Morgunblaðið - 08.10.1997, Side 35

MORGUNBLAÐIÐ
MIÐVIKUDAGUR 8. OKTÓBER 1997 35
Tommi og Jenni
BREF
TTL BLAÐSINS
Kringlan 1103 Reykjavík • Sími 5691100 • Símbréf 569 1329
Sannleikurínn úr
þingsölum
Frá Lárusi Hermannssyni:
í SÍÐASTA blaði „Listin að lifa“ er
greint frá því, hvernig alþingismenn
í Reykjavík og Reykjanesi greiddu
atkvæði 18. desember 1995 um
breytingar á lögum nr. 75/1981 um
tekju og eignarskatt, sem fól í sér
afnám 15% skattaafsláttar til ellilíf-
eyrisþega, vegna tvísköttunar, sem
þingið hafði áður samþykkt í tíð
fyrsta ráðuneytis Davíðs Oddssonar.
Og nú verða birt nöfn þeirra, sem
greiddu atkvæði hér í Reykjavík,
með því að fella þessi réttindi burtu:
Já sögðu: Björn Bjartmars, Finnur
Ingólfsson, Friðrik Sophusson, Geir
H. Haarde, Guðmundur Hallvarðs-
son, Lára M. Ragnarsdóttir, Ólafur
Ö. Haraldsson, Pétur H. Blöndal og
Sólveig Pétursdóttir. Fjarstaddur
var Davíð Oddsson.
Nei sögðu: Ásta R. Jóhannesdótt-
ir, Bryndís Hlöðversdóttir, Guðný
Guðbjörnsdóttir, Jóhanna Sigurðar-
dóttir, Jón B. Hannibalsson, Kristín
Ástgeirsdóttir, Svavar Gestsson,
Ögmundur Jónasson og Össur
Skarphéðinsson.
Og þarna má sjá, án þess að vill-
ast um, hveijir vildu hag eldri borg-
ara hér í Reykjavík og hveijir vildu
beija þá niður. Er ekki rétt að hafa
það hugfast fyrir næstu kosningar,
þegar þeir fara að gera hosur sínar
grænar og gatlausar?
Og svona greiddu þingmenn
Reykjaneskjördæmis atkvæði gagn-
vart 15% niðurfellingunni:
Já sögðu: Árni M. Mathiesen,
Árni R. Árnason, Hjálmar Árnason
Fr.fl., Kristján Pálsson, Ólafur Ein-
arsson, Sigríður A. Þórðardóttir og
Siv Friðleifsdóttir, Fr.fl.
Nei sögðu: Ágúst Einarsson, Ólaf-
ur Ragnar Grímsson, Rannveig Guð-
mundsdóttir, Kristín Halldórsdóttir.
Fjarstödd var Pétrína Baldursdóttir.
Til áréttingar er þess getið sam-
kvæmt ákvörðun félagsfundar í Fé-
lagi eldri borgara í Reykjavík hinn
8. mars 1997, skal birta niðurstöðu
atkvæðagreiðslna á Alþingi í málum
er varða íjárhag og félagslega af-
komu aldraðra sérstaklega, svo aldr-
aðir geti gert sér grein fyrir því
hvernig þingmenn, sem sækjast eft-
ir endurkjöri, hafa varið atkvæði
sínu í málum er varða afkomu þeirra.
(Endursagt.)
Þessi samantekt er gerð af Hlöð-
veri Kristjánssyni sem er gott að
hafa fyrir fleiri en eldri borgara
þessa lands. Því við vitum mörg, að
fjöldi af afa- og ömmubörnum vilja
ekki að alþingismenn og stjórnvöld
þessa lands níðist freklega á þessum
hópi manna.
En' einmitt þetta unga fólk mun
geta ráðið miklu í næstu kosningum,
hveijir verða kosnir til setu á Al-
þingi næsta kjörtímabil.
Þess vegna er þetta birt í blöðum,
fleirum en „Listin að lifa“.
LÁRUS HERMANNSSON
frá Ysta-Mói.
Mér þykir það Ieitt að ég var of Við áttum í svolitlum vandræðum Eldhúsið okkar varð fullt af
seinn, kennari. heima. argaþrasi.
Svar við bréfi Benedikts
Brynjólfssonar í Morgun
blaðinu 18. september sl.
Frá Finni Ingólfssyni:
LEITT er að þú skulir ekki hafa
fengið viðhlítandi upplýsingar um
hvert þú ættir að snúa þér þegar
þú hafðir samband við hin ýmsu
ráðuneyti. Vil ég aðeins reyna að
bæta úr þeim upplýsingaskorti. Það
er hins vegar hvorki við hæfi né á
mínu færi að gefa álit á einstökum
atriðum er varða samskipti þín við
einstök vátryggingafélög eða að
fjalla um hugsanlegar breytingar á
lögum er falla undir aðra ráðherra.
Án þess þó að vilja taka neina
afstöðu til þess er fram kemur í
bréfi þínu vií ég benda þér á að um
slys á áhöfnum skipa og ákvörðun
bóta fer samkvæmt ákvæðum sigl-
ingalaga, en þau lög heyra undir
samgönguráðherra. Er mér reyndar
kunnugt um að nefnd er að störfum
um endurskoðun þeirra ákvæða lag-
anna. Þá er einnig líklegt að kjara-
samningur sá sem þú starfaðir eftir
á þeim tíma er þú varðst fyrir slys-
inu hafi að geyma ákvæði um slysa-
tryggingar og örorkubætur. Vil ég
benda þér á að hafa samband við
stéttarfélag þitt þar um. Hafi slysið
orðið með þeim hætti að útgerðin
teldist bótaskyld, þannig að reyni á
ábyrgðartryggingu hennar, koma til
skoðunar ákvæði skaðabótalaga sem
heyra undir dómsmálaráðherra.
Teljir þú að starfshættir þess vá-
tryggingafélags sem þú áttir sam-
skipti við í kjölfar slyssins hafi ekki
verið í samræmi við almenna við-
skiptavenju í vátryggingamálum vil
ég benda þér á að í gildi er reglu-
gerð um neytendamáladeild hjá Vá-
tryggingaeftirlitinu, nr. 693/1994,
en þar geta neytendur fengið upplýs-
ingar og komið kvörtunum á fram-
færi telji þeir á sér brotið. Einnig er
í gildi samkomulag á milli ráðuneyt-
is míns, Sambands íslenskra trygg-
ingafélaga og Neytendasamtakanna
um Úrskurðarnefnd í vátrygginga-
málum. Nefnd þessi er einnig vistuð
hjá Vátryggingaeftirlitinu.
Enginn á að þurfa að líða það að
á honum séu brotin lög. Ef þú ert
sannfærður um það að vátrygginga-
félag það sem þú tilgreinir í bréfi
þínu til mín hafi brotið á þér lög er
það sjálfsagður réttur þinn að leita
til dómstólanna til þess að fá úr-
lausn þinna mála.
Ég ítreka að mér þykir leitt að
þú skuiir til þessa ekki hafa fengið
þau svör og þá þjónustu sem þú
telur þig eiga rétt á en vona að þetta
svar mitt geri að einhveiju leyti grein
fyrir hvernig málum er fyrirkomið í
kerfinu margumtalaða.
Með kveðju,
FINNURINGÓLFSSON,
viðskiptaráðherra.
Allt efni sem birtist i Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.