Morgunblaðið - 06.08.1997, Page 4

4 MIÐVIKUDAGUR 6. ÁGÚST 1997
FRETTIR
MORGUNBLAÐIÐ
Mótorplastbáti með manni hvolfdi á Svínavatni
Svamlaði ósyndur í björg-
unarvesti í klukkutíma
LITLU munaði að stórslys yrði þegar litlum plast-
báti með Valdimar Ásgeirssyni, bónda á Auðkúlu I
í Svínavatnshreppi, hvolfdi á Svínavatni hinn 7.
júlí sl. Kristmundur Valberg, bóndi á Auðkúlu II,
hafði auga með Valdimar út um eldhúsgluggann
og kom honum til bjargar. Valdimar er ósyndur
og var orðinn mjög þrekaður.
Valdimar hafði beðið Kristmund að fylgjast
með sér á vatninu enda var hann einn í bátnum
og ósyndur. Ekki bar á neinu óvenjulegu fyrr en
mótorplastbátnum hvolfdi skyndilega með Valdi-
mar innanborðs um 200 m frá bakkanum. Valdi-
mar fór í vatnið og reyndi að svamla áfram að
bakkanum.
Kristmundur varð vitni að slysinu. „Ég hugs-
aði mig ekki um tvisvar, ók niður að vatninu, og
hringdi ekki á hjálp fyrr en í bílnum. Þegar hún
lét á sér standa fór ég úr öllu nema nærfötunum
og synti út í eftir Valdimar. Ég var alveg að
gefast upp eftir að hafa synt með hann hálfa
leið enda var vatnið ansi kalt og Valdimar svo
þrekaður að hann hjálpaði lítið til. Því varð ég
að fara í land og ná smá hvíld áður en ég fór út
í aftur. Á meðan lá hann fyrir í vestinu," sagði
Kristmundur.
Kristmundur synti einn með Valdimar að bakk-
anum. „Ég kom honum svo heim og beint í rúm-
ið með kaffi,“ segir hann. Hann segist hafa verið
góður sundmaður áður fyrr en minna stunda sund-
ið núna.
Netatrossa flækst í bolta
Valdimar segist ekki í vafa um að illa hefði
getað farið ef Kristmundur hefði ekki séð hann
detta í vatnið. „Ég var orðinn ansi þrekaður þeg-
ar hann kom að enda er vatnið kalt eða á bilinu
6 til 8 gráður,“ segir hann. Hins vegar segist
hann ekki hafa verið lengi að jafna sig. Aðeins
nokkra klukkutíma.
Valdimar leggur daglega silungsnet í Svína-
vatn. Hann telur að netatrossa hafi flækst í bolta
og hvolft bátnum.
Morgunblaðið/Sigurgeir
BLYS lýstu upp brekkuna í Herjólfsdal í Vestmannaeyjum á laugardagskvöldið þar sem haldin var Þjóðhátíð að venju.
Afnotagjald
RÚV inn-
heimt hjá
lífeyris-
þegum
HLUTI lífeyrisþega fær um þessar
mundir kröfu frá innheimtudeild
Ríkisútvarpsins vegna afnota-
gjalds fyrir júní, júlí og ágúst en
áður höfðu þessi gjöld verið felld
niður. Kemur þetta í kjölfar breyt-
inga ríkisstjórnarinnar á reglu-
gerðum er varða lífeyrisþega sem
gerðar voru í júní.
Hlunnindi lífeyrisþega
felld niður
Þeir lífeyrisþegar sem fá lægst-
ar bætur hafa notið nokkurra
hlunninda, m.a. afsláttar af fasta-
gjaldi síma, læknis- og lyfjakostn-
aði og fengið fellt niður afnota-
gjald hjá RUV. Nú er öllum lífeyr-
isþegum gert að greiða afnota-
gjald Ríkisútvarps en fá 20% af-
slátt. Lækkar því afnotagjaldið
hjá þeim sem hafa haft háar lífey-
ristekjur og þar af leiðandi ekki
búið við fyrrgreind hlunnindi en
til innheimtu þess kemur hjá hin-
um sem búið hafa við íægstu
bæturnar. Á móti kemur að heim-
ilisuppbót er hækkuð, þ.e. hjá
þeim sem búa einir.
-----» ♦ 4----
Leiksvæði í
Elliðaárdal
BORGARRÁÐ Reykjavíkur sam-
þykkti í gær tillögu umhverfis-
málaráðs borgarinnar um að láta
koma upp leikaðstöðu í Árhólman-
um í Elliðaárdal.
í greinargerð landslagsarki-
tekta fyrir umhverfismálaráð
kemur fram að markmiðið sé að
nota frumstæð leiktæki sem svari
greinilega til umhverfísins í hólm-
anum.

Umferð um helgina
72 umferðaróhöpp
Morgunblaðið/Kristinn
BIÐRAÐIR mynduðust við söluskrifstofur Flugleiða í gærmorg-
un þegar sala hófst á „tveir fyrir einn“ tilboðinu. Hafði nálega
helmingur sætanna selst á fyrsta degi.
Flugleiðir með tilboð í Ameríkuflugi
Nær helmingur
sæta seldur
BÍLAUMFERÐ um verslunar-
mannahelgina var svipuð og á síð-
asta ári, ef marka má samantekt
Umferðarráðs á fjötda ökutækja
um landið. Að mati Sigurðar Helga-
sonar hjá Umferðarráði og Hilmars
Þorbjörnssonar, yfirlögregluþjóns
umferðardeildar lögreglunnar í
Reykjavík, gekk umferðin vel fyrir
sig og segir Hilmar að ökulag lang-
flestra á höfuðborgarsvæðinu hafi
verið til fyrirmyndar.
Engin stórslys urðu um helgina
en samkvæmt upplýsingum frá
Umferðarráði voru 72 umferðar-
óhöpp skráð hjá lögreglunni vítt
og breitt um landið. Um var að
ræða 57 árekstra þar af 38 í
Reykjavík. Tíu bílveltur urðu og í
níu tilvikum var bifreiðum ekið út
af vegi. í þessum óhöppum öllum
slasaðist 21 þar af þrír nokkuð al-
varlega; í Reykjavík þar sem lítill
strákur varð fyrir bíl, á Selfossi
þar sem maður lenti í vélhjólaslysi
og í Austur-Skaftafellssýslu þar
sem kona var í bíl sern lenti í nokk-
uð hörðum árekstri. Á sama tíma
í fyrra urðu 89 umferðaróhöpp og
slösuðust fjórir alvarlega.
Þá voru alls 62 ökumenn teknir
gTunaðir um ölvun við akstur víða
um land um helgina, samkvæmt
upplýsingum frá Umferðarráði, en
á sama tíma í fyrra voru 66 teknir
fyrir meintan ölvunarakstur. Einn-
ig var nokkuð um að menn væru
teknir fyrir of hraðan akstur, en
að sögn Sigurðar bar minna á at-
hugasemdum um hættulegan fram-
úrakstur en á síðasta ári.
Ekki teljandi umferðartafir
Að sögn Hilmars dreifðist um-
ferð nokkuð jafnt yfir helgina og
af þeim sökum urðu ekki neinar
teljandi umferðartafir á höfuðborg-
arsvæðinu. Fjöldi manna lagði af
stað út úr bænum á fímmtudag,
sem leiddi til þess að umferð-
arþungi var ekki eins mikill á
föstudag. Þá komu margir í bæinn
á sunnudag, sem létti á umferðinni
á mánudeginum. Umferð var
töluverð seinnipart mánudags og á
mánudagskvöld við Reykjavík en
gekk þrátt fyrir það vel fyrir sig,
að sögn Hilmars.
Útihátíðir voru haldnar víða um
land og fóru þær fram án meiri-
háttar óhappa. Lögregla þurfti
víða að hafa afskipti af mótsgest-
um, og voru m.a. um á fjórða tug
manna kærðir vegna fíkniefna-
neyslu á Akureyri og 11 í Vest-
mannaeyjum.
■ Verslunarmannahelgin/10
■ Öflug/13
BIÐRAÐIR voru við söluskrifstofur
Flugleiða í gærmorgun þegar sala
hófst á þijú þúsund farmiðum á af-
sláttarkjörum til allra áfangastaða
félagsins í Bandaríkjunum.
Margrét Hauksdóttir hjá upplýs-
ingadeild Flugleiða upplýsti í gær
að nálega helmingur sætanna væri
þegar seldur og vinsælustu áfanga-
staðirnir væru á Flórída. Flugleiðir
buðu svipuð kjör í fyrra en ekki til
allra áfangastaðanna vestra og eru
því_ mun fleiri sæti í boði nú.
í tilboðinu felst að ef tveir ferð-
ast saman milli íslands og Banda-
ríkjanna greiðir aðeins annar far-
þeginn fargjaldið. Stendur tilboðið
til 16. ágúst. Lægsta gjaldið verður
á leiðinni til New York og Boston,
23.720 kr. fyrir manninn, sem er
helmingur af lægsta venjulegu far-
gjaldi.
H O N D A
C I V I c

CiV*c
I í'pf»í■(>
199S
5 - D Y R A
meö 115
hestafla VTEC
vél og tveimur
loftpúðum
1.480.000,-
HOIVDA