Morgunblaðið - 29.04.1997, Qupperneq 23

MORGUNBLAÐIÐ
ÞRIÐJUDAGUR 29. APRÍL 1997 23
ERLENT
Sífellt fleiri ólöglegir innflytjendur handteknir í Andalúsíu
Eiturlyfjamafíur smygla
flóttafólki til Spánar
Glæpamannahópar
í Marokkó hafa fært
út kvíarnar og taka
nú að sér að smygla
fólki frá Afríku til Spán-
ar. Asgeir Sverrisson,
fréttaritari Morgun-
blaðsins á Spáni, segir
frá þessari starfsemi
sem er ábatasamari en
fíkniefnasmyglið.
OLÖGLEGUM innflytjend-
um frá Afríku hefur
fjölgað mjög á Spáni á
síðustu tveimur árum. Á
þessu tímabili hefur fjöldi þeirra sem
handteknir hafa verið í Andalúsíu á
Suður-Spáni næstum því tvöfaldast.
Skýringin er sú að glæpamannahóp-
ar í Marokkó sem fram til þessa
hafa smyglað fíkniefnum og tóbaki
til Spánar hafa nú fært út kvíarnar
og tekið til við að flytja flóttafólk
frá Afríkuríkjum með ólöglegum
hætti til landsins. Er þetta vaxandi
og ábatasöm atvinnugrein.
Árið 1994 handtóku lögreglu-
yfirvöld í Andalúsíu alls 4.189 ólög-
lega innflytjendur frá Afríkuríkj-
um. í fyrra voru hins vegar 7.740
Afríkumenn handteknir í þessu
syðsta héraði Spánar, sem er 85%
aukning. Embættismenn í spænska
innanríkisráðuneytinu segja nú að
skýringin á þessari miklu aukningu
sé fundin.
Þaulskipulögð starfsemi
Gífurlegu magni af fíkniefnum,
einkum hassi, og tóbaki hefur löng-
um verið smyglað frá Marokkó yfir
Gíbraltarsund til Spánar. Þar eru
að verki þaulskipulagðir hópar at-
vinnuglæpamanna, sem oftar en
ekki vinna með starfsbræðrum sín-
um í öðrum ríkjum Evrópu. Nú ligg-
ur fyrir að þessir hópar eru teknir
að nýta sér sambönd sín og reynslu
til að smygla Afríkubúum til Spánar
sem þangað leita í von um betra
líf,_atvinnu og öryggi.
í flestum tilfellum er fólkið flutt
með bátum frá Ceuta, Melilla eða
Tanger í Marakkó að ströndum
Andalúsíu. Þar lýkur afskiptum
glæpamannanna frá Ma-
rokkó og við innflytjend-
unum taka evrópskir
starfsbræður þeirra sem
sjá um að dreifa fólkinu
um allan Iberíuskaga.
Fiskimenn, bílstjórar og “
spænskir athafnamenn tengjast því
einnig þessu glæpsamlega athæfi.
Dýrt og hættulegt
Fyrir ferðina yfir sundið þurfa
Afríkubúarnir að greiða 50-75.000
krónur. Þar með et' kostnaðurinn
ekki upp talinn því áður hafa þeir
þurft að greiða fyrir fölsuð skjöl,
leyfi til að fara yfir landamæri
Marokkó og aðra aðstoð svo eitt-
hvað sé talið. Vel fölsuð persónuskil-
ríki munu kosta um 80.000 krónur
og segja talsmenn lögreglu að sí-
fellt færist í vöxt að innflytjendur
hafi þau undir höndum. Oft hefur
þetta fólk einnig keypt fölsuð dval-
at'- og atvinnuleyfi.
Mikill fjöldi milliliða einkennit'
þessa starfsemi. Ákveðnir menn
hafa það hlutverk með höndum að
Reuter
FLÓTTAMENN í Ghana. í ríkjum sunnan Sahara ala margir með sér draum um betra líf á norðlæg-
ari slóðum og eru reiðubúnir að borga stórfé fyrir hjálp við að losna við átthagafjötrana.
Neyðin
glæpamönn
um drjúg
tekjulind
komast í samband við þá sem ger-
ast vilja ólöglegir innflytjendur. Þeir
koma fólkinu í hendurnar á mönnum
sem annast flutningana og skipu-
leggja aðgerðina. Síðan tekut' við
einhver sem á lítinn bát og sér um
að fetja fólkið yfir sundið. Jafnan
er farið í skjóli nætur og oft eru
fleyin ekki merkileg, smákænut' með
utanborðsmótor. Sú regla gildir að
því öruggari sem ferðamátinn er því
dýrari er þjónustan.
Vitað er að aðrar aðferðir eru
notaðar til að smygla fólki til Spán-
ar. Dæmi eru um að gámar fullir
af fólki hafi verið stöðvaðir og ný-
verið fórust 11 flóttamenn ft'á Norð-
ur-Afríku í bílslysi nærri Figueres.
Þá er fólk einnig flutt í gámum um
borð í spænskum eða erlendum skip-
um til Spánar.
Það et- vitanlega ágóðavonin sem
fengið hefur eitursmyglarana til að
færa út kvíarnar með þessum
hætti. Að auki er hættan minni en
þegar um er að ræða smygl á fíkni-
efnum. Þá eru dæmi þess að fíkni-
efnasmyglararnir nýti sér tækifær-
ið og neyði innflytjendurna ólög-
legu til að bera með sér eiturlyf til
Spánar.
Langt og erfitt
ferðalag
Það er einkum fólk frá löndum
sunnan Sahara sent leitar aðstoðar
glæpmanna í Marokkó í því skyni
að gerast ólöglegir innflytjendur
og oftar en ekki er fet'ðalagið bæði
langt og strangt. Tvær
leiðir eru einkum notaðar
til að komast til Mat'-
okkó, annars vegar um
Kamerún og hins vegar
Senegal.
...."■... Þeir sem fara um
Kamerún eru einkum frá Zaire,
Rúanda, Kongó, Nígetíu, Ghana, og
Fílabeinsströndinni. í Kamet'ún virð-
ist fólkið auðveldlega komast yfir
vegabréf frá því santa landi. Þaðan
er haldið yfir Chad og til Líbýu þar
sem fólkið kemst fyrst í samband
við mafíurnar frá Marokkó. Glæpa-
mennirnit' sjá um að flytja Afríku-
mennina til Alsír. Á landamærum
Alsír og Líbýu er að finna að
minnsta kosti tvær umtalsverðar
tjaldbúðir þar sem fólkið heldur til
áðut- en það er flutt til Ceuta eða
Melilla. Greiða þarf mafíunni um
12.000 krónur fyrir skjöl sem veita
innflytjendunum leyfi til að fara um
Marokkó auk þess sem fólkið þat'f
að láta af hendi vegabréf sín sem
glæpamennirnir selja síðan öðrum
flóttamönnum.
Slakt eftirlit
Stjórnvöld á Spáni og í Marokkó
hafa tekið upp samstarf til að betj-
ast gegn starfsemi þessari. Þetta
samstarf hefur á hinn bóginn ekki
gengið sem skyldi og spænskir sér-
fræðingar segja að eftirlit sé mjög
slakt í Marokkó auk þess sem lög-
gæslumenn þar þiggi mútur. Hins
vegar segjast spænskir embættis-
menn merkja viðhorfsbreytingu í
þessum efnum í Marokkó á síðustu
mánuðum og þakka það fundi emb-
ættismanna frá löndunum tveimur
í október í fyrra.
En það eru ekki einvörðungu
glæpamenn í Marokkó sem hagnast
á þessum viðskiptum. Spánvetjar
sem starfa sjálfstætt í tilteknum
atvinnugreinum hagnast einnig á
því að fá mjög ódýrt vinnuafl með
þessum hætti. Þannig hefur það
vakið athygli lögregluyfirvalda á
Spáni að sífellt fjölgar mjög ungum
ólöglegum innflytjendum.
Spænskit- leigubílstjórar hagnast
einnig á þessari starfsemi sem og
eigendur báta í nágrenni Gíbraltar.
Dæmi eru um að leigubílstjórar og
eigendur báta hafi sloppið við varð-
hald eða sektir þar sem þeim hafi
verið ókunnugt um að farþegarnir
væru ólöglegir innflytjendur.
Þeirra sem handteknir eru bíður
aðeins að vera sendir út' landi. Oft
lýkur því þessari viðleitni Afríku-
mannanna til að lifa betra og örugg-
ara lífi fjarri fóstutjörðinni með
miklum harmleik. En neyðin og
skelfingin, stríð og óáran í löndun-
um sunnan Sahara, mun áfram
reynast glæpamönnum í Marokkó
dtjúg tekjulind.
Texas
Aðskilnað-
arsinnar
sleppa
gíslum
Fort Davis. Reuter.
SPENNA fór úr lögregluumsátri
við dvalarstað aðskilnaðarsinna í
Texas í gær er þeir síðarnefndu
slepptu tveimur gíslum sínum í stað
liðsmanns þeirra, sem handtekinn
var á sunnudag fyrir ólöglegan
vopnaburð. Samtökin, Lýðveldið
Texas, hafa lýst yfir sjálfstæðu ríki
og vilja að bandarísk stjórnvöld við-
urkenni það.
Lögreglan sló hring um dvalar-
stað aðskilnaðarsinna í Davis-Qöll-
unum eftir að þeir höfðu rænt öldr-
uðum nágrönnum sínum, Joe og
Margaret Rowe. Var það gert í
hefndarskyni við að lögreglan tók
Bob Scheidt, liðsmann samtaka
aðskilnaðarsinna, fastan á sunnu-
dag fyrir að vera með tvo árásar-
riffla í bifreið sinni er hann yfirgaf
dvalarstað samtakanna á sunnu-
dag.
Liðsmaður samtaka
aðskilnaðarsinna látinn laus
Aðskilnaðarsinnar sögðust ekki
sleppa gíslum sínum nema Scheidt,
yfirmanni öryggismála samtak-
anna, og öðrum félaga þeirra, sem
nýlega var handtekinn í Austin,
yrði sleppt. Eftir 12 stunda samn-
ingaþóf féllust þeir á að sleppa
Rowe-hjónunum gegn því að ein-
ungis Scheidt yrði látinn laus.
Samtökin, sem lýst hafa Texas
•sem sjálfstætt ríki, segja ríkið hafa
verið innlimað ólöglega í Bandarík-
in árið 1845. Samtökin létu fyrst
til sín taka fyrit- tveimur árum og
óljóst er hversu liðsmenn þeirra eru
margir og heldur er ekki vitað
hversu margir hafast við í búðunum
í Davis-flöllunum, en húsið er göm-
ul slökkvistöð sjálfboðaliða.
Rowe-hjónin eru næstu nágrann-
ar aðskilnaðarsinna og hafa verið
háværir andstæðingar þeirra. Hafa
þau deilt við Scheidt um eignarrétt
á svæðinu.
Innlausnarverð árgreiðslumiða
verðtryggðra spariskírteina ríkissjóðs
Hinn 2. tnaí 1997 er 1. fasti gjalddagi árgreiðslumiða verðtryggðra
spariskírteina ríkissjóðs í 1. fl. B 1995.
Gegn framvísun árgreiðslumiða nr. 1 verður frá og með 2. maí nk. greitt sem hér segir:
Árgreiðslumiði að nafnverði: 50.000 kr. = 51.608,30 kr.
100.000 kr. = 103.216,60 kr.
1.000.000 kr. = 1.032.166,00 kr.
Ofangreind fjárhæð er afborgun af höfuðstól spariskírteinanna fyrir tímabilið
1. október 1995 til 2. maí 1997 að viðbættum verðbótum sem fylgja hækkun
sem orðið hefur á vísitölu neysluverðs.
Athygli skal vakin á því að innlausnarfjárhæð árgreiðslumiða
breytist aldrei eftir gjalddaga.
hmlausn árgreiðslumiða fer fram gegn framvísun þeirra í afgreiðslu
Seðlabanka íslands, Kalkofnsvegi 1, Reykjavík og hefst hinn 2. maí 1997.
Reykjavík, 29. apríl 1997
SEÐLABANKIÍSLANDS