Morgunblaðið - 07.06.1996, Blaðsíða 14

14 FÖSTUDAGUR 7. JÚNÍ 1996
MORGUNBLAÐIÐ
AKUREYRI
Byggingafulltrúi
Skjótari
afgreiðsla
á leyfum
NÝ samþykkt fyrir byggingafull-
trúann á Akureyri sem samþykkt
var í bæjarstjórn fyrir nokkru tekur
gildi á mánudag, 10. júní. Sam-
kvæmt henni geta þeir sem sækja
um byggingaleyfi og leyfi fyrir
breytingum vænst þess að fá skjót-
ari afgreiðslu en verið hefur, en
stefnt er að því að mál sem koma
til afgreiðslu byggingafulltrúa verði
afgreidd innan viku, eða fimm
vinnudaga frá því þau berast.
Byggingafulltrúi mun geta af-
greitt allar umsóknir sem uppfylla
ákvæði laga og reglugerða, fyrir
nýbyggingar, breytingar og viðbæt-
ur, löggildingu iðnmeistara og
fleira. Umsækjendur þurfa ekki að
bíða afgreiðslu bygginganefndar.
Sætti umsækjandi sig ekki við
afgreiðslu embættisins getur hann
áfrýjað henni til bygginganefndar.
Áfrýjanir skulu þá berast bæjarlög-
manni innan 14 daga frá því að
skriflegt svar embættisins hefur
borist. Þá er einnig opin áfrýjunar-
leið til umhverfisráðueytisins.
Bygginganefnd mun eftir sem áður
fjalla um undanþágubeiðnir og hef-
ur reglulegt eftirlit með öllum af-
greiðslum byggingafulltrúans.
Um nokkurt nýmæli er að ræða
í opinberri stjórnsýslu þar sem til-
raun er gerð til að draga línu milli
þeirra ákvarðana sem hægt er að
taka innan ramma laga og reglu-
gerða og hinna sem þurfa umræðu
á lýðræðislegum grunni.
Morgunblaðið/Kristján
Unnið að
lokafrágangi
við andarifið
ÞESSA dagana er unnið að lok-
afrágangi á svæðinu sunnan
Strandgötu, við svokallað anda-
rif, enda er allt kapp lagt á að
koma svæðinu í hátíðarbúning
fyrir þjóðhátíðardaginn 17.júní.
Upphaflega stóð til að ljúka verk-
inu á næsta ári en hafnarsljórn
samþykkti nýlega að taka þátt í
kostnaði við framkvæmdirnar,
svo hægt yrði að ljúka þeim fyr-
ir 17. júní en hátíðahöld dagsins
hefjast einmitt þar.
Útilífsnámskeið
fyrir 8 til 13 ára
SKÁTAFÉLAGIÐ Klakkur efnir til
útilífsnámskeiða fyrir börn á aldrin-
um 8 til 13 ára í sumar. Kennd eru
undirstöðuatriði í því að bjarga sér
úti í náttúrunni í bland við hæfileg-
an skammt af leikjum og fjöri auk
þess sem þátttakendum gefst tæki-
færi til að þroska samstarfshæfi-
leika sína og ábyrgðartilfinningu.
Hvert námskeið stendur í fimm
daga, frá mánudegi til föstudags,
og stendur frá kl. 9 til 15, en mögu-
leiki er á að mæta kl. 8 og dvelja
til 16. Síðustu tvo dagana er farið
í útilegu þar sem reynt verður í
verk það sem kennt var á námskeið-
inu, s.s. eldamennska, hnýtingar,
skyndihjálp, ferðamennska og
frumbyggjastörf. Farið verður í rat-
leiki, gönguferðir og varðeldur
kveiktur.
Skólinn er staðsettur í útilífsmið-
stöð skátafélagsins að Hömrum í
næsta nágrenni Kjamaskógar. Alls
verða fimm námskeið í sumar og
hefst það fyrsta mánudaginn 10.
júní næstkomandi, síðasta nám-
skeiðið hefst 8. júlí. Þátttökugjald
er 6.000 krónur og er allur kostnað-
ur innifalin. Skráning fer fram í
skátaheimilinu Hvammi milli kl. 17
og 19.
Ný hæð á lyftulaust Hótel Norðurland
Sjálfsbjörg ætl-
ar að leita álits
umboðsmanns
UMHVERFISRÁÐHERRA, Guð-
mundur Bjarnason, hefur úrskurðað
í kærumáli Sjálfsbjargar, félags
fatlaðra á Akureyri vegna leyfis
bæjarstjórnar Akureyrar til bygg-
ingar einnar hæðar, þeirrar þriðju
ofan á Hótel Norðurland. Úrskurð-
urinn er á þá leið að heimilt sé að
byggja hæðina ofan á húsið án
þess að setja í það lyftu. Sjálfsbjörg
hefur mótmælt úrskurðinum og
hyggst óska eftir áliti umboðs-
manns Alþingis.
Sjálfsbjörg bendir á að sam-
starfsnefnd um ferlimál fatlaðra á
Akureyri hafi gert kröfu um lyftu
í húsið yrði byggt ofan á það. Bygg-
ingafulltrúi bæjarins sé þeirrar
skoðunar að lyfta eigi að vera í
húsinu og að skipulagsstjóri ríkisins
hafi einnig stutt kröfu Sjálfsbjarg-
ar.
Flokkað sem fjölbýlishús
Sjálfsbjörg bendir einnig á bygg-
ingareglugerð þar sem fram komi
að við breytingar á byggingum skuli
tryggja aðgengi hreyfihamlaðs
fólks í hjólastól m.a. með lyftubún-
aði. í byggingum sem séu þrjár
hæðir eða meira og hýsa opinberar
stofnanir, skrifstofubyggingar og í
verslunar- og þjónustumiðstöðvum
skuli vera lyfta. Umhverfisráðherra
leyfi sér engu að síður að hafna
kæru Sjálfsbjargar um að skylt sé
að setja lyftu í umrædda byggingu
og styðji mál sitt með því að flokka
Hótel Norðurland sem fjölbýlishús.
„Stjórn Sjálfsbjargar mótmælir
mjög harðlega þessum úrskurði.
Hann gengur þvert á álit allra
umsagnaraðila og brýtur ákvæði
byggingareglugerðar," segir í mót-
mælum félagsins. Einnig að fái
hann að standa séu ákvæði bygg-
ingareglugerðar um bætt aðgengi
fatlaðra hjóm eitt og sýndar-
mennska af hálfu stjórnvalda, „ef
hægt er að komast hjá því að standa
við þau með hundakúnstum og und-
anþágum“.
Úrskurðinn segir Sjálfsbjörg vera
studdan furðulegri röksemd, sem
hvorki bygginganefnd, bæjarstjórn
né umsækjandi sjálfur hafi látið sér
koma í hug að styðja mál sitt með,
„enda öllum ljóst að á hóteli fer
einungis fram verslun með mat og
drykk, og sala á gistiþjónustu".
Fijálslegt
Heilsu-
hlaup
HEILSUHLAUP Krabba-
meinsfélagsins verður á Akur-
eyri og Olafsfirði á morgun,
laugardaginn 8. júní. Allur
ferðamáti er leyfilegur, þátt-
takendur mega hlaupa, ganga,
hjóla, renna sér á línuskautum
eða hjólabrettum.
Skráning í hlaupið á Akur-
eyri hefst við Dynheima kl.
10.30. Hljómsveit Félags
harmonikuleikara við Eyja-
fjörð leikur. Hlaupið verður
ræst kl. 12, að lokinni upphit-
un. Umsjón með hlaupinu hafa
þær Halldóra Bjarnadóttir og
Guðrún Agnarsdóttir, forstjóri
Krabbameinsfélags íslands.
í Ólafsfirði hefst innritun
við Gagnfræðaskólann kl. 11.
en ræst verður í hlaupið kl.
12, að lokinni upphitun. Um-
sjón með hlaupinu hefur Klara
Árnbjörnsdóttir.
Urslit söngv-
arakeppni
ÚRSLITAKEPPNI söngvara-
keppni MENOR er á morgun,
laugardag, í Samkomuhúsinu.
Þá keppa 12 söngvarar 17-30
ára um sex verðlaunasæti í
flokkum styttra og lengra
kominna söngvara.
Keppnin er ekki opin áheyr-
endum, en á sunnudag kl. 15
verða tónleikar í Samkomu-
húsinu þar sem verðlaunahaf-
arnir flytja íslensk og erlend
sönglög. í lok tónleikanna
verða endanleg úrslit tilkynnt.
Tveir kórar
í Dalvíkur-
kirkju
SAMEIGINLEGIR tónleikar
kirkjukórs Árbæjarkirkju í
Reykjavík og kórs Dalvíkur-
kirkju verða haldnir í kirkjunni
á Dalvík laugardaginn 8. júní
kl. 16.
Einsöngvarar með kór Dal-
víkurkirkju eru Anna Vals-
dóttir, Guðrún Lárusdóttir og
Einar Arngrímsson. Þá syngja
Halla Soffía Jónasdóttir og
Fríður Sigurðardóttir einsöng
og tvísöng við undirleik Hall-
dóru Aradóttur. Á efnisskrá
verða bæði innlend og erlend
verk.
Stjórnendur kóranna eru
Sigrún Steingrímsdóttir og
Hlín Torfadóttir.
Afm œlissýn ing
Sýnum 4 íbúðir vió Huldugil 1-31 frá
kl. 10-17 laugardag 8. júní og sunnudag
9. júní.
Ath.: Hægt er að skoöa íbúðirnar á öðrum
tíma eftir samkomulagi.
Sýnd cru listaverk eftir Guömund Ármann
listmála, vörur frá byggingavörudeild KEA,
Trésmiðjunni Berki, húsgögn frá Öndvegi,
heimilistæki frá AEG, skilti frá
gullsmíóastofunni Skart, blóm og gjafavara frá
Blómabúó Akureyrar og Ölur ehf. innréttingar.
Þá verða píssur frá Ding Dong kynntar og boðið upp á ávaxtasafann Frissa fríska - og jafnvel sitthvað fleira.
3T
TRÉSMÍÐAVERKSTÆÐI SVEINS HEIÐARS HF.
skrifstofa Skipagötu 16, opin frá kl. 13—17 sími 461 2366 og 852 7066,
Heimasími 462 1589.
Frissa fríska-leikarnir í hestaíþróttum
100 börn taka þátt
FRISSA fríska-leikarnir í hesta- Aðalkeppnisdagurinn er á morg-
íþróttum fyrir börn og unglinga
verða settir í kvöld, föstudagskvöld,
kl. 21 á Hlíðarholtsvelli. Þátttak-
endur eru tæplega eitt hundrað og
koma þeir víðs vegar af landinu.
Gunnar Frímannsson sem á sæti
í Frissa fríska-nefnd hestamannafé-
lagsins Léttis sagði að undirbúning-
ur hefði gengið vel. Þátttakendur
yæru fjölmargir, en þó kæmu fáir
af höfuðborgarsvæðinu. Hann vænti
þess að áhorfendur létu sig ekki
vanta, en keppnisþrautir og sýningar
verða Hlíðarholtsvelli og flötinni
neðan við Samkomuhús bæjarins.
„Okkar mottó er að hafa leikgleð-
ina í fyrirrúmi og við efumst ekki
um að krakkarnir hafi gaman af
þessu. Við eigum von á að þetta
verði samfelld gleði frá A til Ö,“
sagði Gunnar.
un, laugardag, en þá hefst dagskrá-
in kl. 10 með svonefndri Fánaþraut
Frissa á Hlíðarholtsvelli en hún er
fyrir 12-13 ára börn. Keppt verður
í Appelsínuþraut Frissa fyrir 7 ára
og yngri á sama stað klukkustund
síðar. Eftir hádegi keppa 8-9 ára
börn, einnig 10-11 ára, á flötinni
við Samkomuhúsið en kl. 16 verða
unglingar, 14 til 15 ára, á Hlíðar-
holtsvelli. Klukkustund síðar verða
frjálsar sýningar og viðurkenningar
verða veittar kl. 18.30. Um kvöldið
upplifa þátttakendur ævintýri í
Sundlaug Akureyrar.
Gunnar sagði hápunkt leikanna
verða þegar dregið verður í happ-
drætti, en á meðal vinninga eru
beisli og reiðtygi, aðalvinningurinn
er folald. Slit verða á Hlíðarholt-
svelli kl. 11 á sunnudag.