Morgunblaðið - 01.09.1999, Side 18

18 MIÐVIKUDAGUR 1. SEPTEMBER 1999
MORGUNBLAÐIÐ
Stefnir í
góða kart-
öfluupp-
skeru
ÞRÁTT fyrir að vorað hafí seint á
Norðurlandi og kartöflubændur hafi
sett útsæðið niður í seinna lagi þá
stefnir í góða uppskeru, betri en hef-
ur verið síðustu ár að sögn Ólafs
Vagnssonar ráðunauts. Ólafur segir
að sumarið hafí verið hliðhollt kart-
öflubændum og gott jafnvægi milli
þurrka, hlýinda og úrkomu geri það
að verkum að sprettutíð hafí verið
mjög góð í sumar. Ef ekki verða
mikil næturfrost á næstu tveimur
vikum telur Ólafur að uppskeran
verði mjög góð.
„Ég held að það sé óhætt að segja
að það stefni í betri uppskeru en ver-
ið hefur í mörg ár. Þrátt fyrir að vor-
aði seint hér á Eyjaíjarðarsvæðinu
þá hefur sprettutíð verið afar hag-
stæð. Uppskeran er nú þegar orðin
mjög þokkaleg en ef ekkert nætur-
frost verður næstu tvær vikur þá
munum við sjá mjög góða uppskeru
að þeim liðnum,“ sagði Ólafur. Hann
sagði að sumir bændur væru þegar
byrjaðir að taka upp en almennt
byrjuðu bændur af fullum krafti eftir
eina til tvær vikur að koma kartöfl-
unum í hús.
„Það tekur þá svona tvær til þrjár
vikur að taka upp. Það er nú reyndar
nú þegar búið að taka upp kartöflur
fyrir sumarmarkaðinn. Þar hefur
sala verið betri en oft áður, en sú
stefna var tekin í vor að hafa verð á
þeim lægra en undanfarin ár,“ sagði
Ólafur og bætti við í lokin að óhætt
væri að segja að horfurnar væri
ljómandi góðar hvað varðaði kart-
öfluuppskeru.
GÓLFEFNABÚÐIN
Mikið lirval
fallegra flísa
Borgartún 33 • RVK
Laufósgata 9 • AK
börn 2*
Barnaúlpur frá 149C
Dömupeysur frá 990
Herraskyrtur frá 690
Flíspeysur frá 1990
Opið
mánudaga-
fimmtudaga 10-18
föstudaga 10-19
laugardaga 10-18
sunnudaga 12-17
AKUREYRI
Hluti starfsmanna sem sagt var upp hjá Skinnaiðnaði endurráðinn
Ovissa um kaup á gærum
SKINNAIÐNAÐUR hf. á Akureyri
mun salta ríflega 300 þúsund gærur
á þessu hausti eins og undanfarin
haust, samkvæmt samningi við slát-
urleyfíshafa. Að sögn Bjarna Jónas-
sonar framkvæmdastjóra liggur
hins vegar ekki fyrir á þessari
stundu hversu mikið magn af gær-
um fyrirtækið mun kaupa, né held-
ur á hvaða verði.
„Við þurfum að kaupa eitthvað af
gærum og það sem við ekki kaupum
munum við reyna aðstoða menn við
koma í verð annars staðar og er
m.a. verið að skoða möguleika á út-
flutningi." Sláturtíðin er hafin víða
um land en fer í fullan gang um
miðjan september.
Fyrr í sumar var 37 starfsmönn-
um Skinnaiðnaðar sagt upp störfum
og áttu flestar uppsagnimar að
koma til framkvæmda í október.
Þær aðgerðir miðuðust fyrst og
fremst að því að minnka birgðahald
og fjárbindingu í birgðum.
Rekstrarárinu Iauk í gær
Bjami sagði að þegar hefðu 10-15
uppsagnir verið teknar til baka en
einhverjir starfsmenn hafa ráðið sig
í aðra vinnu. Hjá fyrirtækinu starfa
nú tæplega 70 manns.
Rekstrarári Skinnaiðnaðar lauk í
gær en Bjarni vildi ekki tjá sig um
stöðu fyrirtækisins á þeim tímamót-
um. „Það kemur bara í ljós þegar
menn fara að setjast yfír uppgjör,"
sagði Bjarni og vildi heldur ekki tjá
sig um framtíðarhorfur.
Eins og komið hefur fram hefur
heimsmarkaður fyrir mokkaskinn
dregist veralega saman sl. ár frá ár-
unum 1995-1997 en á þessum tíma
hefur Skinnaiðnaði tekist að halda
markaðshlutdeild sinni á öllum
helstu mörkuðum. Þrátt fyrir fyrir-
sjáanlegan samdrátt sl. haust
keypti fyrirtækið hrágærar frá öll-
um innlendum birgjum sínum í
trausti þess að markaðir myndu
taka við sér á ný. Ætlunin var að
selja hluta af þessum skinnum á
rekstrarárinu sem nú var að ljúka
en að hluti þeirra yrði hálfunnin til
fullvinnslu og sölu síðar. Þar sem
markaðir voru seinni að taka við sér
en ráð var fyrir gert eru birgðir á
hálfunnu vinnslustigi hjá fyrirtæk-
inu meiri en gert var ráð fyrir í upp-
hafí rekstrarársins. Innflutningi á
gæram hefur því verið hætt og sem
fyrr segir er ekki ljóst á þessari
stundu hversu mikið verður keyþt
af innlendum gæram.
:
I
t 1
l
\
KOKKUR!
Matreiðslumann vantar á LINDINA, Akureyri.
Um framtíðarstarf er að ræða.
Umsækjandi þarf að geta hafið störf sem fyrst.
Góð laun eru í boði fyrir réttan einstakling.
Upplýsingar gefur Valdimar Valdimarsson.
Vinnusími 461 3008. GSM 897 4792.
MYNDLISTARMAÐUR septem-
bermánaðar í Listfléttunni á Akur-
eyri er Erla Sigurðardóttir. Sýning
hennar í Listfléttunni verður opin kl.
11-18 alla virka daga og 11-14 á
laugardag, nema fyrsta laugardag
mánaðarins en þá er hún opin kl.
11-16.
Erla Sigurðardóttir lauk prófí úr
málaradeild Myndlista- og handíða-
skóla íslands árið 1988 en sumarið
1991 var hún við nám í Trier í Þýska-
landi. Hún hefur haldið einkasýning-
ar bæði hér á landi og í Svíþjóð.
Frá árinu 1991 hefur hún mynd-
skreytt barnabækur og hlotið fyrir
það viðurkenningu bæði hér á landi
og erlendis. Auk þess að vinna við
myndlist kennir Erla við Myndlistar-
skóla Kópavogs.
Listfléttan er til húsa í Göngugöt-
unni á Akureyri
Listfléttan
Veðurklúbb-
urinn spáir
fyrir sept-
embermánuð
VEÐURKLÚBBURINN á Dal-
bæ, Dalvík hefur sent frá sér
veðurspá sína fyrir septeinber-
mánuð. Samkvæmt henni mun
veðrið að mestu leyti verða
ágætt, hiti yfír meðallagi en
heldur verður meira af hvöss-
um suðaustlægum áttum en
hefur verið og einhver væta
mun verða í mánuðinum.
Einnig kemur fram í fréttatil-
kynningu frá veðurklúbbnum
að félagar hans eru ánægðir
með sumarspána og telja hana
hafa staðist að mestu.
Klúbbmeðlimir telja að veðr-
ið í mánuðinum verði köflótt
og óstöðugt, jafnvel svokallað
sýnishornaveður. Fyrstu dag-
arnir í mánuðinum skipta
mestu máli fyrir framhald
haustveðursins og sérstaklega
1. september sem er Egidíusar-
messa.
Meðlimir veðurklúbbsins
eiga von á hraustlegu hvass-
viðri í mánuðinum, annaðhvort
í kringum 9. september eða í
kringum tunglfyllinguna hinn
25. Einnig vildu þeir mejna að
líklegt væri að eitthvað myndi
gerast í Kötlu á næstu átta vik-
um. Að lokum vildi einn félag-
inn meina það að september og
haustveðrið yrði svipað og árið
1930, en þá var snjólaust fram
yfír jól.
Morgunblaðið/Kristján
Július Kristjánsson fyrir framan Nýjabæ en í baksýn má greina minnisvarðann um þau hjón, Jón og Rósu.
Hundrað ara hús
á Dalvík gert upp
NÝIBÆR heitir íbúðarhús á Dalvík
og er það aldargamalt á þessu ári.
Það telst elsta íbúðarhús á Dalvík og
hafa eigendur þess unnið að því að
gera húsið upp en það er bárujárns-
klætt timburhús á steyptum granni,
með hæð og ris. Að sögn Júlíusar
Kristjánssonar, eins af eigendum
hússins, gremst honum sú stefna
bæjarstjórnar Dalvíkurbyggðar að
styðja ekki við varðveislu gamalla
húsa. Hann bendir á að mörg slík
hús séu í niðurníðslu á Dalvík og bú-
ið sé að selja eitt úr byggðarlaginu.
Gremst áhugaleysi
bæjarstjórnar
„Bæjaryfírvöld hafa ekki sýnt
þessu máli neinn áhuga og virðast
engan áhuga hafa á að viðhalda
gömlum íbúðarhúsum, heldur selja
þau frekar eða gefa úr byggðarlag-
inu,“ sagði Júlíus. Hann sýnir einnig
blaðamanni bréf frá Magnúsi Skúla-
syni, hjá húsafriðunarnefnd ríkisins,
þar sem hann segir það sitt mat að
húsið skuli styrkt af Húsafriðunar-
sjóði. í bréfínu segir einnig um varð-
veislu gamalla húsa á Dalvík í ná-
grenni við Nýjabæ: „Því miður virð-
ist þróunin stefna í aðra átt, því um-
hverfið og nærliggjandi hús era í
niðumíðslu og jafnvel stendur til að
rífa merkilegt hús í nágrenninu.
Þetta er miður fyrir Dalvík þegar til
heildar byggðarinnar er litið.“ Afrit
af þessu bréfí var síðan sent bygg-
ingafulltrúa Dalvíkurbyggðar.
Nýibær var byggður árið 1899 af
Jóni Stefánssyni og mun hafa verið
eitt af fyrstu húsum á svæðinu sem
ekki var byggt úr torfí og grjóti. Jón
er sagður hafa verið lagtækur smið-
ur sem starfaði einnig að því að
byggja Tjarnarkirkju í Svarfaðardal
árið 1892 en sú kirkja stendur enn.
Minnisvarði í garðinum
í eldhúsinu á Nýjabæ var fyrsta
pósthús Dalvíkinga en Jón Stefáns-
son var pósthirðingamaður frá lok-
um nítjándu aldar fram á fjórða ára-
tug þessarar aldar. Þess má geta að í
garðinum við húsið stendur minnis-
varði frá árinu 1986 um Jón Stefáns-
son og konu hans, Rósu Þorsteins-
dóttur, en minnisvarðinn var reistur
af afkomendum þeirra.
Eins og áður segir hafa eigendur
hússins unnið ötullega að varðveislu
þess en Júlíus segir að sér hafí
gramist sá litli skilningur sem yfír-
völd bæjarins hafí sýnt á málinu.
Húseigendur fengu þó 250.000 króna
styrk frá Menningarsjóði Svarfdæla
til viðhalds húsinu. Einnig lagði
Húsafriðunarsjóður fram 100.000
krónur og hefur gefíð vilyrði sitt fyr-
ir öðra eins framlagi.