Morgunblaðið - 31.08.1999, Page 64

64 ÞRIÐJUDAGUR 31. ÁGÚST 1999
MORGUNBLAÐIÐ
# _______________________________________
FÓLK í FRÉTTUM
FRUMSYNINGAR I DAG
ÞRJÁR myndir verða frumsýnd-
ar á Kvikmyndahátíð í Reykjavík
í dag. Þar á meðal er kvikmynd-
in Non Stop eftir Ólaf Sveinsson,
sem búsettur er í Þýskalandi, en
viðtal er við Ólaf hér á síðunni.
Sígaunalíf Emirs Kusturicas er
sýnd í fyrsta skipti á hátíðinni í
dag, en tónlistin í þeirri mynd
-3 hefur notið mikilla vinsælda og
er Kusturica þar á svipuðum
slóðum og í nýjustu mynd sinni,
Svörtum ketti, hvítum ketti, þar
sem líf sigauna er í brennidepli.
Saga Annabel Chong verður
einnig frumsýnd í dag en myndin
hefur hlotið fádæma umtal og
var uppselt á allar sýningarnar á
Sundance-kvikmyndahátíðinni.
Eflaust á myndin eftir að verða
umtöluð hér sem annars staðar.
Allar myndir Kusturicas eru
nú komnar í sýningu og eins eru
allar myndir Stanleys Kubricks í
sýningu í bænum fyrir utan síð-
ustu mynd hans, Eyes Wide
Shut, sem er lokamynd hátíðar-
innar.
Sígaunalíf
Dom za vesanje ‘89
Emir Kusturica/Júgóslavía
KVIKMYNDIN Sígaunalíf var tekin upp í Sarajevo og segir þroskasögu
unga sígaunastráksins Perhan, sem býr yfír sjáandahæfileikum. Hann býr
hjá góðri ömmu sinni, ásamt fatlaðri systur og frænda sem er vonlaus
spilafíkOl. Ahmed, konungur sígaunabúðanna, lokkar Perhan með sér tU
borgarinnar þar sem hann kennir honum þá tvíræðu list að stela, lætur
hann vinna fyrir sig og lofar í staðinn að byggja hús handa Perhan og ást-
inni hans Azra sem bíður heima hjá ömmu hans á meðan.
Kusturica var kosinn besti leikstjórinn á Cannes kvikmyndahátíðinni árið
1989 fyrir Sígaunalíf, sem þykir mjög áhugaverð fyrir þá litríku innsýn sem
hún gefur í lifnaðarhætti sígauna og mun auk þess vera fyrsta kvikmyndin
sem er tekin algjörlega á þeirra tungumáli. En fyrst og fremst hefur þó
kvikmyndin hlotið athygli fyrir að vera heUlandi og áhrifarík á alla vegu.
Nonstop
Nonstop 1998
Ólafur Sveinsson/Þýskaland
HEIMILDARMYND íslendingsins Ólafs Sveinssonar sem búsettur er í
Berlín verður sýnd í fyrsta skipti á Islandi í dag. Myndin lýsir sólarhring á
bensínstöð einni í Berlín sem er eins konar stoppistöð fyrir fólkið í hverfinu.
Leigubílstjórar, byggingarverkamenn, eldri borgarar og kynskiptingur
* heimsækja bensínstöðina og á einum sólarhring er búið að kynna tU sög-
unnar dágóðan þverskurð af mannlífi borgarinnar. Lífssögur venjulegs
fólks eru sagðar við hvíta óhrjálega plastborðið á bensínstöðinni og aldrei er
dauður tími allan sólarhringinn.
HeimUdarmynd Ólafs Sveinssonar er fyrsta mynd hans í fullri lengd, en
hann á að baki fjölda leikinna stuttmynda. Nonstop er útskriftarverkefni
Ólafs úr þýsku kvikmynda- og sjónvarpsakademíunni í Berlín. Myndin var
sýnd á Kvikmyndahátíðinni í Berlín fyrr á þessu ári og hlaut hún þar mjög
■ góðar viðtökur áhorfenda og eins hefur myndin fengið mjög lofsamlega
dóma í þýskum blöðum.
Dagskrá Kvikmynda-
hátíðar í Reykjavík
þriðjudaginn 1. september

Kl. 17:00 Kynlíf Annabel Chong Full Metal Jacket Ástkær
Kl. 19:00 Kynlíf Annabel Chong
Kl. 19:15 Slam
Kl. 21:00 Kynlíf Annabel Chong Slam Makaskipti
Kl. 23:00 Kynlíf Annabel Chong Full Metal Jacket
Kl. 23:20 The Shining
[regnboginn
KI. 16:00 Lífshamingia
Kl. 17:00 Börn himinsins
Kl. 18:30 Lífshamingia
Kl. 19:00 Síöustu dagarnir Þrjár árstíöir
Kl. 21:00 Lífshamingja Arizona draumurinn
Kl. 23:30 Lífshamingja Trikk
iitfcMÍÍj L A B í Ó
Kl. 16:50 Winslow-strákurinn
Kl. 17:00 Lucky People Center
Kl. 19:00 Rottufangarinn Meö hraði (Non Stop)
Kl. 21:00 Svartur köttur, hvrtur köttur Manstu eftir Dolly Bell
Kl. 23.00 Sígaunaltf Upp meö hendur
Annabel
Chong
SEX: The Annabel
Chong Story 1999
Gough Lewis/Bandaríkin
í JANÚAR árið 1995 komst hin 22ja
ára Annabel Chong á spjöld sögunn-
ar er hún hafði kynmök við 251 karl-
mann á tíu tímum. I heimildarmynd-
inni Saga Annabel Chong er fjallað
um ástæður hennar fyrir þessu um-
deilda heimsmeti. Sú ímynd sem oft-
ast er dregin upp af klámmynda-
stjörnum er klisjukennd og segir
þær hafa sterka sjálfseyðingarhvöt,
lifa í eilífri blekkingu og séu misnot-
uð fórnarlömb þeiiTa sem ráða ríkj-
um í iðnaðinum. Annabel neitar
þessu alfarið og segir að klámið sé
tæki sem hún noti til að uppfylla
kynferðislega draumóra og fá sínu
framgengt.
En er sálarlíf stúlkunnar er kann-
að ofan í kjölinn í myndinni fer
áhorfandinn að átta sig á margbrot-
inni persónu Chong, hvert hennar
innra eðli raunverulega er og hvern-
ig forsagan hefur mótað hana.
Myndin er aðallega byggð upp á
viðtölum við Chong, fjölskyldu henn-
ar í Singapore og vini og kunningja
og er gerð í samráði við aðalpersón-
una.
Manneskjan
í fyrirrúmi
✓
Heimildarmynd Olafs Sveinssonar, Nonstop,
verður frumsýnd á Islandi í kvöld. Dóra Osk
-----------7-------------
Halldörsdóttir hitti Olaf, sem gagnrýnendur í
-------------7-----------
Þýskalandi tala um sem Islendinginn sem fann
hina sönnu Berlín úti á bensínstöð.
Morgunblaðið/Jón Svavarsson
Ólafur Sveinsson frumsýnir mynd sína,
Nonstop, á Islandi í kvöld.
ÞEGAR heimildarmynd Ólafs
Sveinssonar, Nonstop, var
sýnd á kvikmyndahátíðinni í
Berlín fyrr á þessu ári fékk
hún mjög góða dóma hjá
þýskum gagnrýnendum og
var mikið talað um þennan ís-
lending sem fann hjartslátt
hinnar sönnu Berlínarborgar
úti á næstu bensínstöð. Silvia
Hallensleben sagði í dómi sín-
um um myndina í Tagesspi-
egel að myndin ætti að vera
skylduáhorf hjá öllum þeim
sem koma í íýrsta skipti til
borgarinnar. I dómnum segir
ennfremur að Ólafi takist
óvenju vel að draga fram
tragikómedíuna sem felst í lífi
venjulegs fólks sem í enda-
lausri leit sinni að hamingju
kynnist kannski oftar von-
brigðum. í Die Tageszeitung
fær Ólafur mikið hrós íyrir að
nálgast viðfangsefni sitt, fólk-
ið sem heimsækir bensínstöðina, af
mikilli alúð og virðingu og að myndin
sýni vel „alvöru fólk í brjálaðri
borg“.
- Nú hefur Nonstop veríð mjög
vel tekið í Þýskalandi og þar þótt
næmt gests augað. Hvernig er að
sýna myndina hérna heima?
„Það er auðvitað öðruvísi. Það
koma margir af mínum vinum og
kunningjum og það verður gaman að
heyra álit þeirra. Eins er það öðru-
vísi því þetta er þýsk mynd gerð af
Islendingi um bensínstöðina úti á
horni hjá mér í Berlín.“
Nonstop verður á næstunni sýnd í
Hamborg, Frankfurt, Bremen og
Köln og mun Ólafur fylgja henni eft-
ir og kynna í fjölmiðlum. „Líklega
byrjar þessi herferð í nóvember og
áætlunin er að hún verði sýnd í tíu,
ellefu borgum. „Nonstop var sýnd í
rúmar fimm vikur í einu besta bíóinu
í Berlín fyrir listrænar myndir og nú
er að koma henni víðar og ég sé um
dreifinguna sjálfur." Að auki er Ólaf-
ur kominn í samband við fyrirtæki í
Frankfúrt sem mun sjá um dreifingu
á heimsvísu.
Ólafur segir mörg dæmi þess að
Þjóðverjar fjármagni myndir er-
lendra kvikmyndaleikstjóra og að
því leyti hái það sér ekki að vera ís-
lenskur kvikmyndagerðarmaður í
Þýskalandi. „Núna er ég kominn í
gott samstarf við fyrirtæki í Köln og
er að skipuleggja mynd sem ég von-
andi næ að taka hérna heima á
næsta ári.“
-Hvaða mynd er það?
„Ég vil nú helst segja sem minnst
um hana,“ segir Ólafur brosandi, en
þegar gengið er á hann segir hann
að hann sé þegar búinn að skrifa
uppkast að mynd og að hann sé kom-
inn í samband við framleiðslufyrir-
tæki í Köln og sjónvarpsstöð, sem
hefur keypt fjórar myndir eftir hann
og vill taka þátt í framleiðslu nýrrar
myndar.
„Ég hafði hugsað mér að gera
heimildarmynd um Hlemm, en frá
því að hugmyndin fæddist hefur lög-
reglan í Reykjavík fengið sér hafna-
boltahúfur að bandarískri íyrirmynd
og staðið fyrir hreinsunaraðgerðum
og rekið allt það fólk úr miðbænum
sem truflar tilveru sómasamlegra
borgara samkvæmt mottóinu: Þetta
er ekki til svo lengi sem maður sér
það ekki. En fyrir vorhreingerningar
lögreglunnar í miðbænum var hægt
að finna á Hlemmi Reykjavík mann-
lífið í hnotskurn; allt frá skólabörn-
um til gamalmenna, geðsjúklinga,
róna, fólk sem var að koma úr vinnu
og svo framvegis. Ef svona mynd er
tekin upp á löngum tíma þar sem
árstíðirnar spila inn í er hægt að fá
mjög skemmtilega og raunsanna
mynd af lífinu og fólkinu í Reykjavík
og kannski pínulítið óvenjulega."
-Höfðar það fólk sem sjaldnast
sést á hvíta tjaldinu meira til þin?
„Já, það er miklu áhugaverðara
en svokallað mikilvægt fólk sem er
oft búið að koma sér upp grímu sem
er erfitt að fá það til að fella. Það er
alveg nóg að sjá það sífellt í frétta-
tímum sjónvarpsstöðvanna. Maður
kemst oft ekkert nálægt því fólki
sem manneskjum. Og það er mann-
eskjan sem ég hef mestan áhuga á.“
- Og kannski sögur sem eru sjald-
an sagðar?
„Sögur sem eru sjaldan sagðar
eða örlög hins venjulega manns.
Þeir hversdagslegu hlutir sem eru
alls staðar í kringum okkur en vekja
oft litla eftirtekt. Þær sögur finnst
mér segja mér mest um það samfé-
lag sem við lifum í.“
- Nú er Nonstop fyrsta heimildar-
myndin sem þú gerir, en áður hef-
urðu gert margar leiknar stutt-
myndir. Höfðar heimildarmyndin
sterkar til þín um þessar mundir en
leiknar myndir?
„Ég uppgötvaði við vinnsluna á
Nonstop að það er mikið til í því sem
Þorgeir Þorgeirsson sagði á sínum
tíma um að menn ættu fyrst að gera
heimildarmyndir áður en þeir snúa
sér að leiknum myndum. Ég lærði
alveg gífurlega mikið um þýskt sam-
félag í gegnum það að gera mynd
um fólkið á bensínstöðinni minni, án
þess að það væri markmiðið í upp-
hafi.“
- Sérðu ísland allt öðrum augum
eftir veru þína erlendis?
„Fyrst þegar ég kom í heimsókn
til íslands eftir langa veru í Berlín
fannst mér Island hafa breyst mjög
mikið en svo komst ég að því að í
rauninni hafði ísland ekki breyst
svo mikið heldur mín sýn á landið.
En auðvitað finn ég fyrir því að vita
ekki nákvæmlega hvar púlsinn í
samfélaginu er, en á sama tíma gerir
sú óvissa það ennþá meira spenn-
andi að skoða samfélagið með aug-
um kvikmyndagerðarmannsins og
um leið skoða rætur mínar og bak-
grunn.“
Ólafur segir að þegar hann hafi
upphaflega farið til Þýskalands hafi
hann sett sér þrjú markmið: Að
komast í þýskunámskeið í háskólan-
um, komast inn í kvikmyndaskólann
og að skapa sér nafn í Þýskalandi.
„Núna er ég búinn að ná fyrstu
tveimur markmiðunum og það er til
fólk í Þýskalandi sem veit að ég er
til, svo þetta lítur ágætlega út,“ seg-
ir Ólafur að lokum.