Morgunblaðið - 22.11.1997, Blaðsíða 4

4 LAUGARDAGUR 22. NÓVEMBER 1997
MORGUNBLAÐIÐ
FRÉTTIR
Halldór Ásgrímsson ræddi gagnrýni iiman Framsóknarflokks á fískveiðistefnuna
Eðlileg gremja vegna
mikils hagnaðar
þeirra sem hætta
Aðalfundur miðstjórnar Framsóknarflokksins hófst í Kópavogi í
gærkvöldi í Lionshúsinu 1 Kópavoffl. Formaður flokksins gerði
fískveiðistefnuna að umtalsefni í ræðu sinni við upphaf fundarins
og ræddi gagnrýni sem fram hefur komið innan flokksins.
HALLDÓR Ásgrímsson, utanríkis-
ráðherra og formaður Framsóknar-
flokksins, sagði í ræðu á aðalfundi
miðstjómar flokksins í gærkvöldi,
að ýmis atriði fiskveiðistefnunnar
hefðu verið gagnrýnd á kjördæmis-
þingum flokksins undanfarið. M.a.
hefði verið gagm-ýnt að of mikið
frjálsræði sé í framsali veiðiheimilda
og sagði Halldór það vissulega álita-
efni.
„Það hefur verið takmarkað frá
því sem.áður var og ég á ekki von á
að það sé erfitt að ná samkomulagi
um að setja þar frekari takmarkan-
ir. Með því er hægt að leysa ákveðin
vandamál en önnur munu koma í
staðinn sem geta skapað erfiðleika í
rekstri í allmörgum byggðarlögum,“
sagði Halldór, m.a. í ræðu sinni.
Halldór sagði að fiskveiðistefnan
þyrfti stöðugt að vera í endurskoðun
og mótun og framsóknarmenn
þyrftu að taka virkan þátt í þeirri
umræðu. Stóra ágreiningsefhið væri
hvort innheimta ætti almennt veiði-
leyfagjald. Framsóknarflokkurinn
hefði lagst gegn almennu veiði-
leyfagjaldi en framsóknarmenn hins
vegar talið eðlilegt að sjávarútveg-
urinn greiddi skatta og skyldur á við
aðrar atvinnugreinar.
Veiðiheimildir á fáar hendur
eðiilegt gagnrýnisatriði
Halldór ræddi gagnrýni innan
flokksins í sjávarútvegsmálum og
sagði veiðar smábáta stöðugt
ágreiningsefni en benti á að nú
hefði náðst samkomulag um breyt-
ingar á skipulagi veiðanna. „I öðru
lagi er það áhyggjuefni að veiði-
heimildir safnist um of á fáar hend-
ur. Það er eðlilegt gagnrýnisatriði
en jafnframt verður að hafa í huga
að hagkvæmar veiðar kalla á færri
skip. Nú hefur verið lagt frumvarp
fyrir Alþingi um takmörkun á eign-
araðild einstakra aðila og er það ár-
angur starfs nefndar sem vann á
vegum stjómarflokkanna.
I þriðja lagi er talið að skattaleg
meðferð veiðiheimilda skapi óeðli-
lega hátt verð þeirra og þarfnist
breytinga við. Jafnframt veldur
mildll hagnaður þeima sem hætta
rekstri eðlilegri gremju. Á þetta
hafa stjómarflokkamir fallist og nú
er unnið að undirbúningi breytinga
á skattalögum," sagði hann.
6 milljarða veiðileyfagjald
hefði rekið ÚA í þrot
Halldór vék einnig að umræðu um
veiðileyfagjald. Gagnrýndi hann tals-
menn þess og sagði m.a.: „í íyrradag
var ég í heimsókn í hinu glæsilega
íyrirtæki Utgerðarfélags Akureyr-
inga. Þar hafa átt sér stað miklar
endurbætur til að styrkja land-
vinnsluna og framtíð íyrirtækisins á
þeim granni sem þeir búa við í dag.
Mér varð hugsað til þess hvað það
þýddi fyrir þetta gamalgróna fyrir-
tæki ef 6 milljarða almennt veiðileyfa-
gjald yrði lagt á sjávarútveginn í
landinu. Alþýðuflokkurinn hefur talað
um mildu hærri fjárhæðir, en ég tek
aðeins fremur lága fjárhæð miðað við
umræðuna. Fyrirtækið var því miður
rekið með tapi í fyrra, en eiginfjár-
hlutfall þess er nú um 46 prósent
sem sýnir trausta fjárhagsstöðu.
Hefði veiðileyfagjald verið lagt á
Útgerðarfélag Akureyringa árið
1992 hefði það orðið um 200 milljónir
króna á ári. Þetta myndi hafa haft
þær afleiðingar á rekstur fyrirtækis-
ins að í árslok 1997 hefði eigið fé
þess verið uppurið og fyrirtækið í
raun komið í þrot fjárhagslega. Mið-
að við þetta hefði ÚA í lok þessa árs
þurft að hætta rekstri og leggja nið-
ur starfsemi. Þessu hefði fylgt um-
talsvert atvinnuleysi og miklir erfið-
leikar fyrir bæjarfélagið og íbúa
þess. Treysta kratar sér til að kynna
þessa stefnu sína í bæjarstjómar-
kosningunum í vor á Akureyri?"
spurði Halldór.
Hópur þingmanna ræðir við
fólk og fyrirtæki
Fram kom í máli hans að hópur
þingmanna í flokknum hefur að
undanfömu átt viðtöl við fólk og
fyriríæki í þeim tilgangi að móta
stefhu flokksins í sjávarútvegsmál-
um fyrir flokksþing á næsta ári.
Halldór sagði að þingmennimir
mundu halda áfram að vinna að
þessu viðkvæma og erfiða máli. „í
millitíðinni munum við vinna áfram
með samstarfsflokknum að því að
ná tökum á helstu úrlausnarefnum í
sjávarútvegi. Það munum við gera
með hagsmuni atvinnugreinarinnar
að leiðarljósi og þeirra tugþúsunda
íslendinga sem eiga allt sitt undir
því að hér sé rekinn öflugur sjávar-
útvegur," sagði Halldór.
Umræða í ríkisstjórn
Varanlegir
vegir tengi
byggðir
RÍKISSTJÓRNIN hefur nú til
umfjöllunar metnaðarfulla áætlun
um að tengja saman með varanleg-
um vegi byggðarlögin í landinu, að
því er Halldór Ásgrímsson, for-
maður Framsóknarflokksins, sagði
á aðalfundi miðstjómar í gær-
kvöldi.
„Málið mun koma til umfjöllunar
á Alþingi á þessu þingi og mun
skipta miklu máli í þeirri umræðu
sem nú fer fram,“ sagði hann.
------♦-*-*.---
Bjartsýnisverð-
laun veitt í dag
BYGGÐAMÁL og sveitarstjómar-
kosningar eru meginumræðuefni í
dag á aðalfundi miðstjómar Fram-
sóknarflokksins.
Kl. 13.30 verður gert hlé á um-
ræðum þegar veita á Bjartsýnis-
verðlaun Framsóknarflokksins
1997. Síðdegis fer fram kosning níu
manna í Landsstjórn flokksins og
ályktanir verða afgreiddar.
HALLDÓR Ásgrfmsson og Ingibjörg Páhnadóttir við upphaf miðstjómarfundarins í gærkvöldi.
Morgunblaðið/Þorkell
GiUirti! 30.11 '97
yfir 2.000,- kr.
©SILFURBÚÐIN
KRINGLUNNI 8-12 S: 568-9066
Skulum halda ró okk-
ar þrátt fyrir sveiflur
„EF til vill eram við ekki nógu dug-
leg að berja okkur á brjóst og skýra
frá árangri okkar. Ég hygg þó að
þegar kemur að uppgjörinu og bor-
in verða saman markmið og efndir í
lok kjörtímabilsins fái allir það sem
þeir verðskulda - og þar kvíði ég
engu.“ Þetta sagði Halldór Ás-
grímsson, formaður Framsóknar-
flokksins, er hann ræddi stöðu
flokksins.
Halldór sagði að samkvæmt
stjómarsáttmálanum væri nú unnið
að framkvæmd allra helstu áherslu-
mála Framsóknarflokksins og sú
vinna hefði gengið án teljandi
árekstra við samstarfsflokkinn.
Hann sagði hins vegar koma nokkuð
á óvart að fylgi flokksins skyldi ekki
mælast meira en raun ber vitni í ein-
staka skoðanakönnun. „Samantekt á
fylgi Framsóknarflokksins sam-
kvæmt skoðanakönnunum frá því á
miðju ári 1995 sýnir að fylgið hefur
sveiflast nokkuð til en meðalfylgi
okkar hefur verið um 20%. Það er að
mínu mati viðunandi ef litið er til
kjörfylgis okkar í kosningum síðast-
liðinn hálfan annan áratug. Þetta er
jafnvel viðunandi í samanburði við
kjörfylgi okkar í síðustu kosningum,
þegar við fengum 23% atkvæða, en
þá unnum við góðan sigur.
Sagan sýnir að í kosningum nýtur
Framsóknarflokkurinn meira fylgis
en kannanir gefa til kynna, oftast
nær er fylgið u.þ.b. 3-4 hundraðs-
hlutum meira en skoðanakannanir
sýna. Við skulum því halda ró okkar
þótt sveiflur verði í skoðanakönnun-
um,“ sagði hann.
Halldór sagði framsóknarmenn
verða að ganga út frá því að samein-
ingartilraunir A-flokkanna gangi
eftir í einhverri mynd. „Andstæð-
ingar okkar í stjórnmálum klifa
mjög á því að ef það gerist, þá veiki
það stöðu Framsóknarflokksins. Ég
tel enga ástæðu til að ætla að svo
verði og tel þvert á móti að það geti
styrkt stöðu Framsóknarflokksins
til lengri tíma litið. Það er augljóst
að sá málefnagrandvöllur, sem þess-
ir flokkar gætu hugsanlega komið
sér saman um, hlýtur að verða til
þess að ýmsir snúi baki við hinum
sameinaða flokki, „ sagði hann.