Morgunblaðið - 31.03.1996, Blaðsíða 26

26 SÚNNUDAGUR 31. MARZ 1996
MORGUNBLAÐIÐ
KVIKMYNDIR/Stjörnubíó sýnir myndina Vonir og væntingar, Sense and Sensibility,
. _ . — ——— — —
sem gerð er eftir skáldsögu Jane Austen. Myndin var tilnefnd til 7 Oskarsverðlauna og
hreppti þau fyrir besta handritið eftir áður birtu efni. Leikstjóri myndarinnar er Ang Lee
og með aðalhlutverk fara Emma Thompson, Kate Winslet, Hugh Grant og Alan Rickman.
Ást, svik og
örvænting
Imyndinni Sense and Sensib-
ility, eða Vonir og væntingar
eins og hún kallast á íslensku,
er sögusviðið Engiand á síðari
hluta 18. aldar, en myndin er
gerð eftir fyrstu skáldsögu Jane
Austen, sem hún skrifaði árið
1795. Myndin fjallar um raunir
Dashwood-systranna, hinnar
jarðbundnu Elinor (Emma
Thompson), og draumóramann-
eskjunnar Marianne (Kate Winsl-
et), sem bæði er tilfinningarík og
ástríðufull. Þegar faðir þeirra fell-
ur frá gengur fjölskylduauðurinn
til elsta bróður þeirra og fjöl-
skyldu hans, en systurnar verða
að spjara sig með móður sinni
og yngri systur. Þær leita eftir
hentugu mannsefni og verður
Elinor ástfangin af hinum ófram-
færna Edward (Hugh Grant) og
Marianne fellur fyrir glæsimenn-
inu Willoughby (Greg Wise), en
hún lítur hins vegar ekki við hin-
um trausta Brandon liðþjálfa
(Alan Rickman), sem er yfír sig
ástfanginn af henni. Á ýmsu
gengur í lífi systranna og margt
fer öðru vísi en ætlað er þar til
þær að lokum finna hamingjuna
og hinn rétta lífsförunaut.
Sense and Sensibility var tii-
nefnd til Óskarsverðlauna sem
besta myndin, og fyrir bestu leik-
konuna í aðalhlutverki (Thomp-
son), bestu leikkonuna i aukahlut-
verki (Winslet), handrit eftir áður
birtu efni, kvikmyndatöku, bún-
inga og tónlist, en hún hlaut ein-
ungis verðlaunin fyrir handritið,
sem Emma Thompson skrifaði:
Leikstjóri myndarinnar er Ang
Lee, sem er frá Tæwan, en hann
sló í gegn fyrir gamanmyndina
The Wedding Banquet, sem til-
nefnd var til Óskarsverðlaunanna
1993 sem besta erlenda myndin.
Næsta mynd hans var svo Eat
Drink Man Woman, sem tilnefnd
var til Óskarsverðlaunanna ári
síðar. Nokkra athygli vakti að
Lee skyldi vera boðið að leikstýra
svo breskri mynd sem Sense and
Sensibility er, en honum þykir
hins vegar hafa tekist afburðavel
að koma sögunni til skila á sann-
færandi hátt og þótti mörgum
hann eiga skilið að fá tilnefningu
til Óskarsverðlauna fyrir leik-
stjórnina, en af því varð þó ekki.
Fjöldi þekktra leikara fer með
hlutverk í myndinni, bæði stór
og smá. Kate Winslet er aðeins
tvítug að aldri og sló í gegn í
nýsjálensku myndinni Heavenly
Creatures, en hún hafði áður leik-
ið í fjölda sjónvarpsmynda og
vakið þó nokkra athygli. Næstu
BRANDON liðþjálfi (Alan Rickman) er yfir sig ástfanginn af Marianne. Systurnar Elinor (Emma
Thompson) og Marianne (Kate Winslet) ganga í gegnum ýmsar raunir í ástamálunum.
ELINOR verður ástfangin af hinum óframfærna
Edward (Hugh Grant).
myndir sem hún sést í á hvíta
tjaldinu eru Jude the Obscure og
Hamlet. Alan Rickman sem leikur
Brandon liðþjálfa í myndinni vakti
fyrst verulega athygli þegar hann
lék illmennið í fyrstu Die Hard-
myndinni árið 1988 og þá þótti
hann vera senuþjófur myndarinn-
ar um Hróa hött þar sem Kevin
Costner fór með aðalhlutverkið.
Hann hefur nýlega lokið við að
leika í myndinni Michael Collins
sem Neil Jordan leikstýrði, en í
henni leikur Rickman á móti Liam
Neeson og Juliu Roberts. Meðal
annarra þekktra leikara í mynd-
inni eru Gemma Jones sem leikur
móður systranna og leikið hefur
í fjölda kvikmynda og sjónvarps-
myndum, Hugh Grant og Hugh
Laurie, sem sennilega er þekkt-
astur fyrir hlutverk sitt sem
Bertie Wooster í sjónvarpsþátt-
unum um þjóninn Jeeves.
Með leikara-
blóð í æðum
AÐ kom fáum á óvart að
Emma Thompson skyldi
hreppa Óskarsverðlaunin fyrir
handrit sitt að kvikmyndinni
Sense and Sensibility, en áður
hafði hún hlotið Golden Globe-
verðlaunin fyrir handritið.
Þetta eru önnur Óskarsverð-
launin sem Emma hlýtur og
þegar hún veitti þeim viðtöku
tileinkaði hún þau Ang Lee,
leikstjóra Sense and Sensibi-
lity. Emma hlaut verðlaunin í
fyrra skiptið árið 1993 sem
besta leikkona í aðalhlutverki
fyrir hlutverk sitt í Howard’s
End, en hún var einnig tilnefnd
til verðlaunanna árið 1994 fyr-
ir hlutverk sitt í The Remains
of the Day og svo enn aftur
fyrir hlutverk sitt í Sense and
Sensibility. Breski leikarinn
Sir Anthony Hopkins afhenti
henni Óskarsverðlaunin í bæði
skiptin, en þau léku einmitt
aðalhlutverkin í myndunum
Howard’s End og The Remains
of the Day.
Það var Lindsay Doran,
framleiðandi Sense and Sens-
ibility, sem fékk Emmu til að
skrifa handritið að myndinni,
en þær kynntust árið 1990 við
gerð myndarinnar Dead Ag-
ain. Hún gat hins vegar ekki
komið sér að verki fyrr en hún
var búin að sannfæra sjálfa sig
um að kvikmynd yrði aldrei
gerð eftir handritinu. Hún
handskrifaði í byijun rúmlega
300 blaðsíðna uppkast en varð
að stytta það verulega og ein-
falda flókinn söguþráðinn. En
eftir nokkrar hreinskriftir öðl-
aðist handritið smám saman
líf, en samtals tók það hana
fimm ár með hléum að fullgera
handritið. Emma segíst fegin
að það skuli hafa tekið svo
langan tíma því þótt hún hafi
verið að sinna öðrum verkefn-
um hafi sagan alltaf verið í
undirmeðvitundinni, og þetta
hafi kennt henni að koma bet-
ur auga á gallana þegar hún
sneri sér aftur að skriftunum
eftir nokkurt hlé.
Emma Thompson er fædd
15. apríl 1959 í London og á
hún ættir að rekja til leikhús-
fólks. Móðir hennar er leikkon-
an Phyllidia Law og faðir
hennar var Eric Thompson
leikari og leikstjóri, sem nú
er látinn. Emma var strax í
æsku staðráðin í að verða leik-
ari. Hún segir foreldra sína
ekki hafa meðvitað ýtt undir
það val, en þau hafi ávalit stutt
sig í hveiju sem hún tók sér
fyrir hendur. Þó segist hún
viss um það að börn leikara
njóti þeirrar sérstöðu í stétt-
inni að þjást síður af sviðssk-
rekk en aðrir.
Leikferil sinn hóf Emma
sem gamanleikkona í leikhópi
stúdenta við Cambridge-
háskóla, þar sem hún nam
enskar bókmenntir. Allt frá
fyrstu sýningu var hún stjarn-
an í hópnum og virkaði hún á
áhorfendur eins og atvinnu-
maður í hópi áhugafólks. Sjálf
segist Emma fyrst og fremst
vera skapgerðarleikkona og
venjulegt útlit sitt geri sig
hæfari en ella til að fara með
margvísleg hlutverk. Mesta at-
hygli vakti hún þó í upphafi
ferils síns sem gamanleikkona,
en hún vann um skeið fyrir sér
sem skemmtikraftur á sviði og
sem slík vakti hún meðal ann-
ars athygli í sjónvarpi.
Emma giftist leikaranum og
leikstjóranum Kenneth Bran-
agh árið 1989, en þau skildu
síðastliðið haust. Ferill þeirra
var lengst af samofinn og stóð
hún að mörgu leyti í skugga
eiginmannsins. Hann leikstýrði
mörgum fyrstu myndanna sem
hún Iék í, auk þess að vera
sjálfur aðallcikari og allt þar
til hún sló í gegn í Howard’s
End var hún í augum flestra
fyrst og fremst eiginkona
Kenneths Branagh. Emma lék
i fyrsta skipti á móti Branagh
í London í leikriti Johns Os-
borne, Horfðu reiður um öxl,
en hún var þá í leikhóp Bran-
aghs sem nefnist Renaissance
Theatre Company. Meðal sjón-
varpsþátta sem hún lék í er
framhaldsþátturinn Fortunes
of War, þar sem hún lék á
móti Branagh, og þátturinn
Tutti Frutti, en einnig var hún
um skeið með eigin þátt,
Thompson, þar sem hún flutti
frumsamið efni. Þá lék hún
sem gestaleikari í einum þætti
bandaríska sjónvarpsþáttarins
Staupasteins.
Þær kvikmyndir sem Emma
Thompson hefur leikið í til
þessa eru The Tall Guy (1989),
þar sem Jeff Goldblum var í
aðalhlutverki, Henry V (1989),
þar sem Branagh var leikstjóri
og aðalleikari, Impromptu
(1991), þar sem hún lék m.a. á
móti Hugh Grant, Dead Again
(1991), þar sem Branagh var
leiksljóri og aðalleikari, Pet-
er’s Friends (1992), sem Bran-
agh leikstýrði og fór með eitt
aðalhlutverkanna, Howard’s
End (1992), þar sem hún Iéká
móti Anthony Hopkins, The
Remains of the Day (1993), þar
sem hún lék aftur á móti Hopk-
ins, Much Ado About Nothing
(1993), sem Branagh leikstýrði
og lék aðalhlutverkið í, In The
Name of the Father (1993), þar
sem Daniel Day-Lewis fór með
aðalhlutverkið, My Father the
Hero (1994), en í þeirri mynd
lék hún á móti Gerard Dep-
ardieu, Junior (1994), þar sem
Arnold Schwarzenegger fór
með aðalhlutverk á móti
Emmu, Carrington (1995), þar
sem hún lék á móti Jonathan
Pryce, Sense and Sensibility
(1995) og næsta mynd hennar
er The Well of Loneliness.