Morgunblaðið - 26.06.1998, Blaðsíða 12

12 FÖSTUDAGUR 26. JÚNÍ 1998
MORGUNBLAÐIÐ
FRÉTTIR
Ráðstefna og sýning á umhverfísdögum hjá Sorpu í Gufunesi
Arsvelta greinarinnar
um tveir milljarðar
Morgunblaðið/Jim Smart
METANGAS frá Sorpu má bæði nýta á bfla og í stóriðju. Frá vinstri
Ögmundur Einarsson, framkvæmdastjóri Sorpu, Egill Jóhannsson,
framkvæmdasljóri Brimborgar, og Þorsteinn Hannesson, efnafræð-
ingur hjá íslenska járnblendifélaginu.
„VIÐ lokum fyi-ir sorp en tökum á
móti fólki,“ sagði Ögmundur Ein-
arsson, framkvæmdastjóri Sorpu, á
blaðamannafundi í gær þegar hann
kynnti umhverfísdaga 1998, sem
hefjast með ráðstefnu klukkan
13.30 í dag, í húsakynnum Áburðar-
verksmiðjunnar í Gufunesi. Efnt
verður til sýningar á athafnasvæði
Sorpu í Gufunesi um helgina. Alls
starfa á fjórða hundrað manns í
þessari atvinnugi’ein og ársveltan
er kringum tveir milljarðar.
Endurvinnsla í nútíð og framtíð
er yfirskrift ráðstefnunnar sem
hefst með ávarpi Geirs H. Haarde
fjármálaráðherra. Síðar fjalla þrír
erlendir fyrirlesarar um endur-
vinnslu og minnkun úrgangs, þýð-
ingu samræmdra skilgreininga og
tölfræði og um gagnkvæma miðlun
upplýsinga. Að lokinni ráðstefnunni
verður stofnað fagráð sem ætlað er
meðal annars að safna upplýsingum
og vera yfírvöldum til ráðuneytis í
þessum málaflokki.
Yfír 40 fyrirtæki kynna starfsemi
sína á sýningunni sem opin verður
almenningi milli klukkan 10 og 18
laugardag og sunnudag. Eru það
t.d. gámaþjónustur, plastfyrirtæki,
hreinsifyrirtæki, olíufélög, verk-
fræðistofur og fleiri.
I verksmiðju Islenska járnblendi-
félagsins á Grundartanga eru nú
notuð árlega 7 þúsund tonn af timb-
urkurli sem Sorpa útvegar við
framleiðslu á kísiijárni, sem Þor-
steinn Hannesson, efnafræðingur
hjá Jámblendifélaginu, segir að sé
einsdæmi. Kemur notkun timburs-
ins í stað notkunar á um 2.200 tonn-
um af innfluttum kolum. Er því ekki
einungis verið að endurvinna úr-
gangstimbur, sem ella hefði verið
urðað, heldur og verið að draga úr
koldíoxíðmengun við framleiðslu
kísiljárns. Minnkar þessi notkun á
kurli beinan útblástur koldíoxíðs
um 6.700 tonn.
Hægt að minnka losun um 19
þúsund tonn
Þorsteinn segir að með endurbót-
um í verksmiðjunni verði nú unnt að
taka við mun meira af timburkurli
en áður eða um 20 þúsund tonnum.
Myndi notkun þess við framleiðsl-
una minnka losun gróðurhúsaloft-
tegunda um 19 þúsund tonn. Svarar
það til mengunar frá um 5 þúsund
bílum. Lýsti Þorsteinn eftir timbri
frá fleiri sveitarfélögum því frá
Sorpu kæmi ekki slíkt magn.
Á urðunarstað Soi-pu í Álfsnesi
myndast umtalsvert gasmagn
vegna rotnunar og er mögulegt að
nýta það á þrjá vegu. Ársfram-
leiðsla metangass í Alfsnesi er nú
um 1.300 tonn og má m.a. nota það
með því að brenna það beint og nýta
orkuna til raforkuframleiðslu eða í
kyndistöðvar. Er þá mögulegt að
nota það óhreinsað. Annar mögu-
leiki er í stóriðju og segir Ögmund-
ur tiltölulega einfalt að leggja
leiðslu úr Álfsnesi í Grundartanga
og má einnig nota það óhreinsað
þar. Þriðji möguleikinn er eldsneyti
íyrir farartæki.
Sorpa og Volvo-umboðið, Brim-
borg, hafa sameinast um að fá til
iandsins Volvo V70-fólksbíl sem
knúinn er bæði gasi og bensíni.
Nota á bflinn til að kynna notkunar-
möguleika lífræns gass og verður
bfllinn hér í tvo mánuði í þessu
skyni. Bílar knúnir metangasi eru
hljóðlátari og segir Ögmundur að
yrði t.d. ákveðið að nota slík farar-
tæki í almenningssamgöngum
myndi Sorpa leggja í þá nauðsyn-
legu 70 til 100 milljóna króna fjár-
festingu sem þyrfti vegna hreinsun-
ar gassins og búnaðar til átöppunar.
Hann sagði nýtingu metangass á
bíla einnig vera háða skattlagningu
stjórnvalda.
Kostar 15% meira en
hefðbundinn bfll
Volvo-bíllinn sem Brimborg hefur
flutt inn til reynslu er sem fyrr seg-
ir bæði knúinn bensíni og gasi.
Kemst hann 250-300 km á einum
tanki af gasi og um 400 km á bens-
íninu. Skiptir hann sjálfkrafa yfir á
bensínið þegar gasið er búið. Slíkur
bíll kostar rúmar 3,2 milljónir
króna, sem er um 15% meira en bíll
sem notar aðeins bensín. Af þessu
verði fara um 1,3 milljónir til ríkis-
ins í formi gjalda, þ.e. 40% tolls og
24,5% virðisaukaskatts. Hann er að
öllu leyti eins nema hvað 2,5 lítra
vélin verður 129 hestöfl í stað 144
og hefur eilítið lægri hámarkshraða.
Egill Jóhannsson, framkvæmda-
stjóri Brimborgar, segir Volvo
bjóða fólksbfla, vörubfla og strætis-
vagna með búnaði sem getur nýtt
gas sem eldsneyti.
Sveitarstjóri
Eyjafjarðarsveitar
25 sóttu
um
TUTTUGU og fimm umsókn-
ir bárust um starf sveitar-
stjóra í Eyjafjarðarsveit, en
fjórir þeirra sem sóttu um
drógu umsóknir sínar til
baka. Sveitarstjórn fjallaði
um umsóknirnar á fundi í
gærkvöld.
Þeir sem sóttu um eru:
Arinbjörn Sigurgeirsson sölu-
maður, Reykjavík, Arnar
Hreinsson lögreglumaður,
Akurevi’i, Bjarni Kristjánsson
framkvæmdastjóri, Reykjavík,
Dóra Stefánsdóttir fram-
kvæmdastjóri, Reykjavík,
Friðrik Hilmarsson fræðslu-
fulltrúi og ritstjóri, Hafnar-
firði, Guðmundur Eyþórsson
lögreglumaður, Búðardal, Guð-
mundur Guðmundsson sveitar-
stjóri, Hvammstanga, Guð-
mundur R. Svavarsson rekstr-
arfræðingur, Borgarbyggð,
Gunnar Jónsson sveitarstjóri,
Hrísey, Halldóra Bjarnadóttir
framkvæmdastjóri, Eyjafjarð-
arsveit, Jakob Bjömsson fyrr-
verandi bæjarstjóri, Akureyri,
Jóhann Ólafur Halldórsson
framkvæmdastjóri, Eyjafjarð-
arsveit, Jón Ingi Jónsson
fangavörður, Selfossi, Jónas
Vigfússon verkfræðingur,
Kjalarnesi, Oddur Einarsson
guðfræðingur, Njarðvík,
Ragnar Sveinsson fasteigna-
matsmaður, Mosfellsbæ, Sig-
urður Eiríksson rekstrarfræð-
ingur, Eyjafjarðarsveit, Stefán
Örn Valdimarsson skrifstofu-
maður, Reykjavík, Vignir
Garðarsson framkvæmdastjóri
Reykjavík, Þorgils Axelsson,
forstöðumaður, Reykajvík og
Þröstur Óskarsson sérfræð-
ingur við Háskólann á Akur-
eyri, Akureyri.
Borgarfulltrúar Sjálfstæðisflokksins
Kostnaðaráætl-
un vegna nýs
hafnarbakka
Þjónusta við skemmtiferðaskip bætt
BORGARFULLTRÚAR Sjálf- Huga að framtíðinni
Stígandi frá Sauðárkróki hlýt-
ur Sleipnisbikarinn á landsmóti
Morgunblaðið/Valdimar Kristinsson
STAÐA Stíganda frá Sauðárkróki er nú eftir nýja útreikninga kyn-
bótamats BI sú að hann mun hljóta Sleipnisbikarinn eftirsótta verði
hann sýndur með afkvæmum á landsmótinu.
stæðisflokksins hafa lagt fram til-
lögu um að hafnarstjóm samþykki
að láta gera kostnaðaráætlun
vegna byggingar nýs hafnarbakka
við Geirsgötu-Sæbraut fyrir aust-
an Ingólfsgarð, til þess meðal ann-
ars að þjóna umferð skemmtiferða-
skipa og annarri þeirri starfsemi,
sem tengist eða getur tengst mið-
bænum og gömlu höfninni.
20-30 þús. farþegar
í greinargerð með tillögunni
segir að sl. tíu ár hafi Reykjavíkur-
höfn verið kynnt sem ákjósanlegur
viðkomustaður fyrir skemmtiferða-
skip og að á síðustu árum hafí ár-
lega komið um 45 skip með um
20-23 þúsund farþega. Einungis
hluti þessara skipa geti lagst að
bryggju í gömlu höfninni við mið-
bakkann en stærstur hluti jieirra
verði að nýta sér aðstöðuna í
Sundahöfn. Auk þess verða allra
stærstu skipin að liggja úti á ytri
höfninni. Fram kemur að meðal að-
ila í ferðaþjónustu sé vaxandi
gagnrýni á aðstöðuna sem farþega-
skipum er boðin í Sundahöfn.
Mikilvægt sé að huga að framtíð-
araðstöðu fyrir þessa starfsemi
hafnarinnar, sem ætti, ef vel væri á
haldið, að geta aukið við ferðaþjón-
ustu í borginni. Tengsl við mið-
borgina skipti máli og nauðsynlegt
að tryggja svo sem framast er unnt
að aðilar í verslun og þjónustu geti
mætt þörfum ferðamanna sem
koma með skipunum.
Með lengingu Eyjagarðs út frá
Örfírisey batni skilyrði í og við
gömlu höfnina vegna minni öldu-
gangs. Því væri æskilegt að kanna
hvaða möguleika svæðið austan
Ingólfsgarðs bjóði upp á til að
styrkja og efla þjónustuna. Bent er
á að á vegum hafnarstjórnar standi
yfir athugun, m.a. í framhaldi af til-
lögu sjálfstæðismanna, á nýjum
möguleikum fyrir uppbyggingu
hafnarsvæða eftir sameiningu
Reykjavíkur og Kjalamess. Eðli-
legt hljóti að teljast að skoða jafn-
framt nýja og bætta möguleika
sem hafnarsvæðin, bæði í gömlu
höfninni og Sundahöfn, geti boðið
upp á.
LJÓST ER nú hver röð afkvæma-
hrossa til verðlauna á landsmóti
verður eftir að niðurstöður héraðs-
sýninga það sem af er ári hafa verið
reiknaðar inn í kynbótamat Bænda-
samtaka íslands. Orri frá Þúfu er
sem fyrr efstur með 137 stig en
næstur honum kemur Þokki frá
Garði með 126 stig og Stígandi frá
Sauðárkróki þriðji með 124 stig.
Þar sem ljóst er að hvorki Þokki
né Orri verða sýndir á mótinu virð-
ist Ijóst að Stígandi muni hljóta
hinn eftirsótta Sleipnisbikar sem
eru æðstu verðlaun sem veitt eru
kynbótahrossi hér á landi.
Öruggt er talið að Stígandi muni
mæta en unnið er að því þessa dag-
ana að safna saman afkvæmum
undan honum því þessi staða kemur
nokkuð óvænt upp að hann skuli
standa efstur þeirra hesta sem
sýndir verða á mótinu.
Þá vekur athygli útreið Pilts frá
Sperðli því eftir að ljóst var að Orri
yrði ekki sýndur með afkvæmum á
mótinu var almennt talið að hann
myndi hljóta Sleipnisbikarinn.
Staða hans í fyrra haust var góð,
vantaði aðeins eitt afkvæmi í dóm til
að hljóta heiðursverðlaun en í vor
komu í dóm 10 afkvæmi undan hon-
um og féll hann niður í 115 stig og
er í 24. sæti hesta sem standa í
fyrstu verðlaunum.
Bæði Þokki og Orri eru með 85
dæmd afkvæmi en Stígandi er með
84. Næstir í röðinni eru Stígur frá
Kjartansstöðum og Kolfinnur frá
Kjarnholtum með 121 stig, Stígur
með 98 dæmd afkvæmi en Kolfinn-
ur með 76.
Af þeim hestum sem hljóta munu
fyrstu verðlaun fyrir afkvæmi er
Kraflar frá Miðsitju með örugga
forystu, 131 stig fyrir 21 dæmt af-
kvæmi. Næstur kemur Oddur frá
Selfossi með 127 stig og 19 dæmd
afkvæmi og hefur frammistaða af-
kvæma hans í vor vakið verskuldaða
athygli. Svartur frá Unalæk er
þriðji einnig með 127 stig og 16
dæmd afkvæmi og á hæla hans
kemur Safír frá Viðvík með 126 stig
fyrir 21 dæmt afkvæmi og Toppur
frá Eyjólfsstöðum er fimmti með
124 stig fyrir 25 dæmd afkvæmi.
Næstir koma svo Baldur frá Bakka,
Þengill frá Hólum, Sólon frá Hóli og
Hektor frá Akureyri. Líklegt þykir
að allir þessir hestar verði sýndir
með afkvæmum og því ljóst að af-
kvæmasýningar stóðhesta verði
viðamikill þáttur í kynbótasýningu
landsmótsins.
Af hryssum sem eiga rétt á koma
fram til heiðursverðlauna fyrir af-
kvæmi er langefst Þrá frá Hólum
með 134 stig. Osk frá Brún er önnur
með 126 stig, Krafla frá Miðsitju
þriðja með 123 stig en allar eiga
þessar hryssur 5 dæmd afkvæmi.
Jafnar með 122 stig eru Sandra frá
Bakka með 7 dæmd afkvæmi, Gyðja
frá Gerðum með 6 dæmd afkvæmi
og Kolbrá frá Kjarnholtum með 5
dæmd afkvæmi. Sjöunda í röðinni
kemur Dúna frá Stóra Hofi með 121
stig og 5 dæmd afkvæmi og Glíma
frá Laugarvatni með 120 stig og 7
dæmd afkvæmi.