvennadeildarinnar sé
varið til kaupa á ýms- ———
um lækninga-, og rannsóknar-
tækjum fyrir sjúkrahúsin.“
Heimsækja
aldraða vikulega
Heimsóknarþjónusta til aldr-
aðra hefur í rúm tuttugu ár ver-
ið rekin á vegum deildarinnar
og nú eru það um 20 aldraðir
sem eru heimsóttir vikulega af
konum í deildinni. „Það kemur
fyrir að aldraðir hringi sjálfir til
okkar og biðji um aðstoð við
innkaup eða annað í þeim dúr
Nálægt þrjú
hundruð kon-
ur sinna viku-
legu sjálf-
boðastarfi
en einnig fáum við ábendingar
frá sjúkrahúsum þegar verið er
að útskrifa roskna sjúklinga,“
segir Sigurveig. „Konurnar okk-
ar fara og lesa fyrir aldraða,
fara í stuttar gönguferðir með
þeim eða bara sitja og spjalla.“
Námskeið fyrir
sjálfboðaliða
- Hvaða skilyrði þurfa sjálf-
boðaliðar ykkar að uppfylla?
„Þetta eru konur á öllum aldri,
alveg frá þrítugu og upp úr. Þær
hafa samband við kvennadeild-
ina ef þær hafa áhuga á sjálf-
boðastarfi og við höfum af og
til verið með námskeið þar sem
veitt er fræðsla af ýmsum toga
fyrir þær konur sem
vilja koma og vinna
með okkur. „Þetta er
mjög góður félags-
skapur og gefandi að
fá að vinna að þessu
________ sameiginlega markm-
iði við að aðstoða þá
sem með þurfa.“
Sigurveig segir að félagsstarf
kvennadeildarinnar sé líka blóm-
legt, konurnar hittist þrisvar til
íjórum sinnum á ári og fá þá
til sín fyrirlesara með fræðslu-,
eða skemmtiefni. Á sumrin er
farið út fyrir bæinn í dagsferð
og síðan hittast auðvitað margar
konur vikulega þegar þær koma
saman til að föndra. Þá hafa
verið haldin bridsnámskeið og
námskeið í skyndihjálp fyrir fé-
lagskonur af og til.“

I.
I
I
»
|
1
i
i
6
8
1
fl
e
e
i
t
|
N
<
M
N
m
I