Morgunblaðið - 15.01.1997, Page 48

‘UYUNOAI
HÁTÆKNI TIL FRAMFARA
Tæknival

SKEIFUNNl 17
SlMI 550-4000 ■ FAX 550-4001
MORGUNBLAÐID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓIF 3040, NETFANG MBUSCENTRUM.IS / AKUREYRI: KAUPVANGSSTRÆTI 1
MIÐVIKUDAGUR 15. JANÚAR 1997
VERÐ í LAUSASÖLU 125 KR. MEÐ VSK
Samanburður á vímuefnaneyslu 15 ára unglinga í 20 löndum
Amfetamínneysla algengari
en hjá norrænum jafnöldrum
ALGENGARA er að 15 ára ungling-
ar hér á landi neyti amfetamíns en
jafnaldrar þeirra á hinum Norð-
urlöndunum og sé litið til 20 Evrópu-
landa er amfetamínneyslan aðeins
algengari hjá breskum og grískum
unglingum. Um 10% íslenskra ungl-
inga hafa prófað hass eða maríjú-
ana. Þá segir rúmur fjórðungur
þeirra að auðvelt sé að verða sér
úti um hass og 14% telja auðvelt
að nálgast amfetamín. íslensku
unglingarnir neyta ekki meira
áfengis en jafnaldrar þeirra í mörg-
um Evrópulöndum, en áberandi er
að íslensku unglingarnir verða frem-
ur ölvaðir. Þrátt fyrir þetta eru Is-
lendingar í 1. sæti meðal bindindis-
Um 10% íslenskra unglinga
hafa prófað hass eða maríjúana
manna, því 18% unglinga í 10. bekk
hafa hvorki neytt áfengis né reykt
sígarettur.
Þetta kemur fram í könnun, sem
Rannsóknastofnun uppeldis- og
menntamála vann og er hluti af
samanburði á vímuefnaneyslu ungl-
inga í 20 Evrópuríkjum.
Þórólfur Þórlindsson, prófessor og
forstöðumaður Rannsóknastofnunar
uppeldis- og menntamála, segir at-
hyglisvert hve neyslumynstur áfeng-
is hér á landi er ólíkt því sem gerist
í nágrannalöndunum. „íslensku
unglingarnir drekka sig oftar fulla
og þetta speglar greinilega neyslu
hinna fullorðnu. Þá vekur einnig
athygli að hér eru flestir bindindis-
mennirnir í hópi unglinga."
22% verða drukkin
13 ára og yngri
Þóróifur segir vandamál sem
fylgja áfengisneyslu vera fleiri hér
en hjá nágrannalöndunum vegna
þessa neyslumynsturs. „Þá vekur
einnig athygli að íslensku ungling-
arnir byrja mun yngri að drekka en
í flestum samanburðarlöndunum.
Aðeins í Bretlandi, Danmörku,
Finnlandi og Svíþjóð höfðu fleiri
orðið drukknir þrettán ára og yngri,
en 22% íslenskra unglinga eiga þá
reynslu að baki.“
Þessi könnun er hluti af rannsókn
á högum íslenskra unglinga sem
hófst árið 1992. Þá var gerð um-
fangsmikii könnun á vímuefna-
neyslu og voru minni kannanir
gerðar 1994 og 1995. í mars á
þessu ári verður aftur gerð um-
fangsmikil könnun.
■ Ofbeldi/6
Japan
Miklar
birgðir af
frystri
loðnu
TÖLUVERÐAR birgðir eru nú
af frystri loðnu í Japan. Árleg
1 neyzla er um 30.000 tonn, en
21.000 tonn af framleiðslu síðasta
árs eru enn í geymslum. Fram-
leiðslugeta hér á landi er langt
umfram þörf markaðsins, en auk
þess geta Kanádamenn framleitt
töluvert magn. Loðnan frá þeim
er mun stærri en sú íslenzka, en
Japanir borga mest fyrir stóra
loðnu.
Jón Magnús Kristjánsson, for-
stöðumaður söluskrifstofu SH í
Tókýó, segir mikilvægt að gæði
framleiðslunnar verði mikil og
. magn í samræmi við þarfir mark-
aðsins.
Islendingar seldu um 40.000
tonn af frystri loðnu á síðasta ári
til Japans og frá Kanada komu
um 11.000 tonn. Verð á loðnunni
frá Kanada var þriðjungi_ lægra
en verðið á loðnunni frá íslandi.
■ Miklar brigðir/Bl
Ærin Hatta bar
tveimur lömbum
Eyjafjarðarsveit
ÆRIN Hatta á bænum Ytra-
Laugalandi í Eyjafjarðarsveit
kom húsbændum sínum í opna
skjöldu í síðustu viku er hún bar
tveimur lömbum, hrút og gimb-
ur. Tímasetning Höttu er mjög
óvenjuleg enda fengitíma rétt
að ljúka, auk þess sem hún bar
tveimur lömbum á hefðbundn-
um tíma sl. vor. Meðgöngutími
áa er um 20 vikur og Hatta
hefur því komist í kynni við _
hrút seinni partinn í ágúst. Á
myndinni er Hjörleifur
Tryggvason, bóndi á Ytra-
Laugalandi, með lömbin ný-
fæddu og hjá þeim stendur
Hatta og fylgist með af áhuga.
Utgerð
Guðbjarg-
ar skilaði
hagnaði
BRÚTTÓTEKJUR Hrannar hf.,
útgerðar Guðbjargar ÍS, á síðasta
ári voru kr. 650 milljónir. Sex
mánaða uppgjör kom út með
hagnaði upp á 18 milljónir og
má því gera ráð fyrir að útkoman
fyrir árið verði jákvæð og hefur
öllum lánum verið haldið í skilum.
Þessar upplýsingar koma fram
í greinargerð frá Hrönn hf. sem
Morgunblaðinu hefur borist til
birtingar. Þar kemur einnig fram
að endanlegt kostnaðarverð
skipsins reyndist vera 1,6 millj-
arðar.
Fjármögnun fór fram með þeim
hætti að eldra skip félagsins,
Guðbjörg, var tekið upp í andvirði
þess nýja af skipasmíðastöðinni
fyrir kr. 380 milljónir. Hrönn hf.
greiddi í peningum kr. 220 millj-
ónir, mismunurinn var tekinn að
láni hjá norskum lánastofnunum.
Eingöngu á
rækjuveiðum
Á síðasta ári var Guðbjörg ein-
göngu gerð út til rækjuveiða og
var skipið fyrst á heimamiðum,
en síðan átta mánuði á Flæm-
ingjagrunni, aflinn þarvarð 1.640
tonn. Miðað við þær takmarkanir,
sem ákveðnar hafa verið á veiðum
þar um slóðir myndi þessi afli
gefa veiðireynslu upp á 350 tonn
að því er áætlað er þegar veiðar
þarna verða kvótasettar.
„Því hefir verið haldið fram að
Hrönn hf. hafi farið út í offjárfest-
ingu þegar tekin var ákvörðun
um byggingu Guðbjargar. Því er
til að svara að ef ekki hefði kom-
ið til þeirra takmarkana á veiðum
utan 200 mílna fiskveiðilögsög-
unnar, sem taka gildi á árinu
1997, þá hefði tekist að ná endum
saman í rekstrinum," segir meðal
annars í greinargerðinni.
■ Að óbreyttu/21
4 sparisjóðir sameinast um fasteignakaup
Fyrsta skrefið
í átt að samein-
ingu sjóðanna
ísafirði. Morgunblaðid.
UNDANFARNA mánuði hafa stað-
ið yfir samningaviðræður á milli
forráðamanna fjögurra sparisjóða á
norðanverðum Vestfjörðum um
hugsanlega sameiningu þeirra. Þeir
sparisjóðir sem um ræðir eru Spari-
sjóður Bolungarvíkur, Sparisjóður
Onundarfjarðar, Sparisjóður Þing-
^fcvrarhrepps og Sparisjóður Súða-
víkur. Forráðamenn sparisjóðanna
hittust á fundi í gær, þriðjudag, og
samkvæmt upplýsingum blaðsins
var ákveðið á fundinum að halda
viðræðunum áfram. Fyrsta skrefið
í átt til sameiningar sparisjóðanna
fjögurra var tekið á föstudag, er
þeir sameinuðust um kaup á hús-
næði verslunar G.E. Sæmundssonar
hf., Aðalstræti 20 á ísafirði, en þar
er ráðgert að útibú hins sameinaða
sparisjóðs verði til húsa á ísafirði.
Samkvæmt upplýsingum blaðsins
r'^*£ar kaupverð fasteignarinnar um
15 milljónir króna.
Ragnar Jörundsson, sparisjóðs-
stjóri Sparisjóðs Súðavíkur, sagði í
samtali við blaðið að engum blöðum
væri um það að fletta að sparisjóð-
imir myndu sameinast, spurningin
væri hins vegar sú, hvenær samein-
ingin myndi eiga sér stað. „Við
verðum að þjappa okkur saman til
þess að vera samkeppnishæfir.
Kaupin á húsnæðinu á Isafirði eru
ákveðin vísbending um það sem
koma skal,“ sagði Ragnar. Sam-
kvæmt upplýsingum blaðsins hefur
nafnið Sparisjóður Vestfjarða verið
ofarlega í huga forráðamanna
sparisjóðanna fjögurra um heiti á
hinni nýju sameinuðu peningastofn-
un á norðanverðum Vestfjörðum.
Við sameiningu sparisjóðanna verð-
ur til sparisjóður sem verður sá
fimmti stærsti á landinu miðað við
innlán.
„Það er hugsanlegt að samein-
ingin verði tekin í þrepum. Fyrst
muni einhverjir tveir sparisjóðir
sameinast og hinir tveir komi að
síðar á árinu. Með tilkomu af-
greiðslu á ísafirði verður kominn
sparisjóður í hvern einasta þétt-
býliskjarna á norðanverðum Vest-
fjörðum. Það er ekki spurning um
það að Bolungarvík og Súðavík
muni sameinast ísafjarðarbæ í
framtíðinni og þá standa sparisjóð-
irnir sterkir að vígi að vera með
afgreiðslu á hvetjum stað til þess
að fá viðskipti við sitt sveitarfélag.
Þeir gera það ekki nema með því
að þjappa sér saman,“ sagði Ragn-
ar.
Ragnar sagði að til væri stjórnar-
samþykkt hjá Sparisjóði Súðavíkur
um að breyta nafni sparisjóðsins í
Sparisjóð Vestfjarða og myndi hann
fyrst um sinn færa afgreiðslu sína
á ísafirði frá Aðalstræti 19 í hið
nýja húsnæði, í náinni samvinnu
við forráðamenn hinna sparisjóð-
anna þriggja. Reiknað er með að
hin nýja afgreiðsla verði opnuð með
vorinu.