Morgunblaðið - 12.05.1996, Blaðsíða 23
MORGUNBLAÐIÐ
SUNNUDAGUR 12. MAÍ 1996 23
ingsins, nær yfir fimm vikur. Farið
verður frá Frankfurt 10. maí til
Katmandu, höfuðborgar Nepal.
Þaðan er farið í tvær dagsferðir
upp í fjöll til að hefja hæðaraðlögun
en svo hefst ökuferð eftir nýlegum
vegi sem tengir Katmandu við höf-
uðborg Tíbets í norðri, Lasha. Eft-
ir tveggja daga ökuferð verður
dvalið tvo daga í tíbetska bænum
Nyalam (3.750 m) og farið þaðan
í fjallgöngur upp undir 5.000
metra. Enn verður ekið í vestur,
og nú meðfram norðurhlíðum Him-
alaya, yfír tvö 5.100 metra fjalla-
skörð til þess staðar í óbyggðum
sem kínverski leiðangurinn er fyrst
kleif fjallið árið 1964 notaði á sín-
um tíma. Þar hittir leiðangurinn
Tíbeta með 30-40 yakuxa til þess
að flytja farangur um 40 km leið
í snjó og jökulurð upp í 5.700 m
hæð. Frá Katmandu fylgja okkur
ijórir Sherpar með langa reynslu
sem aðstoðarmenn á háfjöllum.
Þeir munu hjálpa til við burðinn
áfram upp í Búðir 1 (6.300 m),
Búðir 2 (6.900 m) og loks í Búðir
3 (7.400 m). Þangað þurfa að fara
tjöld, matarbirgðir, persónulegur
farangur, sjúkragögn, sími og
margt fleira, nokkur hundruð
kílógrömm alls. Væntanlega er lið-
ið fram yfir mánaðamót maí-júni
þegar hér verður komið sögu.
Eftir að Búðir 3 hafa verið reist-
ar hafa leiðangursmenn rúma viku
til þess að komast á tindinn, tæpum
700 metrum ofar (hátt í ein Esja).
Ræðst af veðri, snjó- og ísaðstæð-
um og ásigkomulagi ijallamann-
anna hvernig til tekst. Sjálfur held
ég að teljast megi gott ef mér bjóð-
ast helmingslíkur á að komast alla
leið. Sagt er að af hátindi Sisha
Pangma sjáist vítt yfír Tíbet og
Nepal, m.a. fjallarisarnir Makalu,
Everest og fjallið sem félagar mín-
ir í ÍSALP klifu sl. haust með glæsi-
brag: Cho Oyu. Fjallamenn gera
stuttan stans í efstu hæðum þegar
komið er yfír 8.000 metra. Gildir
þar að mikið fæst fyrir lítið.
Dagrún með í för
Tilgangurinn með þátttöku ís-
lendinga í leiðangrinum Sisha
Pangma er ekki eingöngu að ná
nýjum áfanga í fjallamennsku, þótt
ekki teljist áfanginn stór. Hitt er
jafnmikilvægt að áhugaverðar
mælingar fara fram meðan á för-
inni stendur.
Menn muna ef til vill að ég og
Ragnar Th. Sigurðsson fórum um
norðvesturhéruð Kanada og um
Grænland á leið á norðurpólinn í
fyrra. Þá bar ég með mér mæli-
tölvu frá íslenska fyrirtækinu
Hugrúnu. Verkefnið var unnið í
samvinnu við Rannsóknastofu í líf-
eðlisfræði við Háskóla íslands og
þá prófessorana Jóhann Axelsson
og Stefán Sigmundsson, auk MAX
sem framleiðir kuldafatnað. Tölvan
fylgist m.a. með hjarta, streitu;
kjarnahita, húðhita og lofthita. I
hverri flík sem ég klæddist voru
aðrir hitanemar. Tölvan skráir
samfellt allan sólarhriginn í 8 daga
og munu mæligögnin, úr afar köldu
umhverfínu þarna norðurfrá, vera
næsta einstæð. Niðurstöðurnar
sem verið er að vinna úr um þessar
mundir veita mikilvægar upplýs-
ingar um skjólfatnað og viðbrögð
líkamans við kuldaálagi.
í ferðinni á Sisha Pangma verð-
ur tölvan Dagrún aftur innanklæða
og öll víraflækjan sem henni fylgir,
verður á sínum stöðum. í ráði er
að skrá tvisvar sinnum 8 daga
mælisyrpur og bæta við nemum,
s.s. loftþrýstingsnema og mæli sem
gefur súrefnisinnihald lofts til
kynna. Verður þar með unnt að
fylgjast með viðbrögðum líkamans
við aukinni hæð og töluvert harð-
leiknu veðurfari í 4.000-8.000
metra hæð. Fást með þessu móti,
ef allt gengur vel, önnur og álíka
einstæð mæligögn sem gagn ætti
að vera að. Dagrún er ekki fyrir-
ferðarmikil og blessunin fer vel
bæði innanklæða og í svefnpoka.
Ýmiss konar prófanir og saman-
burðarmælingar hafa farið fram
að undanfömu og er orða sannast
að þessi þáttur leiðangursins er
síst minna tilhlökkunarefni en sjálf
fjallgangan.
GREINARHÖFUNDUR í Babu Base Camp, grunnbúðunum í
leiðangri á Istor-O-Nal í Pakistan 1992.
Flestir ef ekki allir háfjallaleið-
angrar frá íslandi hafa stuðst við
fjárframlög stofnana og fyrirtækja.
Svona ferðir eru dýrar og vart á
færi nema fárra einstaklinga, vilji
þeir standa að þeim einir. Mörg
íslensk fyrirtæki hafa kómið við
sögu frá því seint á 8. áratugnum,
þegar nútíma ferðir á háfjöll hófust
með för nokkurra íslendinga á
McKinley-fjall í Alaska. Framlögin
eru yfirleitt fremur hófsamlegar
peningaupphæðir eða búnaður og
matur eða einhvers konar fyrirgre-
iðsla.
Að þessu sinni koma nokkur fyr-
irtæki og stofnanir við sögu, þótt
ekki hafi tekist að fjármagna leið-
angurinn að fullu, enn sem komið
er. Ber að nefna árangur af sam-
vinnu Landsbankans og Rannsókn-
arstofunnar í lífeðlisfræði, sam-
vinnu MAX og sömu stofnunar og
framlag Eimskipa. Morgunblaðið
styrkir förina með fyrirframgreidd-
um höfundalaunum. Seglagerðin
og verslunin Ægir styrkja ferðina
og Pharmaco, Safalinn, GYM80,
Snorri Hjaltason hf. og Glófinn á
Akureyri leggja sitt af mörkum.
Enn eiga nokkur fyrirtæki og
stofnanir eftir að svara beiðni um
stuðning. Það var því ekki furða,
þegar stjómendur Amical Alpin
heyrðu af íjármögnun hinnar ís-
lensku þátttöku, að þeir skrifuðu í
myndbréfi til mín: - Okkur sýnist
hálft Island koma við sögu þessa
leiðangurs.
Árangurinn kemur í ljós í tveim-
ur greinum í Morgunblaðinu eftir
2-3 mánuði og í fréttum væntan-
lega nokkru fyrr.
Höfundur erjarðfræðingur og
fjallamnður.
Brött í bústað og glöð við grillið
Mánaðarnámskeið, þrisvar í viku. Hefjast þriðjudaginn 14. maí kl.18.00
Hressingarhópur
Fyrir þá sem hafa hreyft sig lítið og
vilja byrja rólega. Byrjað er á þol-
mælingu og síðan verða göngu-
ferðir, leikfimi, tækjaþjálfun, slökun
og ýmislegt óvænt á dagskránni.
Hópstjóri: Jóhanna Guðlaugsdóttir,
íþróttakennari og sjúkraþjálfari.
Matur og hreyfing
Hópur sem stundar þol, styrktar og
liðleikaþjálfun i tækjum og leikfimi
auk slökunar og jóga en fær að
auki leiðbeiningar um hollt og gott
mataræði.
Hópstjóri: Anna Sigga Ólafsdóttir,
næringar- og þolfimileiðbeinandi.
z fflm
* 8
o
- m
i _
Betri í baki
Hópur fyrir þá sem hafa óþægindi í
hálsi, herðum og baki. Alhliða
styrktar- og þolþjálfun með sérstakri
áherslu á æfingar sem geta unnið
gegn þessum óþægindum. Slökunar-
þjálfun.
Hópstjóri: Sólrún Óskarsdóttir,
sjúkraþjálfari.
Knáar konur
Æfingahópur kvenna í Skipholti.
Alhliða líkamsþjálfun með leikfimi,
tækjaþjálfun, jóga og hressingar-
göngu.
Hópstjóri: Jóhanna Guðlaugsdóttir.
Námskeiðið hefst miðvikudaginn 15.
maí kl. 18.00.
Máttur Skipholti 50a sími 581 4522
V/SA
Faxafeni 14 • Sími 568 9915
VISA
I
I
I