Morgunblaðið - 16.09.1998, Qupperneq 10

10 MIÐVIKUDAGUR 16. SEPTEMBER 1998
MORGUNBLAÐIÐ
FRÉTTIR
FLT-Pica
Svíakonungur hylltur
Nýnemar í Háskóla Islands
Mikil fækkun
þýskunema
HELMINGI færri nemendur
eru innritaðir í þýsku í Háskóla
Islands í haust en í fyrra og sagði
Oddný Sverrisdóttir, formaður
skorar þýsku- og Norðurlanda-
mála, að þetta vekti furðu vegna
þess að undanfarinn áratug hefði
aðsókn í þýsku verið nokkuð
stöðug.
Nú eru milli 15 og 18 nýnemar
í þýsku og þar af eru níu innrit-
aðir í greinina sem aðalfag.
Venjulega eru milli 30 og 40 ný-
nemar í greininni. Oddný sagði
að þessi fækkun vekti furðu þar
sem þýskan væri mikilvægt við-
skiptamál, einnig fyi-ir Austur-
Evrópu. En mikilvægi virtist
ekki alltaf skipta máli þegar há-
skólanemar á fyrsta ári veldu sér
grein.
Oddný kvaðst telja að rekja
mætti þessa fækkun að einhverju
leyti til lokunar Goethe-stofnun-
ar og umræðunnar um hana.
Hún sagði að þýskan væri mik-
ilvæg í samstarfi innan Evrópu-
bandalagsins og væra margir
þeirrar hyggju að það mikilvægi
fæi-i vaxandi frekar en hitt.
Kennarar í þýsku teldu enn
fremur að einungis væri um
tímabundna fækkun í greininni
að ræða.
Skotið á vagna
SVR í Reykjavík
Menntamála-
ráðherra
skipar
íþróttanefnd
MENNTAMÁLARÁÐHERRA
hefur skipað í íþróttanefnd til
næstu fjögurra ára, en skipa ber í
nefndina samkvæmt nýjum íþrótta-
lögum sem samþykkt voru á Al-
þingi í vor.
Formaður nefndarinnar er Guð-
jón Guðmundsson alþingismaður og
varaformaður er Ásgerðui' Hall-
dórsdóttir viðskiptafræðingur en
þau voru skipuð án tilnefningai'.
Aðrh- sem sæti eiga í nefndinni eru
Friðjón B. Friðjónsson gjaldkeri,
tilnefndur af Iþrótta- og Olympíu-
sambandi Islands, til vara er Ellert
B. Schram, forseti ÍSÍ. Sæmundur
Runólfsson, framkvæmdastjóri
UMFÍ, vai' tilnefndur af Ung-
mennafélagi íslands, til vara er Þór-
h- Jónsson, formaður UMFÍ. Ómar
Einarsson, framkvæmdastjóri
Iþrótta- og tómstundaráðs Reykja-
víkur, var tilnefndur af Sambandi
íslenskra sveitarfélaga, til vara er
Petrún Jónsdóttir bæjai’fulltrúi. Er-
lingur Jóhannsson skorarstjóri var
tilnefndur af íþróttaskor Kennara-
háskóla Islands, til vara er Kári
Jónsson íþróttafræðingm'.
------------
Tveir menn
dæmdir
HÉRAÐSDÓMUR Reykjaness
dæmdi á mánudag tvo menn, annan
tvítugan og hinn tuttugu og tveggja
ára, til tveggja mánaða fangelsis-
vistar fyrir brot á hegningarlögum
og fíkniefnalögum. Yngi'i maðurinn
fékk skiiorðsbundinn dóm, en sá
eldri hlaut óskilorðsbundinn dóm.
Hann hefur fjórtán sinnum áðm'
hlotið refsingu.
Ólöf Pétursdóttir dómstjóri kvað
upp dóminn.
ÓLAFUR Ragnar Grímsson, for-
seti íslands, var í gær viðstadd-
ur hátíðarhöld í Stokkhólmi, í
tilefni af því að 25 ár eru liðin
frá því að Karl Gústaf Svíakon-
ungur tók við völdum. Hátíðar-
höldin liófust með guðsþjónustu
í Hallarkirkjunni og var erlend-
um þjóðhöfðingum síðan boðið
til hádegisverðar í konungshöli-
inni. Að honum loknum fór fram
heiðursganga lífvarðasveita
konungs. Hér má sjá nokkra
gesti fylgjast með athöfninni. A
myndinni eru talið frá vinstri:
Margrét Þórhildur Danadrottn-
ing, Silvía Svíadrottning, Ólafur
Ragnar Grínisson, forseti ís-
lands, og Haraldur Noregskon-
ungur.
ÞRIGGJA til fjögurra millimetra
gat kom á rúðu í strætisvagni, leið
11 í áætlunarakstri eftir að skotið
var á vagninn í Mjóddinni á sjöunda
tímanum á mánudagskvöld. Enginn
meiddist en farþegum var mjög
brugðið. Líklegt er að loftriffíll hafi
verið notaður við verknaðinn. Skot-
ið kom í vagninn hægi'a megin í
fyrstu hliðarrúðuna.
Sveinn Matthíasson vagnstjóri á
var undir stýri þegar atburðurinn
átti sér stað og voru um 30 farþegar
í vagninum. Sveinn var á leið úr
Álfabakkanum inn í Mjóddina og
hafði ekki stöðvað vagninn þegar
skotið reið af. „Það var það mikill
hávaði þegar rúðan brast að hvell-
urinn var eins og byssuskot," sagði
Sveinn. „Ég tæmdi vagninn á auga-
bragði og sagði farþegum að hann
færi ekki lengra og benti þeim á
aðra bila sem voru að koma. Lög-
reglan var síðan kvödd á staðinn og
henni gefín skýrsla." Öryggisgler er
í glugganum og hékk rúðan því uppi
þangað til niður á viðgerðasvæðið
við Kirkjusand var komið þar sem
gert var við skemmdirnar. Rann-
sókn málsins er í höndum rann-
sóknardeildar lögreglunnar í
Reykjavík.
Nokki-um mínútum áður en skot-
ið var á leið 11 var skotið á leið 3 á
svipuðum slóðum, en þá kvarnaðist
úr rúðu í vagninum.
Forstjóra Landmælinga íslands
vikið úr embætti
Nefndin reyndist
vera klofín í áliti
Fráveitusamningur Reykjanesbæjar og varnariiðsins
Lagðar safnrásir fyrir
allt skólp af svæðinu
Morgunblaðið/Golli
DANIEL L. Klappel flotaforingi, Allen Efraimson, yfirmaður flota-
stöðvar varnarliðsins á Keflavíkurflugvelli, Ellert Éiríksson bæjar-
stjóri í Reykjanesbæ, og Krislján Pálsson, formaður samninga- og
verkefnisnefndar frárennslismála, við undirritun fráveitusamningsins
í gær.
MÁLEFNI forstjóra Landmælinga
íslands hafa verið til meðferðar hjá
sérstakri nefnd samkvæmt 1. mgr.
27. gr. laga um réttindi og skyldur
starfsmanna ríkisins nr. 70/1996. í
fréttatilkynningu frá umhverfísráðu-
neytinu segir að álit meirihluta
nefndarinnar, sem barst ráðuneytinu
hinn 9. september sl., sé að ráðuneyt-
inu hafi verið rétt að veita Ágústi
Guðmundssyni lausn um stundarsak-
ir frá embætti forstjóra Landmæl-
inga Islands hinn 16. apríl sl.
Umhverfisráðherra hefur, með vís-
an til álits nefndarinnar og 2. mgr.
29. gr. áðurnefndra laga, vikið Ágústi
Guðmundssyni að fullu úr embætti
forstjóra Landmælinga Islands frá
og með 15. september.
Jóhannes Sigurðsson, lögfræðing-
ur forstjóra Landmælinga, segir að
minnihluti nefndarinnar hafi ekki
talið ávirðingarnar geta réttlætt
brottvikningu Ágústar úr starfinu.
„Meirihluti nefndarinnar kemst að
þeirri niðurstöðu að Ágúst hafi ekki
gert fullkomlega rétt varðandi fjögur
atriði og því hafi verið rétt að víkja
honum úr starfi um stundarsakir.
Nefndin tekur hins vegar sérstak-
lega fram að hún taki ekki afstöðu til
þess hvort víkja bæri forstjóranum
úr starfi að fullu. Minnihlutinn telur
hins vegar að þessar ávirðingar geti
ekki réttlætt þá brottvikningu sem
gerð var um stundarsakir á sínum
tíma, og við teljum að minnihlutinn
hafi haft rétt íyrir sér.
Nefndin í heild var sammála því að
ellefu af þeim fimmtán ávirðingum
sem bornar voru á forstjóra Land-
mælinga hafí verið „sparðatíningur“,
og í raun ættu aðeins fjórar athuga-
semdii' að koma til skoðunar.
Lögum samkvæmt bar ráðherra
að gefa Ágústi kost á að tjá sig um
niðurstöðu nefndarinnar áður en
ákvörðun var tekin um að víkja hon-
um úr starfi að fullu. Ráðherra braut
þennan andmælarétt Ágústar og
ákvörðunin er því augljóslega ólög-
mæt og mun henni hnekkt með að-
stoð dómstóla," segir Jóhannes Sig-
urðsson.
FULLTRÚAR Reykjanesbæjai' og
varnarliðsins á Keflavíkurflugvelii
undirrituðu í gær samning um upp-
byggingu og rekstur fráveitu fyrir
Keflavíkurflugvöll og Njarðvíkm--
hverfi, en á svæðinu búa samtals um
sjö þúsund manns.
Lagðar verða safnrásir fyrir allt
skólp af svæðinu og fjarlægðar
gamlar útrásir sem nú eru í fjörum.
Skólpið verður hreinsað í samræmi
við lög og reglur sem í gildi eru og
því dælt 850 metra út í sjó. Kristján
Pálsson, formaður samninga- og
verkefnisnefndar frárennslismála,
sem hefur haft umsjón með gerð
samningsins fyrir hönd Reykjanes-
bæjar, segir að með þessu hafi varn-
arliðið og þessi hluti Reykjanesbæj-
ar uppfyllt allar þær reglur sem lúta
að hreinsun skólps.
Reykjanesbær sér um alla
framkvæmd og fjármögnun
„Safnrásirnar sem taka við skólp-
inu eru um 4,2 km að lengd og útrás-
in sjálf um 850 metrar, þannig að
þetta eru um 5 km alls,“ segir Krist-
ján. Samningurinn, sem er gerður til
tíu ára hið minnsta, hljóðar upp á
um 450 milljónir króna, sem skiptast
þannig að Reykjanesbær greiðir
48% og vamarliðið 52%. Reykjanes-
bær mun sjá um alla framkvæmd og
fjármagna hana um leið, einnig
hluta Bandaríkjamanna, sem munu
svo endurgreiða sinn hluta sam-
kvæmt nánara samkomulagi á árinu
2003. Kostnaður við rekstur frá-
veitukerfisins mun skiptast í sam-
ræmi við notkun.
„Þetta hefur verið nokkuð löng
samningalota en við þófum þessar
viðræður árið 1990. í upphafi var
fengið bandarískt ráðgjafarfyrirtæki
til þess að áætla hvað þetta myndi
geta kostað og hvar væri best að
leggja slíka útrás, en það náðist ekki
samkomulag um niðurstöður ráð-
gjafarfyrirtækisins, fyrst og fremst
vegna þess að skipting kostnaðar vai'
okkur mjög óhagstæð og verkið var
óheyiilega dýrt,“ segir Iíristján, sem
telur nýja samninginn mjög hag-
stæðan. Fyrri áætlanir gerðu ráð
fyrir því að útrásin, sem er tæpur
kflómetri að lengd, yrði sprengd nið-
ur í sjávarbotninn en nú stendur til
að leggja plastlögn ofan á botninn og
festa hana niður með ankerum.
Þetta segir hann vera mun ódýrari
lausn og alveg jafnörugga.
Eftir er að ljúka við hönnun svo
hægt verði að gera útboðsgögn en
gert er ráð fyrir að útboð geti fai'ið
fram í byrjun næsta árs og að verkinu
verði lokið á næstu tveimur árum.
Boðahlein 9 — Hrafnista
85 fm vandað raðhús — þjónustuíbúð
nýkomið í einkasölu. Húsið er á svæðinu næst Hrafnistu í Hafnar-
firði. Stór stofa, svefnherb., eldhús, þvhús og garðskáli. Allt f mjög
góðu ástandi. Þjónusta frá Hrafnistu. Ekkert áhv. Laust strax.
Ámi Gunnlaugsson hrl.,
Austurgötu 10, sími 555 0764.