Morgunblaðið - 21.02.1996, Blaðsíða 36

Morgunblaðið - 21.02.1996, Blaðsíða 36
36 MIÐVIKUDAGUR 21. FEBRÚAR 1996 MORGUNBLAÐIÐ Dýraglens Slc/LTIÐETTÍr SRtt-ABoS\ fl/VÆ, lMA, þarTAeÁ /t ETT/RHL TÓÐMERtaNU, > ■ / Ann/ ’ KL !&// Grettir Tommi og Jenni Óbreyttur Snati biður Valentínusardagur Hermennirnir vilja fá að vita Sveiattan! um leyfi til að tala við er á morgun, hvort við megum fara í bæinn höfuðsmanninn... herra... og kaupa Valentínusargjafir. BREF TIL BLAÐSINS Kringlan 1103 Reyig'avík • Sími 5691100 • Símbréf 569 1329 • Netfang:lauga@mbl.is Einlitar umræður um sameiningu sveitarfélaga Frá Svanbjörgu Sigurðardóttur: TILEFNI þess að ég sting niður penna er umræðuþáttur í morgun- útvarpinu 10. febrúar um samein- ingu sveitarfélaga. Ég hef oft undr- ast þegar þessi mál hefur borið á góma hvað þau eru lítið rædd nema frá einni hlið. Þó hljóta öll mál að hafa bæði kosti og galla og margar hliðar. Það er alls óvist að þetta sé það bjargráð sem það á að vera. A Seyðisfírði hefur til dæmis fækkað um hartnær 20% þessi 6 ár sem lið- in eru síðan hreppurinn var samein- aður með valdboði. Stundum heyrast jafnvel raddir segja í háðslegum lítilsvirðingartón að þetta sé eitthvert tilfínningamál. Tilfinningar lítilmagnans skipta svo litlu ef sá stóri hefur sitt fram. ís- lendingar eru ótrúlega áfjáðir í að líkja eftir erlendri fyrirmynd, sama hvernig hún reynist erlendis. Aðeins þegar kemur að fyrirmyndinni í Bandaríkjunum, þingmannslaus Washington, er þagað. Þó vilja Is- lendingar, þessi fámenna þjóð, hafa atkvæðisrétt á við milljónaþjóð. Ég hygg að andstaða lítilla sveit- arfélaga stafí oft af því hvort þau stærri eru velviljuð í þeirra garð eða ekki. Ég tala hér áf eigin reynslu. Þegar ég man fyrst eftir hallaðist ekki eins mikið á um sveitina um Seyðisfjörð og sveitina við Norðfjörð og nú er orðið. Ég held að mér sé óhætt að segja að Norðfirðingar hafi alltaf verið stoltir af sinni sveit og viljað búa sem mest að sínu og hlúa að sveitinni sinni. Hún ber þess líka merki. Kaupfélagsstjórinn þar var lika ákaflega hlynntur bændum. Það kom vel fram eitt sinn þegar illa áraði og bændur þurftu að fækka kúm. Hann ákvað þá að borga þeim 1 kr. meira á lítra svo þeir gætu keypt fóðurbæti og þyrftu ekki að fækka kúnum. Hér í Seyðisfjarðarhreppi var á síldarárunum reist síldarbræðsla mjög fullkomin. Þetta fór óskaplega fyrir bijóstið á ráðamönnum bæjar- ins. Mér er nær að halda að óðagot- ið við að rífa hana niður, áður en farið var að bræða loðnu, hefði ekki verið jafnmikið hefði viðhorf bæjar- stjórnar verið jákvæðara. Það þótti betri kostur að hafa verksmiðju á þekktu snjóflóðahættusvæði, en nýta það athafnasvæði sem er hér út með firði. Endirinn varð því miður sá að verksmiðjan varð snjófióði að bráð. Nú er svo komið að báðar þessar verksmiðjur eru farnar burt af staðn- um. Eitt hefur undrað mig mjög og það er hvað Seyðfirðingar eru sáttir við að vera endastöð. Næstum hvar sem er um landið liggur vegur með sjó þar sem fært er. Hér heyrast aldrei raddir um það að menn hafi áhuga fyrir að komast í vegasam- band við Borgarfjörð til dæmis. Slíkt hlyti þó að vera áhugavert og ekki síst gagnvart ferðamennsku. Aðeins heyrast raddir um að ekki megi leggja vegi vegna umhverfissjónarm- iða, ekki einu sinni reka niður staura. Þegar svo er komið hlýtur allt at- hafnalíf undan að láta. Það er ósk mín og von að Seyðfirðingar fari að bera gæfu til að sjá lengra en út að ruslahaugum og atvinnulíf í hvaða mynd sem er megi blómgast og vaxa um Seyðisfjörð allan. SVANBJÖRG SIGURÐARDÓTTIR, Hánefsstöðum, Seyðisfirði. Saga Skeggjastaða Frá Bjama Ólafssyni: SKEGGJASTAÐIR. Kirkja og prest- ar 1591-1995. Sigmar I. Torfason tók saman og gaf út, í samvinnu við Mál og mynd sf. Hér er um að ræða sögu Skeggja- staða. Taldar upp kirkjur sem þar voru byggðar og heimildir eru til um. I bókinni er einnig rakið presta- tal og æviatriði þeirra presta sem setið hafa staðinn, eftir því sem heimildir entust. Bókin er 199 blað- síður með heimildaskrá, myndaskrá og nafnaskrá. Hún er seld í Kirkju- húsinu. Bókin er skrifuð og heimildum safnað af séra Sigmari I. Torfasyni prófasti, er var prestur Skeggja- staðasóknar frá 1. júní 1944 til þess dags er hann varð sjötíu ára hinn 15. ágúst 1988. Það er seinlegt og mikið verk að safna saman sögulegum heimildum á borð við þetta rit séra Sigmars og víða hefur þurft að leita fanga. Séra Sigmar er þannig gerður að hann vandar öll sín störf og lætur ekkert frá sér fara nema hann sé viss um að rétt sé frá sagt. Þannig þarf líka söguritun að vera unnin, svo að treysta megi ritinu. Maður spyr sjálfan sig: Hvað verður til þess að prestur situr árum saman við að leita, upplýsinga, heimilda, bréfa og skjala? Hann ræðir við fjölda fólks, spyr og leitar? Tæplega getur verið af öðru en að það sé áhugi prestsins á sókn sinríi, kirkjunni og mannlífi sem henni tengist. Skeggjastaðakirkja í Bakkafirði er talin vera ein af merkustu kirkj- um frá síðustu öld. Hún var byggð 1845 og varð því 150 ára á síðast- liðnu ári. Óhætt er að segja að prest- urinn, sem þjónað hefur Skeggja- staðasókn svo lengi, hafi fært söfn- uði og kirkju veglega afmælisgjöf á minningarári. Það er fengur að geta gripið sögu kirkjunnar til þess að finna svör við spurningum sem vakna kunna í samræðum og við störf komandi kynslóða. í bókinni eru 20 myndir sem varða þessa sögu. Höfundur tileinkar Skeggjastaða- söfnuði þessa bók. BJARNI ÓLAFSSON, Fálkagötu 3, Reykjavík. Allt efni sem birtist í Morgunblaðinu og Lesbók verður framvegis varðveitt I upplýsingasafni þess. Morgunblaðið áskilur sér rétt til að ráðstafa efninu það- an, hvort sem er með endurbirtingu eða á annan hátt. Þeir sem afhenda blaðinu efni til birtingar teljast samþykkja þetta, ef ekki fylgir fyrirvari hér að lútandi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.