Morgunblaðið - 07.06.1996, Blaðsíða 60

HEIMILISLINAN
- Heildcirlausn áfjármálum
einstaklinga
(^) BÚNAÐARBANKI ÍS1.ANDS

Jíewdid
-setur brag á sérhvern dag!
MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
FOSTUDAGUR 7. JUNI1996
VERÐ I LAUSASOLU 125 KR. MEÐ VSK
Morgunblaðið/Halldór
Fljótandi hótel í höfn
FYRSTA erlenda skemmtiferða-
skipið kom í Reykjavíkurhöfn um
helgina og tvö skip komu í gær-
morgun, Italia Prima og Delphin.
Alls koma 50 slík fljótandi hótel
jl Reykjavíkur í sumar. Italia
Prima hét áður Stokkholm og er
þekkt fyrir ásiglingu þess og
Andreu Doriu 1956. Stoppið var
stutt og haldið úr höfn eftir eins
dags dvöl seint í gærkvöldi. Sömu
sögu er að segja af spánska skip-
inu Delphin.
Flest erlendu skemmtiferða-
skipin koma til Reykjavíkur í júlí
og fram í ágúst. Af þekktum skip-
um má nefna að Queen Elisabeth
II kemur 8. júlí.
Utgerðir og fiskvinnslufyrirtæki á Vestfjörðum
Kanna sameiningu á
Þingeyri og Isafirði
HAFIN er könnun á möguleikum
til sameiningar fiskvinnslu- og út-
gerðarfélaganna á Þingeyri og
þriggja rækjuvinnslu- og útgerðar-
fyrirtækja á ísafirði. Ef til samein-
ingar kemur gæti hún orðið liður í
að koma í veg fyrir atvinnubrest á
Þingeyri, en þar hafa tvö stærstu
atvinnufyrirtækin sagt upp öllu sínu
starfsfólki, iiðlega 90 manns.
Fyrirtækin sem rætt er um að
sameina eru fískvinnslufyrirtækið
Fáfnir hf. og útgerðarfélagið
Sléttanes hf. á Þingeyri, rækjuverk-
smiðjurnar Básafell hf. og Ritur hf.
á ísafirði og Togaraútgerð ísafjarð-
ar hf.
Könnunin fer fram að frumkvæði
Olíufélagsins hf., íslenskra sjávar-
afurða hf. og Vátryggingarfélags
íslands hf. Þessi fyrirtæki eiga
ýmissa viðskiptahagsmuna að gæta
í fyrirtækjunum sem eigendur og
viðskiptaaðilar.
Hátt í 5.000 tonna kvóti
Einn af þeim mönnum sem unnið
hafa að athuguninni segir þó að
drifkrafturinn sé fremur sameigin-
legur áþugi eigenda fyrirtækjanna
á að byggja upp arðvænlegt fyrir-
tæki sem gæti farið út á hlutafjár-
markaðinn.
Miðað við núverandi eignir hefði
sameinað fyrirtæki yfir að ráða
hátt í 5.000 tonna kvóta í þorsk-
ígildum reiknað, tveimur frystiskip-
um, þar sem annað er jafnframt
mikilvægt hráefnisöflunartæki fyrir
rækjuverksmiðjurnar tvær, sem
fyrirtækið ætti á ísafirði, og kvóta-
lausu frystihúsi, beinamjölsvinnslu
og tengdri aðstöðu á Þingeyri.
■ Kannasameininguvið/12
Skipting kvóta ESB á Reykjaneshrygg
MHFtaliðfá
um 80% kvótans
KVÓTA Evrópusambandsins á
Reykjaneshrygg verður skipt á fundi
í Brussel næstkomandi mánudag,
10. júní. Evrópusambandinu var út-
hlutað samtals um 23 þúsund tonna
kvóta á Reykjaneshrygg auk þess
sem Grænlendingar flytja um 4 þús-
und tonna kvóta til sambandsins
þannig að samtals er um að ræða
27 þúsund tonna heildarkvóta.
Hlutur Þýskalands stór
Kvótanum verður skipt milli aðild-
arlanda Evrópusambandsins og er
fyrirfram búist við því að hlutur
Þýskalands verði stór. Samkvæmt
upplýsingum Morgunblaðsins er gert
ráð fyrir að bróðurparti þýska kvót-
ans verði úthlutað til Mecklenburger
Hochseefischerei, MHF, dótturfé-
lags Útgerðarfélags Akureyringa.
Togarar fyrirtækisins eru einu þýsku
togararnir sem hafa verið að veiðum
á Reykjaneshrygg og hafa þar veiði-
reynslu, en hún skiptir væntanlega
meginmáli þegar kvótanum verður
úthlutað. Forsvarsmerin Mecklen-
burger vænta þess að fá í sinn hlut
um 80% af heildarkvótanum.
Reykjaneshryggurinn hefur verið
aðalveiðisvæði Mecklenburger-tog-
aranna, en þeir hafa ekki haft kvóta
annars staðar. Togarar félagsins eru
nú allir á veiðum á svæðinu.
Nemar í
skipstjórn
aldrei færri
NEMENDUR í skipstjórn-
arnámi hafa aldrei verið færri
en í vetur. Þetta kom fram í
ræðu Friðriks Ásmundssonar,
skólastjóra Stýrimannaskól-
ans í Vestmannaeyjum, við
skólaslit nýverið.
Friðrik sagði að nemendur
í skipstjórnarnámi á landinu
öllu hefðu verið innan við
hundrað í vetur. Að þessu sinni
útskrifuðust 11 nemendur af
1. og 2. stigi skólans og nefndi
hann að ekki væri langt síðan
rúmlega 20 nemendur hefðu
brautskráðst af 2. stigi. Þá
sagði hann að fyrir 10 árum
hefðu verið 140 til 160 nem-
endur í Stýrimannaskólanum
í Reykjávík.
Friðrik sagði skipstjórnar-
kennslu aldrei hafa farið fram
eins víða og nú og benti á að
fækkun skipa hefði valdið því
að minni eftirspurn væri eftir
skipstjórnarlærðum mönnum.
■ Skipstjórnarnám/16
Jón Arnar
bætti 18
ára met
JÓN Arnar Magnússon tug-
þrautarmaður úr UMSS bætti
í gærkvöldi tæplega átján ára
gamalt íslandsmet Vilmundar
Vilhjálmssonar, KR, í 200
metra hlaupi á móti sem fijáls-
íþróttadeild FH stóð fyrir.
Hljóp hann á 21,17 sekúndum
en gamla metið var 21,23 sek-
úndur. „Ég mætti til leiks
ákveðinn að hlaupa eins hratt
og ég gat og það var óvænt
en jafnframt skemmtilegt að
setja íslandsmet," sagði Jón
Arnar eftir hlaupið. Hann
keppti einnig í kringlukasti á
mótinu o g kastaði 51,30
metra, sem er tæpum tveimur
metrum lengra en hann hefur
áður kastað.
Könnun Félagsvísindastofnunar á fylgi við forsetaframbjóðendur
Olafur Ragnar fær 44,1%
fylgi og Pétur 28,5%
ÓLAFUR Ragnar Grímsson hefur
um 44,1% fylgi meðal þjóðarinnar
í forsetakosningunum sem fram
fara 29. júní nk. ef marka má skoð-
anakönnun sem Félagsvísinda-
stofnun hefur gert fyrir Morgun-
blaðið. 28,5% lýstu yfir stuðningi
við Pétur Hafstein, 14% við Guð-
rúnu Agnarsdóttur, 10,4% við Guð-
rúnu Pétursdóttur og 3,1% við Ást-
þór Magnússon.
Skoðanakönnunin var tvíþætt.
Fyrst voru kjósendur spurðir hvern
frambjóðenda þeir ætluðu að kjósa.
Þeir sem svöruðu „veit ekki“ voru
síðan spurðir hvern þeir töldu líkleg-
ast að þeir myndu kjósa. Við það
fækkaði óákveðnum úr 26,7% í
11,8%. Jafnframt minnkaði fylgi
Ólafs Ragnars lítillega, en fylgi
annarra frambjóðenda jókst. Það
bendir til þess að líklegt sé að óá-
kveðnir kjósendur skipi sér síður í
raðir fylgismanna Ólafs Ragnars
en annarra frambjóðenda.
Ólafur Ragnar fær meira fylgi
frá þeim sem hafa litla menntun
en þeim sem hafa lokið framhalds-
eða háskólaprófi. Þá fær hann um
eða yfir 50% fylgi frá stærstu
starfsstéttunum, verkafólki og þeim
sem vinna við þjónustu- og af-
greiðslustörf. Hann fær meira fylgi
frá eldri kjósendum en yngri og
karlar kjósa hann frekar en konur.
Pétur fær aftur á móti meira
fylgi frá ungum kjósendum en þeim
sem eldri eru. Kjósendur sem hafa
langa menntun að baki eru einnig
frekar tilbúnir til að ljá honum at-
'kvæði sitt en þeir sem hafa ekki
farið í langskólanám. Pétur fær til-
tölulega jafnt fylgi starfsstétta, en
þó í minna mæli frá sjómönnum,
bændum og afgreiðslufólki.
Guðrún Agnarsdóttir fær áber-
andi mest fylgi úr stétt sérfræð-
inga, en lítið fylgi frá sjómönnum,
bændum og iðnaðarmönnum. Guð-
rún Pétursdóttir fær mest fylgi frá
sjómönnum, bændum og heima-
vinnandi fólki. Þær fá báðar mun
meira fylgi frá konum en körlum.
Pólitískar skoðanir ráða
miklu um afstöðu
Pólitískar skoðanir kjósenda
virðast ráða miklu um afstöðu
þeirra. Stærstur hluti fylgis Péturs
Kr. Hafsteins kemur frá þeim sem
kusu Sjálfstæðisflokkinn í síðustu
kosningum eða 49,8%. Fylgi hans
meðal kjósenda annarra flokka er
ekki mikið. Guðrún Pétursdóttir
fær ekki mikið fylgi frá þeim sem
kusu Sjálfstæðisflokkinn í síðustu
kosningum eða aðeins 9,8%. Fleiri
kjósendur Sjálfstæðisflokksins
segjast ætla að kjósa Guðrúnu
Agnarsdóttur eða 12,1%. Um 70%
af fylgi Kvennalistans skiptist á
milli þeirra tveggja.
Ólafur Ragnar nýtur víðtæks
stuðnings frá kjósendum allra
flokka, minnst þó frá kjósendum
Kvennalista og Sjálfstæðisflokks.
Um fjórðungur þeirra sem kusu
Sjálfstæðisflokkinn ætlar að kjósa
Ólaf Ragnar. Hann nýtur 75% fylg-
is kjósenda Alþýðubandalagsins og
62% fylgis meðal kjósenda Fram-
sóknarflokksins.
■ 49,8% sjálfstæðismanna/6