Morgunblaðið - 06.08.1997, Blaðsíða 14

14 MIÐVIKUDAGUR 6. ÁGÚST 1997
LANDIÐ
MORGUNBLAÐIÐ
f
Morgunblaðið/Aldís Hafsteinsdóttir
Mannfjöldi við messu í Ábæ
Ábæ - Um 440 manns hlýddu á
messu í Ábæjarkirkju í Skaga-
firði síðastliðinn sunnudag þrátt
fyrir að í sókninni sé ekkert
sóknarbarn. Um árabil hefur
verið messað í Ábæjarkirkju á
sunnudegi verslunarmannahelg-
ar og hefur messan jafnan dreg-
ið til sín fjölda gesta sem selja
það ekki fyrir sig þó að um illfær-
an slóða sé að fara inn í þessa
afskekktu sveit. Síðasta sóknar-
barn Ábæjarsóknar, Helgi Jóns-
son, Merkigili, lést í vetur af slys-
förum og var hans sérstaklega
minnst við messuna. Helgi hafði
það fyrir sið að bjóða öllum
kirkjugestum í rausnarlegar
veitingar heim að Merkigili. í ár
voru það hins vegar systkini hans
sem heiðruðu minningu bróður
síns með því að bjóða öllum
kirkjugestum í kaffi að lokinni
messu. Þrátt fyrir að dumbungur
væri hélst veður þurrt og er heim
að Merkigili var komið braust sól
fram úr skýjum svo gestir gátu
notið glæsilegra veitinga þeirra
systkina utan dyra í stórbrotnu
umhverfi Austurdals. Við mess-
una á Ábæ þjónaði séra Ólafur
Hallgrímsson, Mælifelli, fyrir alt-
ari en predikun flutti séra Björn
Jónsson, Akranesi.
Morgunblaðið/Egill
Strætó á Flateyri
Flateyri - Nýverið lagði almenn-
ingsvagn frá ísafjarðarbæ fyrir
utan veitingahúsið Vagninn á
Flateyri. Úr vagninum streymdu
knáir knattspyrnumenn frá
Keflavík sem voru hér á ferð
vegna þátttöku í Vestfjarðariðli
í knattspyrnu. Hér voru á ferð
knattspyrnumenn sem keppa í
annarri deild í sínum riðli. Eftir
að hafa nærst á ljúffengum
skyndibita var stillt upp fyrir
myndatöku áður en lagt yrði í
næsta áfanga.
A P T 0 N
Einfalt • auðvelt • handhægt
Smíðakerfi
sniSiS fyrir hvern og einn
SINDRI
-sterkur í verki
BORGARTÚNI31; SÍMI 562 72 22
Rekstrarvandi St. Franciskusspítalans í Stykkishólmi
Spamaðartillögur
sagðar ósanngjamar
EF miðað er við íbúatölu á upp-
tökusvæði eru framlög ríkisins
lægst til St. Franciskusspítalans í
Stykkishólmi af 13 sjúkrahúsum
úti á landsbyggðinni að því er fram
kemur í gögnum frá framkvæmda-
stjóra og hjúkrunarforstjóra spítal-
ans. Gögnin fylgja bréfi Sturlu
Böðvarssonar, þingmanns Vestur-
lands og varformanns fjárlaga-
nefndar Alþingis, til Ingibjargar
Pálmadóttur, heilbrigðisráðherra,
vegna rekstrarvanda spítalans.
Sturla segist í bréfinu reiðubúinn
til að veija spítalann fyrir ósann-
gjörnum sparnaðartillögum. Til-
lögurnar feli í raun í sér að núver-
andi starfsemi spítalans verði lögð
í rúst.
Sturia segist hafa gert athuga-
semd við fyrirætlan heilbrigðis-
ráðuneytisins um að leggja fram
tillögu um 160 milljóna króna
skerðingu á framlagi til nokkurra
sjúkrahúsa á landsbyggðinni sl.
haust. Niðurstaðan hafi orðið sú
að „setja“ spamaðaráformin „í ís“
undir fjárlagalið hagræðingar. Með
því móti gæfist heilbrigðisráðu-
neytinu kostur á að leggja fram
rökstuddar tillögur síðar.
Nú sé komið í ljós að ráðuneytið
haldi sig við nánast sömu tillögur
og sé gert ráð fyrir að fjárveiting
til St. Franciskusspítalans verði
skert um rúmar 9 milljónir króna.
„Þessar tillögur koma fram þrátt
fyrir að stjórn spítalans hafi látið
rekstrarráðgjafa gera úttekt á
rekstrinum og sýnt hafi verið fram
á hagkvæmni þeirrar starfsemi
sem þar fer fram. Fulltrúar nefnd-
arinnar, sem komu til fundar með
stjórnendum spítalans, gerðu eng-
ar athugasemdir við reksturinn.
Engar rökstuddar tillögur hafa
komið fram er sýna að veita megi
þjónustu spítalans með öðmm og
ódýrari hætti,“ segir m.a. í bréfi
Sturlu.
Hann segist hafa treyst á mál-
efnalega og faglega meðferð mála
af hálfu ráðuneytisins. Nú telji
hann sér hins vegar ekki lengur
fært að láta kjurt liggja. „Mun ég
veija spítalann fyrir þeim ósann-
gjörnu tillögum sem eru og hafa
verið uppi og fela í raun í sér að
leggja núverandi starfsemina í rúst
og hætta að nýta húsnæði, tæki
og þekkingu sem hefur verið byggð
upp af St. Franciskussystrum og
samstarfsfólki þeirra."
Ekki formlegt samband við
systurnar
Sturla tekur fram að þegar sér
hafi verið ljóst að ráðuneytið ætl-
aði að leggja fram svo róttækar
tillögur um breytta starfsemi spít-
alans, sem raun bæri vitni, án þess
að ræða með formlegum hætti við
systurnar um breytt hlutverk spít-
alans og án þess að ræða þær
breytingar við sveitarstjórnarmenn
eða þingmenn kjördæmisins, hafi
hann talið nauðsynlegt að bregðast
við. Hann hafí skoðað rekstrar-
framlög til spítalans og borið sam-
an við aðra spítala. Við þá skoðun
hafí komið í ljós að framlög til
sjúkrahúsþjónustu á starfssvæði
spítalans væru töluvert lægri en
til annarra sjúkrahúsa.
í meðfylgjandi gögnum frá
framkvæmdastjóra og hjúkrunar-
forstjóra kemur fram að framlög
til spítalans eru lægri en til 12
annarra sjúkrahúsa á Iandsbyggð-
inni ef tekið er tillit til íbúatölu á
upptökusvæði spítalans. Fram
kemur að fjárveiting til spítalans
er 22.260 kr. á íbúa á upptöku-
svæðinu fyrir umrædda skerðingu.
Af öðrum sjúkrahúsum má til
dæmis nefna að sjúkrahúsið á
Seyðisfirði fær 105.920 kr. og
sjúkrahúsið á Siglufirði 78.490 kr.
Við skerðinguna lækkar framlag
til spítalans í 22.060 kr. á íbúa á
þessu ári. Heildarskerðing hefði í
för með sér að upphæðin lækkaði
í 20.470 kr. á íbúa.
Sjúklingar víða að
Fram kemur að innlögnum hefur
fjölgað úr 205 árið 1990 í 371
árið 1996. Af innlögnum síðara
árið hafi 37% verið vegna sjúklinga
frá Stykkishólmi, 39% vegna sjúkl-
inga af Vesturlandi, 4% af Vest-
fjörðum, 6% af Norðurlandi, 2%
af Austurlandi, 1% af Suðurlandi,
5% af Reykjanesi og 6% úr Reykja-
vík. Meðallegutími hefur styst úr
47 dögum árið 1990 í 27 daga
árið 1996. Á sama tíma hefur
kostnaður á rúm lækkað.
í niðurlagi óskar Sturla eindreg-
ið eftir því að ráðuneytið leiti sam-
starfs við systurnar fremur en að
þær frétti í fjölmiðlum af tillögum
sem feli í sér grundvallarbreyting-
ar á starfsemi spítalans. „Það er
einnig ósk mín að ráðuneytið
endurmeti þær forsendur sem
byggt er á við útdeilingu rekstr-
arfjármuna til sjúkrahúsanna og
tryggi St. Franciskusspítalanum
eðlilega hlutdeild svo ekki komi til
þess að St. Franciskusreglan þurfi
að hrökklst burt og hætta að sinna
því starfi sem systurnar hafa unn-
ið svo vel í rúm sextíu ár í nafni
mannúðar.“
Morgunblaðið/Ágúst
Mikil umferð í Skagafirði
Sauðárkróki - i Skagafirði var ekki
um að ræða skipulega útihátíð um
verslunarmannahelgina, en hinsveg-
ar var umferð mikil um svæði lög-
reglunnar á Sauðárkróki.
Á föstudagskvöld var dansleikur
í félagsheimilinu Miðgarði, með
hljómsveitinni SSsól, og var þar fjöl-
menni. Allt fór þó friðsamlega fram
þó ölvun væri nokkur, en einn sam-
komugesta var tekinn vegna vörslu
og neyslu fíkniefna og að sögn lög-
reglunnar á Sauðárkróki telst það
mál upplýst.
Nokkur umferðaróhöpp urðu um
helgina, meðal annars var ekið á tvö
hross við Sesseljubúð á Öxnadals-
heiði, og drápust hrossin bæði, en
bíllinn er talinn gjörónýtur, en öku-
maður og farþegar sluppu án
meiðsla. Þá valt bíll við bæinn Mið-
hús í Óslandshlíð, og fór hann all-
margar veltur, og er sömuleiðis tal-
inn ónýtur, en einnig þar sluppu all-
ir sem í bílnum voru án nokkurra
áverka.
Síðari hluta mánudags var lög-
reglan við umferðareftirlit á þjóðvegi
eitt og stöðvaðist þá fólksbifreið á
suðurleið. Var ökumaður próflaus
og hafði verið sviptur ökuréttindum
og við rannsókn fundust fíkniefni í
bílnum.
Alls kærði lögreglan á Sauðár-
króki um 80 ökumenn fyrir of hrað-
an akstur um helgina.
Veðurguðimir
léku við gesti
Neskaupsstað - Fjölskylduhátíð-
in Neistaflug var haldin í Nes-
kaupstað í fimmta sinn um versl-
unarmannahelgina.
Á þriðja þúsund gesta var á
hátíðinni þegar flest var og er það
nokkru færra en í fyrra. Veð-
urguðimir léku við gesti alla þrjá
dagana sem hátíðin stóð yfir, logn
og blíða og hiti um og yfir 20
gráður. Hátíðin fór vel fram, en
að sögn lögreglu var töluverð ölv-
un, en engin alvarleg atvik komu
upp, þó eitthvað væri um smá
pústra. Aðeins tveir gistu fanga-
geymslu hluta úr nóttu.
L
í
I
I
«
«
«
«
V
«
C
i
i
c
i
á
4