Morgunblaðið - 07.09.1996, Blaðsíða 8

8 LAUGARDAGUR 7. SEPTEMBER 1996
MORGUNBLAÐIÐ
FRETTIR
BREYTT STEFNA -
NÝJAR LEIÐIR
En jafnframt er ræða Ólafs Ragnars Grlmssonar á
ísafirði vísbending um í Iivaða farveg hann hyggst beina
forsetaembættinu á næstu árum.
Verðsamráði
um plast-
poka
mótmælt
Morgunblaðið/Valdimar Kristinsson
FJÓRIR stunduðu nám í hinni nýju framhaldsdeild í fyrra, frá
vinstri talið Eyþór Einarsson, Hinrik M. Jónsson, Eysteinn Leifs-
son og Guðrún Á. Eysteinsdóttir. Sjö hafa fengið inngöngu nú
og mun námið hefjast í byrjun janúar.
Vísa varð umsækjendum frá á Hólum
Mikil aðsókn í
hrossaræktina
KENNSLA í Bændaskólanum á
Hólum hefst 16. september nk. þeg-
ar nemendur á hrossaræktarbraut
mæta til náms. Alls verða teknir inn
29 nýir nemendur sem er meiri fjöldi
en áður hefur verið tekið inn í skól-
ann. Mikil aðsókn var að hrossa-
ræktarbraut að þessu sinni og sagði
Jón Bjarnason skólastjóri að ekki
hefði verið hægt að taka við öllum
sem sóttu um skólavist. Ellefu út-
lendingar verða í skólanum í vetur
á hrossaræktarbraut en það er sami
fjöldi og var í skólanum í fyrra.
Sjö nemendur voru teknir inn á
framhaldsbraut og hefja þeir nám í
byrjun janúar. Er þar um að ræða
þjálfarapróf og reiðkennaranám sem
gefur svokölluð C réttindi. Þá eiga
fimmtán nemendur frá síðasta vetri
ólokið verknámshlutanum sem þau
munu ljúka á komandi vetri.
Námskeið í fiskeldi
Ekki verða teknir inn nemendur á
fiskeldisbraut að þessu sinni en Jón
benti hins vegar á að fyrirhugað
væri að bjóða upp á námskeið og
fræðslu fyrir þá sem starfa við fisk-
eldi eða eru að hefja slíka starfsemi.
Ráðgert væri að taka aftur inn á fisk-
eldisbraut næsta haust.
Þá sagði Jón að byrjað yrði með
nýja námsbraut „ferðaþjónustu til
sveita“ þar sem lögð er áhersla á þá
möguleika sem sveitirnar hafa upp á
að bjóða í ferðamennsku og þjónustu
við ferðamenn í dreifbýli. Kennsla á
ferðamálabraut hefst 15. október og
hafa nú þegar fimm verið skráðir í
námið en skráning stendur ennþá
yflr. Sagði Jón að jafnhliða þessu
skipulega námi væri, í samvinnu við
Ferðaþjónustu bænda og Mennta-
skólann í Kópavogi, verið að skipu-
leggja námskeið. „Þetta fer í gang
núna í haust og er spennandi námstil-
boð sem fróðlegt verður að sjá hvem-
ig muni þróast,“ sagði Jón.
Góð aðsókn að
ferðaþjónustunni
Skráðir nemendur í Hólaskóla
verða í vetur á bilinu 55 til 60 manns
og sagði Jón það mesta fjölda sem
hefði verið í skólanum til þessa. Und-
anfarin ár hefur verið rekin ferða-
þjónusta á Hólum og sagði Jón að
aðsókn hefði verið mjög góð í sumar
enda veður eins og best varð á kos-
ið. Boðið var upp sýningu „Líf í fersku
vatni“ í því sem áður var haughús
undir gamla Ijósinu og sagði Jón að
á milli fimm og sex þúsund manns
hefðu sótt sýninguna sem vakti vem-
lega athygli og mæltist vel fyrir.
FYRIR liðlega tveimur mánuð-
um úrskurðaði Samkeppnisráð
bann við ólögmætu verðsamráði
um plastpoka hjá þeim verslun-
um sem eiga aðild að Umhverfis-
sjóði verslunarinnar. Neytenda-
samtökin vilja benda á að þrátt
fyrir bannið halda verslanir
áfram ólögmætu samráði sínu.
Fleiri fyrirtæki hafa bæst í hóp-
inn síðan úrskurður var kveðinn
upp.
I fréttabréfi sem Neytenda-
samtökin sendu frá sér í vikunni
segir að Umhverfissjóður versl-
unarinnar sé því alfarið fjár-
magnaður með ólögmætum
álögum á neytendur.
Neytendasamtökin telja úti-
lokað að sætta sig við að Sam-
keppnisráð skuli ekki fylgja eft-
ir bannákvæði sínu um verð-
samráð því hér sé um eitt alvar-
legasta brot að ræða sem hugs-
ast getur á samkeppnislögum.
Samtökin krefjast þess af Sam-
keppnisráði að það beiti nú þeg-
ar þau fyrirtæki sem enn selja
burðarpoka á 10 krónur viður-
lögum samkvæmt ákvæðum
samkeppnislaga.
----------------
Fjárreiður Pat-
reksfjarðar
rannsakaðar
RANNSÓKNARLÖGREGLA ríkis-
ins hefur að undanförnu rannsakað
fjárreiður Patreksfjarðarhrepps að
beiðni sveitarstjórnar Vesturbyggð-
ar.
Samkvæmt upplýsingum frá
RLR barst kæra frá sveitarstjórn
Vesturbyggðar í vor og hefur rann-
sókn staðið yfir á tilteknum þáttum
í fjárreiðum Patreksfjarðar. Ekki
sé unnt að gefa upplýsingar um
hvernig rannsókn miðar að svo
stöddu.
Frímerkjasöfnun
Safnar öllu
sem póstinum
viðkemur
sam-
SIGURÐUR H. Þor-
steinsson uppeldis-
fræðingur var gerð-
ur að heiðursfélaga í deild
þeirra er skrifa um frí-
merki, „Writers Unit“, í
American Philatelic Societjv
í Bandaríkjunum í sumar. í
félaginu eru um 70.000
meðlimir. Nafnbótin nefnist
Writers Hall of Fame. Sig-
urður hefur fengið ýmsar
aðrar viðurkenningar fyrir
ritstörf sín um frímerkja-
söfnun og var meðal annars
kjörinn heiðursfélagi í
Scandinavian Collectors
Club í sumar.
- Hver er þýðing þessar-
ar viðurkenningar?
„Það að komast í Hall
of Fame er æðsta viður-
kenning sem hægt er að fá,
þó þeim fylgi ekki íjárverð-
laun eða slíkt.“
- Hafa heiðursfélagar
band sín á milli?
„Yfirleitt gera þeir það, bæði
bréflega og á sýningum og þing-
um. Ég þekki nokkra menn þarna.
Félagar eru allt menn sem hafa
skrifað nær ævilangt um fagið,
bæði bækur og greinar í tímarit.
Ég hef skrifað um frímerki frá
1954 og var á tímabili með fasta
þætti í Lesbók Morgunblaðsins,
Alþýðublaðinu, Vísi, DV og und-
anfarin 26 ár hef ég skrifað í Tím-
ann og Dag. Einnig hef ég skrifað
faglega orðabók á fjórum tungu-
málum um frímerki auk þess sem
ég skrifaði 34 útgáfur af árbók-
inni íslensk frímerki."
- Eru margir virkir frímerkja-
safnarar á íslándi?
„Það eru á annað þúsund manns
skráð í félög og unglingar eru að
dunda við þetta hvar sem þeir fá
áreiti til þess og aðstoð. Það var
til dæmis klúbbur starfandi í Hrís-
ey bara af því að ég var skóla-
stjóri þar.“
- Hvernig fer frímerkjasöfnun
fram?
„Frumefnið kemur annaðhvort
í ónotuðum frímerkjum eða notuð-
um sem eru þá leyst upp af papp-
írsklippum eða umslögum en þeg-
ar menn ná lengra í þessu fara
þeir að skoða hvert einasta um-
slag, hvort það hefur póstsögulegt
gildi og hvort það er fallegt um-
slag og fallegt stykki sem væri
hægt að setja heilt í safn. Ef
maður á til dæmis umslag frá
skildingatíma á Islandi kostar það
ekki undir milljón krónum. Ef þú
aftur á móti leysir merkið af því
þá kostar það nokkur þúsund
krónur."
- Hvenær byrjaðir þú að
safna?
„Ég leitaði til Skúla Guðmunds-
sonar á Keldum þegar ég var 7
ára gamall um hvort ________
hann ætti einhver merki
að selja mér samkvæmt
verðlista. Skúli kom
með fullan skókassa af
umslögum, hirti úr þeim
allt innihald en gaf mér "
umslögin. Þau voru mörg með
auramerkjum og voru frá 1876-
1902 með alls konar verðmætum
stimplum sem þýðir að hvert
þeirra myndi kosta 10-20.000
krónur í dag en merkin stök kosta
nokkrar krónur. Ég klippti öil
merkin af og þegar ég komst að
því seinna hverskonar verðmæti
ég hafði eyðilagt, sagði ég: Ææ.“
- Att þú stórt safn frímerkja í
dag?
„Mig vantar eitt þjónustufrí-
merki upp í heilt íslandssafn, þ.e.
öll merki sem gefin hafa verið út.
Sigurður H. Þorsteinsson
►Sigurður er fæddur 6. júní
1930. Hann er með kennara-
próf frá Kennaraháskóla ís-
lands, próf í stjórnun mennta-
stofnana frá sama skóla og
próf í uppeldisfræðum og sálar-
fræðum frá Háskólanum í Ósló.
Hann hefur starfað sem kenn-
ari frá árinu 1950 og var skóla-
stjóri frá 1975 til 1996, á
Hvammstanga, í Strandasýslu
og Hrísey. Sigurður var í 11
ár forseti Landsambands ís-
lenskra frímerkjasafnara og
fulltrúi íslands á öllum alþjóða-
þingum á þeim tíma. Hann hef-
ur verið fréttaritari Morgun-
blaðsins frá 1978. Eiginkona
Sigurðar er Torfhildur Stein-
grímsdóttir. Þau eiga fjögur
börn, ellefu barnabörn ogtvö
barnabarnabörn.
Þarf að gæta
nákvæmni
og snyrti-
mennsku
Annars safna ég Öllu sem viðkem-
ur íslenskri póstsögu. Til dæmis á
ég stórt flugsafn um flugsögu ís-
lands, póstsögu Vestur-Húna-
vatnssýslu og Strandasýslu á póst-
skjölum, gögnum og umslögum
meðal annars. Ég safna sem sagt
öllu sem póstinum viðkemur og
flugpóstsafnið mitt skapaði mér
fyrstu viðurkenningu mína á al-
þjóðavettvangi árið 1994, fyrir
bestu grein í The Congress Book.“
- Hefur þú selt eitthvað af
merkjum þínum?
„Ég seldi aukamerki þegar ég
var við nám í Noregi til að geta
rekið bíl. Einnig átti ég orðið heilt
safn af íslenskum númerastimpl-
um sem ég seldi á uppboði í Eng-
landi og byijaði að safna þeim upp
á nýtt.“
- Hvað er áhugavert við að
safna frímerkjum?
„í fyrsta lagi er þetta söfnun
sem þarf að nostra við og gæta
nákvæmni _ og snyrti-
mennsku. f öðru lagi
er mikil saga á bakvið
hvert einasta frímerki,
þess sem gerði það,
tegundarinnar og
myndarinar á því og
brot úr sögu þjóðarinnar sem gef-
ur það út. Svo er náttúrulega allt-
af líka þorstinn eftir því sjald-
gæfa. Að eiga eitthvað sem aðrir
eiga ekki. Það er afskaplega
mannleg tilfinning og notaleg og
þegar maður hefur náð ákveðinni
þekkingu er það ekki minnst virði
að geta deilt henni með öðrum.
Svona safn hefur líka mikið
sögulegt gildi og póstsaga þjóðar-
innar er líka nokkuð nákvæm sam-
göngusaga hennar. Þar er hægt
að lesa þróunarsöguna frá öðru
sjónarhorni."